Sanskrit Original

भावी बस प्रतीति उर आई। पूँछ रानि पुनि सपथ देवाई।। का पूछहुँ तुम्ह अबहुँ न जाना। निज हित अनहित पसु पहिचाना।। भयउ पाखु दिन सजत समाजू। तुम्ह पाई सुधि मोहि सन आजू।। खाइअ पहिरिअ राज तुम्हारें। सत्य कहें नहिं दोषु हमारें।। जौं असत्य कछु कहब बनाई। तौ बिधि देइहि हमहि सजाई।। रामहि तिलक कालि जौं भयऊ। तुम्ह कहुँ बिपति बीजु बिधि बयऊ।। रेख खँचाइ कहउँ बलु भाषी। भामिनि भइहु दूध कइ माखी।। जौं सुत सहित करहु सेवकाई। तौ घर रहहु न आन उपाई।।

bhāvī basa pratīti ura āī. pūomcha rāni puni sapatha dēvāī.. kā pūchahu tumha abahu na jānā. nija hita anahita pasu pahicānā.. bhayau pākhu dina sajata samājū. tumha pāī sudhi mōhi sana ājū.. khāia pahiria rāja tumhārēṃ. satya kahēṃ nahiṃ dōṣu hamārēṃ.. jauṃ asatya kachu kahaba banāī. tau bidhi dēihi hamahi sajāī.. rāmahi tilaka kāli jauṃ bhayaū. tumha kahu bipati bīju bidhi bayaū.. rēkha khaomcāi kahau balu bhāṣī. bhāmini bhaihu dūdha kai mākhī.. jauṃ suta sahita karahu sēvakāī. tau ghara rahahu na āna upāī..