नपुंसके किं के कानि किं के कानि ततो जलं । सर्वं सर्वे च पूर्वाद्याः सोमपं सोमपानि च ।।

napuṃsake kiṃ ke kāni kiṃ ke kāni tato jalaṃ | sarvaṃ sarve ca pūrvādyāḥ somapaṃ somapāni ca ||

ग्रामणि ग्रामणिनी च ग्रामणि ग्रामणीन्यपि । वारि वारिणी वारीणि वारिणां वारिणीदृशं ।।

grāmaṇi grāmaṇinī ca grāmaṇi grāmaṇīnyapi | vāri vāriṇī vārīṇi vāriṇāṃ vāriṇīdṛśaṃ ||

शुचये शुचिने देहि मृदुने मृदवे तथा । त्रपु त्रपुणि त्रपुणाञ्च खलपूनि खलप्वि च ।।

śucaye śucine dehi mṛdune mṛdave tathā | trapu trapuṇi trapuṇāñca khalapūni khalapvi ca ||

कर्त्रा च कर्तृणे कर्त्रे अतिर्यतिरिणान्तथा । अभिन्यभिनिनी चैवे सुवचांसि सुवचांसि सुवाक्षु च ।।

kartrā ca kartṛṇe kartre atiryatiriṇāntathā | abhinyabhininī caive suvacāṃsi suvacāṃsi suvākṣu ca ||

यद्यत्त्विमे तत कर्माणि इदञ्चेमे त्विमानि च । ईदृक्त्वदो ऽमुनी अमूनि अमुना स्यादमीषु च ।।

yadyattvime tat karmāṇi idañceme tvimāni ca | īdṛktvado 'munī amūni amunā syādamīṣu ca ||

अहमावां वयं मां वै आबामस्मान्मया कृतं । आवाभ्याञ्च तथास्माभिर्मह्यमस्मभ्यमेव च ।।

ahamāvāṃ vayaṃ māṃ vai ābāmasmānmayā kṛtaṃ | āvābhyāñca tathāsmābhirmahyamasmabhyameva ca ||

मदावाभ्यां मदस्मच्च पुत्रो ऽयं मम चावयोः । अस्माकमपि चास्मासु त्वं युवां यूयमीजिरे ।।

madāvābhyāṃ madasmacca putro 'yaṃ mama cāvayoḥ | asmākamapi cāsmāsu tvaṃ yuvāṃ yūyamījire ||

त्वां युवाञ्च युष्मांश च त्वया युष्माभिरीरितं । तुभ्यं युवाभ्यां युम्मभ्यं त्वत युवाभ्याञ्च युष्मत ।।

tvāṃ yuvāñca yuṣmāṃś ca tvayā yuṣmābhirīritaṃ | tubhyaṃ yuvābhyāṃ yummabhyaṃ tvat yuvābhyāñca yuṣmat ||

तव युवयोर्युष्माकं त्वयि युष्मासु भारती । उपलक्षणमत्रैव अज्झलन्ताश च ते स्मृताः ।।

tava yuvayoryuṣmākaṃ tvayi yuṣmāsu bhāratī | upalakṣaṇamatraiva ajjhalantāś ca te smṛtāḥ ||