Sanskrit Original

जौं ए कंद मूल फल खाहीं। बादि सुधादि असन जग माहीं।। एक कहहिं ए सहज सुहाए। आपु प्रगट भए बिधि न बनाए।। जहँ लगि बेद कही बिधि करनी। श्रवन नयन मन गोचर बरनी।। देखहु खोजि भुअन दस चारी। कहँ अस पुरुष कहाँ असि नारी।। इन्हहि देखि बिधि मनु अनुरागा। पटतर जोग बनावै लागा।। कीन्ह बहुत श्रम ऐक न आए। तेहिं इरिषा बन आनि दुराए।। एक कहहिं हम बहुत न जानहिं। आपुहि परम धन्य करि मानहिं।। ते पुनि पुन्यपुंज हम लेखे। जे देखहिं देखिहहिं जिन्ह देखे।।

jauṃ ē kaṃda mūla phala khāhīṃ. bādi sudhādi asana jaga māhīṃ.. ēka kahahiṃ ē sahaja suhāē. āpu pragaṭa bhaē bidhi na banāē.. jahaom lagi bēda kahī bidhi karanī. śravana nayana mana gōcara baranī.. dēkhahu khōji bhuana dasa cārī. kahaom asa puruṣa kahāom asi nārī.. inhahi dēkhi bidhi manu anurāgā. paṭatara jōga banāvai lāgā.. kīnha bahuta śrama aika na āē. tēhiṃ iriṣā bana āni durāē.. ēka kahahiṃ hama bahuta na jānahiṃ. āpuhi parama dhanya kari mānahiṃ.. tē puni punyapuṃja hama lēkhē. jē dēkhahiṃ dēkhihahiṃ jinha dēkhē..