यह लघु जलधि तरत कति बारा। अस सुनि पुनि कह पवनकुमारा।। प्रभु प्रताप बड़वानल भारी। सोषेउ प्रथम पयोनिधि बारी।। तब रिपु नारी रुदन जल धारा। भरेउ बहोरि भयउ तेहिं खारा।। सुनि अति उकुति पवनसुत केरी। हरषे कपि रघुपति तन हेरी।। जामवंत बोले दोउ भाई। नल नीलहि सब कथा सुनाई।। राम प्रताप सुमिरि मन माहीं। करहु सेतु प्रयास कछु नाहीं।। बोलि लिए कपि निकर बहोरी। सकल सुनहु बिनती कछु मोरी।। राम चरन पंकज उर धरहू। कौतुक एक भालु कपि करहू।। धावहु मर्कट बिकट बरूथा। आनहु बिटप गिरिन्ह के जूथा।। सुनि कपि भालु चले करि हूहा। जय रघुबीर प्रताप समूहा।।

yaha laghu jaladhi tarata kati bārā. asa suni puni kaha pavanakumārā.. prabhu pratāpa baḍavānala bhārī. sōṣēu prathama payōnidhi bārī.. taba ripu nārī rudana jala dhārā. bharēu bahōri bhayau tēhiṃ khārā.. suni ati ukuti pavanasuta kērī. haraṣē kapi raghupati tana hērī.. jāmavaṃta bōlē dōu bhāī. nala nīlahi saba kathā sunāī.. rāma pratāpa sumiri mana māhīṃ. karahu sētu prayāsa kachu nāhīṃ.. bōli liē kapi nikara bahōrī. sakala sunahu binatī kachu mōrī.. rāma carana paṃkaja ura dharahū. kautuka ēka bhālu kapi karahū.. dhāvahu markaṭa bikaṭa barūthā. ānahu biṭapa girinha kē jūthā.. suni kapi bhālu calē kari hūhā. jaya raghubīra pratāpa samūhā..

जे रामेस्वर दरसनु करिहहिं। ते तनु तजि मम लोक सिधरिहहिं।। जो गंगाजलु आनि चढ़ाइहि। सो साजुज्य मुक्ति नर पाइहि।। होइ अकाम जो छल तजि सेइहि। भगति मोरि तेहि संकर देइहि।। मम कृत सेतु जो दरसनु करिही। सो बिनु श्रम भवसागर तरिही।। राम बचन सब के जिय भाए। मुनिबर निज निज आश्रम आए।। गिरिजा रघुपति कै यह रीती। संतत करहिं प्रनत पर प्रीती।। बाँधा सेतु नील नल नागर। राम कृपाँ जसु भयउ उजागर।। बूड़हिं आनहि बोरहिं जेई। भए उपल बोहित सम तेई।। महिमा यह न जलधि कइ बरनी। पाहन गुन न कपिन्ह कइ करनी।।

jē rāmēsvara darasanu karihahiṃ. tē tanu taji mama lōka sidharihahiṃ.. jō gaṃgājalu āni caḍhaāihi. sō sājujya mukti nara pāihi.. hōi akāma jō chala taji sēihi. bhagati mōri tēhi saṃkara dēihi.. mama kṛta sētu jō darasanu karihī. sō binu śrama bhavasāgara tarihī.. rāma bacana saba kē jiya bhāē. munibara nija nija āśrama āē.. girijā raghupati kai yaha rītī. saṃtata karahiṃ pranata para prītī.. bāomdhā sētu nīla nala nāgara. rāma kṛpāom jasu bhayau ujāgara.. būḍahiṃ ānahi bōrahiṃ jēī. bhaē upala bōhita sama tēī.. mahimā yaha na jaladhi kai baranī. pāhana guna na kapinha kai karanī..

बाँधि सेतु अति सुदृढ़ बनावा। देखि कृपानिधि के मन भावा।। चली सेन कछु बरनि न जाई। गर्जहिं मर्कट भट समुदाई।। सेतुबंध ढिग चढ़ि रघुराई। चितव कृपाल सिंधु बहुताई।। देखन कहुँ प्रभु करुना कंदा। प्रगट भए सब जलचर बृंदा।। मकर नक्र नाना झष ब्याला। सत जोजन तन परम बिसाला।। अइसेउ एक तिन्हहि जे खाहीं। एकन्ह कें डर तेपि डेराहीं।। प्रभुहि बिलोकहिं टरहिं न टारे। मन हरषित सब भए सुखारे।। तिन्ह की ओट न देखिअ बारी। मगन भए हरि रूप निहारी।। चला कटकु प्रभु आयसु पाई। को कहि सक कपि दल बिपुलाई।।

bāomdhi sētu ati sudṛḍha banāvā. dēkhi kṛpānidhi kē mana bhāvā.. calī sēna kachu barani na jāī. garjahiṃ markaṭa bhaṭa samudāī.. sētubaṃdha ḍhiga caḍhai raghurāī. citava kṛpāla siṃdhu bahutāī.. dēkhana kahu prabhu karunā kaṃdā. pragaṭa bhaē saba jalacara bṛṃdā.. makara nakra nānā jhaṣa byālā. sata jōjana tana parama bisālā.. aisēu ēka tinhahi jē khāhīṃ. ēkanha kēṃ ḍara tēpi ḍērāhīṃ.. prabhuhi bilōkahiṃ ṭarahiṃ na ṭārē. mana haraṣita saba bhaē sukhārē.. tinha kī ōṭa na dēkhia bārī. magana bhaē hari rūpa nihārī.. calā kaṭaku prabhu āyasu pāī. kō kahi saka kapi dala bipulāī..

सैल बिसाल आनि कपि देहीं। कंदुक इव नल नील ते लेहीं।। देखि सेतु अति सुंदर रचना। बिहसि कृपानिधि बोले बचना।। परम रम्य उत्तम यह धरनी। महिमा अमित जाइ नहिं बरनी।। करिहउँ इहाँ संभु थापना। मोरे हृदयँ परम कलपना।। सुनि कपीस बहु दूत पठाए। मुनिबर सकल बोलि लै आए।। लिंग थापि बिधिवत करि पूजा। सिव समान प्रिय मोहि न दूजा।। सिव द्रोही मम भगत कहावा। सो नर सपनेहुँ मोहि न पावा।। संकर बिमुख भगति चह मोरी। सो नारकी मूढ़ मति थोरी।।

saila bisāla āni kapi dēhīṃ. kaṃduka iva nala nīla tē lēhīṃ.. dēkhi sētu ati suṃdara racanā. bihasi kṛpānidhi bōlē bacanā.. parama ramya uttama yaha dharanī. mahimā amita jāi nahiṃ baranī.. karihau ihāom saṃbhu thāpanā. mōrē hṛdayaom parama kalapanā.. suni kapīsa bahu dūta paṭhāē. munibara sakala bōli lai āē.. liṃga thāpi bidhivata kari pūjā. siva samāna priya mōhi na dūjā.. siva drōhī mama bhagata kahāvā. sō nara sapanēhu mōhi na pāvā.. saṃkara bimukha bhagati caha mōrī. sō nārakī mūḍha mati thōrī..

संकर प्रिय मम द्रोही सिव द्रोही मम दास। ते नर करहि कलप भरि धोर नरक महुँ बास।।2।।

saṃkara priya mama drōhī siva drōhī mama dāsa. tē nara karahi kalapa bhari dhōra naraka mahu bāsa..2..

श्री रघुबीर प्रताप ते सिंधु तरे पाषान। ते मतिमंद जे राम तजि भजहिं जाइ प्रभु आन।।3।।

śrī raghubīra pratāpa tē siṃdhu tarē pāṣāna. tē matimaṃda jē rāma taji bhajahiṃ jāi prabhu āna..3..

अति उतंग गिरि पादप लीलहिं लेहिं उठाइ। आनि देहिं नल नीलहि रचहिं ते सेतु बनाइ।।1।।

ati utaṃga giri pādapa līlahiṃ lēhiṃ uṭhāi. āni dēhiṃ nala nīlahi racahiṃ tē sētu banāi..1..