Sanskrit Original

समाचार कहि जनक सुनाए। जेहि कारन महीप सब आए।। सुनत बचन फिरि अनत निहारे। देखे चापखंड महि डारे।। अति रिस बोले बचन कठोरा। कहु जड़ जनक धनुष कै तोरा।। बेगि देखाउ मूढ़ न त आजू। उलटउँ महि जहँ लहि तव राजू।। अति डरु उतरु देत नृपु नाहीं। कुटिल भूप हरषे मन माहीं।। सुर मुनि नाग नगर नर नारी।।सोचहिं सकल त्रास उर भारी।। मन पछिताति सीय महतारी। बिधि अब सँवरी बात बिगारी।। भृगुपति कर सुभाउ सुनि सीता। अरध निमेष कलप सम बीता।।

samācāra kahi janaka sunāē. jēhi kārana mahīpa saba āē.. sunata bacana phiri anata nihārē. dēkhē cāpakhaṃḍa mahi ḍārē.. ati risa bōlē bacana kaṭhōrā. kahu jaḍa janaka dhanuṣa kai tōrā.. bēgi dēkhāu mūḍha na ta ājū. ulaṭau mahi jahaom lahi tava rājū.. ati ḍaru utaru dēta nṛpu nāhīṃ. kuṭila bhūpa haraṣē mana māhīṃ.. sura muni nāga nagara nara nārī..sōcahiṃ sakala trāsa ura bhārī.. mana pachitāti sīya mahatārī. bidhi aba saomvarī bāta bigārī.. bhṛgupati kara subhāu suni sītā. aradha nimēṣa kalapa sama bītā..