Sanskrit Original

दीन्हि असीस सासु मृदु बानी। अति सुकुमारि देखि अकुलानी।। बैठि नमितमुख सोचति सीता। रूप रासि पति प्रेम पुनीता।। चलन चहत बन जीवननाथू। केहि सुकृती सन होइहि साथू।। की तनु प्रान कि केवल प्राना। बिधि करतबु कछु जाइ न जाना।। चारु चरन नख लेखति धरनी। नूपुर मुखर मधुर कबि बरनी।। मनहुँ प्रेम बस बिनती करहीं। हमहि सीय पद जनि परिहरहीं।। मंजु बिलोचन मोचति बारी। बोली देखि राम महतारी।। तात सुनहु सिय अति सुकुमारी। सासु ससुर परिजनहि पिआरी।।

dīnhi asīsa sāsu mṛdu bānī. ati sukumāri dēkhi akulānī.. baiṭhi namitamukha sōcati sītā. rūpa rāsi pati prēma punītā.. calana cahata bana jīvananāthū. kēhi sukṛtī sana hōihi sāthū.. kī tanu prāna ki kēvala prānā. bidhi karatabu kachu jāi na jānā.. cāru carana nakha lēkhati dharanī. nūpura mukhara madhura kabi baranī.. manahu prēma basa binatī karahīṃ. hamahi sīya pada jani pariharahīṃ.. maṃju bilōcana mōcati bārī. bōlī dēkhi rāma mahatārī.. tāta sunahu siya ati sukumārī. sāsu sasura parijanahi piārī..