त्तस्यतद्वचनंश्रुत्वाराघवश्शोककर्शितः । नोपधारयतेव्यक्तंयदुक्तंतेनरक्षसा ।।

ttasyatadvacanaṅśrutvārāghavaśśōkakarśitaḥ . nōpadhārayatēvyaktaṅyaduktaṅtēnarakṣasā ।।

ततोधैर्यमवष्टभ्यरामःपरपुरञ्जयः । विभीषणमुपासीनमुवाचकपिसन्निधौ ।।

tatōdhairyamavaṣṭabhyarāmaḥparapurañjayaḥ . vibhīṣaṇamupāsīnamuvācakapisannidhau ।।

नैरृताधिपतेवाक्यंयदुक्तंतेविभीषण । भूयस्तच्छ्रोतुमिच्छामिब्रूहियत्तेविवक्षितम् ।।

nairṛtādhipatēvākyaṅyaduktaṅtēvibhīṣaṇa . bhūyastacchrōtumicchāmibrūhiyattēvivakṣitam ।।

राघवस्यवचःश्रुत्वावाक्यंवाक्यविशारद. । यत्तत्पुनरिदंवाक्यंबभाषे स विभीषणः ।।

rāghavasyavacaḥśrutvāvākyaṅvākyaviśārada. . yattatpunaridaṅvākyaṅbabhāṣē sa vibhīṣaṇaḥ ।।

यथाज्ञप्तंमहाबाहोत्वयागुल्मनिवेशनम् । तत्तथाऽनुष्ठितंवीरत्वद्वाक्यसमनन्तरम् ।।

yathājñaptaṅmahābāhōtvayāgulmanivēśanam . tattathā.nuṣṭhitaṅvīratvadvākyasamanantaram ।।

तान्यनीकानिसर्वाणिविभग्नानिसमन्ततः । विन्यस्तायूथपाश्चैवयथान्यायंविभागशः ।।

tānyanīkānisarvāṇivibhagnānisamantataḥ . vinyastāyūthapāścaivayathānyāyaṅvibhāgaśaḥ ।।

भूयस्तुममविज्ञाप्यंतच्छ्रुणुष्वमहायश: । त्वय्यकारणसन्तप्तेसन्तप्तहृदयावयम् ।।

bhūyastumamavijñāpyaṅtacchruṇuṣvamahāyaśa: . tvayyakāraṇasantaptēsantaptahṛdayāvayam ।।

त्यजराजन्निमंशोकंमिथ्यासन्तापमागतम् । तदियंत्यज्यतांचिन्ताशत्रुहर्षविवर्धिनी ।।

tyajarājannimaṅśōkaṅmithyāsantāpamāgatam . tadiyaṅtyajyatāṅcintāśatruharṣavivardhinī ।।

उद्यमःक्रियतांवीरहर्षःसमुपसेव्यताम् । प्राप्तव्यायदितेसीताहन्तव्याश्चनिशाचराः ।।

udyamaḥkriyatāṅvīraharṣaḥsamupasēvyatām . prāptavyāyaditēsītāhantavyāścaniśācarāḥ ।।

रघुनन्दनवक्ष्यामिश्रूयतांमेहितंवचः । साध्वयंयातुसौमित्रिर्बलेनमहतावृतः ।।

raghunandanavakṣyāmiśrūyatāṅmēhitaṅvacaḥ . sādhvayaṅyātusaumitrirbalēnamahatāvṛtaḥ ।।

।। निकुम्भिलायांसम्प्राप्यहन्तुंरावणिमाहवे । धनुर्मण्डलनिर्मुक्तैराशीविषविषोपमैः ।।

।। nikumbhilāyāṅsamprāpyahantuṅrāvaṇimāhavē . dhanurmaṇḍalanirmuktairāśīviṣaviṣōpamaiḥ ।।

तेनवीरेणतपसावरदानात्स्वयम्भुवः । अस्त्रंब्रह्मशिरःप्राप्तंकामगाश्चतुरङ्गमाः ।।

tēnavīrēṇatapasāvaradānātsvayambhuvaḥ . astraṅbrahmaśiraḥprāptaṅkāmagāścaturaṅgamāḥ ।।

स एषसहसैन्येनप्राप्तःकिलनिकुम्भिलाम् । यद्युततिष्ठेत्कृतंकर्महतान्सर्वांश्चविद्धिनः ।।

sa ēṣasahasainyēnaprāptaḥkilanikumbhilām . yadyutatiṣṭhētkṛtaṅkarmahatānsarvāṅścaviddhinaḥ ।।

निकुम्भिलामसम्प्राप्तमहुताग्निं च योरिपुः । त्वामातायिनंहन्यादिन्द्रशत्रोस्सतेवधः ।।

nikumbhilāmasamprāptamahutāgniṅ ca yōripuḥ . tvāmātāyinaṅhanyādindraśatrōssatēvadhaḥ ।।

।। वरोदत्तोमहाबाहो सर्वलोकेश्वरेणवै । इत्येवंविहितोराजन्वधस्तस्यैषधीमतः ।।

।। varōdattōmahābāhō sarvalōkēśvarēṇavai . ityēvaṅvihitōrājanvadhastasyaiṣadhīmataḥ ।।

वधायेन्द्रजितोरामसन्दिशस्वमहाबल । हतेतस्मिन्हतंविद्धिरावणंससुहृज्जनम् ।।

vadhāyēndrajitōrāmasandiśasvamahābala . hatētasminhataṅviddhirāvaṇaṅsasuhṛjjanam ।।

विभीषणवच्श्रुत्वारामोवाक्यमथाब्रवीत् । जानामितस्यरौद्रस्यमायांसत्यपराक्रमः ।।

vibhīṣaṇavacśrutvārāmōvākyamathābravīt . jānāmitasyaraudrasyamāyāṅsatyaparākramaḥ ।।

स हिब्रह्मास्त्रवित्प्राज्ञोमहामायोमहाबल. । करोत्यसंज्ञान् सङ्ग्रामेदेवान्सवरुणानपि ।।

sa hibrahmāstravitprājñōmahāmāyōmahābala. . karōtyasaṅjñān saṅgrāmēdēvānsavaruṇānapi ।।

तस्यान्तरिक्षेचरतःसरथस्यमहायशः । न गतिर्ज्ञायतेवीरसूर्यस्येवाभ्रसम्ल्पवे ।।

tasyāntarikṣēcarataḥsarathasyamahāyaśaḥ . na gatirjñāyatēvīrasūryasyēvābhrasamlpavē ।।

राघवस्तुरिपोर्ज्ञात्वामायावीर्यंदुरात्मनः । लक्ष्मणंकीर्तिसम्पन्नमिदंवचनमब्रवीत् ।।

rāghavasturipōrjñātvāmāyāvīryaṅdurātmanaḥ . lakṣmaṇaṅkīrtisampannamidaṅvacanamabravīt ।।

यद्वानरेन्द्रस्यबलंतेनसर्वेणसम्वृतः । हनूमत्प्रमुखैश्चवयूथपैस्सहलक्ष्मण ।।

yadvānarēndrasyabalaṅtēnasarvēṇasamvṛtaḥ . hanūmatpramukhaiścavayūthapaissahalakṣmaṇa ।।

।। जाम्बवेनार्क्षपतिनासहसैन्येनसम्वृतः । जहितंराक्षससुतंमायाबलविशारदम् ।।

।। jāmbavēnārkṣapatināsahasainyēnasamvṛtaḥ . jahitaṅrākṣasasutaṅmāyābalaviśāradam ।।

अयंत्वांसचिवैःसार्थंमहात्मारजनीचरः । अभिज्ञस्तस्यमायानांपृष्ठतोऽनुगमिष्यति ।।

ayaṅtvāṅsacivaiḥsārthaṅmahātmārajanīcaraḥ . abhijñastasyamāyānāṅpṛṣṭhatō.nugamiṣyati ।।

राघवस्यवच्श्रुत्वालक्ष्मणस्सविभीषणः । जग्राहकार्मुकश्रेष्ठमत्यद्भुतपराक्रमः ।।

rāghavasyavacśrutvālakṣmaṇassavibhīṣaṇaḥ . jagrāhakārmukaśrēṣṭhamatyadbhutaparākramaḥ ।।

सन्नद्धःकवचीखङ्गीसशरोवामचापभृत् । रामपादावुपस्पृश्यहृष्टःसौमित्रिरब्रवीत् ।।

sannaddhaḥkavacīkhaṅgīsaśarōvāmacāpabhṛt . rāmapādāvupaspṛśyahṛṣṭaḥsaumitrirabravīt ।।

अद्यमत्कार्मुकोन्मुक्ताश्शरानिर्भिद्यरावणिम् । लङ्कामभितिष्यन्तिहंसाःपुष्करिणीमिव ।।

adyamatkārmukōnmuktāśśarānirbhidyarāvaṇim . laṅkāmabhitiṣyantihaṅsāḥpuṣkariṇīmiva ।।

अद्यैवतस्यरौद्रस्यशरीरंमामकाश्शराः । विधमिष्यन्तिभित्त्वातंमहाचापगुणच्युताः ।।

adyaivatasyaraudrasyaśarīraṅmāmakāśśarāḥ . vidhamiṣyantibhittvātaṅmahācāpaguṇacyutāḥ ।।

एवमुक्त्वा स द्युतिमान् वचनंभ्रातुरग्रतः । स रावणिवधाकाङ्क्षीलक्ष्मणस्त्वरितोययौ ।।

ēvamuktvā sa dyutimān vacanaṅbhrāturagrataḥ . sa rāvaṇivadhākāṅkṣīlakṣmaṇastvaritōyayau ।।

सोऽभिवाद्यगुरोःपादौकृत्वाचापिप्रदक्षिणम् । निकुम्भिलामभिययौचैत्यंरावणिपालितम् ।।

sō.bhivādyagurōḥpādaukṛtvācāpipradakṣiṇam . nikumbhilāmabhiyayaucaityaṅrāvaṇipālitam ।।

विभीषणेनसहितोराजपुत्रःप्रतापवान् । कृतस्वस्त्ययनोभ्रात्रालक्ष्मणस्त्वरितोययौ ।।

vibhīṣaṇēnasahitōrājaputraḥpratāpavān . kṛtasvastyayanōbhrātrālakṣmaṇastvaritōyayau ।।

वानराणांसहस्रैस्तुहनूमान् बहुभिर्वृतः । विभीषणश्चसामात्योतदालक्ष्मणमन्वगात् ।।

vānarāṇāṅsahasraistuhanūmān bahubhirvṛtaḥ . vibhīṣaṇaścasāmātyōtadālakṣmaṇamanvagāt ।।

महताहरिसैन्येनसवेगमभिसंवृतः । ऋक्षराजबलंचैवददर्शपथिविष्ठितम् ।।

mahatāharisainyēnasavēgamabhisaṅvṛtaḥ . ṛkṣarājabalaṅcaivadadarśapathiviṣṭhitam ।।

स गत्वादूरमध्वानंसौमित्रिर्मित्रनन्दनः । राक्षसेन्द्रबलंदूरादपश्यद्व्यूहमाश्रितम् ।।

sa gatvādūramadhvānaṅsaumitrirmitranandanaḥ . rākṣasēndrabalaṅdūrādapaśyadvyūhamāśritam ।।

स तंप्राप्यधनुष्पाणिर्मायायोगमरिन्दमः । तस्थौब्रह्मविधानेनविजेतुंरघुनन्दनः ।।

sa taṅprāpyadhanuṣpāṇirmāyāyōgamarindamaḥ . tasthaubrahmavidhānēnavijētuṅraghunandanaḥ ।।

भीषणेनसहितोराजपुत्रःप्रतापवान् । अङ्गदेन च वीरेणतथानिलसुतेन च ।।

bhīṣaṇēnasahitōrājaputraḥpratāpavān . aṅgadēna ca vīrēṇatathānilasutēna ca ।।

विविधममलशस्त्रभास्वरं त द्ध्वजगहनंविपुलंमहारथैश्च । प्रतिभयतममप्रमेयवेगंतिमिरमिवद्विषतांबलंविवेश ।।

vividhamamalaśastrabhāsvaraṅ ta ddhvajagahanaṅvipulaṅmahārathaiśca . pratibhayatamamapramēyavēgaṅtimiramivadviṣatāṅbalaṅvivēśa ।।