तिङ्विभक्तिं प्रवक्ष्यामि तथादेशं समासतः । तिङ्स्त्रिष्वपि वर्तन्ते भावे कर्मणि कर्तरि ।।

tiṅvibhaktiṃ pravakṣyāmi tathādeśaṃ samāsataḥ | tiṅstriṣvapi vartante bhāve karmaṇi kartari ||

सकर्मकार्मकाच्च कर्तरि द्विपदे स्मृताः । सकर्मकाकर्मणि च तदादेशस्तथेरितः ।।

sakarmakārmakācca kartari dvipade smṛtāḥ | sakarmakākarmaṇi ca tadādeśastatheritaḥ ||

वर्तमाने लडाख्यातो विध्याद्यर्थे लिङीरितः । विध्यादौ लोडाशिषि च भूतानद्यतने च लङ ।।

vartamāne laḍākhyāto vidhyādyarthe liṅīritaḥ | vidhyādau loḍāśiṣi ca bhūtānadyatane ca laṅ ||

भूते लुङ्लिट परोक्षे ऽथ भाविन्यद्यतने च लुट । लिङाशिषि च शेषे ऽर्थे लड्भविष्यति ऌङ्भवेत ।।

bhūte luṅliṭ parokṣe 'tha bhāvinyadyatane ca luṭ | liṅāśiṣi ca śeṣe 'rthe laḍbhaviṣyati ḷṅbhavet ||

लिङ्निमिमित्ते क्रियातिपत्तौ परे नवात्मनेपदम । पूर्वं नव परस्मैपदन्तिप्तसन्तीति प्रथमः पुमान ।।

liṅnimimitte kriyātipattau pare navātmanepadam | pūrvaṃ nava parasmaipadantiptasantīti prathamaḥ pumāna ||

सिप्थस्थ मध्यमनरो मिप्वस्मस्चोत्तमः पुमान । त आतां अन्तात्मने मुख्यः थासाथां ध्वञ्च मध्यमः ।।

sipthastha madhyamanaro mipvasmascottamaḥ pumān | ta ātāṃ antātmane mukhyaḥ thāsāthāṃ dhvañca madhyamaḥ ||

उत्तम इ वहि महि भूवाद्या धातवः स्मृताः । भुविरेधिः पचिर्नन्दिर्ध्वंसिः श्रंसिः पदिस्त्वदिः ।।

uttama i vahi mahi bhūvādyā dhātavaḥ smṛtāḥ | bhuviredhiḥ pacirnandirdhvaṃsiḥ śraṃsiḥ padistvadiḥ ||

शीङः क्रीडो जुहोतिश च जहातिश च दधात्यपि । दीव्यतिः स्वपितिर्नहिः सुनोतिर्वसिरेव च ।।

śīṅaḥ krīḍo juhotiś ca jahātiś ca dadhātyapi | dīvyatiḥ svapitirnahiḥ sunotirvasireva ca ||

तुदिर्मृशतिर्मुञ्चतिः रुधिर्भुजिस्त्यजिस्तनिः । शवादिके विकरणे मनिश चैव करोत्यपि ।।

tudirmṛśatirmuñcatiḥ rudhirbhujistyajistaniḥ | śavādike vikaraṇe maniś caiva karotyapi ||

क्रीड्तिर्वृङो ग्रहिश्चोरिः पा नीरर्चिश च नायकाः । भुवि स्यात तिङ भवति सः भवतस्तौ भवन्ति ते ।।

krīḍtirvṛṅo grahiścoriḥ pā nīrarciś ca nāyakāḥ | bhuvi syāt tiṅ bhavati saḥ bhavatastau bhavanti te ||

भवसि त्वं युवां भवथो यूयं भवथ चाप्यहं । भवाम्यावां भवावश च भवामो ह्य एधते कुलं ।।

bhavasi tvaṃ yuvāṃ bhavatho yūyaṃ bhavatha cāpyahaṃ | bhavāmyāvāṃ bhavāvaś ca bhavāmo hy edhate kulaṃ ||

एधेते द्वे तथैधन्ते एधसे त्वं हि मेधया । एधेथे च समेधध्वे एधे ह्य एधावहे धिया ।।

edhete dve tathaidhante edhase tvaṃ hi medhayā | edhethe ca samedhadhve edhe hy edhāvahe dhiyā ||

एधामहे हरेर्भक्त्या पचतीत्यादि पूर्ववत । भूयते ऽनुभूयते ऽसौ भावे कर्मणि वै यकि ।।

edhāmahe harerbhaktyā pacatītyādi pūrvavat | bhūyate 'nubhūyate 'sau bhāve karmaṇi vai yaki ||

वुभूषति समीत्येवं णिचि भावयतीश्वरं । यङि वोभूयते वाद्यं वोभोतेइ स्याच्च यङ्लुकि ।।

vubhūṣati samītyevaṃ ṇici bhāvayatīśvaraṃ | yaṅi vobhūyate vādyaṃ vobhotei syācca yaṅluki ||

पुत्रीयति पुत्रकाम्यत्येवं पटपटायते । घटयत्य अथ सनि णिचि बुभूषयति रूपकं ।।

putrīyati putrakāmyatyevaṃ paṭapaṭāyate | ghaṭayaty atha sani ṇici bubhūṣayati rūpakaṃ ||

भवेद्भवेताञ्च लिङि भवेयुश च भवेः परे । भवेतञ्च भवेतैवं भवेयञ्च भवेव च भवेम च ।।

bhavedbhavetāñca liṅi bhaveyuś ca bhaveḥ pare | bhavetañca bhavetaivaṃ bhaveyañca bhaveva ca bhavema ca ||

एधेत एधेयातामेधेरन मनसा श्रिया । एधेथाश च एधेयाथामेधेध्वमेधेय एधेवहि एधेमहि ।।

edheta edheyātāmedheran manasā śriyā | edhethāś ca edheyāthāmedhedhvamedheya edhevahi edhemahi ||

अस्तु तावद्भवताम लोटि भवन्तु भवताद्भव । भवतं भवत भवानि भवाव च भवाम च ।।

astu tāvadbhavatām loṭi bhavantu bhavatādbhava | bhavataṃ bhavata bhavāni bhavāva ca bhavāma ca ||

एधतामेधेतामेधन्तामेधै पचावहै पचामहै । अभ्यनन्ददपचतामचन्नपचस तथा ।।

edhatāmedhetāmedhantāmedhai pacāvahai pacāmahai | abhyanandadapacatāmacannapacas tathā ||

अभवतमभवतापचमपचावापचाम च । ऐधतैर्धेतामैधध्वं ऐधे चैधामहीरितं(?) ।।

abhavatamabhavatāpacamapacāvāpacāma ca | aidhatairdhetāmaidhadhvaṃ aidhe caidhāmahīritaṃ(?) ||

अभूदभूतामभूवनभूश्चाभूवमेव लुङ । ऐधिष्टैधिसातां नरावैधिष्ठा एइधिषीदृशं ।।

abhūdabhūtāmabhūvanabhūścābhūvameva luṅ | aidhiṣṭaidhisātāṃ narāvaidhiṣṭhā eidhiṣīdṛśaṃ ||

लिटि बभूव बभूवतुः बभूवुश च बव्हूविथ । बभूवथुर्वभूव च बभूविव बभूविम ।।

liṭi babhūva babhūvatuḥ babhūvuś ca bavhūvitha | babhūvathurvabhūva ca babhūviva babhūvima ||

पेचे पेचाते पेचिरे त्वमेधाञ्चकृषे तथा । एधाञ्चक्राथे पेचिध्वे पेचे पेचिमहे तथा ।।

pece pecāte pecire tvamedhāñcakṛṣe tathā | edhāñcakrāthe pecidhve pece pecimahe tathā ||

लुटि भविता भवितारौ भवितारो हरादयः । भवितासि भवितास्थो भवितास्मस तथा वयं ।।

luṭi bhavitā bhavitārau bhavitāro harādayaḥ | bhavitāsi bhavitāstho bhavitāsmas tathā vayaṃ ||

पक्ता पक्तारौ पक्तारः पक्तासे त्वं शुभौदनं । पक्ताध्वे पक्ताहे चाहं पक्तास्महे हरेश चरुं ।।

paktā paktārau paktāraḥ paktāse tvaṃ śubhaudanaṃ | paktādhve paktāhe cāhaṃ paktāsmahe hareś caruṃ ||

लिङाशिषि सुखं भूयात भूयास्तां हरिशङ्करौ । भूयासुस्ते च भूयास्त्वं युवां भूयास्तमीश्वरौ ।।

liṅāśiṣi sukhaṃ bhūyāt bhūyāstāṃ hariśaṅkarau | bhūyāsuste ca bhūyāstvaṃ yuvāṃ bhūyāstamīśvarau ||

भूयास्त यूयं भूयासमहं भूयास्म सर्वदा । यक्षीष्ट ह्य एधिषीयास्तां यक्षीरन्नेधिसीय च ।।

bhūyāsta yūyaṃ bhūyāsamahaṃ bhūyāsma sarvadā | yakṣīṣṭa hy edhiṣīyāstāṃ yakṣīrannedhisīya ca ||

यक्षीवह्येधिसीमहि लिङि चायक्ष्यतेति ऌङ । अयक्ष्येतामयक्ष्यन्तायक्ष्ये ऽयक्ष्येथां युवां ।।

yakṣīvahyedhisīmahi liṅi cāyakṣyateti ḷṅ | ayakṣyetāmayakṣyantāyakṣye 'yakṣyethāṃ yuvāṃ ||

अयक्ष्यध्वमैधिष्यावह्यैधिष्यामह्यरेर्वयम । ऌटि स्याद्भविष्यतीति एधिष्यामह ईदृशम ।।

ayakṣyadhvamaidhiṣyāvahyaidhiṣyāmahyarervayam | ḷṭi syādbhaviṣyatīti edhiṣyāmaha īdṛśam ||

एवं विभावयिष्यन्ति बोभविष्यति रूपकं । घटयेत पटयेत्तद्वत पुत्रीयति च काम्यति ।।

evaṃ vibhāvayiṣyanti bobhaviṣyati rūpakaṃ | ghaṭayet paṭayettadvat putrīyati ca kāmyati ||