देखि रसाल बिटप बर साखा। तेहि पर चढ़ेउ मदनु मन माखा।। सुमन चाप निज सर संधाने। अति रिस ताकि श्रवन लगि ताने।। छाड़े बिषम बिसिख उर लागे। छुटि समाधि संभु तब जागे।। भयउ ईस मन छोभु बिसेषी। नयन उघारि सकल दिसि देखी।। सौरभ पल्लव मदनु बिलोका। भयउ कोपु कंपेउ त्रैलोका।। तब सिवँ तीसर नयन उघारा। चितवत कामु भयउ जरि छारा।। हाहाकार भयउ जग भारी। डरपे सुर भए असुर सुखारी।। समुझि कामसुखु सोचहिं भोगी। भए अकंटक साधक जोगी।।

dēkhi rasāla biṭapa bara sākhā. tēhi para caḍhaēu madanu mana mākhā.. sumana cāpa nija sara saṃdhānē. ati risa tāki śravana lagi tānē.. chāḍaē biṣama bisikha ura lāgē. chuṭi samādhi saṃbhu taba jāgē.. bhayau īsa mana chōbhu bisēṣī. nayana ughāri sakala disi dēkhī.. saurabha pallava madanu bilōkā. bhayau kōpu kaṃpēu trailōkā.. taba sivaom tīsara nayana ughārā. citavata kāmu bhayau jari chārā.. hāhākāra bhayau jaga bhārī. ḍarapē sura bhaē asura sukhārī.. samujhi kāmasukhu sōcahiṃ bhōgī. bhaē akaṃṭaka sādhaka jōgī..

जोगि अकंटक भए पति गति सुनत रति मुरुछित भई। रोदति बदति बहु भाँति करुना करति संकर पहिं गई। अति प्रेम करि बिनती बिबिध बिधि जोरि कर सन्मुख रही। प्रभु आसुतोष कृपाल सिव अबला निरखि बोले सही।।

jōgi akaṃṭaka bhaē pati gati sunata rati muruchita bhaī. rōdati badati bahu bhāomti karunā karati saṃkara pahiṃ gaī. ati prēma kari binatī bibidha bidhi jōri kara sanmukha rahī. prabhu āsutōṣa kṛpāla siva abalā nirakhi bōlē sahī..

तदपि करब मैं काजु तुम्हारा। श्रुति कह परम धरम उपकारा।। पर हित लागि तजइ जो देही। संतत संत प्रसंसहिं तेही।। अस कहि चलेउ सबहि सिरु नाई। सुमन धनुष कर सहित सहाई।। चलत मार अस हृदयँ बिचारा। सिव बिरोध ध्रुव मरनु हमारा।। तब आपन प्रभाउ बिस्तारा। निज बस कीन्ह सकल संसारा।। कोपेउ जबहि बारिचरकेतू। छन महुँ मिटे सकल श्रुति सेतू।। ब्रह्मचर्ज ब्रत संजम नाना। धीरज धरम ग्यान बिग्याना।। सदाचार जप जोग बिरागा। सभय बिबेक कटकु सब भागा।।

tadapi karaba maiṃ kāju tumhārā. śruti kaha parama dharama upakārā.. para hita lāgi tajai jō dēhī. saṃtata saṃta prasaṃsahiṃ tēhī.. asa kahi calēu sabahi siru nāī. sumana dhanuṣa kara sahita sahāī.. calata māra asa hṛdayaom bicārā. siva birōdha dhruva maranu hamārā.. taba āpana prabhāu bistārā. nija basa kīnha sakala saṃsārā.. kōpēu jabahi bāricarakētū. chana mahu miṭē sakala śruti sētū.. brahmacarja brata saṃjama nānā. dhīraja dharama gyāna bigyānā.. sadācāra japa jōga birāgā. sabhaya bibēka kaṭaku saba bhāgā..

उभय घरी अस कौतुक भयऊ। जौ लगि कामु संभु पहिं गयऊ।। सिवहि बिलोकि ससंकेउ मारू। भयउ जथाथिति सबु संसारू।। भए तुरत सब जीव सुखारे। जिमि मद उतरि गएँ मतवारे।। रुद्रहि देखि मदन भय माना। दुराधरष दुर्गम भगवाना।। फिरत लाज कछु करि नहिं जाई। मरनु ठानि मन रचेसि उपाई।। प्रगटेसि तुरत रुचिर रितुराजा। कुसुमित नव तरु राजि बिराजा।। बन उपबन बापिका तड़ागा। परम सुभग सब दिसा बिभागा।। जहँ तहँ जनु उमगत अनुरागा। देखि मुएहुँ मन मनसिज जागा।।

ubhaya gharī asa kautuka bhayaū. jau lagi kāmu saṃbhu pahiṃ gayaū.. sivahi bilōki sasaṃkēu mārū. bhayau jathāthiti sabu saṃsārū.. bhaē turata saba jīva sukhārē. jimi mada utari gaēom matavārē.. rudrahi dēkhi madana bhaya mānā. durādharaṣa durgama bhagavānā.. phirata lāja kachu kari nahiṃ jāī. maranu ṭhāni mana racēsi upāī.. pragaṭēsi turata rucira riturājā. kusumita nava taru rāji birājā.. bana upabana bāpikā taḍaāgā. parama subhaga saba disā bibhāgā.. jahaom tahaom janu umagata anurāgā. dēkhi muēhu mana manasija jāgā..

सब के हृदयँ मदन अभिलाषा। लता निहारि नवहिं तरु साखा।। नदीं उमगि अंबुधि कहुँ धाई। संगम करहिं तलाव तलाई।। जहँ असि दसा जड़न्ह कै बरनी। को कहि सकइ सचेतन करनी।। पसु पच्छी नभ जल थलचारी। भए कामबस समय बिसारी।। मदन अंध ब्याकुल सब लोका। निसि दिनु नहिं अवलोकहिं कोका।। देव दनुज नर किंनर ब्याला। प्रेत पिसाच भूत बेताला।। इन्ह कै दसा न कहेउँ बखानी। सदा काम के चेरे जानी।। सिद्ध बिरक्त महामुनि जोगी। तेपि कामबस भए बियोगी।।

saba kē hṛdayaom madana abhilāṣā. latā nihāri navahiṃ taru sākhā.. nadīṃ umagi aṃbudhi kahu dhāī. saṃgama karahiṃ talāva talāī.. jahaom asi dasā jaḍanha kai baranī. kō kahi sakai sacētana karanī.. pasu pacchī nabha jala thalacārī. bhaē kāmabasa samaya bisārī.. madana aṃdha byākula saba lōkā. nisi dinu nahiṃ avalōkahiṃ kōkā.. dēva danuja nara kiṃnara byālā. prēta pisāca bhūta bētālā.. inha kai dasā na kahēu bakhānī. sadā kāma kē cērē jānī.. siddha birakta mahāmuni jōgī. tēpi kāmabasa bhaē biyōgī..

भागेउ बिबेक सहाय सहित सो सुभट संजुग महि मुरे। सदग्रंथ पर्बत कंदरन्हि महुँ जाइ तेहि अवसर दुरे।। होनिहार का करतार को रखवार जग खरभरु परा। दुइ माथ केहि रतिनाथ जेहि कहुँ कोपि कर धनु सरु धरा।।

bhāgēu bibēka sahāya sahita sō subhaṭa saṃjuga mahi murē. sadagraṃtha parbata kaṃdaranhi mahu jāi tēhi avasara durē.. hōnihāra kā karatāra kō rakhavāra jaga kharabharu parā. dui mātha kēhi ratinātha jēhi kahu kōpi kara dhanu saru dharā..

सकल कला करि कोटि बिधि हारेउ सेन समेत। चली न अचल समाधि सिव कोपेउ हृदयनिकेत।।86।।

sakala kalā kari kōṭi bidhi hārēu sēna samēta. calī na acala samādhi siva kōpēu hṛdayanikēta..86..

जे सजीव जग अचर चर नारि पुरुष अस नाम। ते निज निज मरजाद तजि भए सकल बस काम।।84।।

jē sajīva jaga acara cara nāri puruṣa asa nāma. tē nija nija marajāda taji bhaē sakala basa kāma..84..

भए कामबस जोगीस तापस पावँरन्हि की को कहै। देखहिं चराचर नारिमय जे ब्रह्ममय देखत रहे।। अबला बिलोकहिं पुरुषमय जगु पुरुष सब अबलामयं। दुइ दंड भरि ब्रह्मांड भीतर कामकृत कौतुक अयं।।

bhaē kāmabasa jōgīsa tāpasa pāvaomranhi kī kō kahai. dēkhahiṃ carācara nārimaya jē brahmamaya dēkhata rahē.. abalā bilōkahiṃ puruṣamaya jagu puruṣa saba abalāmayaṃ. dui daṃḍa bhari brahmāṃḍa bhītara kāmakṛta kautuka ayaṃ..

जागइ मनोभव मुएहुँ मन बन सुभगता न परै कही। सीतल सुगंध सुमंद मारुत मदन अनल सखा सही।। बिकसे सरन्हि बहु कंज गुंजत पुंज मंजुल मधुकरा। कलहंस पिक सुक सरस रव करि गान नाचहिं अपछरा।।

jāgai manōbhava muēhu mana bana subhagatā na parai kahī. sītala sugaṃdha sumaṃda māruta madana anala sakhā sahī.. bikasē saranhi bahu kaṃja guṃjata puṃja maṃjula madhukarā. kalahaṃsa pika suka sarasa rava kari gāna nācahiṃ apacharā..

धरी न काहूँ धिर सबके मन मनसिज हरे। जे राखे रघुबीर ते उबरे तेहि काल महुँ।।85।।

dharī na kāhūom dhira sabakē mana manasija harē. jē rākhē raghubīra tē ubarē tēhi kāla mahu..85..

सुरन्ह कहीं निज बिपति सब सुनि मन कीन्ह बिचार। संभु बिरोध न कुसल मोहि बिहसि कहेउ अस मार।।83।।

suranha kahīṃ nija bipati saba suni mana kīnha bicāra. saṃbhu birōdha na kusala mōhi bihasi kahēu asa māra..83..