सिय बेषु सती जो कीन्ह तेहि अपराध संकर परिहरीं। हर बिरहँ जाइ बहोरि पितु कें जग्य जोगानल जरीं।। अब जनमि तुम्हरे भवन निज पति लागि दारुन तपु किया। अस जानि संसय तजहु गिरिजा सर्बदा संकर प्रिया।।

siya bēṣu satī jō kīnha tēhi aparādha saṃkara pariharīṃ. hara birahaom jāi bahōri pitu kēṃ jagya jōgānala jarīṃ.. aba janami tumharē bhavana nija pati lāgi dāruna tapu kiyā. asa jāni saṃsaya tajahu girijā sarbadā saṃkara priyā..

सिवहि संभु गन करहिं सिंगारा। जटा मुकुट अहि मौरु सँवारा।। कुंडल कंकन पहिरे ब्याला। तन बिभूति पट केहरि छाला।। ससि ललाट सुंदर सिर गंगा। नयन तीनि उपबीत भुजंगा।। गरल कंठ उर नर सिर माला। असिव बेष सिवधाम कृपाला।। कर त्रिसूल अरु डमरु बिराजा। चले बसहँ चढ़ि बाजहिं बाजा।। देखि सिवहि सुरत्रिय मुसुकाहीं। बर लायक दुलहिनि जग नाहीं।। बिष्नु बिरंचि आदि सुरब्राता। चढ़ि चढ़ि बाहन चले बराता।। सुर समाज सब भाँति अनूपा। नहिं बरात दूलह अनुरूपा।।

sivahi saṃbhu gana karahiṃ siṃgārā. jaṭā mukuṭa ahi mauru saomvārā.. kuṃḍala kaṃkana pahirē byālā. tana bibhūti paṭa kēhari chālā.. sasi lalāṭa suṃdara sira gaṃgā. nayana tīni upabīta bhujaṃgā.. garala kaṃṭha ura nara sira mālā. asiva bēṣa sivadhāma kṛpālā.. kara trisūla aru ḍamaru birājā. calē basahaom caḍhai bājahiṃ bājā.. dēkhi sivahi suratriya musukāhīṃ. bara lāyaka dulahini jaga nāhīṃ.. biṣnu biraṃci ādi surabrātā. caḍhai caḍhai bāhana calē barātā.. sura samāja saba bhāomti anūpā. nahiṃ barāta dūlaha anurūpā..

जस दूलहु तसि बनी बराता। कौतुक बिबिध होहिं मग जाता।। इहाँ हिमाचल रचेउ बिताना। अति बिचित्र नहिं जाइ बखाना।। सैल सकल जहँ लगि जग माहीं। लघु बिसाल नहिं बरनि सिराहीं।। बन सागर सब नदीं तलावा। हिमगिरि सब कहुँ नेवत पठावा।। कामरूप सुंदर तन धारी। सहित समाज सहित बर नारी।। गए सकल तुहिनाचल गेहा। गावहिं मंगल सहित सनेहा।। प्रथमहिं गिरि बहु गृह सँवराए। जथाजोगु तहँ तहँ सब छाए।। पुर सोभा अवलोकि सुहाई। लागइ लघु बिरंचि निपुनाई।।

jasa dūlahu tasi banī barātā. kautuka bibidha hōhiṃ maga jātā.. ihāom himācala racēu bitānā. ati bicitra nahiṃ jāi bakhānā.. saila sakala jahaom lagi jaga māhīṃ. laghu bisāla nahiṃ barani sirāhīṃ.. bana sāgara saba nadīṃ talāvā. himagiri saba kahu nēvata paṭhāvā.. kāmarūpa suṃdara tana dhārī. sahita samāja sahita bara nārī.. gaē sakala tuhinācala gēhā. gāvahiṃ maṃgala sahita sanēhā.. prathamahiṃ giri bahu gṛha saomvarāē. jathājōgu tahaom tahaom saba chāē.. pura sōbhā avalōki suhāī. lāgai laghu biraṃci nipunāī..

बोलि सकल सुर सादर लीन्हे। सबहि जथोचित आसन दीन्हे।। बेदी बेद बिधान सँवारी। सुभग सुमंगल गावहिं नारी।। सिंघासनु अति दिब्य सुहावा। जाइ न बरनि बिरंचि बनावा।। बैठे सिव बिप्रन्ह सिरु नाई। हृदयँ सुमिरि निज प्रभु रघुराई।। बहुरि मुनीसन्ह उमा बोलाई। करि सिंगारु सखीं लै आई।। देखत रूपु सकल सुर मोहे। बरनै छबि अस जग कबि को है।। जगदंबिका जानि भव भामा। सुरन्ह मनहिं मन कीन्ह प्रनामा।। सुंदरता मरजाद भवानी। जाइ न कोटिहुँ बदन बखानी।।

bōli sakala sura sādara līnhē. sabahi jathōcita āsana dīnhē.. bēdī bēda bidhāna saomvārī. subhaga sumaṃgala gāvahiṃ nārī.. siṃghāsanu ati dibya suhāvā. jāi na barani biraṃci banāvā.. baiṭhē siva bipranha siru nāī. hṛdayaom sumiri nija prabhu raghurāī.. bahuri munīsanha umā bōlāī. kari siṃgāru sakhīṃ lai āī.. dēkhata rūpu sakala sura mōhē. baranai chabi asa jaga kabi kō hai.. jagadaṃbikā jāni bhava bhāmā. suranha manahiṃ mana kīnha pranāmā.. suṃdaratā marajāda bhavānī. jāi na kōṭihu badana bakhānī..

तन छार ब्याल कपाल भूषन नगन जटिल भयंकरा। सँग भूत प्रेत पिसाच जोगिनि बिकट मुख रजनीचरा।। जो जिअत रहिहि बरात देखत पुन्य बड़ तेहि कर सही। देखिहि सो उमा बिबाहु घर घर बात असि लरिकन्ह कही।।

tana chāra byāla kapāla bhūṣana nagana jaṭila bhayaṃkarā. saomga bhūta prēta pisāca jōgini bikaṭa mukha rajanīcarā.. jō jiata rahihi barāta dēkhata punya baḍa tēhi kara sahī. dēkhihi sō umā bibāhu ghara ghara bāta asi larikanha kahī..

तब नारद सबहि समुझावा। पूरुब कथाप्रसंगु सुनावा।। मयना सत्य सुनहु मम बानी। जगदंबा तव सुता भवानी।। अजा अनादि सक्ति अबिनासिनि। सदा संभु अरधंग निवासिनि।। जग संभव पालन लय कारिनि। निज इच्छा लीला बपु धारिनि।। जनमीं प्रथम दच्छ गृह जाई। नामु सती सुंदर तनु पाई।। तहँहुँ सती संकरहि बिबाहीं। कथा प्रसिद्ध सकल जग माहीं।। एक बार आवत सिव संगा। देखेउ रघुकुल कमल पतंगा।। भयउ मोहु सिव कहा न कीन्हा। भ्रम बस बेषु सीय कर लीन्हा।।

taba nārada sabahi samujhāvā. pūruba kathāprasaṃgu sunāvā.. mayanā satya sunahu mama bānī. jagadaṃbā tava sutā bhavānī.. ajā anādi sakti abināsini. sadā saṃbhu aradhaṃga nivāsini.. jaga saṃbhava pālana laya kārini. nija icchā līlā bapu dhārini.. janamīṃ prathama daccha gṛha jāī. nāmu satī suṃdara tanu pāī.. tahaomhu satī saṃkarahi bibāhīṃ. kathā prasiddha sakala jaga māhīṃ.. ēka bāra āvata siva saṃgā. dēkhēu raghukula kamala pataṃgā.. bhayau mōhu siva kahā na kīnhā. bhrama basa bēṣu sīya kara līnhā..

सुनि नारद के बचन तब सब कर मिटा बिषाद। छन महुँ ब्यापेउ सकल पुर घर घर यह संबाद।।98।।

suni nārada kē bacana taba saba kara miṭā biṣāda. chana mahu byāpēu sakala pura ghara ghara yaha saṃbāda..98..

तब मयना हिमवंतु अनंदे। पुनि पुनि पारबती पद बंदे।। नारि पुरुष सिसु जुबा सयाने। नगर लोग सब अति हरषाने।। लगे होन पुर मंगलगाना। सजे सबहि हाटक घट नाना।। भाँति अनेक भई जेवराना। सूपसास्त्र जस कछु ब्यवहारा।। सो जेवनार कि जाइ बखानी। बसहिं भवन जेहिं मातु भवानी।। सादर बोले सकल बराती। बिष्नु बिरंचि देव सब जाती।। बिबिधि पाँति बैठी जेवनारा। लागे परुसन निपुन सुआरा।। नारिबृंद सुर जेवँत जानी। लगीं देन गारीं मृदु बानी।।

taba mayanā himavaṃtu anaṃdē. puni puni pārabatī pada baṃdē.. nāri puruṣa sisu jubā sayānē. nagara lōga saba ati haraṣānē.. lagē hōna pura maṃgalagānā. sajē sabahi hāṭaka ghaṭa nānā.. bhāomti anēka bhaī jēvarānā. sūpasāstra jasa kachu byavahārā.. sō jēvanāra ki jāi bakhānī. basahiṃ bhavana jēhiṃ mātu bhavānī.. sādara bōlē sakala barātī. biṣnu biraṃci dēva saba jātī.. bibidhi pāomti baiṭhī jēvanārā. lāgē parusana nipuna suārā.. nāribṛṃda sura jēvaomta jānī. lagīṃ dēna gārīṃ mṛdu bānī..

कोटिहुँ बदन नहिं बनै बरनत जग जननि सोभा महा। सकुचहिं कहत श्रुति सेष सारद मंदमति तुलसी कहा।। छबिखानि मातु भवानि गवनी मध्य मंडप सिव जहाँ।। अवलोकि सकहिं न सकुच पति पद कमल मनु मधुकरु तहाँ।।

kōṭihu badana nahiṃ banai baranata jaga janani sōbhā mahā. sakucahiṃ kahata śruti sēṣa sārada maṃdamati tulasī kahā.. chabikhāni mātu bhavāni gavanī madhya maṃḍapa siva jahāom.. avalōki sakahiṃ na sakuca pati pada kamala manu madhukaru tahāom..

नगर निकट बरात सुनि आई। पुर खरभरु सोभा अधिकाई।। करि बनाव सजि बाहन नाना। चले लेन सादर अगवाना।। हियँ हरषे सुर सेन निहारी। हरिहि देखि अति भए सुखारी।। सिव समाज जब देखन लागे। बिडरि चले बाहन सब भागे।। धरि धीरजु तहँ रहे सयाने। बालक सब लै जीव पराने।। गएँ भवन पूछहिं पितु माता। कहहिं बचन भय कंपित गाता।। कहिअ काह कहि जाइ न बाता। जम कर धार किधौं बरिआता।। बरु बौराह बसहँ असवारा। ब्याल कपाल बिभूषन छारा।।

nagara nikaṭa barāta suni āī. pura kharabharu sōbhā adhikāī.. kari banāva saji bāhana nānā. calē lēna sādara agavānā.. hiyaom haraṣē sura sēna nihārī. harihi dēkhi ati bhaē sukhārī.. siva samāja jaba dēkhana lāgē. biḍari calē bāhana saba bhāgē.. dhari dhīraju tahaom rahē sayānē. bālaka saba lai jīva parānē.. gaēom bhavana pūchahiṃ pitu mātā. kahahiṃ bacana bhaya kaṃpita gātā.. kahia kāha kahi jāi na bātā. jama kara dhāra kidhauṃ bariātā.. baru baurāha basahaom asavārā. byāla kapāla bibhūṣana chārā..

लै अगवान बरातहि आए। दिए सबहि जनवास सुहाए।। मैनाँ सुभ आरती सँवारी। संग सुमंगल गावहिं नारी।। कंचन थार सोह बर पानी। परिछन चली हरहि हरषानी।। बिकट बेष रुद्रहि जब देखा। अबलन्ह उर भय भयउ बिसेषा।। भागि भवन पैठीं अति त्रासा। गए महेसु जहाँ जनवासा।। मैना हृदयँ भयउ दुखु भारी। लीन्ही बोलि गिरीसकुमारी।। अधिक सनेहँ गोद बैठारी। स्याम सरोज नयन भरे बारी।। जेहिं बिधि तुम्हहि रूपु अस दीन्हा। तेहिं जड़ बरु बाउर कस कीन्हा।।

lai agavāna barātahi āē. diē sabahi janavāsa suhāē.. maināom subha āratī saomvārī. saṃga sumaṃgala gāvahiṃ nārī.. kaṃcana thāra sōha bara pānī. parichana calī harahi haraṣānī.. bikaṭa bēṣa rudrahi jaba dēkhā. abalanha ura bhaya bhayau bisēṣā.. bhāgi bhavana paiṭhīṃ ati trāsā. gaē mahēsu jahāom janavāsā.. mainā hṛdayaom bhayau dukhu bhārī. līnhī bōli girīsakumārī.. adhika sanēhaom gōda baiṭhārī. syāma sarōja nayana bharē bārī.. jēhiṃ bidhi tumhahi rūpu asa dīnhā. tēhiṃ jaḍa baru bāura kasa kīnhā..

बिष्नु कहा अस बिहसि तब बोलि सकल दिसिराज। बिलग बिलग होइ चलहु सब निज निज सहित समाज।।92।।

biṣnu kahā asa bihasi taba bōli sakala disirāja. bilaga bilaga hōi calahu saba nija nija sahita samāja..92..

बर अनुहारि बरात न भाई। हँसी करैहहु पर पुर जाई।। बिष्नु बचन सुनि सुर मुसकाने। निज निज सेन सहित बिलगाने।। मनहीं मन महेसु मुसुकाहीं। हरि के बिंग्य बचन नहिं जाहीं।। अति प्रिय बचन सुनत प्रिय केरे। भृंगिहि प्रेरि सकल गन टेरे।। सिव अनुसासन सुनि सब आए। प्रभु पद जलज सीस तिन्ह नाए।। नाना बाहन नाना बेषा। बिहसे सिव समाज निज देखा।। कोउ मुखहीन बिपुल मुख काहू। बिनु पद कर कोउ बहु पद बाहू।। बिपुल नयन कोउ नयन बिहीना। रिष्टपुष्ट कोउ अति तनखीना।।

bara anuhāri barāta na bhāī. haomsī karaihahu para pura jāī.. biṣnu bacana suni sura musakānē. nija nija sēna sahita bilagānē.. manahīṃ mana mahēsu musukāhīṃ. hari kē biṃgya bacana nahiṃ jāhīṃ.. ati priya bacana sunata priya kērē. bhṛṃgihi prēri sakala gana ṭērē.. siva anusāsana suni saba āē. prabhu pada jalaja sīsa tinha nāē.. nānā bāhana nānā bēṣā. bihasē siva samāja nija dēkhā.. kōu mukhahīna bipula mukha kāhū. binu pada kara kōu bahu pada bāhū.. bipula nayana kōu nayana bihīnā. riṣṭapuṣṭa kōu ati tanakhīnā..

तेहि अवसर नारद सहित अरु रिषि सप्त समेत। समाचार सुनि तुहिनगिरि गवने तुरत निकेत।।97।।

tēhi avasara nārada sahita aru riṣi sapta samēta. samācāra suni tuhinagiri gavanē turata nikēta..97..

कस कीन्ह बरु बौराह बिधि जेहिं तुम्हहि सुंदरता दई। जो फलु चहिअ सुरतरुहिं सो बरबस बबूरहिं लागई।। तुम्ह सहित गिरि तें गिरौं पावक जरौं जलनिधि महुँ परौं।। घरु जाउ अपजसु होउ जग जीवत बिबाहु न हौं करौं।।

kasa kīnha baru baurāha bidhi jēhiṃ tumhahi suṃdaratā daī. jō phalu cahia surataruhiṃ sō barabasa babūrahiṃ lāgaī.. tumha sahita giri tēṃ girauṃ pāvaka jarauṃ jalanidhi mahu parauṃ.. gharu jāu apajasu hōu jaga jīvata bibāhu na hauṃ karauṃ..

तन खीन कोउ अति पीन पावन कोउ अपावन गति धरें। भूषन कराल कपाल कर सब सद्य सोनित तन भरें।। खर स्वान सुअर सृकाल मुख गन बेष अगनित को गनै। बहु जिनस प्रेत पिसाच जोगि जमात बरनत नहिं बनै।।

tana khīna kōu ati pīna pāvana kōu apāvana gati dharēṃ. bhūṣana karāla kapāla kara saba sadya sōnita tana bharēṃ.. khara svāna suara sṛkāla mukha gana bēṣa aganita kō ganai. bahu jinasa prēta pisāca jōgi jamāta baranata nahiṃ banai..

नारद कर मैं काह बिगारा। भवनु मोर जिन्ह बसत उजारा।। अस उपदेसु उमहि जिन्ह दीन्हा। बौरे बरहि लगि तपु कीन्हा।। साचेहुँ उन्ह के मोह न माया। उदासीन धनु धामु न जाया।। पर घर घालक लाज न भीरा। बाझँ कि जान प्रसव कैं पीरा।। जननिहि बिकल बिलोकि भवानी। बोली जुत बिबेक मृदु बानी।। अस बिचारि सोचहि मति माता। सो न टरइ जो रचइ बिधाता।। करम लिखा जौ बाउर नाहू। तौ कत दोसु लगाइअ काहू।। तुम्ह सन मिटहिं कि बिधि के अंका। मातु ब्यर्थ जनि लेहु कलंका।।

nārada kara maiṃ kāha bigārā. bhavanu mōra jinha basata ujārā.. asa upadēsu umahi jinha dīnhā. baurē barahi lagi tapu kīnhā.. sācēhu unha kē mōha na māyā. udāsīna dhanu dhāmu na jāyā.. para ghara ghālaka lāja na bhīrā. bājhaom ki jāna prasava kaiṃ pīrā.. jananihi bikala bilōki bhavānī. bōlī juta bibēka mṛdu bānī.. asa bicāri sōcahi mati mātā. sō na ṭarai jō racai bidhātā.. karama likhā jau bāura nāhū. tau kata dōsu lagāia kāhū.. tumha sana miṭahiṃ ki bidhi kē aṃkā. mātu byartha jani lēhu kalaṃkā..

गारीं मधुर स्वर देहिं सुंदरि बिंग्य बचन सुनावहीं। भोजनु करहिं सुर अति बिलंबु बिनोदु सुनि सचु पावहीं।। जेवँत जो बढ्यो अनंदु सो मुख कोटिहूँ न परै कह्यो। अचवाँइ दीन्हे पान गवने बास जहँ जाको रह्यो।।

gārīṃ madhura svara dēhiṃ suṃdari biṃgya bacana sunāvahīṃ. bhōjanu karahiṃ sura ati bilaṃbu binōdu suni sacu pāvahīṃ.. jēvaomta jō baḍhyō anaṃdu sō mukha kōṭihūom na parai kahyō. acavāomi dīnhē pāna gavanē bāsa jahaom jākō rahyō..

लगे सँवारन सकल सुर बाहन बिबिध बिमान। होहि सगुन मंगल सुभद करहिं अपछरा गान।।91।।

lagē saomvārana sakala sura bāhana bibidha bimāna. hōhi saguna maṃgala subhada karahiṃ apacharā gāna..91..

समुझि महेस समाज सब जननि जनक मुसुकाहिं। बाल बुझाए बिबिध बिधि निडर होहु डरु नाहिं।।95।।

samujhi mahēsa samāja saba janani janaka musukāhiṃ. bāla bujhāē bibidha bidhi niḍara hōhu ḍaru nāhiṃ..95..

नाचहिं गावहिं गीत परम तरंगी भूत सब। देखत अति बिपरीत बोलहिं बचन बिचित्र बिधि।।93।।

nācahiṃ gāvahiṃ gīta parama taraṃgī bhūta saba. dēkhata ati biparīta bōlahiṃ bacana bicitra bidhi..93..

लघु लाग बिधि की निपुनता अवलोकि पुर सोभा सही। बन बाग कूप तड़ाग सरिता सुभग सब सक को कही।। मंगल बिपुल तोरन पताका केतु गृह गृह सोहहीं।। बनिता पुरुष सुंदर चतुर छबि देखि मुनि मन मोहहीं।।

laghu lāga bidhi kī nipunatā avalōki pura sōbhā sahī. bana bāga kūpa taḍaāga saritā subhaga saba saka kō kahī.. maṃgala bipula tōrana patākā kētu gṛha gṛha sōhahīṃ.. banitā puruṣa suṃdara catura chabi dēkhi muni mana mōhahīṃ..

जनि लेहु मातु कलंकु करुना परिहरहु अवसर नहीं। दुखु सुखु जो लिखा लिलार हमरें जाब जहँ पाउब तहीं।। सुनि उमा बचन बिनीत कोमल सकल अबला सोचहीं।। बहु भाँति बिधिहि लगाइ दूषन नयन बारि बिमोचहीं।।

jani lēhu mātu kalaṃku karunā pariharahu avasara nahīṃ. dukhu sukhu jō likhā lilāra hamarēṃ jāba jahaom pāuba tahīṃ.. suni umā bacana binīta kōmala sakala abalā sōcahīṃ.. bahu bhāomti bidhihi lagāi dūṣana nayana bāri bimōcahīṃ..

बहुरि मुनिन्ह हिमवंत कहुँ लगन सुनाई आइ। समय बिलोकि बिबाह कर पठए देव बोलाइ।।99।।

bahuri muninha himavaṃta kahu lagana sunāī āi. samaya bilōki bibāha kara paṭhaē dēva bōlāi..99..

जगदंबा जहँ अवतरी सो पुरु बरनि कि जाइ। रिद्धि सिद्धि संपत्ति सुख नित नूतन अधिकाइ।।94।।

jagadaṃbā jahaom avatarī sō puru barani ki jāi. riddhi siddhi saṃpatti sukha nita nūtana adhikāi..94..

भई बिकल अबला सकल दुखित देखि गिरिनारि। करि बिलापु रोदति बदति सुता सनेहु सँभारि।।96।।

bhaī bikala abalā sakala dukhita dēkhi girināri. kari bilāpu rōdati badati sutā sanēhu saombhāri..96..