कुम्भकर्णंहतंदृष्टवाराघवेणमहात्मना । राक्षसाराक्षसेन्द्रायरावणायन्यवेदयन् ।।

kumbhakarṇaṅhataṅdṛṣṭavārāghavēṇamahātmanā . rākṣasārākṣasēndrāyarāvaṇāyanyavēdayan ।।

राजन् स कालसङ्काशस्संयुक्तःकालकर्मणा । विद्राव्यवानरींसेनांभक्षयित्वा च वानरान् ।।

rājan sa kālasaṅkāśassaṅyuktaḥkālakarmaṇā . vidrāvyavānarīṅsēnāṅbhakṣayitvā ca vānarān ।।

प्रतपित्वा मुहूर्तंतुप्रशान्तोरामतेजसा । कायेनार्थप्रविष्टेनसमुद्रंभीमदर्शनम् ।।

pratapitvā muhūrtaṅtupraśāntōrāmatējasā . kāyēnārthapraviṣṭēnasamudraṅbhīmadarśanam ।।

।। निकृत्तकण्ठोरुभुजोविक्षरन्रुधिरंबहु । रुद्ध्वाद्वारंशरीरेणलङ्कायाःपर्वतोपमः ।।

।। nikṛttakaṇṭhōrubhujōvikṣaranrudhiraṅbahu . ruddhvādvāraṅśarīrēṇalaṅkāyāḥparvatōpamaḥ ।।

।। कुम्भकर्णस्तवभ्राताकाकुत्स्थशरपीडितः । लगण्डभूतोविकृतोदावदग्धइवद्रुमः ।।

।। kumbhakarṇastavabhrātākākutsthaśarapīḍitaḥ . lagaṇḍabhūtōvikṛtōdāvadagdhaivadrumaḥ ।।

तंश्रुत्वाविनिहतंसङ्ख्येकुम्भकर्णंमहाबलम् । रावणश्शोकसन्तप्तोमुमोह च पपात च ।।

taṅśrutvāvinihataṅsaṅkhyēkumbhakarṇaṅmahābalam . rāvaṇaśśōkasantaptōmumōha ca papāta ca ।।

पितृव्यंनिहतंश्रुत्वादेवान्तकनरान्तकौ । त्रिशिराश्चातिकायश्चरुरुदुश्शोकपीडिताः ।।

pitṛvyaṅnihataṅśrutvādēvāntakanarāntakau . triśirāścātikāyaścaruruduśśōkapīḍitāḥ ।।

भ्रातरंनिहतंश्रुत्वारामेणाक्लिष्टकर्मणा । महोदरमहापार्श्वौशोकाक्रान्तौबभूवतुः ।।

bhrātaraṅnihataṅśrutvārāmēṇākliṣṭakarmaṇā . mahōdaramahāpārśvauśōkākrāntaubabhūvatuḥ ।।

ततःकृच्छ्रात्समासाद्यसंज्ञांराक्षसपुङ्गवः । कुम्भकर्णवधाद्दीनोविललापकुलेन्द्रियः ।।

tataḥkṛcchrātsamāsādyasaṅjñāṅrākṣasapuṅgavaḥ . kumbhakarṇavadhāddīnōvilalāpakulēndriyaḥ ।।

हावीर रिपुदर्पघ्न कुम्भकर्ण महाबल । त्वंमांविहायवैदैवाद्यातोऽसियमसादनम् ।।

hāvīra ripudarpaghna kumbhakarṇa mahābala . tvaṅmāṅvihāyavaidaivādyātō.siyamasādanam ।।

ममशल्यमनुद्धृत्यबान्धवानांमहाबल । शत्रुसैन्यंप्रताप्यैकस्त्वंमांसन्त्यज्यगच्छसि ।।

mamaśalyamanuddhṛtyabāndhavānāṅmahābala . śatrusainyaṅpratāpyaikastvaṅmāṅsantyajyagacchasi ।।

इदानींखल्वहंनास्मियस्यमेदक्षिणोभुजः । पतितोयंसमाश्रित्य न बिभेमिसुरासुरान् ।।

idānīṅkhalvahaṅnāsmiyasyamēdakṣiṇōbhujaḥ . patitōyaṅsamāśritya na bibhēmisurāsurān ।।

कथमेवंविधोवीरोदेवदानवदर्पहा । कालाग्निरुद्राप्रतिमोरणेराघवेणवैहतः ।।

kathamēvaṅvidhōvīrōdēvadānavadarpahā . kālāgnirudrāpratimōraṇērāghavēṇavaihataḥ ।।

यस्यतेवज्रनिष्पेषो न कुर्वाद्व्यसनंसदा । स कथंरामबाणार्तंप्रसुप्तोऽसिमहीतले ।।

yasyatēvajraniṣpēṣō na kurvādvyasanaṅsadā . sa kathaṅrāmabāṇārtaṅprasuptō.simahītalē ।।

एतेदेवगणास्सार्थमृषिभिर्गगनेस्थिताः । निहतंत्वांरणेदृष्टवानिनदन्तिप्रहर्षिताः ।।

ētēdēvagaṇāssārthamṛṣibhirgaganēsthitāḥ . nihataṅtvāṅraṇēdṛṣṭavāninadantipraharṣitāḥ ।।

ध्रुवमद्यैवसंहृष्टालब्धलक्षाःप्लवङ्गमाः । आरोक्ष्यन्तीहदुर्गाणिलङ्काद्वाराणिसर्वशः ।।

dhruvamadyaivasaṅhṛṣṭālabdhalakṣāḥplavaṅgamāḥ . ārōkṣyantīhadurgāṇilaṅkādvārāṇisarvaśaḥ ।।

राज्येननास्तिमेकार्यंकिंकरिष्यामिसीतया । कुम्भकर्णविहीनस्यजीवितेनास्तिमेमतिः ।।

rājyēnanāstimēkāryaṅkiṅkariṣyāmisītayā . kumbhakarṇavihīnasyajīvitēnāstimēmatiḥ ।।

यद्यहंभ्रातृहन्तारं न हन्मियुधिराघवम् । ननुमेमरणंश्रेयो न चेदंव्यर्थजीवितम् ।।

yadyahaṅbhrātṛhantāraṅ na hanmiyudhirāghavam . nanumēmaraṇaṅśrēyō na cēdaṅvyarthajīvitam ।।

अद्यैवतंगमिष्यामिदेशंयत्रानुजोमम । न हिभ्रातृ़न् समुत्सृज्यक्षणंजीवितमुत्सहे ।।

adyaivataṅgamiṣyāmidēśaṅyatrānujōmama . na hibhrātṛn samutsṛjyakṣaṇaṅjīvitamutsahē ।।

देवाहिमांहसिष्यन्तिदृष्टवापूर्वापकारिणम् । कथमिन्द्रंजयिष्यामिकुम्भकर्ण हतेत्वयि ।।

dēvāhimāṅhasiṣyantidṛṣṭavāpūrvāpakāriṇam . kathamindraṅjayiṣyāmikumbhakarṇa hatētvayi ।।

तदिदंमामनुप्राप्तंविभीषणवचश्शुभम् । यदज्ञानान्मयातस्य न गृहीतंमहात्मनः ।।

tadidaṅmāmanuprāptaṅvibhīṣaṇavacaśśubham . yadajñānānmayātasya na gṛhītaṅmahātmanaḥ ।।

विभीषणवचोयावत्कुम्भकर्णप्रहस्तयोः । विनाशोऽयंसमुत्पन्नोमांव्रीडयतिदारुणः ।।

vibhīṣaṇavacōyāvatkumbhakarṇaprahastayōḥ . vināśō.yaṅsamutpannōmāṅvrīḍayatidāruṇaḥ ।।

तस्यायंकर्मणःप्राप्तोविपाकोममशोकदः । यन्मयाधार्मिकश्शमान् स निरस्तोविभीषणः ।।

tasyāyaṅkarmaṇaḥprāptōvipākōmamaśōkadaḥ . yanmayādhārmikaśśamān sa nirastōvibhīṣaṇaḥ ।।

इतिबहुविधमाकुलान्तरात्माकृपणमतीवविलप्यकुम्भकर्णम् । न्यपदथदशाननोभृशार्तस्तमनुजमिन्द्ररिपुंहतंविदित्वा ।।

itibahuvidhamākulāntarātmākṛpaṇamatīvavilapyakumbhakarṇam . nyapadathadaśānanōbhṛśārtastamanujamindraripuṅhataṅviditvā ।।