ब्रह्मोवाच ॥ अतः परं प्रवक्ष्यामि पूजाविधिमनुत्तमम् ॥ श्रूयतामृषयो देवास्सर्वकामसुखावहम् ॥ १ ॥

brahmovAca ॥ ataH paraM pravakSyAmi pUjAvidhimanuttamam ॥ zrUyatAmRSayo devAssarvakAmasukhAvaham ॥ 1 ॥

ब्राह्मे मुहूर्ते चोत्थाय संस्मरेत्सांबकं शिवम् ॥ कुर्यात्तत्प्रार्थनां भक्त्या सांजलिर्नतमस्तकः ॥ २ ॥

brAhme muhUrte cotthAya saMsmaretsAMbakaM zivam ॥ kuryAttatprArthanAM bhaktyA sAMjalirnatamastakaH ॥ 2 ॥

उत्तिष्ठोत्तिष्ठ देवेश उत्तिष्ठ हृदयेशय ॥ उत्तिष्ठ त्वमुमास्वामिन्ब्रह्माण्डे मंगलं कुरु ॥ ३ ॥

uttiSThottiSTha deveza uttiSTha hRdayezaya ॥ uttiSTha tvamumAsvAminbrahmANDe maMgalaM kuru ॥ 3 ॥

जानामि धर्मं न च मे प्रवृत्तिर्जानाम्यधर्मं न च मे निवृत्तिः ॥ त्वया महादेव हृदिस्थितेन यथा नियुक्तोऽस्मि तथा करोमि ॥ ४ ॥

jAnAmi dharmaM na ca me pravRttirjAnAmyadharmaM na ca me nivRttiH ॥ tvayA mahAdeva hRdisthitena yathA niyukto'smi tathA karomi ॥ 4 ॥

इत्युक्त्वा वचनं भक्त्या स्मृत्वा च गुरुपादके ॥ बहिर्गच्छेद्दक्षिणाशां त्यागार्थं मलमूत्रयोः ॥ ५ ॥

ityuktvA vacanaM bhaktyA smRtvA ca gurupAdake ॥ bahirgaccheddakSiNAzAM tyAgArthaM malamUtrayoH ॥ 5 ॥

देहशुद्धिं ततः कृत्वा स मृज्जलविशोधनैः ॥ हस्तौ पादौ च प्रक्षाल्य दंतधावनमाचरेत् ॥ ६ ॥

dehazuddhiM tataH kRtvA sa mRjjalavizodhanaiH ॥ hastau pAdau ca prakSAlya daMtadhAvanamAcaret ॥ 6 ॥

दिवानाथे त्वनुदिते कृत्वा वै दंतधावनम्॥ मुखं षोडशवारं तु प्रक्षाल्यांजलिभिस्तथा ॥ ७ ॥

divAnAthe tvanudite kRtvA vai daMtadhAvanam॥ mukhaM SoDazavAraM tu prakSAlyAMjalibhistathA ॥ 7 ॥

षष्ठ्याद्यमाश्च तिथयो नवम्यर्कदिने तथा ॥ वर्ज्यास्सुरर्षयो यत्नाद्भक्तेन रदधावने ॥८॥

SaSThyAdyamAzca tithayo navamyarkadine tathA ॥ varjyAssurarSayo yatnAdbhaktena radadhAvane ॥8॥

यथावकाशं सुस्नायान्नद्यादिष्वथवा गृहे ॥ देशकालाविरुद्धं च स्नानं कार्यं नरेण च ॥९॥

yathAvakAzaM susnAyAnnadyAdiSvathavA gRhe ॥ dezakAlAviruddhaM ca snAnaM kAryaM nareNa ca ॥9॥

रवेर्दिने तथा श्राद्धे संक्रान्तौ ग्रहणे तथा ॥ महादाने तथा तीर्थे ह्युपवासदिने तथा॥2-1-13-१०॥

raverdine tathA zrAddhe saMkrAntau grahaNe tathA ॥ mahAdAne tathA tIrthe hyupavAsadine tathA॥2-1-13-10॥

अशौचेप्यथवा प्राप्ते न स्नायादुष्णवारिणा ॥ यथा साभिमुखंस्नायात्तीर्थादौ भक्तिमान्नरः ॥ ११ ॥

azaucepyathavA prApte na snAyAduSNavAriNA ॥ yathA sAbhimukhaMsnAyAttIrthAdau bhaktimAnnaraH ॥ 11 ॥

तैलाभ्यंगं च कुर्वीत वारान्दृष्ट्वा क्रमेण च ॥ नित्यमभ्यंगके चैव वासितं वा न दूषितम्॥१२॥

tailAbhyaMgaM ca kurvIta vArAndRSTvA krameNa ca ॥ nityamabhyaMgake caiva vAsitaM vA na dUSitam॥12॥

श्राद्धे च ग्रहणे चैवोपवासे प्रतिपद्दिने ॥ अथवा सार्षपं तैलं न दुष्येद्ग्रहणं विना ॥१३॥

zrAddhe ca grahaNe caivopavAse pratipaddine ॥ athavA sArSapaM tailaM na duSyedgrahaNaM vinA ॥13॥

देशं कालं विचार्यैवं स्नानं कुर्याद्यथा विधि ॥ उत्तराभिमुखश्चैव प्राङ्मुखोप्यथवा पुनः॥ १४ ॥

dezaM kAlaM vicAryaivaM snAnaM kuryAdyathA vidhi ॥ uttarAbhimukhazcaiva prAGmukhopyathavA punaH॥ 14 ॥

उच्छिष्टेनैव वस्त्रेण न स्नायात्स कदाचन ॥ शुद्धवस्त्रेण संस्नायात्तद्देवस्मरपूर्वकम् ॥ १५ ॥

ucchiSTenaiva vastreNa na snAyAtsa kadAcana ॥ zuddhavastreNa saMsnAyAttaddevasmarapUrvakam ॥ 15 ॥

परधार्य्यं च नोच्छिष्टं रात्रौ च विधृतं च यत् ॥ तेन स्नानं तथा कार्यं क्षालितं च परित्यजेत् ॥ १६ ॥

paradhAryyaM ca nocchiSTaM rAtrau ca vidhRtaM ca yat ॥ tena snAnaM tathA kAryaM kSAlitaM ca parityajet ॥ 16 ॥

तर्पणं च ततः कार्यं देवर्षिपितृतृप्तिदम् ॥ धौतवस्त्रं ततो धार्यं पुनराचमनं चरेत् ॥१७॥

tarpaNaM ca tataH kAryaM devarSipitRtRptidam ॥ dhautavastraM tato dhAryaM punarAcamanaM caret ॥17॥

शुचौ देशे ततो गत्वा गोमयाद्युपमार्जिते ॥ आसनं च शुभं तत्र रचनीयं द्विजोत्तमाः ॥ १८ ॥

zucau deze tato gatvA gomayAdyupamArjite ॥ AsanaM ca zubhaM tatra racanIyaM dvijottamAH ॥ 18 ॥

शुद्धकाष्ठसमुत्पन्नं पूर्णं स्तरितमेव वा ॥ चित्रासनं तथा कुर्यात्सर्वकामफलप्र दम् ॥१९॥

zuddhakASThasamutpannaM pUrNaM staritameva vA ॥ citrAsanaM tathA kuryAtsarvakAmaphalapra dam ॥19॥

यथायोग्यं पुनर्ग्राह्यं मृगचर्मादिकं च यत् ॥ तत्रोपविश्य कुर्वीत त्रिपुंड्रं भस्मना सुधीः ॥2-1-13-२०॥

yathAyogyaM punargrAhyaM mRgacarmAdikaM ca yat ॥ tatropavizya kurvIta tripuMDraM bhasmanA sudhIH ॥2-1-13-20॥

जपस्तपस्तथा दानं त्रिपुण्ड्रात्सफलं भवेत् ॥ अभावे भस्मनस्तत्र जलस्यादि प्रकीर्तितम् ॥२१॥

japastapastathA dAnaM tripuNDrAtsaphalaM bhavet ॥ abhAve bhasmanastatra jalasyAdi prakIrtitam ॥21॥

एवं कृत्वा त्रिपुंड्रं च रुद्राक्षान्धारयेन्नरः ॥ संपाद्य च स्वकं कर्म पुनराराधयेच्छिवम् ॥ २२ ॥

evaM kRtvA tripuMDraM ca rudrAkSAndhArayennaraH ॥ saMpAdya ca svakaM karma punarArAdhayecchivam ॥ 22 ॥

पुनराचमनं कृत्वा त्रिवारं मंत्रपूर्वकम् ॥ एकं वाथ प्रकुर्याच्च गंगाबिन्दुरिति ब्रुवन्॥२३॥

punarAcamanaM kRtvA trivAraM maMtrapUrvakam ॥ ekaM vAtha prakuryAcca gaMgAbinduriti bruvan॥23॥

अन्नोदकं तथा तत्र शिवपूजार्थमाहरेत् ॥ अन्यद्वस्तु च यत्किंचिद्यथाशक्ति समीपगम् ॥२४॥

annodakaM tathA tatra zivapUjArthamAharet ॥ anyadvastu ca yatkiMcidyathAzakti samIpagam ॥24॥

कृत्वा स्थेयं च तत्रैव धैर्यमास्थाय वै पुनः ॥ अर्घं पात्रं तथा चैकं जलगंधाक्षतैर्युतम् ॥ २५ ॥

kRtvA stheyaM ca tatraiva dhairyamAsthAya vai punaH ॥ arghaM pAtraM tathA caikaM jalagaMdhAkSatairyutam ॥ 25 ॥

दक्षिणांसे तथा स्थाप्यमुपचारस्य क्लृप्तये ॥ गुरोश्च स्मरणं कृत्वा तदनुज्ञामवाप्य च ॥ २६ ॥

dakSiNAMse tathA sthApyamupacArasya klRptaye ॥ gurozca smaraNaM kRtvA tadanujJAmavApya ca ॥ 26 ॥

संकल्पं विधिवत्कृत्वा कामनां च नियुज्य वै ॥ पूजयेत्परया भक्त्या शिवं सपरिवारकम् ॥२७॥

saMkalpaM vidhivatkRtvA kAmanAM ca niyujya vai ॥ pUjayetparayA bhaktyA zivaM saparivArakam ॥27॥

मुद्रामेकां प्रदर्श्यैव पूजयेद्विघ्नहारकम्॥ सिंदुरादिपदार्थैश्च सिद्धिबुद्धिसमन्वितम् ॥२८॥

mudrAmekAM pradarzyaiva pUjayedvighnahArakam॥ siMdurAdipadArthaizca siddhibuddhisamanvitam ॥28॥

लक्षलाभयुतं तत्र पूजयित्वा नमेत्पुनः॥ चतुर्थ्यंतैर्नामपदैर्नमोन्तैः प्रणवादिभिः ॥२९॥

lakSalAbhayutaM tatra pUjayitvA nametpunaH॥ caturthyaMtairnAmapadairnamontaiH praNavAdibhiH ॥29॥

क्षमाप्यैनं तदा देवं भ्रात्रा चैव समन्वितम् ॥ पूजयेत्परया भक्त्या नमस्कुर्यात्पुनः पुनः ॥ 2-1-13-३० ॥

kSamApyainaM tadA devaM bhrAtrA caiva samanvitam ॥ pUjayetparayA bhaktyA namaskuryAtpunaH punaH ॥ 2-1-13-30 ॥

द्वारपालं सदा द्वारि तिष्ठंतं च महोदरम् ॥ पूजयित्वा ततः पश्चात्पूजयेद्गिरिजां सतीम् ॥३१॥

dvArapAlaM sadA dvAri tiSThaMtaM ca mahodaram ॥ pUjayitvA tataH pazcAtpUjayedgirijAM satIm ॥31॥

चंदनैः कुंकुमैश्चैव धूपैर्दीपैरनेकशः ॥ नैवेद्यैर्विविधैश्चैव पूजयित्वा ततश्शिवम्॥३२॥

caMdanaiH kuMkumaizcaiva dhUpairdIpairanekazaH ॥ naivedyairvividhaizcaiva pUjayitvA tatazzivam॥32॥

नमस्कृत्य पुनस्तत्र गच्छेच्च शिवसन्निधौ॥ यदि गेहे पार्थिवीं वा हैमीं वा राजतीं तथा ॥ ३३ ॥

namaskRtya punastatra gacchecca zivasannidhau॥ yadi gehe pArthivIM vA haimIM vA rAjatIM tathA ॥ 33 ॥

धातुजन्यां तथैवान्यां पारदां वा प्रकल्पयेत् ॥ नमस्कृत्य पुनस्तां च पूजयेद्भक्तितत्परः ॥३४॥

dhAtujanyAM tathaivAnyAM pAradAM vA prakalpayet ॥ namaskRtya punastAM ca pUjayedbhaktitatparaH ॥34॥

तस्यां तु पूजितायां वै सर्वे स्युः पूजितास्तदा ॥ स्थापयेच्च मृदा लिंगं विधाय विधिपूर्वकम् ॥३५॥

tasyAM tu pUjitAyAM vai sarve syuH pUjitAstadA ॥ sthApayecca mRdA liMgaM vidhAya vidhipUrvakam ॥35॥

कर्तव्यं सर्वथा तत्र नियमास्स्वगृहे स्थितैः ॥ प्राणप्रतिष्ठां कुर्वीत भूतशुद्धिं विधाय च ॥३६॥

kartavyaM sarvathA tatra niyamAssvagRhe sthitaiH ॥ prANapratiSThAM kurvIta bhUtazuddhiM vidhAya ca ॥36॥

दिक्पालान्पूजयेत्तत्र स्थापयित्वा शिवालये ॥ गृहे शिवस्सदा पूज्यो मूलमंत्राभियोगतः ॥३७॥

dikpAlAnpUjayettatra sthApayitvA zivAlaye ॥ gRhe zivassadA pUjyo mUlamaMtrAbhiyogataH ॥37॥

तत्र तु द्वारपालानां नियमो नास्ति सर्वथा ॥ गृहे लिंगं च यत्पूज्यं तस्मिन्सर्वं प्रतिष्ठितम् ॥ ३८ ॥

tatra tu dvArapAlAnAM niyamo nAsti sarvathA ॥ gRhe liMgaM ca yatpUjyaM tasminsarvaM pratiSThitam ॥ 38 ॥

पूजाकाले च सांगं वै परिवारेण संयुतम् ॥ आवाह्य पूजयेद्देवं नियमोऽत्र न विद्यते ॥ ३९ ॥

pUjAkAle ca sAMgaM vai parivAreNa saMyutam ॥ AvAhya pUjayeddevaM niyamo'tra na vidyate ॥ 39 ॥

शिवस्य संनिधिं कृत्वा स्वासनं परिकल्पयेत् ॥ उदङ्मुखस्तदा स्थित्वा पुनराचमनं चरेत् ॥ 2-1-13-४० ॥

zivasya saMnidhiM kRtvA svAsanaM parikalpayet ॥ udaGmukhastadA sthitvA punarAcamanaM caret ॥ 2-1-13-40 ॥

प्रक्षाल्य हस्तौ पश्चाद्वै प्राणायामं प्रकल्पयेत् ॥ मूलमंत्रेण तत्रैव दशावर्तं नयेन्नरः ॥ ४१ ॥

prakSAlya hastau pazcAdvai prANAyAmaM prakalpayet ॥ mUlamaMtreNa tatraiva dazAvartaM nayennaraH ॥ 41 ॥

पंचमुद्राः प्रकर्तव्याः पूजावश्यं करेप्सिताः ॥ एता मुद्राः प्रदर्श्यैव चरेत्पूजाविधिं नरः ॥४२॥

paMcamudrAH prakartavyAH pUjAvazyaM karepsitAH ॥ etA mudrAH pradarzyaiva caretpUjAvidhiM naraH ॥42॥

दीपं कृत्वा तदा तत्र नमस्कारं गुरोरथ ॥ बध्वा पद्मासनं तत्र भद्रासनमथापि वा ॥ ४३ ॥

dIpaM kRtvA tadA tatra namaskAraM guroratha ॥ badhvA padmAsanaM tatra bhadrAsanamathApi vA ॥ 43 ॥

उत्तानासनकं कृत्वा पर्यंकासनकं तथा ॥ यथासुखं तथा स्थित्वा प्रयोगं पुनरेव च ॥४४॥

uttAnAsanakaM kRtvA paryaMkAsanakaM tathA ॥ yathAsukhaM tathA sthitvA prayogaM punareva ca ॥44॥

कृत्वा पूजां पुराजातां वट्टकेनैव तारयेत् ॥ यदि वा स्वयमेवेह गृहे न नियमोऽस्ति च ॥४५॥

kRtvA pUjAM purAjAtAM vaTTakenaiva tArayet ॥ yadi vA svayameveha gRhe na niyamo'sti ca ॥45॥

पश्चाच्चैवार्घपात्रेण क्षारयेल्लिंगमुत्तमम् ॥ अनन्यमानसो भूत्वा पूजाद्रव्यं निधाय च ॥४६॥

pazcAccaivArghapAtreNa kSArayelliMgamuttamam ॥ ananyamAnaso bhUtvA pUjAdravyaM nidhAya ca ॥46॥

पश्चाच्चावाहयेद्देवं मंत्रेणानेन वै नरः ॥ कैलासशिखरस्थं च पार्वतीपतिमुत्तमम् ॥ ४७ ॥

pazcAccAvAhayeddevaM maMtreNAnena vai naraH ॥ kailAsazikharasthaM ca pArvatIpatimuttamam ॥ 47 ॥

यथोक्तरूपिणं शंभुं निर्गुणं गुणरूपिणम् ॥ पंचवक्त्रं दशभुजं त्रिनेत्रं वृषभध्वजम् ॥ ४८ ॥

yathoktarUpiNaM zaMbhuM nirguNaM guNarUpiNam ॥ paMcavaktraM dazabhujaM trinetraM vRSabhadhvajam ॥ 48 ॥

कर्पूरगौरं दिव्यांगं चन्द्रमौलिं कपर्दिनम् ॥ व्याघ्रचर्मोत्तरीयं च गजचर्माम्बरं शुभम् ॥ ४९ ॥

karpUragauraM divyAMgaM candramauliM kapardinam ॥ vyAghracarmottarIyaM ca gajacarmAmbaraM zubham ॥ 49 ॥

वासुक्यादिपरीतांगं पिनाकाद्यायुधान्वितम् ॥। सिद्धयोऽष्टौ च यस्याग्रे नृत्यंतीह निरंतरम् ॥2-1-13-५० ॥

vAsukyAdiparItAMgaM pinAkAdyAyudhAnvitam ॥। siddhayo'STau ca yasyAgre nRtyaMtIha niraMtaram ॥2-1-13-50 ॥

जयजयेति शब्दश्च सेवितं भक्त पूजकैः ॥ तेजसा दुःसहेनैव दुर्लक्ष्यं देवसेवितम् ॥ ५१ ॥

jayajayeti zabdazca sevitaM bhakta pUjakaiH ॥ tejasA duHsahenaiva durlakSyaM devasevitam ॥ 51 ॥

शरण्यं सर्वसत्त्वानां प्रसन्नमुखपंकजम् ॥ वेदैश्शास्त्रैर्यथा गीतं विष्णुब्रह्मनुतं सदा ॥ ५२ ॥

zaraNyaM sarvasattvAnAM prasannamukhapaMkajam ॥ vedaizzAstrairyathA gItaM viSNubrahmanutaM sadA ॥ 52 ॥

भक्तवत्सलमानंदं शिवमावाहयाम्यहम्॥ एवं ध्वात्वा शिवं साम्बमासनं परिकल्पयेत् ॥५३॥

bhaktavatsalamAnaMdaM zivamAvAhayAmyaham॥ evaM dhvAtvA zivaM sAmbamAsanaM parikalpayet ॥53॥

चतुर्थ्यंतपदेनैव सर्वं कुर्याद्यथाक्रमम् ॥ ततः पाद्यं प्रदद्याद्वै ततोर्घ्यं शंकराय च ॥५४॥

caturthyaMtapadenaiva sarvaM kuryAdyathAkramam ॥ tataH pAdyaM pradadyAdvai tatorghyaM zaMkarAya ca ॥54॥

ततश्चाचमनं कृत्वा शंभवे परमात्मने ॥ पश्चाच्च पंचभिर्द्रव्यैः स्नापयेच्छंकरं मुदा ॥५५॥

tatazcAcamanaM kRtvA zaMbhave paramAtmane ॥ pazcAcca paMcabhirdravyaiH snApayecchaMkaraM mudA ॥55॥

वेदमंत्रैर्यथायोग्यं नामभिर्वा समंत्रकैः ॥ चतुर्थ्यंतपदैर्भक्त्या द्रव्याण्येवार्पयेत्तदा ॥५६॥

vedamaMtrairyathAyogyaM nAmabhirvA samaMtrakaiH ॥ caturthyaMtapadairbhaktyA dravyANyevArpayettadA ॥56॥

तथाभिलषितं द्रव्यमर्पयेच्छंकरोपरि ॥ ततश्च वारुणं स्नानं करणीयं शिवाय वै ॥५७॥

tathAbhilaSitaM dravyamarpayecchaMkaropari ॥ tatazca vAruNaM snAnaM karaNIyaM zivAya vai ॥57॥

सुगंधं चंदनं दद्यादन्यलेपानि यत्नतः ॥ ससुगंधजलेनैव जलधारां प्रकल्पयेत् ॥५८॥

sugaMdhaM caMdanaM dadyAdanyalepAni yatnataH ॥ sasugaMdhajalenaiva jaladhArAM prakalpayet ॥58॥

वेदमंत्रैः षडंगैर्वा नामभी रुद्रसंख्यया ॥ यथावकाशं तां दत्वा वस्त्रेण मार्जयेत्ततः ॥ ५९ ॥

vedamaMtraiH SaDaMgairvA nAmabhI rudrasaMkhyayA ॥ yathAvakAzaM tAM datvA vastreNa mArjayettataH ॥ 59 ॥

पश्चादाचमनं दद्यात्ततो वस्त्रं समर्पयेत ॥ तिलाश्चैव जवा वापि गोधूमा मुद्गमाषकाः ॥2-1-13-६०॥

pazcAdAcamanaM dadyAttato vastraM samarpayeta ॥ tilAzcaiva javA vApi godhUmA mudgamASakAH ॥2-1-13-60॥

अर्पणीयाः शिवायैव मंत्रैर्नानाविधैरपि॥ ततः पुष्पाणि देयानि पंचास्याय महात्मने ॥ ६१ ॥

arpaNIyAH zivAyaiva maMtrairnAnAvidhairapi॥ tataH puSpANi deyAni paMcAsyAya mahAtmane ॥ 61 ॥

प्रतिवक्त्रं यथाध्यानं यथायोग्याभिलाषतः ॥ कमलैश्शतपत्रैश्च शंखपुष्पैः परैस्तथा ॥६२॥

prativaktraM yathAdhyAnaM yathAyogyAbhilASataH ॥ kamalaizzatapatraizca zaMkhapuSpaiH paraistathA ॥62॥

कुशपुष्पैश्च धत्तूरैर्मंदारैर्द्रोणसंभवैः ॥ तथा च तुलसीपत्रैर्बिल्वपत्रैर्विशेषतः ॥६३॥

kuzapuSpaizca dhattUrairmaMdArairdroNasaMbhavaiH ॥ tathA ca tulasIpatrairbilvapatrairvizeSataH ॥63॥

पूजयेत्परया भक्त्या शंकरं भक्तवत्सलम् ॥ सर्वाभावे बिल्वपत्रमपर्णीयं शिवाय वै ॥६४॥

pUjayetparayA bhaktyA zaMkaraM bhaktavatsalam ॥ sarvAbhAve bilvapatramaparNIyaM zivAya vai ॥64॥

बिल्वपत्रार्पणेनैव सर्वपूजा प्रसिध्यति ॥ ततस्सुगंधचूर्णं वै वासितं तैलमुत्तमम् ॥ ६५ ॥

bilvapatrArpaNenaiva sarvapUjA prasidhyati ॥ tatassugaMdhacUrNaM vai vAsitaM tailamuttamam ॥ 65 ॥

अर्पणीयं च विविधं शिवाय परया मुदा ॥ ततो धूपं प्रकर्तव्यो गुग्गुलागुरुभिर्मुदा ॥६६॥

arpaNIyaM ca vividhaM zivAya parayA mudA ॥ tato dhUpaM prakartavyo guggulAgurubhirmudA ॥66॥

दीपो देयस्ततस्तस्मै शंकराय घृतप्लुतः ॥ अर्घं दद्यात्पुनस्तस्मै मंत्रेणानेन भक्तितः ॥६७॥

dIpo deyastatastasmai zaMkarAya ghRtaplutaH ॥ arghaM dadyAtpunastasmai maMtreNAnena bhaktitaH ॥67॥

कारयेद्भावतो भक्त्या वस्त्रेण मुखमार्जनम् ॥ रूपं देहि यशो देहि भोगं देहि च शंकर॥६८॥

kArayedbhAvato bhaktyA vastreNa mukhamArjanam ॥ rUpaM dehi yazo dehi bhogaM dehi ca zaMkara॥68॥

भुक्तिमुक्तिफलं देहि गृहीत्वार्घं नमोस्तु ते॥ ततो देयं शिवायैव नैवेद्यं विविधं शुभम्॥६९॥

bhuktimuktiphalaM dehi gRhItvArghaM namostu te॥ tato deyaM zivAyaiva naivedyaM vividhaM zubham॥69॥

तत आचमनं प्रीत्या कारयेद्वा विलम्बतः ॥ ततश्शिवाय ताम्बूलं सांगोपाङ्गं विधाय च ॥2-1-13-७०॥

tata AcamanaM prItyA kArayedvA vilambataH ॥ tatazzivAya tAmbUlaM sAMgopAGgaM vidhAya ca ॥2-1-13-70॥

कुर्यादारार्तिकं पञ्चवर्तिकामनुसंख्यया ॥ पादयोश्च चतुर्वारं द्विःकृत्वो नाभिमण्डले ॥ ७१ ॥

kuryAdArArtikaM paJcavartikAmanusaMkhyayA ॥ pAdayozca caturvAraM dviHkRtvo nAbhimaNDale ॥ 71 ॥

एककृत्वे मुखे सप्तकृत्वः सर्वाङ्गं एव हि ॥ ततो ध्यानं यथोक्तं वै कृत्वा मंत्रमुदीरयेत् ॥ ७२ ॥

ekakRtve mukhe saptakRtvaH sarvAGgaM eva hi ॥ tato dhyAnaM yathoktaM vai kRtvA maMtramudIrayet ॥ 72 ॥

यथासंख्यं यथाज्ञानं कुर्यान्मंत्रविधिन्नरः ॥ गुरूपदिष्टमार्गेण कृत्वा मंत्रजपं सुधीः ॥ ७३ ॥

yathAsaMkhyaM yathAjJAnaM kuryAnmaMtravidhinnaraH ॥ gurUpadiSTamArgeNa kRtvA maMtrajapaM sudhIH ॥ 73 ॥

गुरूपदिष्टमार्गेण कृत्वा मन्त्रमुदीरयेत् ॥ यथासंख्यं यथाज्ञानं कुर्यान्मंत्रविधिन्नरः ॥ ७४ ॥

gurUpadiSTamArgeNa kRtvA mantramudIrayet ॥ yathAsaMkhyaM yathAjJAnaM kuryAnmaMtravidhinnaraH ॥ 74 ॥

स्तोत्रैर्नानाविधैः प्रीत्या स्तुवीत वृषभध्वजम् ॥ ततः प्रदक्षिणां कुर्याच्छिवस्य च शनैश्शनैः ॥ ७५ ॥

stotrairnAnAvidhaiH prItyA stuvIta vRSabhadhvajam ॥ tataH pradakSiNAM kuryAcchivasya ca zanaizzanaiH ॥ 75 ॥

नमस्कारांस्ततः कुर्यात्साष्टांगं विधिवत्पुमान् ॥ ततः पुष्पांजलिदेंयो मंत्रेणानेन भक्तितः॥७६॥

namaskArAMstataH kuryAtsASTAMgaM vidhivatpumAn ॥ tataH puSpAMjalideMyo maMtreNAnena bhaktitaH॥76॥

शंकराय परेशाय शिवसंतोषहेतवे॥ अज्ञानाद्यदि वा ज्ञानाद्यद्यत्पूजादिकं मया ॥ ७७ ॥

zaMkarAya parezAya zivasaMtoSahetave॥ ajJAnAdyadi vA jJAnAdyadyatpUjAdikaM mayA ॥ 77 ॥

कृतं तदस्तु सफलं कृपया तव शंकर ॥ तावकस्त्वद्गतप्राण त्वच्चित्तोहं सदा मृड ॥ ७८ ॥

kRtaM tadastu saphalaM kRpayA tava zaMkara ॥ tAvakastvadgataprANa tvaccittohaM sadA mRDa ॥ 78 ॥

इति विज्ञाय गौरीश भूतनाथ प्रसीद मे ॥ भूमौ स्खलितवादानां भूमिरेवावलंबनम् ॥७९॥

iti vijJAya gaurIza bhUtanAtha prasIda me ॥ bhUmau skhalitavAdAnAM bhUmirevAvalaMbanam ॥79॥

त्वयि जातापराधानां त्वमेव शरणं प्रभो ॥ इत्यादि बहु विज्ञप्तिं कृत्वा सम्यग्विधानतः ॥2-1-13-८०॥

tvayi jAtAparAdhAnAM tvameva zaraNaM prabho ॥ ityAdi bahu vijJaptiM kRtvA samyagvidhAnataH ॥2-1-13-80॥

पुष्पांजलिं समर्प्यैव पुनः कुर्यान्नतिं मुहुः॥ स्वस्थानं गच्छ देवेश परिवारयुतः प्रभो॥॥

puSpAMjaliM samarpyaiva punaH kuryAnnatiM muhuH॥ svasthAnaM gaccha deveza parivArayutaH prabho॥॥

पूजाकाले पुनर्नाथ त्वया गंतव्यमादरात्॥ इति संप्रार्थ्य वहुशश्शंकरं भक्तवत्सलम्॥८२॥

pUjAkAle punarnAtha tvayA gaMtavyamAdarAt॥ iti saMprArthya vahuzazzaMkaraM bhaktavatsalam॥82॥

विसर्जयेत्स्वहृदये तदपो मूर्ध्नि विन्यसेत्॥ इति प्रोक्तमशेषेण मुनयः शिवपूजनम् ॥ भुक्तिमुक्तिप्रदं चैव किमन्यच्छ्रोतुमर्हथ ॥८३॥

visarjayetsvahRdaye tadapo mUrdhni vinyaset॥ iti proktamazeSeNa munayaH zivapUjanam ॥ bhuktimuktipradaM caiva kimanyacchrotumarhatha ॥83॥