एवमस्मि तदा मुक्तः कथञ्चित्तेन संयुगे। इदानीमपि यद्वृत्तं तच्छृणुष्व निरुत्तरम्।।

ēvamasmi tadā muktaḥ kathañcittēna saṅyugē. idānīmapi yadvṛttaṅ tacchṛṇuṣva niruttaram৷৷

राक्षसाभ्यामहं द्वाभ्यामनिर्विण्णस्तथा कृतः। सहितो मृगरूपाभ्यां प्रविष्टो दण्डकावनम्।।

rākṣasābhyāmahaṅ dvābhyāmanirviṇṇastathā kṛtaḥ. sahitō mṛgarūpābhyāṅ praviṣṭō daṇḍakāvanam৷৷

दीप्तजिह्वो महाकायस्तीक्ष्णदंष्ट्रो महाबलः। व्यचरं दण्डकारण्यं मांसभक्षो महामृगः।।

dīptajihvō mahākāyastīkṣṇadaṅṣṭrō mahābalaḥ. vyacaraṅ daṇḍakāraṇyaṅ māṅsabhakṣō mahāmṛgaḥ৷৷

अग्निहोत्रेषु तीर्थेषु चैत्यवृक्षेषु रावण। अत्यन्तघोरो व्यचरं तापसान्सम्प्रधर्षयन्।।

agnihōtrēṣu tīrthēṣu caityavṛkṣēṣu rāvaṇa. atyantaghōrō vyacaraṅ tāpasānsampradharṣayan৷৷

निहत्य दण्डकारण्ये तापसान्धर्मचारिणः। रुधिराणि पिबंस्तेषां तथा मांसानि भक्षयन्।।

nihatya daṇḍakāraṇyē tāpasāndharmacāriṇaḥ. rudhirāṇi pibaṅstēṣāṅ tathā māṅsāni bhakṣayan৷৷

ऋषिमांसाशनः क्रूरस्त्रासयन्वनगोचरान्। तथा रुधिरमत्तोऽहं विचरन्धर्मदूषकः।।

ṛṣimāṅsāśanaḥ krūrastrāsayanvanagōcarān. tathā rudhiramattō.haṅ vicarandharmadūṣakaḥ৷৷

आसादयं तदा रामं तापसं धर्मचारिणम्। वैदेहीं च महाभागां लक्ष्मणं च महारथम्।।

āsādayaṅ tadā rāmaṅ tāpasaṅ dharmacāriṇam. vaidēhīṅ ca mahābhāgāṅ lakṣmaṇaṅ ca mahāratham৷৷

तापसं नियताहारं सर्वभूतहिते रतम्। सोऽहं वनगतं रामं परिभूय महाबलम्।।

tāpasaṅ niyatāhāraṅ sarvabhūtahitē ratam. sō.haṅ vanagataṅ rāmaṅ paribhūya mahābalam৷৷

।। तापसोऽयमिति ज्ञात्वा पूर्ववैरमनुस्मरन्। अभ्यधावं हि संक्रुद्धस्तीक्ष्ण शृङ्गो मृगाकृतिः।।

৷৷ tāpasō.yamiti jñātvā pūrvavairamanusmaran. abhyadhāvaṅ hi saṅkruddhastīkṣṇa śṛṅgō mṛgākṛtiḥ৷৷

तेन मुक्तास्त्रयो बाणाश्शिताश्शत्रुनिबर्हणाः।।

tēna muktāstrayō bāṇāśśitāśśatrunibarhaṇāḥ৷৷

ते बाणा वज्रसङ्काशास्सुमुक्ता रक्तभोजनाः। आजग्मुस्सहितास्सर्वे त्रयस्सन्नतपर्वणः।।

tē bāṇā vajrasaṅkāśāssumuktā raktabhōjanāḥ. ājagmussahitāssarvē trayassannataparvaṇaḥ৷৷

पराक्रमज्ञो रामस्य शठो दृष्टभयः पुरा। समुद्भान्तस्ततोमुक्तस्तावुभौ राक्षसौ हतौ।।

parākramajñō rāmasya śaṭhō dṛṣṭabhayaḥ purā. samudbhāntastatōmuktastāvubhau rākṣasau hatau৷৷

शरेण मुक्तो रामस्य कथञ्चित्प्राप्य जीवितम्। इह प्रव्राजितो युक्तस्तापसोऽहं समाहितः।।

śarēṇa muktō rāmasya kathañcitprāpya jīvitam. iha pravrājitō yuktastāpasō.haṅ samāhitaḥ৷৷

वृक्षे वृक्षे च पश्यामि चीरकृष्णाजिनाम्बरम्। गृहीतधनुषं रामं पाशहस्तमिवान्तकम्।।

vṛkṣē vṛkṣē ca paśyāmi cīrakṛṣṇājināmbaram. gṛhītadhanuṣaṅ rāmaṅ pāśahastamivāntakam৷৷

अपि रामसहस्राणि भीतः पश्यामि रावण। रामभूतमिदं सर्वमरण्यं प्रतिभाति मे।।

api rāmasahasrāṇi bhītaḥ paśyāmi rāvaṇa. rāmabhūtamidaṅ sarvamaraṇyaṅ pratibhāti mē৷৷

राममेव हि पश्यामि रहिते राक्षसाधिप। दृष्ट्वा स्वप्नगतं राममुद्भ्रमामि विचेतनः।।

rāmamēva hi paśyāmi rahitē rākṣasādhipa. dṛṣṭvā svapnagataṅ rāmamudbhramāmi vicētanaḥ৷৷

रकारादीनि नामानि रामत्रस्तस्य रावण। रत्नानि च रथाश्चैव त्रासं संजनयन्ति मे।।

rakārādīni nāmāni rāmatrastasya rāvaṇa. ratnāni ca rathāścaiva trāsaṅ saṅjanayanti mē৷৷

अहं तस्य प्रभावज्ञो न युद्धं तेन ते क्षमम्। बलिं वा नमुचिं वापि हन्याद्धि रघुनन्दनः।।

ahaṅ tasya prabhāvajñō na yuddhaṅ tēna tē kṣamam. baliṅ vā namuciṅ vāpi hanyāddhi raghunandanaḥ৷৷

रणे रामेण युद्ध्यस्व क्षमां वा कुरु राक्षस । न ते रामकथा कार्या यदि मां द्रष्टुमिच्छसि ।।

raṇē rāmēṇa yuddhyasva kṣamāṅ vā kuru rākṣasa . na tē rāmakathā kāryā yadi māṅ draṣṭumicchasi ৷৷

बहवस्साधवो लोके युक्ता धर्ममनुष्ठिताः। परेषामपराधेन विनष्ठास्सपरिच्छदाः।।

bahavassādhavō lōkē yuktā dharmamanuṣṭhitāḥ. parēṣāmaparādhēna vinaṣṭhāssaparicchadāḥ৷৷

सोऽऽहं तवापराधेन विनश्येयं निशाचर। कुरु यत्ते क्षमं तत्त्वमहं त्वा नानुयामि ह।।

sō৷৷haṅ tavāparādhēna vinaśyēyaṅ niśācara. kuru yattē kṣamaṅ tattvamahaṅ tvā nānuyāmi ha৷৷

रामश्च हि महातेजा महासत्त्वो महाबलः।।

rāmaśca hi mahātējā mahāsattvō mahābalaḥ৷৷

यदि शूर्पणखाहेतोर्जनस्थानगतः खरः।।

yadi śūrpaṇakhāhētōrjanasthānagataḥ kharaḥ৷৷

।। अतिवृत्तो हतः पूर्वं रामेणाक्लिष्टकर्मणा। अत्र ब्रूहि यथातत्त्वं को रामस्य व्यतिक्रमः।।

৷৷ ativṛttō hataḥ pūrvaṅ rāmēṇākliṣṭakarmaṇā. atra brūhi yathātattvaṅ kō rāmasya vyatikramaḥ৷৷

इदं वचो बन्धुहितार्थिनामया यथोच्यमानं यदि नाभिपत्स्यसे। सबान्धवस्त्यक्ष्यसि जीवितं रणे हतोऽऽद्य रामेण शरैरजिह्मगैः।।

idaṅ vacō bandhuhitārthināmayā yathōcyamānaṅ yadi nābhipatsyasē. sabāndhavastyakṣyasi jīvitaṅ raṇē hatō৷৷dya rāmēṇa śarairajihmagaiḥ৷৷