सासीतातच्छिरोदृष्टवातच्चकार्मुकमुत्तमम् । सुग्रीवप्रतिसंपर्गमाख्यातंचहनूमता ।।

sāsītātacchirōdṛṣṭavātaccakārmukamuttamam . sugrīvapratisaṅpargamākhyātaṅcahanūmatā ।।

।। नयनेमुखवर्णंचभर्तुस्तत्सदृशंमुखम् । केशान् केशान्तदेशंचतंचचूडामणिंशुभम् ।।

।। nayanēmukhavarṇaṅcabhartustatsadṛśaṅmukham . kēśān kēśāntadēśaṅcataṅcacūḍāmaṇiṅśubham ।।

।। एतैस्सर्वेरभिज्ञानैरभिज्ञायसुदुःखिता । निजगर्हेचकैकेयींक्रोशन्तीकुररीयथा ।।

।। ētaissarvērabhijñānairabhijñāyasuduḥkhitā . nijagarhēcakaikēyīṅkrōśantīkurarīyathā ।।

सकामाभवकैकेयीहतोऽयंकुलनन्दनः । कुलमुत्सादितंसर्वंत्वयाकलहशीलया ।।

sakāmābhavakaikēyīhatō.yaṅkulanandanaḥ . kulamutsāditaṅsarvaṅtvayākalahaśīlayā ।।

आर्येणकिंतेकैकेयी कृतंरामेणविप्रियम् । यन्मयाचीरवसनस्त्वयाप्रस्थापितोवनम् ।।

āryēṇakiṅtēkaikēyī kṛtaṅrāmēṇavipriyam . yanmayācīravasanastvayāprasthāpitōvanam ।।

एवमुक्त्वातुवैदेहीवेपमानातपस्विनी । जगामजगतींबालाछिन्नातुकदळीयथा ।।

ēvamuktvātuvaidēhīvēpamānātapasvinī . jagāmajagatīṅbālāchinnātukadaḷīyathā ।।

सामुहूर्तात्समाश्वास्यप्रतिलभ्यचचेतनाम् । तच्छिरस्समुपाघ्रायविललासायतेक्षणा ।।

sāmuhūrtātsamāśvāsyapratilabhyacacētanām . tacchirassamupāghrāyavilalāsāyatēkṣaṇā ।।

हाहताऽस्मिमहाबाहो वीरव्रतमनुव्रत । इमांतेपश्चिमावस्थांगताऽस्मिविधवाकृता ।।

hāhatā.smimahābāhō vīravratamanuvrata . imāṅtēpaścimāvasthāṅgatā.smividhavākṛtā ।।

प्रथमंमरणंनार्याभर्तुर्वैगुण्यमुच्यते । सुवृत्त: स्साधुवृत्तायास्सम्वृत्तस्त्वंममाग्रतः ।।

prathamaṅmaraṇaṅnāryābharturvaiguṇyamucyatē . suvṛtta: ssādhuvṛttāyāssamvṛttastvaṅmamāgrataḥ ।।

दुःखाद्दुःखंप्रपन्नायामग्नायाश्शोकसागरे । योहिमामुद्यतनिस्त्रातुंसोऽपित्वंविनिपातितः ।।

duḥkhādduḥkhaṅprapannāyāmagnāyāśśōkasāgarē . yōhimāmudyatanistrātuṅsō.pitvaṅvinipātitaḥ ।।

साश्वश्रूर्ममकौसल्यात्वयापुत्रेणराघव: । वत्सेनेवयथाधेनुर्विवत्सावत्सलाकृता ।।

sāśvaśrūrmamakausalyātvayāputrēṇarāghava: . vatsēnēvayathādhēnurvivatsāvatsalākṛtā ।।

आद्दिष्टंदीर्घमायुस्तेयैरचिन्त्यपराक्रम । अनृतंवचनंतेषामल्पायुरपिराघव ।।

āddiṣṭaṅdīrghamāyustēyairacintyaparākrama . anṛtaṅvacanaṅtēṣāmalpāyurapirāghava ।।

अथवानश्यतिप्रज्ञाप्राज्ञस्यापिसतस्तव । पचत्येनंयथाकालोभूतानांप्रभवोऽह्ययम् ।।

athavānaśyatiprajñāprājñasyāpisatastava . pacatyēnaṅyathākālōbhūtānāṅprabhavō.hyayam ।।

अदृष्टंमृत्युमापन्नःकस्मात्त्वंनयशास्त्रवित् । व्यसनानामुपायज्ञःकुशलोह्यसिवर्जने ।।

adṛṣṭaṅmṛtyumāpannaḥkasmāttvaṅnayaśāstravit . vyasanānāmupāyajñaḥkuśalōhyasivarjanē ।।

तथात्वंसम्परिष्वज्यरौद्रयाऽतिनृशंसया । काळरात्य्राममाच्छिद्यहृतःकमललोचन:।।

tathātvaṅsampariṣvajyaraudrayā.tinṛśaṅsayā . kāḷarātyrāmamācchidyahṛtaḥkamalalōcana:।।

उपशेषेमहाबाहो: मांविहायतपस्विनीम् । प्रियामिवसमालशिष्यपृथिवींपुरुषर्षभ ।।

upaśēṣēmahābāhō: māṅvihāyatapasvinīm . priyāmivasamālaśiṣyapṛthivīṅpuruṣarṣabha ।।

अर्चितंसततंयत्तद्गन्धमाल्यैर्मयातव । इदंतेमप्रतियंवीरधनुःकाञ्चानभूषणम् ।।

arcitaṅsatataṅyattadgandhamālyairmayātava . idaṅtēmapratiyaṅvīradhanuḥkāñcānabhūṣaṇam ।।

पित्रादशरथेनत्वंश्वशुरेणममानघ: । सर्वैश्चपितृभिस्सार्थंनूनंस्वर्गेसमागतः ।।

pitrādaśarathēnatvaṅśvaśurēṇamamānagha: . sarvaiścapitṛbhissārthaṅnūnaṅsvargēsamāgataḥ ।।

दिविनक्षत्रभूतस्त्वंमहात्कर्मकृतप्रियम् । पुण्यंराजर्षिवंशंत्वमात्मनस्समुपेक्षसे ।।

divinakṣatrabhūtastvaṅmahātkarmakṛtapriyam . puṇyaṅrājarṣivaṅśaṅtvamātmanassamupēkṣasē ।।

किंमांनप्रेक्षसेराजन् किंमांनप्रतिभाषसे । बालांबाल्येनसम्प्राप्तांभार्यांमांसहचारिणीम् ।।

kiṅmāṅnaprēkṣasērājan kiṅmāṅnapratibhāṣasē . bālāṅbālyēnasamprāptāṅbhāryāṅmāṅsahacāriṇīm ।।

संश्रुतंगृह्णतापाणिंचरिष्यामीतियत्त्वया । स्मरतन्ममकाकुत्स्थनयमामपिदुःखिताम् ।।

saṅśrutaṅgṛhṇatāpāṇiṅcariṣyāmītiyattvayā . smaratanmamakākutsthanayamāmapiduḥkhitām ।।

कस्मान्मामपहायत्वंगतोगतिमतांवर । अस्माल्लोकादमुंलोकंत्यक्त्वामामपिदुःखिताम् ।।

kasmānmāmapahāyatvaṅgatōgatimatāṅvara . asmāllōkādamuṅlōkaṅtyaktvāmāmapiduḥkhitām ।।

कल्याणैरुचितंयत्तत्परिष्वक्तंमयैवतु । क्रव्यादैस्तच्छरीरंतेमानंविपरिकृष्यते ।।

kalyāṇairucitaṅyattatpariṣvaktaṅmayaivatu . kravyādaistaccharīraṅtēmānaṅviparikṛṣyatē ।।

अग्निष्टोमादिभिर्यज्ञैरिष्टवानाप्तदक्षिणैः । अग्निहोत्रेणसंस्कारंकेनत्वंनतुलप्स्यसे ।।

agniṣṭōmādibhiryajñairiṣṭavānāptadakṣiṇaiḥ . agnihōtrēṇasaṅskāraṅkēnatvaṅnatulapsyasē ।।

प्रव्रज्यामुपपन्नानांत्रयाणामेकमागतम् । परिप्रक्ष्यतिकौसल्यालक्ष्मणंशोकलालसा ।।

pravrajyāmupapannānāṅtrayāṇāmēkamāgatam . pariprakṣyatikausalyālakṣmaṇaṅśōkalālasā ।।

सतस्याःपरिपृच्छन्त्यावधंमित्रबलस्यते । तवचाख्यास्यतेनूनंनिशायांराक्षसैर्वधम् ।।

satasyāḥparipṛcchantyāvadhaṅmitrabalasyatē . tavacākhyāsyatēnūnaṅniśāyāṅrākṣasairvadham ।।

सात्वांसुप्तंहतंश्रुत्वामांचरक्षोगृहंगताम् । हृदयेनविदीर्णेननभविष्यतिराघव ।।

sātvāṅsuptaṅhataṅśrutvāmāṅcarakṣōgṛhaṅgatām . hṛdayēnavidīrṇēnanabhaviṣyatirāghava ।।

ममहेतोरनार्यायाह्यनर्हःपार्थिवात्म: । रामस्सागरमुततीर्यसत्त्ववान् गोष्पदेहतः ।।

mamahētōranāryāyāhyanarhaḥpārthivātma: . rāmassāgaramutatīryasattvavān gōṣpadēhataḥ ।।

अहंदाशरथेनोढामोहात्स्वकुलपांसनी । आर्यपुत्रस्यरामस्यभार्यामृत्युरजायत ।।

ahaṅdāśarathēnōḍhāmōhātsvakulapāṅsanī . āryaputrasyarāmasyabhāryāmṛtyurajāyata ।।

नूनमन्यांमयाजातिंवारितंदानमुत्तमम् । याहमद्येहशोचामिभार्यासर्वतिथेरपि ।।

nūnamanyāṅmayājātiṅvāritaṅdānamuttamam . yāhamadyēhaśōcāmibhāryāsarvatithērapi ।।

साधुपातयमांक्षिप्रंरामस्योपरिरावण । समानयपतिंपन्त्याकुरुकल्याणमुत्तमम् ।।

sādhupātayamāṅkṣipraṅrāmasyōparirāvaṇa . samānayapatiṅpantyākurukalyāṇamuttamam ।।

शिरसामेशिरश्चास्यकायंकायेनयोजय । रावणानुगमिष्यामिगतिंभर्तुर्महात्मनः ।।

śirasāmēśiraścāsyakāyaṅkāyēnayōjaya . rāvaṇānugamiṣyāmigatiṅbharturmahātmanaḥ ।।

इतिसदुःखसन्तप्ताविललापायतेक्षणा । भर्तुश्शिरोधनुस्तत्रसमीक्ष्यचपुनःपुनः ।।

itisaduḥkhasantaptāvilalāpāyatēkṣaṇā . bhartuśśirōdhanustatrasamīkṣyacapunaḥpunaḥ ।।

एवंलालप्यमानायांसीतायांतत्रराक्षसः । अभिचक्रामभर्तारमनीकस्थःकृताञ्जलिः ।।

ēvaṅlālapyamānāyāṅsītāyāṅtatrarākṣasaḥ . abhicakrāmabhartāramanīkasthaḥkṛtāñjaliḥ ।।

विजयस्वार्यपुत्रेतिसोऽभिवाद्यप्रसाद्यच । न्यवेदयदनुप्राप्तंप्रहस्तंवाहिनीपतिम् ।।

vijayasvāryaputrētisō.bhivādyaprasādyaca . nyavēdayadanuprāptaṅprahastaṅvāhinīpatim ।।

अमात्यैस्सहितस्सर्वैःप्रहस्तस्समुपस्थितः । तेनदर्शनकामेनवयंप्रस्थापिताःप्रभो ।।

amātyaissahitassarvaiḥprahastassamupasthitaḥ . tēnadarśanakāmēnavayaṅprasthāpitāḥprabhō ।।

नूनमस्तिमहाराज राजभावात्क्षमान्वितं । किञ्चिदात्ययिकंकार्यंतेषांत्वंदर्शनंकुरु ।।

nūnamastimahārāja rājabhāvātkṣamānvitaṅ . kiñcidātyayikaṅkāryaṅtēṣāṅtvaṅdarśanaṅkuru ।।

एतच्छ्रुत्वादशग्रीवोराक्षसप्रतिवेदितम् । अशोकन्विकांत्यक्त्वामन्त्रिणांदर्शनंययौ ।।

ētacchrutvādaśagrīvōrākṣasaprativēditam . aśōkanvikāṅtyaktvāmantriṇāṅdarśanaṅyayau ।।

सतुसर्वंसमर्थ्यैवमन्त्रिभिःकृत्यमात्मनः । सभांप्रविश्यविदधेविदित्वारामविक्रमम् ।।

satusarvaṅsamarthyaivamantribhiḥkṛtyamātmanaḥ . sabhāṅpraviśyavidadhēviditvārāmavikramam ।।

अन्तर्थानंतुतच्छीर्षंतच्चकार्मुकमुत्तमम् । जगामरावणस्यैवनिर्याणसमनन्तरम् ।।

antarthānaṅtutacchīrṣaṅtaccakārmukamuttamam . jagāmarāvaṇasyaivaniryāṇasamanantaram ।।

राक्षसेन्द्रस्तुतैस्सार्धंमन्त्रिभिर्भीमविक्रमैः । समर्थयामासतदारामकार्यविनिश्चयम् ।।

rākṣasēndrastutaissārdhaṅmantribhirbhīmavikramaiḥ . samarthayāmāsatadārāmakāryaviniścayam ।।

अविदूरस्थितान्सर्वान्बलाध्यक्षाहनितैषिणः । अब्रवीत्कालसदृशोरावणोराक्षसाधिपः ।।

avidūrasthitānsarvānbalādhyakṣāhanitaiṣiṇaḥ . abravītkālasadṛśōrāvaṇōrākṣasādhipaḥ ।।

शीघ्रंभेरीनिनादेनस्फुटंकोणाहतेनमे । समानयध्वंसैन्यानिवक्तव्यंचनकारणम् ।।

śīghraṅbhērīninādēnasphuṭaṅkōṇāhatēnamē . samānayadhvaṅsainyānivaktavyaṅcanakāraṇam ।।

ततस्तथेतिप्रतिगृह्यतद्वचोबलाधिपास्तेमहदात्मनोबलम् । समानयंश्चैवसमागमंचतेन्यवेदयन्भर्तरियुद्धकाङ्क्षिणि ।।

tatastathētipratigṛhyatadvacōbalādhipāstēmahadātmanōbalam . samānayaṅścaivasamāgamaṅcatēnyavēdayanbhartariyuddhakāṅkṣiṇi ।।