निज इच्छा प्रभु अवतरइ सुर महि गो द्विज लागि। सगुन उपासक संग तहँ रहहिं मोच्छ सब त्यागि।।26।।

nija icchā prabhu avatarai sura mahi gō dvija lāgi. saguna upāsaka saṃga tahaom rahahiṃ mōccha saba tyāgi..26..

दीख जाइ उपवन बर सर बिगसित बहु कंज। मंदिर एक रुचिर तहँ बैठि नारि तप पुंज।।24।।

dīkha jāi upavana bara sara bigasita bahu kaṃja. maṃdira ēka rucira tahaom baiṭhi nāri tapa puṃja..24..

अनुज क्रिया करि सागर तीरा। कहि निज कथा सुनहु कपि बीरा।। हम द्वौ बंधु प्रथम तरुनाई । गगन गए रबि निकट उडाई।। तेज न सहि सक सो फिरि आवा । मै अभिमानी रबि निअरावा ।। जरे पंख अति तेज अपारा । परेउँ भूमि करि घोर चिकारा ।। मुनि एक नाम चंद्रमा ओही। लागी दया देखी करि मोही।। बहु प्रकार तेंहि ग्यान सुनावा । देहि जनित अभिमानी छड़ावा ।। त्रेताँ ब्रह्म मनुज तनु धरिही। तासु नारि निसिचर पति हरिही।। तासु खोज पठइहि प्रभू दूता। तिन्हहि मिलें तैं होब पुनीता।। जमिहहिं पंख करसि जनि चिंता । तिन्हहि देखाइ देहेसु तैं सीता।। मुनि कइ गिरा सत्य भइ आजू । सुनि मम बचन करहु प्रभु काजू।। गिरि त्रिकूट ऊपर बस लंका । तहँ रह रावन सहज असंका ।। तहँ असोक उपबन जहँ रहई ।। सीता बैठि सोच रत अहई।।

anuja kriyā kari sāgara tīrā. kahi nija kathā sunahu kapi bīrā.. hama dvau baṃdhu prathama tarunāī . gagana gaē rabi nikaṭa uḍāī.. tēja na sahi saka sō phiri āvā . mai abhimānī rabi niarāvā .. jarē paṃkha ati tēja apārā . parēu bhūmi kari ghōra cikārā .. muni ēka nāma caṃdramā ōhī. lāgī dayā dēkhī kari mōhī.. bahu prakāra tēṃhi gyāna sunāvā . dēhi janita abhimānī chaḍaāvā .. trētāom brahma manuja tanu dharihī. tāsu nāri nisicara pati harihī.. tāsu khōja paṭhaihi prabhū dūtā. tinhahi milēṃ taiṃ hōba punītā.. jamihahiṃ paṃkha karasi jani ciṃtā . tinhahi dēkhāi dēhēsu taiṃ sītā.. muni kai girā satya bhai ājū . suni mama bacana karahu prabhu kājū.. giri trikūṭa ūpara basa laṃkā . tahaom raha rāvana sahaja asaṃkā .. tahaom asōka upabana jahaom rahaī .. sītā baiṭhi sōca rata ahaī..

इहाँ बिचारहिं कपि मन माहीं। बीती अवधि काज कछु नाहीं।। सब मिलि कहहिं परस्पर बाता। बिनु सुधि लएँ करब का भ्राता।। कह अंगद लोचन भरि बारी। दुहुँ प्रकार भइ मृत्यु हमारी।। इहाँ न सुधि सीता कै पाई। उहाँ गएँ मारिहि कपिराई।। पिता बधे पर मारत मोही। राखा राम निहोर न ओही।। पुनि पुनि अंगद कह सब पाहीं। मरन भयउ कछु संसय नाहीं।। अंगद बचन सुनत कपि बीरा। बोलि न सकहिं नयन बह नीरा।। छन एक सोच मगन होइ रहे। पुनि अस वचन कहत सब भए।। हम सीता कै सुधि लिन्हें बिना। नहिं जैंहैं जुबराज प्रबीना।। अस कहि लवन सिंधु तट जाई। बैठे कपि सब दर्भ डसाई।। जामवंत अंगद दुख देखी। कहिं कथा उपदेस बिसेषी।। तात राम कहुँ नर जनि मानहु। निर्गुन ब्रम्ह अजित अज जानहु।। हम सब सेवक अति बड़भागी। संतत सगुन ब्रह्म अनुरागी।।

ihāom bicārahiṃ kapi mana māhīṃ. bītī avadhi kāja kachu nāhīṃ.. saba mili kahahiṃ paraspara bātā. binu sudhi laēom karaba kā bhrātā.. kaha aṃgada lōcana bhari bārī. duhu prakāra bhai mṛtyu hamārī.. ihāom na sudhi sītā kai pāī. uhāom gaēom mārihi kapirāī.. pitā badhē para mārata mōhī. rākhā rāma nihōra na ōhī.. puni puni aṃgada kaha saba pāhīṃ. marana bhayau kachu saṃsaya nāhīṃ.. aṃgada bacana sunata kapi bīrā. bōli na sakahiṃ nayana baha nīrā.. chana ēka sōca magana hōi rahē. puni asa vacana kahata saba bhaē.. hama sītā kai sudhi linhēṃ binā. nahiṃ jaiṃhaiṃ jubarāja prabīnā.. asa kahi lavana siṃdhu taṭa jāī. baiṭhē kapi saba darbha ḍasāī.. jāmavaṃta aṃgada dukha dēkhī. kahiṃ kathā upadēsa bisēṣī.. tāta rāma kahu nara jani mānahu. nirguna bramha ajita aja jānahu..

दूरि ते ताहि सबन्हि सिर नावा। पूछें निज बृत्तांत सुनावा।। तेहिं तब कहा करहु जल पाना। खाहु सुरस सुंदर फल नाना।। मज्जनु कीन्ह मधुर फल खाए। तासु निकट पुनि सब चलि आए।। तेहिं सब आपनि कथा सुनाई। मैं अब जाब जहाँ रघुराई।। मूदहु नयन बिबर तजि जाहू। पैहहु सीतहि जनि पछिताहू।। नयन मूदि पुनि देखहिं बीरा। ठाढ़े सकल सिंधु कें तीरा।। सो पुनि गई जहाँ रघुनाथा। जाइ कमल पद नाएसि माथा।। नाना भाँति बिनय तेहिं कीन्ही। अनपायनी भगति प्रभु दीन्ही।।

dūri tē tāhi sabanhi sira nāvā. pūchēṃ nija bṛttāṃta sunāvā.. tēhiṃ taba kahā karahu jala pānā. khāhu surasa suṃdara phala nānā.. majjanu kīnha madhura phala khāē. tāsu nikaṭa puni saba cali āē.. tēhiṃ saba āpani kathā sunāī. maiṃ aba jāba jahāom raghurāī.. mūdahu nayana bibara taji jāhū. paihahu sītahi jani pachitāhū.. nayana mūdi puni dēkhahiṃ bīrā. ṭhāḍhaē sakala siṃdhu kēṃ tīrā.. sō puni gaī jahāom raghunāthā. jāi kamala pada nāēsi māthā.. nānā bhāomti binaya tēhiṃ kīnhī. anapāyanī bhagati prabhu dīnhī..

बदरीबन कहुँ सो गई प्रभु अग्या धरि सीस । उर धरि राम चरन जुग जे बंदत अज ईस।।25।।

badarībana kahu sō gaī prabhu agyā dhari sīsa . ura dhari rāma carana juga jē baṃdata aja īsa..25..

एहि बिधि कथा कहहि बहु भाँती गिरि कंदराँ सुनी संपाती।। बाहेर होइ देखि बहु कीसा। मोहि अहार दीन्ह जगदीसा।। आजु सबहि कहँ भच्छन करऊँ। दिन बहु चले अहार बिनु मरऊँ।। कबहुँ न मिल भरि उदर अहारा। आजु दीन्ह बिधि एकहिं बारा।। डरपे गीध बचन सुनि काना। अब भा मरन सत्य हम जाना।। कपि सब उठे गीध कहँ देखी। जामवंत मन सोच बिसेषी।। कह अंगद बिचारि मन माहीं। धन्य जटायू सम कोउ नाहीं।। राम काज कारन तनु त्यागी । हरि पुर गयउ परम बड़ भागी।। सुनि खग हरष सोक जुत बानी । आवा निकट कपिन्ह भय मानी।। तिन्हहि अभय करि पूछेसि जाई। कथा सकल तिन्ह ताहि सुनाई।। सुनि संपाति बंधु कै करनी। रघुपति महिमा बधुबिधि बरनी।।

ēhi bidhi kathā kahahi bahu bhāomtī giri kaṃdarāom sunī saṃpātī.. bāhēra hōi dēkhi bahu kīsā. mōhi ahāra dīnha jagadīsā.. āju sabahi kahaom bhacchana karaūom. dina bahu calē ahāra binu maraūom.. kabahu na mila bhari udara ahārā. āju dīnha bidhi ēkahiṃ bārā.. ḍarapē gīdha bacana suni kānā. aba bhā marana satya hama jānā.. kapi saba uṭhē gīdha kahaom dēkhī. jāmavaṃta mana sōca bisēṣī.. kaha aṃgada bicāri mana māhīṃ. dhanya jaṭāyū sama kōu nāhīṃ.. rāma kāja kārana tanu tyāgī . hari pura gayau parama baḍa bhāgī.. suni khaga haraṣa sōka juta bānī . āvā nikaṭa kapinha bhaya mānī.. tinhahi abhaya kari pūchēsi jāī. kathā sakala tinha tāhi sunāī.. suni saṃpāti baṃdhu kai karanī. raghupati mahimā badhubidhi baranī..

मोहि लै जाहु सिंधुतट देउँ तिलांजलि ताहि । बचन सहाइ करवि मैं पैहहु खोजहु जाहि ।।27।।

mōhi lai jāhu siṃdhutaṭa dēu tilāṃjali tāhi . bacana sahāi karavi maiṃ paihahu khōjahu jāhi ..27..