जसि बिबाह कै बिधि श्रुति गाई। महामुनिन्ह सो सब करवाई।। गहि गिरीस कुस कन्या पानी। भवहि समरपीं जानि भवानी।। पानिग्रहन जब कीन्ह महेसा। हिंयँ हरषे तब सकल सुरेसा।। बेद मंत्र मुनिबर उच्चरहीं। जय जय जय संकर सुर करहीं।। बाजहिं बाजन बिबिध बिधाना। सुमनबृष्टि नभ भै बिधि नाना।। हर गिरिजा कर भयउ बिबाहू। सकल भुवन भरि रहा उछाहू।। दासीं दास तुरग रथ नागा। धेनु बसन मनि बस्तु बिभागा।। अन्न कनकभाजन भरि जाना। दाइज दीन्ह न जाइ बखाना।।

jasi bibāha kai bidhi śruti gāī. mahāmuninha sō saba karavāī.. gahi girīsa kusa kanyā pānī. bhavahi samarapīṃ jāni bhavānī.. pānigrahana jaba kīnha mahēsā. hiṃyaom haraṣē taba sakala surēsā.. bēda maṃtra munibara uccarahīṃ. jaya jaya jaya saṃkara sura karahīṃ.. bājahiṃ bājana bibidha bidhānā. sumanabṛṣṭi nabha bhai bidhi nānā.. hara girijā kara bhayau bibāhū. sakala bhuvana bhari rahā uchāhū.. dāsīṃ dāsa turaga ratha nāgā. dhēnu basana mani bastu bibhāgā.. anna kanakabhājana bhari jānā. dāija dīnha na jāi bakhānā..

तुरत भवन आए गिरिराई। सकल सैल सर लिए बोलाई।। आदर दान बिनय बहुमाना। सब कर बिदा कीन्ह हिमवाना।। जबहिं संभु कैलासहिं आए। सुर सब निज निज लोक सिधाए।। जगत मातु पितु संभु भवानी। तेही सिंगारु न कहउँ बखानी।। करहिं बिबिध बिधि भोग बिलासा। गनन्ह समेत बसहिं कैलासा।। हर गिरिजा बिहार नित नयऊ। एहि बिधि बिपुल काल चलि गयऊ।। तब जनमेउ षटबदन कुमारा। तारकु असुर समर जेहिं मारा।। आगम निगम प्रसिद्ध पुराना। षन्मुख जन्मु सकल जग जाना।।

turata bhavana āē girirāī. sakala saila sara liē bōlāī.. ādara dāna binaya bahumānā. saba kara bidā kīnha himavānā.. jabahiṃ saṃbhu kailāsahiṃ āē. sura saba nija nija lōka sidhāē.. jagata mātu pitu saṃbhu bhavānī. tēhī siṃgāru na kahau bakhānī.. karahiṃ bibidha bidhi bhōga bilāsā. gananha samēta basahiṃ kailāsā.. hara girijā bihāra nita nayaū. ēhi bidhi bipula kāla cali gayaū.. taba janamēu ṣaṭabadana kumārā. tāraku asura samara jēhiṃ mārā.. āgama nigama prasiddha purānā. ṣanmukha janmu sakala jaga jānā..

संभु चरित सुनि सरस सुहावा। भरद्वाज मुनि अति सुख पावा।। बहु लालसा कथा पर बाढ़ी। नयनन्हि नीरु रोमावलि ठाढ़ी।। प्रेम बिबस मुख आव न बानी। दसा देखि हरषे मुनि ग्यानी।। अहो धन्य तव जन्मु मुनीसा। तुम्हहि प्रान सम प्रिय गौरीसा।। सिव पद कमल जिन्हहि रति नाहीं। रामहि ते सपनेहुँ न सोहाहीं।। बिनु छल बिस्वनाथ पद नेहू। राम भगत कर लच्छन एहू।। सिव सम को रघुपति ब्रतधारी। बिनु अघ तजी सती असि नारी।। पनु करि रघुपति भगति देखाई। को सिव सम रामहि प्रिय भाई।।

saṃbhu carita suni sarasa suhāvā. bharadvāja muni ati sukha pāvā.. bahu lālasā kathā para bāḍhaī. nayananhi nīru rōmāvali ṭhāḍhaī.. prēma bibasa mukha āva na bānī. dasā dēkhi haraṣē muni gyānī.. ahō dhanya tava janmu munīsā. tumhahi prāna sama priya gaurīsā.. siva pada kamala jinhahi rati nāhīṃ. rāmahi tē sapanēhu na sōhāhīṃ.. binu chala bisvanātha pada nēhū. rāma bhagata kara lacchana ēhū.. siva sama kō raghupati bratadhārī. binu agha tajī satī asi nārī.. panu kari raghupati bhagati dēkhāī. kō siva sama rāmahi priya bhāī..

बहु बिधि संभु सास समुझाई। गवनी भवन चरन सिरु नाई।। जननीं उमा बोलि तब लीन्ही। लै उछंग सुंदर सिख दीन्ही।। करेहु सदा संकर पद पूजा। नारिधरमु पति देउ न दूजा।। बचन कहत भरे लोचन बारी। बहुरि लाइ उर लीन्हि कुमारी।। कत बिधि सृजीं नारि जग माहीं। पराधीन सपनेहुँ सुखु नाहीं।। भै अति प्रेम बिकल महतारी। धीरजु कीन्ह कुसमय बिचारी।। पुनि पुनि मिलति परति गहि चरना। परम प्रेम कछु जाइ न बरना।। सब नारिन्ह मिलि भेटि भवानी। जाइ जननि उर पुनि लपटानी।।

bahu bidhi saṃbhu sāsa samujhāī. gavanī bhavana carana siru nāī.. jananīṃ umā bōli taba līnhī. lai uchaṃga suṃdara sikha dīnhī.. karēhu sadā saṃkara pada pūjā. nāridharamu pati dēu na dūjā.. bacana kahata bharē lōcana bārī. bahuri lāi ura līnhi kumārī.. kata bidhi sṛjīṃ nāri jaga māhīṃ. parādhīna sapanēhu sukhu nāhīṃ.. bhai ati prēma bikala mahatārī. dhīraju kīnha kusamaya bicārī.. puni puni milati parati gahi caranā. parama prēma kachu jāi na baranā.. saba nārinha mili bhēṭi bhavānī. jāi janani ura puni lapaṭānī..

दाइज दियो बहु भाँति पुनि कर जोरि हिमभूधर कह्यो। का देउँ पूरनकाम संकर चरन पंकज गहि रह्यो।। सिवँ कृपासागर ससुर कर संतोषु सब भाँतिहिं कियो। पुनि गहे पद पाथोज मयनाँ प्रेम परिपूरन हियो।।

dāija diyō bahu bhāomti puni kara jōri himabhūdhara kahyō. kā dēu pūranakāma saṃkara carana paṃkaja gahi rahyō.. sivaom kṛpāsāgara sasura kara saṃtōṣu saba bhāomtihiṃ kiyō. puni gahē pada pāthōja mayanāom prēma paripūrana hiyō..

हरि हर बिमुख धर्म रति नाहीं। ते नर तहँ सपनेहुँ नहिं जाहीं।। तेहि गिरि पर बट बिटप बिसाला। नित नूतन सुंदर सब काला।। त्रिबिध समीर सुसीतलि छाया। सिव बिश्राम बिटप श्रुति गाया।। एक बार तेहि तर प्रभु गयऊ। तरु बिलोकि उर अति सुखु भयऊ।। निज कर डासि नागरिपु छाला। बैठै सहजहिं संभु कृपाला।। कुंद इंदु दर गौर सरीरा। भुज प्रलंब परिधन मुनिचीरा।। तरुन अरुन अंबुज सम चरना। नख दुति भगत हृदय तम हरना।। भुजग भूति भूषन त्रिपुरारी। आननु सरद चंद छबि हारी।।

hari hara bimukha dharma rati nāhīṃ. tē nara tahaom sapanēhu nahiṃ jāhīṃ.. tēhi giri para baṭa biṭapa bisālā. nita nūtana suṃdara saba kālā.. tribidha samīra susītali chāyā. siva biśrāma biṭapa śruti gāyā.. ēka bāra tēhi tara prabhu gayaū. taru bilōki ura ati sukhu bhayaū.. nija kara ḍāsi nāgaripu chālā. baiṭhai sahajahiṃ saṃbhu kṛpālā.. kuṃda iṃdu dara gaura sarīrā. bhuja pralaṃba paridhana municīrā.. taruna aruna aṃbuja sama caranā. nakha duti bhagata hṛdaya tama haranā.. bhujaga bhūti bhūṣana tripurārī. ānanu sarada caṃda chabi hārī..

मैं जाना तुम्हार गुन सीला। कहउँ सुनहु अब रघुपति लीला।। सुनु मुनि आजु समागम तोरें। कहि न जाइ जस सुखु मन मोरें।। राम चरित अति अमित मुनिसा। कहि न सकहिं सत कोटि अहीसा।। तदपि जथाश्रुत कहउँ बखानी। सुमिरि गिरापति प्रभु धनुपानी।। सारद दारुनारि सम स्वामी। रामु सूत्रधर अंतरजामी।। जेहि पर कृपा करहिं जनु जानी। कबि उर अजिर नचावहिं बानी।। प्रनवउँ सोइ कृपाल रघुनाथा। बरनउँ बिसद तासु गुन गाथा।। परम रम्य गिरिबरु कैलासू। सदा जहाँ सिव उमा निवासू।।

maiṃ jānā tumhāra guna sīlā. kahau sunahu aba raghupati līlā.. sunu muni āju samāgama tōrēṃ. kahi na jāi jasa sukhu mana mōrēṃ.. rāma carita ati amita munisā. kahi na sakahiṃ sata kōṭi ahīsā.. tadapi jathāśruta kahau bakhānī. sumiri girāpati prabhu dhanupānī.. sārada dārunāri sama svāmī. rāmu sūtradhara aṃtarajāmī.. jēhi para kṛpā karahiṃ janu jānī. kabi ura ajira nacāvahiṃ bānī.. pranavau sōi kṛpāla raghunāthā. baranau bisada tāsu guna gāthā.. parama ramya giribaru kailāsū. sadā jahāom siva umā nivāsū..

चले संग हिमवंतु तब पहुँचावन अति हेतु। बिबिध भाँति परितोषु करि बिदा कीन्ह बृषकेतु।।102।।

calē saṃga himavaṃtu taba pahucāvana ati hētu. bibidha bhāomti paritōṣu kari bidā kīnha bṛṣakētu..102..

सिद्ध तपोधन जोगिजन सूर किंनर मुनिबृंद। बसहिं तहाँ सुकृती सकल सेवहिं सिब सुखकंद।।105।।

siddha tapōdhana jōgijana sūra kiṃnara munibṛṃda. basahiṃ tahāom sukṛtī sakala sēvahiṃ siba sukhakaṃda..105..

नाथ उमा मन प्रान सम गृहकिंकरी करेहु। छमेहु सकल अपराध अब होइ प्रसन्न बरु देहु।।101।।

nātha umā mana prāna sama gṛhakiṃkarī karēhu. chamēhu sakala aparādha aba hōi prasanna baru dēhu..101..

चरित सिंधु गिरिजा रमन बेद न पावहिं पारु। बरनै तुलसीदासु किमि अति मतिमंद गवाँरु।।103।।

carita siṃdhu girijā ramana bēda na pāvahiṃ pāru. baranai tulasīdāsu kimi ati matimaṃda gavāomru..103..

प्रथमहिं मै कहि सिव चरित बूझा मरमु तुम्हार। सुचि सेवक तुम्ह राम के रहित समस्त बिकार।।104।।

prathamahiṃ mai kahi siva carita būjhā maramu tumhāra. suci sēvaka tumha rāma kē rahita samasta bikāra..104..

जननिहि बहुरि मिलि चली उचित असीस सब काहूँ दईं। फिरि फिरि बिलोकति मातु तन तब सखीं लै सिव पहिं गई।। जाचक सकल संतोषि संकरु उमा सहित भवन चले। सब अमर हरषे सुमन बरषि निसान नभ बाजे भले।।

jananihi bahuri mili calī ucita asīsa saba kāhūom daīṃ. phiri phiri bilōkati mātu tana taba sakhīṃ lai siva pahiṃ gaī.. jācaka sakala saṃtōṣi saṃkaru umā sahita bhavana calē. saba amara haraṣē sumana baraṣi nisāna nabha bājē bhalē..

जगु जान षन्मुख जन्मु कर्मु प्रतापु पुरुषारथु महा। तेहि हेतु मैं बृषकेतु सुत कर चरित संछेपहिं कहा।। यह उमा संगु बिबाहु जे नर नारि कहहिं जे गावहीं। कल्यान काज बिबाह मंगल सर्बदा सुखु पावहीं।।

jagu jāna ṣanmukha janmu karmu pratāpu puruṣārathu mahā. tēhi hētu maiṃ bṛṣakētu suta kara carita saṃchēpahiṃ kahā.. yaha umā saṃgu bibāhu jē nara nāri kahahiṃ jē gāvahīṃ. kalyāna kāja bibāha maṃgala sarbadā sukhu pāvahīṃ..

मुनि अनुसासन गनपतिहि पूजेउ संभु भवानि। कोउ सुनि संसय करै जनि सुर अनादि जियँ जानि।।100।।

muni anusāsana ganapatihi pūjēu saṃbhu bhavāni. kōu suni saṃsaya karai jani sura anādi jiyaom jāni..100..