सकलं निष्कलं शून्यं कलाढ्यं स्वमलङ्कृतम । शिवम ।।

sakalaṃ niṣkalaṃ śūnyaṃ kalāḍhyaṃ svamalaṅkṛtam | śivam ||

प्रासादस्य पराख्यस्य स्मृतं रूपं गुहाष्टधा । सदाशिवस्य शब्दस्य रूपस्याखिलसिद्धये ।।

prāsādasya parākhyasya smṛtaṃ rūpaṃ guhāṣṭadhā | sadāśivasya śabdasya rūpasyākhilasiddhaye ||

अमृतश्चांशुभांश्चेन्दुश्चेश्वरश्चोग्र ऊहकः । एकपादेन ओजाख्य औषधश्चांशुमान वशी ।।

amṛtaścāṃśubhāṃścenduśceśvaraścogra ūhakaḥ | ekapādena ojākhya auṣadhaścāṃśumān vaśī ||

अकारादेः क्षकारश च ककारादेः क्रमादिमे । कामदेवः शिखण्डी च गणेशः कालशङ्करौ ।।

akārādeḥ kṣakāraś ca kakārādeḥ kramādime | kāmadevaḥ śikhaṇḍī ca gaṇeśaḥ kālaśaṅkarau ||

एकनेत्रो द्विनेत्रश च त्रिशिखो दीर्घबाहुकः । एकपादर्धचन्द्रश च बलपो योगिनीप्रियः ।।

ekanetro dvinetraś ca triśikho dīrghabāhukaḥ | ekapādardhacandraś ca balapo yoginīpriyaḥ ||

शक्तीश्वरो महाग्रन्थिस्तर्पकः स्थाणुदन्तुरौ । निधीशो नन्दी पद्मश च तथान्यः शाकिनीप्रियः ।।

śaktīśvaro mahāgranthistarpakaḥ sthāṇudanturau | nidhīśo nandī padmaś ca tathānyaḥ śākinīpriyaḥ ||

सुखविम्बो भीषनश च कृतान्तः प्राणसंज्ञकः । तेजस्वी शक्र उदधिः श्रीकण्ठः सिंह एव च ।।

sukhavimbo bhīṣanaś ca kṛtāntaḥ prāṇasaṃjñakaḥ | tejasvī śakra udadhiḥ śrīkaṇṭhaḥ siṃha eva ca ||

शशाङ्को विश्वरूपश च क्षश च स्यान्नरसिंहकः । सूर्यमात्रासमाक्रान्तं विश्वरूपन्तु कारयेत ।।

śaśāṅko viśvarūpaś ca kṣaś ca syānnarasiṃhakaḥ | sūryamātrāsamākrāntaṃ viśvarūpantu kārayet ||

अंशुमत्संयुतं कृत्वा शशिवीजं विनायुतम । ईशानमोजसाक्रान्तं प्रथमन्तु समुद्धरेत ।।

aṃśumatsaṃyutaṃ kṛtvā śaśivījaṃ vināyutam | īśānamojasākrāntaṃ prathamantu samuddharet ||

तृतीयं पुरुषं विद्धि दक्षिणं पञ्चमं तथा । सप्तमं वामदेवन्तु सद्योजातन्ततःपरं ।।

tṛtīyaṃ puruṣaṃ viddhi dakṣiṇaṃ pañcamaṃ tathā | saptamaṃ vāmadevantu sadyojātantataḥparaṃ ||

रसयुक्तन्तु नवमं ब्रह्मपञ्चपञ्चकमीरितम । ओंकाराद्याश चतुर्थ्यन्ता नमोन्ताः सर्वमन्त्रकाः ।।

rasayuktantu navamaṃ brahmapañcapañcakamīritam | oṃkārādyāś caturthyantā namontāḥ sarvamantrakāḥ ||

सद्योदेवा द्वितीयन्तु हृदयञ्चाङ्गसंयुतम । चतुर्थन्तु शिरो विद्धि ईश्वरन्नामनामतः ।।

sadyodevā dvitīyantu hṛdayañcāṅgasaṃyutam | caturthantu śiro viddhi īśvarannāmanāmataḥ ||

ऊहकन्तु शिखा ज्ञेया विश्वरूपसमन्विता । तन्मन्त्रमष्टमं ख्यातं नेत्रन्तु दशमं मतम ।।

ūhakantu śikhā jñeyā viśvarūpasamanvitā | tanmantramaṣṭamaṃ khyātaṃ netrantu daśamaṃ matam ||

अस्त्रं शशी समाख्यातं शिवसंज्ञं शिखिध्यजः । नमः स्वाहा तथा वौषत हूं च फत्कक्रमेण तु ।।

astraṃ śaśī samākhyātaṃ śivasaṃjñaṃ śikhidhyajaḥ | namaḥ svāhā tathā vauṣat hūṃ ca phatkakrameṇa tu ||

जातिफट्कं हृदादीनां प्रासादं मन्त्रमावदे । ईशानाद्रुद्रसंख्यातं प्रोद्धरेच्चांशुरञ्जितम ।।

jātiphaṭkaṃ hṛdādīnāṃ prāsādaṃ mantramāvade | īśānādrudrasaṃkhyātaṃ proddhareccāṃśurañjitam ||

औषधाक्रान्तशिरसमूहकस्योपरिस्थितं । अर्धचन्द्रोर्धनादश च विन्दुद्वितयमध्यगं ।।

auṣadhākrāntaśirasamūhakasyoparisthitaṃ | ardhacandrordhanādaś ca vindudvitayamadhyagaṃ ||

तदन्ते विश्वरूपन्तु कुटिलन्तु त्रिधा ततः । एवं प्रासादमन्त्रश च सर्वकर्मकरो मनुः ।।

tadante viśvarūpantu kuṭilantu tridhā tataḥ | evaṃ prāsādamantraś ca sarvakarmakaro manuḥ ||

शिखावीजं समुद्धृत्य फट्कारान्तन्तु चैव फट । अर्धचन्द्रासनं ज्ञेयं कामदेवं ससर्पकम ।।

śikhāvījaṃ samuddhṛtya phaṭkārāntantu caiva phaṭ | ardhacandrāsanaṃ jñeyaṃ kāmadevaṃ sasarpakam ||

महापाशुपतास्त्रन्तु सर्वदुष्टप्रमर्दनम । प्रासादः सकलः प्रोक्तो निष्कलः प्रोच्यते ऽधुना ।।

mahāpāśupatāstrantu sarvaduṣṭapramardanam | prāsādaḥ sakalaḥ prokto niṣkalaḥ procyate 'dhunā ||

औषधं विश्वरूपन्तु रुद्राख्यं सूर्यमण्डलम । चन्द्रार्धं नादसंयोगं विसंज्ञं कुटिलन्ततः ।।

auṣadhaṃ viśvarūpantu rudrākhyaṃ sūryamaṇḍalam | candrārdhaṃ nādasaṃyogaṃ visaṃjñaṃ kuṭilantataḥ ||

निष्कलो भुक्तिमुक्तौ स्यात्पञ्चाङ्गो ऽयं सदाशिवः । अंशुमान विश्वरूपञ्च आवृतं शून्यरञ्जितम ।।

niṣkalo bhuktimuktau syātpañcāṅgo 'yaṃ sadāśivaḥ | aṃśumān viśvarūpañca āvṛtaṃ śūnyarañjitam ||

ब्रह्माङ्गरहितः शून्यस्तस्य मूर्तिरसस्तरुः । विघ्ननाशाय भवति पूजितो बालबालिशैः ।।

brahmāṅgarahitaḥ śūnyastasya mūrtirasastaruḥ | vighnanāśāya bhavati pūjito bālabāliśaiḥ ||

अंशुमान विश्वरूपाख्यमूहकस्योपरि स्थितम । कलाढ्यं सकलस्यैव पूजाङ्गादि च सर्वतः ।।

aṃśumān viśvarūpākhyamūhakasyopari sthitam | kalāḍhyaṃ sakalasyaiva pūjāṅgādi ca sarvataḥ ||

नरसिंहं कृतान्तस्थं तेजस्विप्राणमूर्धगम । अंशुमानूहकाक्रान्तमधोर्धं स्वसलङ्घृतम ।।

narasiṃhaṃ kṛtāntasthaṃ tejasviprāṇamūrdhagam | aṃśumānūhakākrāntamadhordhaṃ svasalaṅghṛtam ||

चन्द्रार्धनादनादान्तं ब्रह्मविष्णुविभूशित । उदधिं नरसिंहञ्च सूर्यमात्राविभेदितम ।।

candrārdhanādanādāntaṃ brahmaviṣṇuvibhūśita | udadhiṃ narasiṃhañca sūryamātrāvibheditam ||

यदा कृतं तदा तस्य ब्रह्माण्यङ्गानि पूर्ववत । ओजाख्यमंशुमद्युक्तं प्रथमं वर्णमुद्धरेत ।।

yadā kṛtaṃ tadā tasya brahmāṇyaṅgāni pūrvavat | ojākhyamaṃśumadyuktaṃ prathamaṃ varṇamuddharet ||

अशुमच्चांशुनाक्रान्तं द्वितीयं वर्णनायकम । अंशुमानीश्वरन्तद्वत तृतीयं मुक्तिदायकम ।।

aśumaccāṃśunākrāntaṃ dvitīyaṃ varṇanāyakam | aṃśumānīśvarantadvat tṛtīyaṃ muktidāyakam ||

ऊहकञ्चांशुनाक्रान्तं वरुणप्रानतैजसम । पञ्चमन्तु समाख्यातं कृतान्तन्तु ततः परम ।।

ūhakañcāṃśunākrāntaṃ varuṇaprānataijasam | pañcamantu samākhyātaṃ kṛtāntantu tataḥ param ||

अंशुमानुदकप्राणः सप्तमं वर्णमुद्धृतम । पद्ममिन्दुसमाक्रान्तं नन्दीशमेकपादधृक ।।

aṃśumānudakaprāṇaḥ saptamaṃ varṇamuddhṛtam | padmamindusamākrāntaṃ nandīśamekapādadhṛk ||

प्रथमञ्चान्ततो योज्यं क्षपणं दशवीजकम । अस्यार्धं तृतीयञ्चैव पञ्चमं सप्तमं तथा ।।

prathamañcāntato yojyaṃ kṣapaṇaṃ daśavījakam | asyārdhaṃ tṛtīyañcaiva pañcamaṃ saptamaṃ tathā ||

सद्योजातन्तु नवमं द्वितीयाद्धृदयादिकम । दशार्णप्रणवं यत्तु फडन्तञ्चास्त्रमुद्धरेत ।।

sadyojātantu navamaṃ dvitīyāddhṛdayādikam | daśārṇapraṇavaṃ yattu phaḍantañcāstramuddharet ||

नमस्कारयुतान्यत्र ब्रह्माङ्गानि तु नान्यथा । द्वितीयादष्टौ यावदष्टौ विद्येश्वरा मताः ।।

namaskārayutānyatra brahmāṅgāni tu nānyathā | dvitīyādaṣṭau yāvadaṣṭau vidyeśvarā matāḥ ||

अनन्तेशश च सूक्ष्मश च तृतीयश च शिवोक्तमः । एकमूर्च्येकरूपस्तु त्रिमूर्तिरपरस तथा ।।

ananteśaś ca sūkṣmaś ca tṛtīyaś ca śivoktamaḥ | ekamūrcyekarūpastu trimūrtiraparas tathā ||

विद्येश्वराःस्मृताः । शिखण्डिनो ऽप्यनन्तान्तं मन्त्रान्तं मूर्तिरीरिता ।।

vidyeśvarāḥsmṛtāḥ | śikhaṇḍino 'pyanantāntaṃ mantrāntaṃ mūrtirīritā ||