बिसरे गृह सपनेहुँ सुधि नाहीं। जिमि परद्रोह संत मन माही।। तब रघुपति सब सखा बोलाए। आइ सबन्हि सादर सिरु नाए।। परम प्रीति समीप बैठारे। भगत सुखद मृदु बचन उचारे।। तुम्ह अति कीन्ह मोरि सेवकाई। मुख पर केहि बिधि करौं बड़ाई।। ताते मोहि तुम्ह अति प्रिय लागे। मम हित लागि भवन सुख त्यागे।। अनुज राज संपति बैदेही। देह गेह परिवार सनेही।। सब मम प्रिय नहिं तुम्हहि समाना। मृषा न कहउँ मोर यह बाना।। सब के प्रिय सेवक यह नीती। मोरें अधिक दास पर प्रीती।।

bisarē gṛha sapanēhu sudhi nāhīṃ. jimi paradrōha saṃta mana māhī.. taba raghupati saba sakhā bōlāē. āi sabanhi sādara siru nāē.. parama prīti samīpa baiṭhārē. bhagata sukhada mṛdu bacana ucārē.. tumha ati kīnha mōri sēvakāī. mukha para kēhi bidhi karauṃ baḍaāī.. tātē mōhi tumha ati priya lāgē. mama hita lāgi bhavana sukha tyāgē.. anuja rāja saṃpati baidēhī. dēha gēha parivāra sanēhī.. saba mama priya nahiṃ tumhahi samānā. mṛṣā na kahau mōra yaha bānā.. saba kē priya sēvaka yaha nītī. mōrēṃ adhika dāsa para prītī..

भरत अनुज सौमित्र समेता। पठवन चले भगत कृत चेता।। अंगद हृदयँ प्रेम नहिं थोरा। फिरि फिरि चितव राम कीं ओरा।। बार बार कर दंड प्रनामा। मन अस रहन कहहिं मोहि रामा।। राम बिलोकनि बोलनि चलनी। सुमिरि सुमिरि सोचत हँसि मिलनी।। प्रभु रुख देखि बिनय बहु भाषी। चलेउ हृदयँ पद पंकज राखी।। अति आदर सब कपि पहुँचाए। भाइन्ह सहित भरत पुनि आए।। तब सुग्रीव चरन गहि नाना। भाँति बिनय कीन्हे हनुमाना।। दिन दस करि रघुपति पद सेवा। पुनि तव चरन देखिहउँ देवा।। पुन्य पुंज तुम्ह पवनकुमारा। सेवहु जाइ कृपा आगारा।। अस कहि कपि सब चले तुरंता। अंगद कहइ सुनहु हनुमंता।।

bharata anuja saumitra samētā. paṭhavana calē bhagata kṛta cētā.. aṃgada hṛdayaom prēma nahiṃ thōrā. phiri phiri citava rāma kīṃ ōrā.. bāra bāra kara daṃḍa pranāmā. mana asa rahana kahahiṃ mōhi rāmā.. rāma bilōkani bōlani calanī. sumiri sumiri sōcata haomsi milanī.. prabhu rukha dēkhi binaya bahu bhāṣī. calēu hṛdayaom pada paṃkaja rākhī.. ati ādara saba kapi pahucāē. bhāinha sahita bharata puni āē.. taba sugrīva carana gahi nānā. bhāomti binaya kīnhē hanumānā.. dina dasa kari raghupati pada sēvā. puni tava carana dēkhihau dēvā.. punya puṃja tumha pavanakumārā. sēvahu jāi kṛpā āgārā.. asa kahi kapi saba calē turaṃtā. aṃgada kahai sunahu hanumaṃtā..

सुनि प्रभु बचन मगन सब भए। को हम कहाँ बिसरि तन गए।। एकटक रहे जोरि कर आगे। सकहिं न कछु कहि अति अनुरागे।। परम प्रेम तिन्ह कर प्रभु देखा। कहा बिबिध बिधि ग्यान बिसेषा।। प्रभु सन्मुख कछु कहन न पारहिं। पुनि पुनि चरन सरोज निहारहिं।। तब प्रभु भूषन बसन मगाए। नाना रंग अनूप सुहाए।। सुग्रीवहि प्रथमहिं पहिराए। बसन भरत निज हाथ बनाए।। प्रभु प्रेरित लछिमन पहिराए। लंकापति रघुपति मन भाए।। अंगद बैठ रहा नहिं डोला। प्रीति देखि प्रभु ताहि न बोला।।

suni prabhu bacana magana saba bhaē. kō hama kahāom bisari tana gaē.. ēkaṭaka rahē jōri kara āgē. sakahiṃ na kachu kahi ati anurāgē.. parama prēma tinha kara prabhu dēkhā. kahā bibidha bidhi gyāna bisēṣā.. prabhu sanmukha kachu kahana na pārahiṃ. puni puni carana sarōja nihārahiṃ.. taba prabhu bhūṣana basana magāē. nānā raṃga anūpa suhāē.. sugrīvahi prathamahiṃ pahirāē. basana bharata nija hātha banāē.. prabhu prērita lachimana pahirāē. laṃkāpati raghupati mana bhāē.. aṃgada baiṭha rahā nahiṃ ḍōlā. prīti dēkhi prabhu tāhi na bōlā..

सुनु सर्बग्य कृपा सुख सिंधो। दीन दयाकर आरत बंधो।। मरती बेर नाथ मोहि बाली। गयउ तुम्हारेहि कोंछें घाली।। असरन सरन बिरदु संभारी। मोहि जनि तजहु भगत हितकारी।। मोरें तुम्ह प्रभु गुर पितु माता। जाउँ कहाँ तजि पद जलजाता।। तुम्हहि बिचारि कहहु नरनाहा। प्रभु तजि भवन काज मम काहा।। बालक ग्यान बुद्धि बल हीना। राखहु सरन नाथ जन दीना।। नीचि टहल गृह कै सब करिहउँ। पद पंकज बिलोकि भव तरिहउँ।। अस कहि चरन परेउ प्रभु पाही। अब जनि नाथ कहहु गृह जाही।।

sunu sarbagya kṛpā sukha siṃdhō. dīna dayākara ārata baṃdhō.. maratī bēra nātha mōhi bālī. gayau tumhārēhi kōṃchēṃ ghālī.. asarana sarana biradu saṃbhārī. mōhi jani tajahu bhagata hitakārī.. mōrēṃ tumha prabhu gura pitu mātā. jāu kahāom taji pada jalajātā.. tumhahi bicāri kahahu naranāhā. prabhu taji bhavana kāja mama kāhā.. bālaka gyāna buddhi bala hīnā. rākhahu sarana nātha jana dīnā.. nīci ṭahala gṛha kai saba karihau. pada paṃkaja bilōki bhava tarihau.. asa kahi carana parēu prabhu pāhī. aba jani nātha kahahu gṛha jāhī..

ब्रह्मानंद मगन कपि सब कें प्रभु पद प्रीति। जात न जाने दिवस तिन्ह गए मास षट बीति।।15।।

brahmānaṃda magana kapi saba kēṃ prabhu pada prīti. jāta na jānē divasa tinha gaē māsa ṣaṭa bīti..15..

पुनि कृपाल लियो बोलि निषादा। दीन्हे भूषन बसन प्रसादा।। जाहु भवन मम सुमिरन करेहू। मन क्रम बचन धर्म अनुसरेहू।। तुम्ह मम सखा भरत सम भ्राता। सदा रहेहु पुर आवत जाता।। बचन सुनत उपजा सुख भारी। परेउ चरन भरि लोचन बारी।। चरन नलिन उर धरि गृह आवा। प्रभु सुभाउ परिजनन्हि सुनावा।। रघुपति चरित देखि पुरबासी। पुनि पुनि कहहिं धन्य सुखरासी।। राम राज बैंठें त्रेलोका। हरषित भए गए सब सोका।। बयरु न कर काहू सन कोई। राम प्रताप बिषमता खोई।।

puni kṛpāla liyō bōli niṣādā. dīnhē bhūṣana basana prasādā.. jāhu bhavana mama sumirana karēhū. mana krama bacana dharma anusarēhū.. tumha mama sakhā bharata sama bhrātā. sadā rahēhu pura āvata jātā.. bacana sunata upajā sukha bhārī. parēu carana bhari lōcana bārī.. carana nalina ura dhari gṛha āvā. prabhu subhāu parijananhi sunāvā.. raghupati carita dēkhi purabāsī. puni puni kahahiṃ dhanya sukharāsī.. rāma rāja baiṃṭhēṃ trēlōkā. haraṣita bhaē gaē saba sōkā.. bayaru na kara kāhū sana kōī. rāma pratāpa biṣamatā khōī..

अब गृह जाहु सखा सब भजेहु मोहि दृढ़ नेम। सदा सर्बगत सर्बहित जानि करेहु अति प्रेम।।16।।

aba gṛha jāhu sakhā saba bhajēhu mōhi dṛḍha nēma. sadā sarbagata sarbahita jāni karēhu ati prēma..16..

अंगद बचन बिनीत सुनि रघुपति करुना सींव। प्रभु उठाइ उर लायउ सजल नयन राजीव।।18(क)।। निज उर माल बसन मनि बालितनय पहिराइ। बिदा कीन्हि भगवान तब बहु प्रकार समुझाइ।।18(ख)।।

aṃgada bacana binīta suni raghupati karunā sīṃva. prabhu uṭhāi ura lāyau sajala nayana rājīva..18ka.. nija ura māla basana mani bālitanaya pahirāi. bidā kīnhi bhagavāna taba bahu prakāra samujhāi..18kha..

बरनाश्रम निज निज धरम बनिरत बेद पथ लोग। चलहिं सदा पावहिं सुखहि नहिं भय सोक न रोग।।20।।

baranāśrama nija nija dharama banirata bēda patha lōga. calahiṃ sadā pāvahiṃ sukhahi nahiṃ bhaya sōka na rōga..20..

कहेहु दंडवत प्रभु सैं तुम्हहि कहउँ कर जोरि। बार बार रघुनायकहि सुरति कराएहु मोरि।।19(क)।। अस कहि चलेउ बालिसुत फिरि आयउ हनुमंत। तासु प्रीति प्रभु सन कहि मगन भए भगवंत।।!9(ख)।। कुलिसहु चाहि कठोर अति कोमल कुसुमहु चाहि। चित्त खगेस राम कर समुझि परइ कहु काहि।।19(ग)।।

kahēhu daṃḍavata prabhu saiṃ tumhahi kahau kara jōri. bāra bāra raghunāyakahi surati karāēhu mōri..19ka.. asa kahi calēu bālisuta phiri āyau hanumaṃta. tāsu prīti prabhu sana kahi magana bhaē bhagavaṃta..9kha.. kulisahu cāhi kaṭhōra ati kōmala kusumahu cāhi. citta khagēsa rāma kara samujhi parai kahu kāhi..19ga..

जामवंत नीलादि सब पहिराए रघुनाथ। हियँ धरि राम रूप सब चले नाइ पद माथ।।17(क)।। तब अंगद उठि नाइ सिरु सजल नयन कर जोरि। अति बिनीत बोलेउ बचन मनहुँ प्रेम रस बोरि।।17(ख)।।

jāmavaṃta nīlādi saba pahirāē raghunātha. hiyaom dhari rāma rūpa saba calē nāi pada mātha..17ka.. taba aṃgada uṭhi nāi siru sajala nayana kara jōri. ati binīta bōlēu bacana manahu prēma rasa bōri..17kha..