अतिसय प्रीति देख रघुराई। लिन्हे सकल बिमान चढ़ाई।। मन महुँ बिप्र चरन सिरु नायो। उत्तर दिसिहि बिमान चलायो।। चलत बिमान कोलाहल होई। जय रघुबीर कहइ सबु कोई।। सिंहासन अति उच्च मनोहर। श्री समेत प्रभु बैठै ता पर।। राजत रामु सहित भामिनी। मेरु सृंग जनु घन दामिनी।। रुचिर बिमानु चलेउ अति आतुर। कीन्ही सुमन बृष्टि हरषे सुर।। परम सुखद चलि त्रिबिध बयारी। सागर सर सरि निर्मल बारी।। सगुन होहिं सुंदर चहुँ पासा। मन प्रसन्न निर्मल नभ आसा।। कह रघुबीर देखु रन सीता। लछिमन इहाँ हत्यो इँद्रजीता।। हनूमान अंगद के मारे। रन महि परे निसाचर भारे।। कुंभकरन रावन द्वौ भाई। इहाँ हते सुर मुनि दुखदाई।।

atisaya prīti dēkha raghurāī. linhē sakala bimāna caḍhaāī.. mana mahu bipra carana siru nāyō. uttara disihi bimāna calāyō.. calata bimāna kōlāhala hōī. jaya raghubīra kahai sabu kōī.. siṃhāsana ati ucca manōhara. śrī samēta prabhu baiṭhai tā para.. rājata rāmu sahita bhāminī. mēru sṛṃga janu ghana dāminī.. rucira bimānu calēu ati ātura. kīnhī sumana bṛṣṭi haraṣē sura.. parama sukhada cali tribidha bayārī. sāgara sara sari nirmala bārī.. saguna hōhiṃ suṃdara cahu pāsā. mana prasanna nirmala nabha āsā.. kaha raghubīra dēkhu rana sītā. lachimana ihāom hatyō iomdrajītā.. hanūmāna aṃgada kē mārē. rana mahi parē nisācara bhārē.. kuṃbhakarana rāvana dvau bhāī. ihāom hatē sura muni dukhadāī..

लियो हृदयँ लाइ कृपा निधान सुजान रायँ रमापती। बैठारि परम समीप बूझी कुसल सो कर बीनती। अब कुसल पद पंकज बिलोकि बिरंचि संकर सेब्य जे। सुख धाम पूरनकाम राम नमामि राम नमामि ते।।1।। सब भाँति अधम निषाद सो हरि भरत ज्यों उर लाइयो। मतिमंद तुलसीदास सो प्रभु मोह बस बिसराइयो।। यह रावनारि चरित्र पावन राम पद रतिप्रद सदा। कामादिहर बिग्यानकर सुर सिद्ध मुनि गावहिं मुदा।।2।।

liyō hṛdayaom lāi kṛpā nidhāna sujāna rāyaom ramāpatī. baiṭhāri parama samīpa būjhī kusala sō kara bīnatī. aba kusala pada paṃkaja bilōki biraṃci saṃkara sēbya jē. sukha dhāma pūranakāma rāma namāmi rāma namāmi tē..1.. saba bhāomti adhama niṣāda sō hari bharata jyōṃ ura lāiyō. matimaṃda tulasīdāsa sō prabhu mōha basa bisarāiyō.. yaha rāvanāri caritra pāvana rāma pada ratiprada sadā. kāmādihara bigyānakara sura siddha muni gāvahiṃ mudā..2..

तुरत बिमान तहाँ चलि आवा। दंडक बन जहँ परम सुहावा।। कुंभजादि मुनिनायक नाना। गए रामु सब कें अस्थाना।। सकल रिषिन्ह सन पाइ असीसा। चित्रकूट आए जगदीसा।। तहँ करि मुनिन्ह केर संतोषा। चला बिमानु तहाँ ते चोखा।। बहुरि राम जानकिहि देखाई। जमुना कलि मल हरनि सुहाई।। पुनि देखी सुरसरी पुनीता। राम कहा प्रनाम करु सीता।। तीरथपति पुनि देखु प्रयागा। निरखत जन्म कोटि अघ भागा।। देखु परम पावनि पुनि बेनी। हरनि सोक हरि लोक निसेनी।। पुनि देखु अवधपुरी अति पावनि। त्रिबिध ताप भव रोग नसावनि।।।

turata bimāna tahāom cali āvā. daṃḍaka bana jahaom parama suhāvā.. kuṃbhajādi munināyaka nānā. gaē rāmu saba kēṃ asthānā.. sakala riṣinha sana pāi asīsā. citrakūṭa āē jagadīsā.. tahaom kari muninha kēra saṃtōṣā. calā bimānu tahāom tē cōkhā.. bahuri rāma jānakihi dēkhāī. jamunā kali mala harani suhāī.. puni dēkhī surasarī punītā. rāma kahā pranāma karu sītā.. tīrathapati puni dēkhu prayāgā. nirakhata janma kōṭi agha bhāgā.. dēkhu parama pāvani puni bēnī. harani sōka hari lōka nisēnī.. puni dēkhu avadhapurī ati pāvani. tribidha tāpa bhava rōga nasāvani...

प्रभु हनुमंतहि कहा बुझाई। धरि बटु रूप अवधपुर जाई।। भरतहि कुसल हमारि सुनाएहु। समाचार लै तुम्ह चलि आएहु।। तुरत पवनसुत गवनत भयउ। तब प्रभु भरद्वाज पहिं गयऊ।। नाना बिधि मुनि पूजा कीन्ही। अस्तुती करि पुनि आसिष दीन्ही।। मुनि पद बंदि जुगल कर जोरी। चढ़ि बिमान प्रभु चले बहोरी।। इहाँ निषाद सुना प्रभु आए। नाव नाव कहँ लोग बोलाए।। सुरसरि नाघि जान तब आयो। उतरेउ तट प्रभु आयसु पायो।। तब सीताँ पूजी सुरसरी। बहु प्रकार पुनि चरनन्हि परी।। दीन्हि असीस हरषि मन गंगा। सुंदरि तव अहिवात अभंगा।। सुनत गुहा धायउ प्रेमाकुल। आयउ निकट परम सुख संकुल।। प्रभुहि सहित बिलोकि बैदेही। परेउ अवनि तन सुधि नहिं तेही।। प्रीति परम बिलोकि रघुराई। हरषि उठाइ लियो उर लाई।।

prabhu hanumaṃtahi kahā bujhāī. dhari baṭu rūpa avadhapura jāī.. bharatahi kusala hamāri sunāēhu. samācāra lai tumha cali āēhu.. turata pavanasuta gavanata bhayau. taba prabhu bharadvāja pahiṃ gayaū.. nānā bidhi muni pūjā kīnhī. astutī kari puni āsiṣa dīnhī.. muni pada baṃdi jugala kara jōrī. caḍhai bimāna prabhu calē bahōrī.. ihāom niṣāda sunā prabhu āē. nāva nāva kahaom lōga bōlāē.. surasari nāghi jāna taba āyō. utarēu taṭa prabhu āyasu pāyō.. taba sītāom pūjī surasarī. bahu prakāra puni carananhi parī.. dīnhi asīsa haraṣi mana gaṃgā. suṃdari tava ahivāta abhaṃgā.. sunata guhā dhāyau prēmākula. āyau nikaṭa parama sukha saṃkula.. prabhuhi sahita bilōki baidēhī. parēu avani tana sudhi nahiṃ tēhī.. prīti parama bilōki raghurāī. haraṣi uṭhāi liyō ura lāī..

प्रभु प्रेरित कपि भालु सब राम रूप उर राखि। हरष बिषाद सहित चले बिनय बिबिध बिधि भाषि।।118(क)।। कपिपति नील रीछपति अंगद नल हनुमान। सहित बिभीषन अपर जे जूथप कपि बलवान।।118(ख)।। कहि न सकहिं कछु प्रेम बस भरि भरि लोचन बारि। सन्मुख चितवहिं राम तन नयन निमेष निवारि।।118(ग)।।

prabhu prērita kapi bhālu saba rāma rūpa ura rākhi. haraṣa biṣāda sahita calē binaya bibidha bidhi bhāṣi..118ka.. kapipati nīla rīchapati aṃgada nala hanumāna. sahita bibhīṣana apara jē jūthapa kapi balavāna..118kha.. kahi na sakahiṃ kachu prēma basa bhari bhari lōcana bāri. sanmukha citavahiṃ rāma tana nayana nimēṣa nivāri..118ga..

सीता सहित अवध कहुँ कीन्ह कृपाल प्रनाम। सजल नयन तन पुलकित पुनि पुनि हरषित राम।।120(क)।। पुनि प्रभु आइ त्रिबेनीं हरषित मज्जनु कीन्ह। कपिन्ह सहित बिप्रन्ह कहुँ दान बिबिध बिधि दीन्ह।।120(ख)।।

sītā sahita avadha kahu kīnha kṛpāla pranāma. sajala nayana tana pulakita puni puni haraṣita rāma..120ka.. puni prabhu āi tribēnīṃ haraṣita majjanu kīnha. kapinha sahita bipranha kahu dāna bibidha bidhi dīnha..120kha..

इहाँ सेतु बाँध्यो अरु थापेउँ सिव सुख धाम। सीता सहित कृपानिधि संभुहि कीन्ह प्रनाम।।119(क)।। जहँ जहँ कृपासिंधु बन कीन्ह बास बिश्राम। सकल देखाए जानकिहि कहे सबन्हि के नाम।।119(ख)।।

ihāom sētu bāomdhyō aru thāpēu siva sukha dhāma. sītā sahita kṛpānidhi saṃbhuhi kīnha pranāma..119ka.. jahaom jahaom kṛpāsiṃdhu bana kīnha bāsa biśrāma. sakala dēkhāē jānakihi kahē sabanhi kē nāma..119kha..

समर बिजय रघुबीर के चरित जे सुनहिं सुजान। बिजय बिबेक बिभूति नित तिन्हहि देहिं भगवान।।121(क)।। यह कलिकाल मलायतन मन करि देखु बिचार। श्रीरघुनाथ नाम तजि नाहिन आन अधार।।121(ख)।।

samara bijaya raghubīra kē carita jē sunahiṃ sujāna. bijaya bibēka bibhūti nita tinhahi dēhiṃ bhagavāna..121ka.. yaha kalikāla malāyatana mana kari dēkhu bicāra. śrīraghunātha nāma taji nāhina āna adhāra..121kha..