विद्याप्रस्तावमाख्यास्ये धर्मकामादिसिद्धिदम । नवकोष्ठविभागेन विद्याभेदञ्च विन्दति ।।

vidyāprastāvamākhyāsye dharmakāmādisiddhidam | navakoṣṭhavibhāgena vidyābhedañca vindati ||

अनुलोमविलोमेन समस्तव्यस्तयोगतः । कर्णाविकर्णयोगेन अत ऊर्ध्वं विभागशः ।।

anulomavilomena samastavyastayogataḥ | karṇāvikarṇayogena ata ūrdhvaṃ vibhāgaśaḥ ||

त्रित्रिकेण च योगेन देव्या सन्नद्धविग्रहः । जानाति सिद्धिदान्मन्त्रान प्रस्तावान्निर्गतान बहून ।।

tritrikeṇa ca yogena devyā sannaddhavigrahaḥ | jānāti siddhidānmantrān prastāvānnirgatān bahūn ||

शास्त्रे शास्त्रे स्मृता मन्त्राः प्रयोगास्तत्र दुर्लभाः । गुरुः स्यात प्रथमो वर्णः पूर्वेद्युर्न च वर्ण्यते ।।

śāstre śāstre smṛtā mantrāḥ prayogāstatra durlabhāḥ | guruḥ syāt prathamo varṇaḥ pūrvedyurna ca varṇyate ||

प्रस्तावे तत्र चैकार्णा द्व्यर्णास्त्र्यर्णादयो ऽभवन । तिर्यगूर्ध्वगता रेखाश चतुरश चतुरो भजेत ।।

prastāve tatra caikārṇā dvyarṇāstryarṇādayo 'bhavan | tiryagūrdhvagatā rekhāś caturaś caturo bhajet ||

नव कोष्ठा भवन्त्येवं मध्यदेशे तथा इमान । प्रदक्षिणेन संस्थाप्य प्रस्तावं भेदयेत्ततः ।।

nava koṣṭhā bhavantyevaṃ madhyadeśe tathā imān | pradakṣiṇena saṃsthāpya prastāvaṃ bhedayettataḥ ||

प्रस्तावक्रमयोगेन प्रस्तावं यस्तु विन्दति । करमुष्टिस्थितास्तस्य साधकस्य हि सिद्धयः ।।

prastāvakramayogena prastāvaṃ yastu vindati | karamuṣṭisthitāstasya sādhakasya hi siddhayaḥ ||

त्रैलोक्यं पादमूले स्यान्नवखण्डां भुवं लभेत । कपाले तु समालिख्य शिवतत्त्वं समन्ततः ।।

trailokyaṃ pādamūle syānnavakhaṇḍāṃ bhuvaṃ labhet | kapāle tu samālikhya śivatattvaṃ samantataḥ ||

श्मशानकर्पटे वाथ वाह्यं निष्क्रम्य मन्त्रवित । तस्य मध्ये लिखेन्नाम कर्णिकोपरि संस्थितम ।।

śmaśānakarpaṭe vātha vāhyaṃ niṣkramya mantravit | tasya madhye likhennāma karṇikopari saṃsthitam ||

तापयेत्खादिराङ्गारैर भूर्जमाक्रम्य पादयोः । सप्ताहादानयेत सर्वं त्रेलोक्यं सचराचरम ।।

tāpayetkhādirāṅgārair bhūrjamākramya pādayoḥ | saptāhādānayet sarvaṃ trelokyaṃ sacarācaram ||

वज्रसम्पुटगर्भे तु द्वादशारे तु लेखयेत । मध्ये गर्भगतं नाम सदाशिवविदर्भितम ।।

vajrasampuṭagarbhe tu dvādaśāre tu lekhayet | madhye garbhagataṃ nāma sadāśivavidarbhitam ||

कुड्ये फलकके वाथ शिलापट्टे हरिद्रया । मुखस्तम्भं गतिस्तम्भं सैन्यस्तम्भन्तु जायते ।।

kuḍye phalakake vātha śilāpaṭṭe haridrayā | mukhastambhaṃ gatistambhaṃ sainyastambhantu jāyate ||

विषरक्तेन संलिख्य श्मशाने कर्परे बुधः । षट्कोणं दण्डमाक्रान्तं समन्ताच्छक्तियोजितम ।।

viṣaraktena saṃlikhya śmaśāne karpare budhaḥ | ṣaṭkoṇaṃ daṇḍamākrāntaṃ samantācchaktiyojitam ||

मारयेदचिरादेष श्मशाने निहतं रिपुं । छेदं करोति राष्ट्रस्य चक्रमध्ये न्यसेद्रिपुं ।।

mārayedacirādeṣa śmaśāne nihataṃ ripuṃ | chedaṃ karoti rāṣṭrasya cakramadhye nyasedripuṃ ||

चक्रधाराङ्गतां शक्तिं रिपुनाम्ना रिपुं हरेत । तार्क्ष्येणैव तु वीजेन खड्गमध्ये तु लेखयेत ।।

cakradhārāṅgatāṃ śaktiṃ ripunāmnā ripuṃ haret | tārkṣyeṇaiva tu vījena khaḍgamadhye tu lekhayet ||

विदर्भरिपुनामाथ श्मशानाङ्गारलेखितम । सप्ताहात्साधयेद्देशं ताडयेत प्रेतभस्मना ।।

vidarbharipunāmātha śmaśānāṅgāralekhitam | saptāhātsādhayeddeśaṃ tāḍayet pretabhasmanā ||

भेदने छेदने चैव मारणेषु शिवो भवेत । तारकं नेत्रमुद्दिष्टं शान्तिपुष्टौ नियोजयेत ।।

bhedane chedane caiva māraṇeṣu śivo bhavet | tārakaṃ netramuddiṣṭaṃ śāntipuṣṭau niyojayet ||

दहनादिप्रयोगोयं शाकिनीञ्चैव कर्पयेत । मध्यादिवारुणीं यावद्वक्रतुण्डसमन्वितः ।।

dahanādiprayogoyaṃ śākinīñcaiva karpayet | madhyādivāruṇīṃ yāvadvakratuṇḍasamanvitaḥ ||

कुष्टाद्या व्याधयो ये तु नाशयेत्तान्न संशयः । मध्यादिउत्तरान्तन्तु करालीबन्धनाज्जपेत ।।

kuṣṭādyā vyādhayo ye tu nāśayettānna saṃśayaḥ | madhyādiuttarāntantu karālībandhanājjapet ||

रक्षयेदात्मनो विद्यां प्रतिवादी यदा शिवः । वारुण्यादि ततो न्यस्य ज्वरकाशविनाशनम ।।

rakṣayedātmano vidyāṃ prativādī yadā śivaḥ | vāruṇyādi tato nyasya jvarakāśavināśanam ||

सौम्यादि मध्यमान्तन्तु गुरुत्वं जायते वटे । पूर्वादि मध्यमान्तन्तु लघुत्वं कुरुते क्षणात ।।

saumyādi madhyamāntantu gurutvaṃ jāyate vaṭe | pūrvādi madhyamāntantu laghutvaṃ kurute kṣaṇāt ||

भूर्जे रोचनया लिख्य एतद्वज्राकुलं पुरम । क्रमस्थैर मन्त्रवीजैस्तु रक्षां देहेषु कारयेत ।।

bhūrje rocanayā likhya etadvajrākulaṃ puram | kramasthair mantravījaistu rakṣāṃ deheṣu kārayet ||

वेष्टिता भावहेम्ना च रक्षेयं मृत्युनाशिनी । विघ्नपापारिदमनी सौभाग्यायुःप्रदा धृता ।।

veṣṭitā bhāvahemnā ca rakṣeyaṃ mṛtyunāśinī | vighnapāpāridamanī saubhāgyāyuḥpradā dhṛtā ||

द्यूते रेणे च जयदा शक्रसैन्ये न संशयः । बन्ध्यानां पुत्रदा ह्य एषा चिन्तामणिरिवापरा ।।

dyūte reṇe ca jayadā śakrasainye na saṃśayaḥ | bandhyānāṃ putradā hy eṣā cintāmaṇirivāparā ||

साधयेत परराष्ट्राणि राज्यञ्च पृथिवीं जयेत । फट स्त्रीं क्षें हूं लक्षजप्याद्यक्षादिर्वशगो भवेत ।।

sādhayet pararāṣṭrāṇi rājyañca pṛthivīṃ jayet | phaṭ strīṃ kṣeṃ hūṃ lakṣajapyādyakṣādirvaśago bhavet ||