सेवत तोहि सुलभ फल चारी। बरदायनी पुरारि पिआरी।। देबि पूजि पद कमल तुम्हारे। सुर नर मुनि सब होहिं सुखारे।। मोर मनोरथु जानहु नीकें। बसहु सदा उर पुर सबही कें।। कीन्हेउँ प्रगट न कारन तेहीं। अस कहि चरन गहे बैदेहीं।। बिनय प्रेम बस भई भवानी। खसी माल मूरति मुसुकानी।। सादर सियँ प्रसादु सिर धरेऊ। बोली गौरि हरषु हियँ भरेऊ।। सुनु सिय सत्य असीस हमारी। पूजिहि मन कामना तुम्हारी।। नारद बचन सदा सुचि साचा। सो बरु मिलिहि जाहिं मनु राचा।।

sēvata tōhi sulabha phala cārī. baradāyanī purāri piārī.. dēbi pūji pada kamala tumhārē. sura nara muni saba hōhiṃ sukhārē.. mōra manōrathu jānahu nīkēṃ. basahu sadā ura pura sabahī kēṃ.. kīnhēu pragaṭa na kārana tēhīṃ. asa kahi carana gahē baidēhīṃ.. binaya prēma basa bhaī bhavānī. khasī māla mūrati musukānī.. sādara siyaom prasādu sira dharēū. bōlī gauri haraṣu hiyaom bharēū.. sunu siya satya asīsa hamārī. pūjihi mana kāmanā tumhārī.. nārada bacana sadā suci sācā. sō baru milihi jāhiṃ manu rācā..

नृप सब नखत करहिं उजिआरी। टारि न सकहिं चाप तम भारी।। कमल कोक मधुकर खग नाना। हरषे सकल निसा अवसाना।। ऐसेहिं प्रभु सब भगत तुम्हारे। होइहहिं टूटें धनुष सुखारे।। उयउ भानु बिनु श्रम तम नासा। दुरे नखत जग तेजु प्रकासा।। रबि निज उदय ब्याज रघुराया। प्रभु प्रतापु सब नृपन्ह दिखाया।। तव भुज बल महिमा उदघाटी। प्रगटी धनु बिघटन परिपाटी।। बंधु बचन सुनि प्रभु मुसुकाने। होइ सुचि सहज पुनीत नहाने।। नित्यक्रिया करि गुरु पहिं आए। चरन सरोज सुभग सिर नाए।। सतानंदु तब जनक बोलाए। कौसिक मुनि पहिं तुरत पठाए।। जनक बिनय तिन्ह आइ सुनाई। हरषे बोलि लिए दोउ भाई।।

nṛpa saba nakhata karahiṃ ujiārī. ṭāri na sakahiṃ cāpa tama bhārī.. kamala kōka madhukara khaga nānā. haraṣē sakala nisā avasānā.. aisēhiṃ prabhu saba bhagata tumhārē. hōihahiṃ ṭūṭēṃ dhanuṣa sukhārē.. uyau bhānu binu śrama tama nāsā. durē nakhata jaga tēju prakāsā.. rabi nija udaya byāja raghurāyā. prabhu pratāpu saba nṛpanha dikhāyā.. tava bhuja bala mahimā udaghāṭī. pragaṭī dhanu bighaṭana paripāṭī.. baṃdhu bacana suni prabhu musukānē. hōi suci sahaja punīta nahānē.. nityakriyā kari guru pahiṃ āē. carana sarōja subhaga sira nāē.. satānaṃdu taba janaka bōlāē. kausika muni pahiṃ turata paṭhāē.. janaka binaya tinha āi sunāī. haraṣē bōli liē dōu bhāī..

पतिदेवता सुतीय महुँ मातु प्रथम तव रेख। महिमा अमित न सकहिं कहि सहस सारदा सेष।।235।।

patidēvatā sutīya mahu mātu prathama tava rēkha. mahimā amita na sakahiṃ kahi sahasa sāradā sēṣa..235..

मनु जाहिं राचेउ मिलिहि सो बरु सहज सुंदर साँवरो। करुना निधान सुजान सीलु सनेहु जानत रावरो।। एहि भाँति गौरि असीस सुनि सिय सहित हियँ हरषीं अली। तुलसी भवानिहि पूजि पुनि पुनि मुदित मन मंदिर चली।।

manu jāhiṃ rācēu milihi sō baru sahaja suṃdara sāomvarō. karunā nidhāna sujāna sīlu sanēhu jānata rāvarō.. ēhi bhāomti gauri asīsa suni siya sahita hiyaom haraṣīṃ alī. tulasī bhavānihi pūji puni puni mudita mana maṃdira calī..

हृदयँ सराहत सीय लोनाई। गुर समीप गवने दोउ भाई।। राम कहा सबु कौसिक पाहीं। सरल सुभाउ छुअत छल नाहीं।। सुमन पाइ मुनि पूजा कीन्ही। पुनि असीस दुहु भाइन्ह दीन्ही।। सुफल मनोरथ होहुँ तुम्हारे। रामु लखनु सुनि भए सुखारे।। करि भोजनु मुनिबर बिग्यानी। लगे कहन कछु कथा पुरानी।। बिगत दिवसु गुरु आयसु पाई। संध्या करन चले दोउ भाई।। प्राची दिसि ससि उयउ सुहावा। सिय मुख सरिस देखि सुखु पावा।। बहुरि बिचारु कीन्ह मन माहीं। सीय बदन सम हिमकर नाहीं।।

hṛdayaom sarāhata sīya lōnāī. gura samīpa gavanē dōu bhāī.. rāma kahā sabu kausika pāhīṃ. sarala subhāu chuata chala nāhīṃ.. sumana pāi muni pūjā kīnhī. puni asīsa duhu bhāinha dīnhī.. suphala manōratha hōhu tumhārē. rāmu lakhanu suni bhaē sukhārē.. kari bhōjanu munibara bigyānī. lagē kahana kachu kathā purānī.. bigata divasu guru āyasu pāī. saṃdhyā karana calē dōu bhāī.. prācī disi sasi uyau suhāvā. siya mukha sarisa dēkhi sukhu pāvā.. bahuri bicāru kīnha mana māhīṃ. sīya badana sama himakara nāhīṃ..

अरुनोदयँ सकुचे कुमुद उडगन जोति मलीन। जिमि तुम्हार आगमन सुनि भए नृपति बलहीन।।238।।

arunōdayaom sakucē kumuda uḍagana jōti malīna. jimi tumhāra āgamana suni bhaē nṛpati balahīna..238..

जानि गौरि अनुकूल सिय हिय हरषु न जाइ कहि। मंजुल मंगल मूल बाम अंग फरकन लगे।।236।।

jāni gauri anukūla siya hiya haraṣu na jāi kahi. maṃjula maṃgala mūla bāma aṃga pharakana lagē..236..

जनमु सिंधु पुनि बंधु बिषु दिन मलीन सकलंक। सिय मुख समता पाव किमि चंदु बापुरो रंक।।237।।

janamu siṃdhu puni baṃdhu biṣu dina malīna sakalaṃka. siya mukha samatā pāva kimi caṃdu bāpurō raṃka..237..

सतानंदपद बंदि प्रभु बैठे गुर पहिं जाइ। चलहु तात मुनि कहेउ तब पठवा जनक बोलाइ।।239।।

satānaṃdapada baṃdi prabhu baiṭhē gura pahiṃ jāi. calahu tāta muni kahēu taba paṭhavā janaka bōlāi..239..

घटइ बढ़इ बिरहनि दुखदाई। ग्रसइ राहु निज संधिहिं पाई।। कोक सिकप्रद पंकज द्रोही। अवगुन बहुत चंद्रमा तोही।। बैदेही मुख पटतर दीन्हे। होइ दोष बड़ अनुचित कीन्हे।। सिय मुख छबि बिधु ब्याज बखानी। गुरु पहिं चले निसा बड़ि जानी।। करि मुनि चरन सरोज प्रनामा। आयसु पाइ कीन्ह बिश्रामा।। बिगत निसा रघुनायक जागे। बंधु बिलोकि कहन अस लागे।। उदउ अरुन अवलोकहु ताता। पंकज कोक लोक सुखदाता।। बोले लखनु जोरि जुग पानी। प्रभु प्रभाउ सूचक मृदु बानी।।

ghaṭai baḍhai birahani dukhadāī. grasai rāhu nija saṃdhihiṃ pāī.. kōka sikaprada paṃkaja drōhī. avaguna bahuta caṃdramā tōhī.. baidēhī mukha paṭatara dīnhē. hōi dōṣa baḍa anucita kīnhē.. siya mukha chabi bidhu byāja bakhānī. guru pahiṃ calē nisā baḍai jānī.. kari muni carana sarōja pranāmā. āyasu pāi kīnha biśrāmā.. bigata nisā raghunāyaka jāgē. baṃdhu bilōki kahana asa lāgē.. udau aruna avalōkahu tātā. paṃkaja kōka lōka sukhadātā.. bōlē lakhanu jōri juga pānī. prabhu prabhāu sūcaka mṛdu bānī..

देखन मिस मृग बिहग तरु फिरइ बहोरि बहोरि। निरखि निरखि रघुबीर छबि बाढ़इ प्रीति न थोरि।। 234।।

dēkhana misa mṛga bihaga taru phirai bahōri bahōri. nirakhi nirakhi raghubīra chabi bāḍhai prīti na thōri.. 234..

जानि कठिन सिवचाप बिसूरति। चली राखि उर स्यामल मूरति।। प्रभु जब जात जानकी जानी। सुख सनेह सोभा गुन खानी।। परम प्रेममय मृदु मसि कीन्ही। चारु चित भीतीं लिख लीन्ही।। गई भवानी भवन बहोरी। बंदि चरन बोली कर जोरी।। जय जय गिरिबरराज किसोरी। जय महेस मुख चंद चकोरी।। जय गज बदन षड़ानन माता। जगत जननि दामिनि दुति गाता।। नहिं तव आदि मध्य अवसाना। अमित प्रभाउ बेदु नहिं जाना।। भव भव बिभव पराभव कारिनि। बिस्व बिमोहनि स्वबस बिहारिनि।।

jāni kaṭhina sivacāpa bisūrati. calī rākhi ura syāmala mūrati.. prabhu jaba jāta jānakī jānī. sukha sanēha sōbhā guna khānī.. parama prēmamaya mṛdu masi kīnhī. cāru cita bhītīṃ likha līnhī.. gaī bhavānī bhavana bahōrī. baṃdi carana bōlī kara jōrī.. jaya jaya giribararāja kisōrī. jaya mahēsa mukha caṃda cakōrī.. jaya gaja badana ṣaḍaānana mātā. jagata janani dāmini duti gātā.. nahiṃ tava ādi madhya avasānā. amita prabhāu bēdu nahiṃ jānā.. bhava bhava bibhava parābhava kārini. bisva bimōhani svabasa bihārini..