Sanskrit Original

जसि बिबाह कै बिधि श्रुति गाई। महामुनिन्ह सो सब करवाई।। गहि गिरीस कुस कन्या पानी। भवहि समरपीं जानि भवानी।। पानिग्रहन जब कीन्ह महेसा। हिंयँ हरषे तब सकल सुरेसा।। बेद मंत्र मुनिबर उच्चरहीं। जय जय जय संकर सुर करहीं।। बाजहिं बाजन बिबिध बिधाना। सुमनबृष्टि नभ भै बिधि नाना।। हर गिरिजा कर भयउ बिबाहू। सकल भुवन भरि रहा उछाहू।। दासीं दास तुरग रथ नागा। धेनु बसन मनि बस्तु बिभागा।। अन्न कनकभाजन भरि जाना। दाइज दीन्ह न जाइ बखाना।।

jasi bibāha kai bidhi śruti gāī. mahāmuninha sō saba karavāī.. gahi girīsa kusa kanyā pānī. bhavahi samarapīṃ jāni bhavānī.. pānigrahana jaba kīnha mahēsā. hiṃyaom haraṣē taba sakala surēsā.. bēda maṃtra munibara uccarahīṃ. jaya jaya jaya saṃkara sura karahīṃ.. bājahiṃ bājana bibidha bidhānā. sumanabṛṣṭi nabha bhai bidhi nānā.. hara girijā kara bhayau bibāhū. sakala bhuvana bhari rahā uchāhū.. dāsīṃ dāsa turaga ratha nāgā. dhēnu basana mani bastu bibhāgā.. anna kanakabhājana bhari jānā. dāija dīnha na jāi bakhānā..