तेहिं मध्य कोसलराज सुंदर स्याम तन सोभा लही। जनु इंद्रधनुष अनेक की बर बारि तुंग तमालही।। प्रभु देखि हरष बिषाद उर सुर बदत जय जय जय करी। रघुबीर एकहि तीर कोपि निमेष महुँ माया हरी।।1।। माया बिगत कपि भालु हरषे बिटप गिरि गहि सब फिरे। सर निकर छाड़े राम रावन बाहु सिर पुनि महि गिरे।। श्रीराम रावन समर चरित अनेक कल्प जो गावहीं। सत सेष सारद निगम कबि तेउ तदपि पार न पावहीं।।2।।

tēhiṃ madhya kōsalarāja suṃdara syāma tana sōbhā lahī. janu iṃdradhanuṣa anēka kī bara bāri tuṃga tamālahī.. prabhu dēkhi haraṣa biṣāda ura sura badata jaya jaya jaya karī. raghubīra ēkahi tīra kōpi nimēṣa mahu māyā harī..1.. māyā bigata kapi bhālu haraṣē biṭapa giri gahi saba phirē. sara nikara chāḍaē rāma rāvana bāhu sira puni mahi girē.. śrīrāma rāvana samara carita anēka kalpa jō gāvahīṃ. sata sēṣa sārada nigama kabi tēu tadapi pāra na pāvahīṃ..2..

जब कीन्ह तेहिं पाषंड। भए प्रगट जंतु प्रचंड।। बेताल भूत पिसाच। कर धरें धनु नाराच।।1।। जोगिनि गहें करबाल। एक हाथ मनुज कपाल।। करि सद्य सोनित पान। नाचहिं करहिं बहु गान।।2।। धरु मारु बोलहिं घोर। रहि पूरि धुनि चहुँ ओर।। मुख बाइ धावहिं खान। तब लगे कीस परान।।3।। जहँ जाहिं मर्कट भागि। तहँ बरत देखहिं आगि।। भए बिकल बानर भालु। पुनि लाग बरषै बालु।।4।। जहँ तहँ थकित करि कीस। गर्जेउ बहुरि दससीस।। लछिमन कपीस समेत। भए सकल बीर अचेत।।5।। हा राम हा रघुनाथ। कहि सुभट मीजहिं हाथ।। एहि बिधि सकल बल तोरि। तेहिं कीन्ह कपट बहोरि।।6।। प्रगटेसि बिपुल हनुमान। धाए गहे पाषान।। तिन्ह रामु घेरे जाइ। चहुँ दिसि बरूथ बनाइ।।7।। मारहु धरहु जनि जाइ। कटकटहिं पूँछ उठाइ।। दहँ दिसि लँगूर बिराज। तेहिं मध्य कोसलराज।।8।।

jaba kīnha tēhiṃ pāṣaṃḍa. bhaē pragaṭa jaṃtu pracaṃḍa.. bētāla bhūta pisāca. kara dharēṃ dhanu nārāca..1.. jōgini gahēṃ karabāla. ēka hātha manuja kapāla.. kari sadya sōnita pāna. nācahiṃ karahiṃ bahu gāna..2.. dharu māru bōlahiṃ ghōra. rahi pūri dhuni cahu ōra.. mukha bāi dhāvahiṃ khāna. taba lagē kīsa parāna..3.. jahaom jāhiṃ markaṭa bhāgi. tahaom barata dēkhahiṃ āgi.. bhaē bikala bānara bhālu. puni lāga baraṣai bālu..4.. jahaom tahaom thakita kari kīsa. garjēu bahuri dasasīsa.. lachimana kapīsa samēta. bhaē sakala bīra acēta..5.. hā rāma hā raghunātha. kahi subhaṭa mījahiṃ hātha.. ēhi bidhi sakala bala tōri. tēhiṃ kīnha kapaṭa bahōri..6.. pragaṭēsi bipula hanumāna. dhāē gahē pāṣāna.. tinha rāmu ghērē jāi. cahu disi barūtha banāi..7.. mārahu dharahu jani jāi. kaṭakaṭahiṃ pūomcha uṭhāi.. dahaom disi laomgūra birāja. tēhiṃ madhya kōsalarāja..8..

सायक एक नाभि सर सोषा। अपर लगे भुज सिर करि रोषा।। लै सिर बाहु चले नाराचा। सिर भुज हीन रुंड महि नाचा।। धरनि धसइ धर धाव प्रचंडा। तब सर हति प्रभु कृत दुइ खंडा।। गर्जेउ मरत घोर रव भारी। कहाँ रामु रन हतौं पचारी।। डोली भूमि गिरत दसकंधर। छुभित सिंधु सरि दिग्गज भूधर।। धरनि परेउ द्वौ खंड बढ़ाई। चापि भालु मर्कट समुदाई।। मंदोदरि आगें भुज सीसा। धरि सर चले जहाँ जगदीसा।। प्रबिसे सब निषंग महु जाई। देखि सुरन्ह दुंदुभीं बजाई।। तासु तेज समान प्रभु आनन। हरषे देखि संभु चतुरानन।। जय जय धुनि पूरी ब्रह्मंडा। जय रघुबीर प्रबल भुजदंडा।। बरषहि सुमन देव मुनि बृंदा। जय कृपाल जय जयति मुकुंदा।।

sāyaka ēka nābhi sara sōṣā. apara lagē bhuja sira kari rōṣā.. lai sira bāhu calē nārācā. sira bhuja hīna ruṃḍa mahi nācā.. dharani dhasai dhara dhāva pracaṃḍā. taba sara hati prabhu kṛta dui khaṃḍā.. garjēu marata ghōra rava bhārī. kahāom rāmu rana hatauṃ pacārī.. ḍōlī bhūmi girata dasakaṃdhara. chubhita siṃdhu sari diggaja bhūdhara.. dharani parēu dvau khaṃḍa baḍhaāī. cāpi bhālu markaṭa samudāī.. maṃdōdari āgēṃ bhuja sīsā. dhari sara calē jahāom jagadīsā.. prabisē saba niṣaṃga mahu jāī. dēkhi suranha duṃdubhīṃ bajāī.. tāsu tēja samāna prabhu ānana. haraṣē dēkhi saṃbhu caturānana.. jaya jaya dhuni pūrī brahmaṃḍā. jaya raghubīra prabala bhujadaṃḍā.. baraṣahi sumana dēva muni bṛṃdā. jaya kṛpāla jaya jayati mukuṃdā..

प्रतिमा रुदहिं पबिपात नभ अति बात बह डोलति मही। बरषहिं बलाहक रुधिर कच रज असुभ अति सक को कही।। उतपात अमित बिलोकि नभ सुर बिकल बोलहि जय जए। सुर सभय जानि कृपाल रघुपति चाप सर जोरत भए।।

pratimā rudahiṃ pabipāta nabha ati bāta baha ḍōlati mahī. baraṣahiṃ balāhaka rudhira kaca raja asubha ati saka kō kahī.. utapāta amita bilōki nabha sura bikala bōlahi jaya jaē. sura sabhaya jāni kṛpāla raghupati cāpa sara jōrata bhaē..

ताके गुन गन कछु कहे जड़मति तुलसीदास। जिमि निज बल अनुरूप ते माछी उड़इ अकास।।101(क)।। काटे सिर भुज बार बहु मरत न भट लंकेस। प्रभु क्रीड़त सुर सिद्ध मुनि ब्याकुल देखि कलेस।।101(ख)।।

tākē guna gana kachu kahē jaḍamati tulasīdāsa. jimi nija bala anurūpa tē māchī uḍai akāsa..101ka.. kāṭē sira bhuja bāra bahu marata na bhaṭa laṃkēsa. prabhu krīḍata sura siddha muni byākula dēkhi kalēsa..101kha..

काटत बढ़हिं सीस समुदाई। जिमि प्रति लाभ लोभ अधिकाई।। मरइ न रिपु श्रम भयउ बिसेषा। राम बिभीषन तन तब देखा।। उमा काल मर जाकीं ईछा। सो प्रभु जन कर प्रीति परीछा।। सुनु सरबग्य चराचर नायक। प्रनतपाल सुर मुनि सुखदायक।। नाभिकुंड पियूष बस याकें। नाथ जिअत रावनु बल ताकें।। सुनत बिभीषन बचन कृपाला। हरषि गहे कर बान कराला।। असुभ होन लागे तब नाना। रोवहिं खर सृकाल बहु स्वाना।। बोलहि खग जग आरति हेतू। प्रगट भए नभ जहँ तहँ केतू।। दस दिसि दाह होन अति लागा। भयउ परब बिनु रबि उपरागा।। मंदोदरि उर कंपति भारी। प्रतिमा स्त्रवहिं नयन मग बारी।।

kāṭata baḍhahiṃ sīsa samudāī. jimi prati lābha lōbha adhikāī.. marai na ripu śrama bhayau bisēṣā. rāma bibhīṣana tana taba dēkhā.. umā kāla mara jākīṃ īchā. sō prabhu jana kara prīti parīchā.. sunu sarabagya carācara nāyaka. pranatapāla sura muni sukhadāyaka.. nābhikuṃḍa piyūṣa basa yākēṃ. nātha jiata rāvanu bala tākēṃ.. sunata bibhīṣana bacana kṛpālā. haraṣi gahē kara bāna karālā.. asubha hōna lāgē taba nānā. rōvahiṃ khara sṛkāla bahu svānā.. bōlahi khaga jaga ārati hētū. pragaṭa bhaē nabha jahaom tahaom kētū.. dasa disi dāha hōna ati lāgā. bhayau paraba binu rabi uparāgā.. maṃdōdari ura kaṃpati bhārī. pratimā stravahiṃ nayana maga bārī..

जय कृपा कंद मुकंद द्वंद हरन सरन सुखप्रद प्रभो। खल दल बिदारन परम कारन कारुनीक सदा बिभो।। सुर सुमन बरषहिं हरष संकुल बाज दुंदुभि गहगही। संग्राम अंगन राम अंग अनंग बहु सोभा लही।। सिर जटा मुकुट प्रसून बिच बिच अति मनोहर राजहीं। जनु नीलगिरि पर तड़ित पटल समेत उड़ुगन भ्राजहीं।। भुजदंड सर कोदंड फेरत रुधिर कन तन अति बने। जनु रायमुनीं तमाल पर बैठीं बिपुल सुख आपने।।

jaya kṛpā kaṃda mukaṃda dvaṃda harana sarana sukhaprada prabhō. khala dala bidārana parama kārana kārunīka sadā bibhō.. sura sumana baraṣahiṃ haraṣa saṃkula bāja duṃdubhi gahagahī. saṃgrāma aṃgana rāma aṃga anaṃga bahu sōbhā lahī.. sira jaṭā mukuṭa prasūna bica bica ati manōhara rājahīṃ. janu nīlagiri para taḍaita paṭala samēta uḍaugana bhrājahīṃ.. bhujadaṃḍa sara kōdaṃḍa phērata rudhira kana tana ati banē. janu rāyamunīṃ tamāla para baiṭhīṃ bipula sukha āpanē..

कृपादृष्टि करि प्रभु अभय किए सुर बृंद। भालु कीस सब हरषे जय सुख धाम मुकंद।।103।।

kṛpādṛṣṭi kari prabhu abhaya kiē sura bṛṃda. bhālu kīsa saba haraṣē jaya sukha dhāma mukaṃda..103..

देखि महा मर्कट प्रबल रावन कीन्ह बिचार। अंतरहित होइ निमिष महुँ कृत माया बिस्तार।।100।।

dēkhi mahā markaṭa prabala rāvana kīnha bicāra. aṃtarahita hōi nimiṣa mahu kṛta māyā bistāra..100..

धाए जो मर्कट बिकट भालु कराल कर भूधर धरा। अति कोप करहिं प्रहार मारत भजि चले रजनीचरा।। बिचलाइ दल बलवंत कीसन्ह घेरि पुनि रावनु लियो। चहुँ दिसि चपेटन्हि मारि नखन्हि बिदारि तनु ब्याकुल कियो।।

dhāē jō markaṭa bikaṭa bhālu karāla kara bhūdhara dharā. ati kōpa karahiṃ prahāra mārata bhaji calē rajanīcarā.. bicalāi dala balavaṃta kīsanha ghēri puni rāvanu liyō. cahu disi capēṭanhi māri nakhanhi bidāri tanu byākula kiyō..

खैचि सरासन श्रवन लगि छाड़े सर एकतीस। रघुनायक सायक चले मानहुँ काल फनीस।।102।।

khaici sarāsana śravana lagi chāḍaē sara ēkatīsa. raghunāyaka sāyaka calē mānahu kāla phanīsa..102..