अपरां त्वरिताविद्यां वक्ष्ये ऽहं भुक्तिमुक्तिदां । पुरे वज्राकुले देवीं रजोभिर्लिखिते यजेत ।।

aparāṃ tvaritāvidyāṃ vakṣye 'haṃ bhuktimuktidāṃ | pure vajrākule devīṃ rajobhirlikhite yajet ||

पद्मगर्भे दिग्विदिक्षु चाष्टौ वज्राणि वीथिकां । द्वारशोभोपशोभाञ्च लिखेच्छ्रीघ्रं स्मरेन्नरः ।।

padmagarbhe digvidikṣu cāṣṭau vajrāṇi vīthikāṃ | dvāraśobhopaśobhāñca likhecchrīghraṃ smarennaraḥ ||

अष्टादशभुजां सिंहे वामजङ्घा प्रतिष्ठिता । दक्षिणा द्विगुणा तस्याः पादपीठे समर्पिता ।।

aṣṭādaśabhujāṃ siṃhe vāmajaṅghā pratiṣṭhitā | dakṣiṇā dviguṇā tasyāḥ pādapīṭhe samarpitā ||

नागभूषां वज्रकुण्डे खड्गं चक्रं गदां करमात । शूलं शरं तथा शक्तिं वरदं दक्षिणैः करैः ।।

nāgabhūṣāṃ vajrakuṇḍe khaḍgaṃ cakraṃ gadāṃ karamāt | śūlaṃ śaraṃ tathā śaktiṃ varadaṃ dakṣiṇaiḥ karaiḥ ||

शङ्खमङ्कुशम । अभयञ्च तथा वर्जं वामपार्श्वे धृतायुधम ।।

śaṅkhamaṅkuśam | abhayañca tathā varjaṃ vāmapārśve dhṛtāyudham ||

पूजनाच्छत्रुनाशः स्याद्राष्ट्रं जयति लीलया । दीर्घायूराष्ट्रभूतिः स्याद्दिव्यादिसिद्धिभाक ।।

pūjanācchatrunāśaḥ syādrāṣṭraṃ jayati līlayā | dīrghāyūrāṣṭrabhūtiḥ syāddivyādisiddhibhāk ||

तलेतिसप्तपातालाः कालाग्निभुवनान्तकाः । ओं कारादिस्वरारभ्य यावद्ब्रह्माण्डवाचकम ।।

taletisaptapātālāḥ kālāgnibhuvanāntakāḥ | oṃ kārādisvarārabhya yāvadbrahmāṇḍavācakam ||

ओं काराद्भ्रामयेत्तोयन्तोतला त्वरिता ततः । प्रस्तावं सम्प्रवक्ष्यामि स्वरवर्गं लिखेद्भुवि ।।

oṃ kārādbhrāmayettoyantotalā tvaritā tataḥ | prastāvaṃ sampravakṣyāmi svaravargaṃ likhedbhuvi ||

तालुर्वर्गः कवर्गः स्यात्तृतीयो जिह्वतालुकः । चतुर्थस्तालुजिह्वाग्रो जिह्वादन्तस्तु पञ्चमः ।।

tālurvargaḥ kavargaḥ syāttṛtīyo jihvatālukaḥ | caturthastālujihvāgro jihvādantastu pañcamaḥ ||

षष्ठो ऽष्टपुटसम्पन्नो मिश्रवर्गस्तु सप्तमः । ऊष्माणः स्याच्छ्वर्गस्तु उद्धरेच्च मनुं ततः ।।

ṣaṣṭho 'ṣṭapuṭasampanno miśravargastu saptamaḥ | ūṣmāṇaḥ syācchvargastu uddharecca manuṃ tataḥ ||

षष्ठस्वरसमारूढं ऊष्मणान्तं सविन्दुकम । तालुवर्गद्वितीयन्तु स्वरैकादशयोजितम ।।

ṣaṣṭhasvarasamārūḍhaṃ ūṣmaṇāntaṃ savindukam | tāluvargadvitīyantu svaraikādaśayojitam ||

जिह्वातालुसमायोगः प्रथमं केवलं भवेत । तदेव च द्वितीयन्तु अधस्ताद्विनियोजयेत ।।

jihvātālusamāyogaḥ prathamaṃ kevalaṃ bhavet | tadeva ca dvitīyantu adhastādviniyojayet ||

एकादशस्वरैर युक्तं प्रथमं तालुवर्गतः । ऊष्माणस्य द्वितीयन्तु अधस्ताद दृश्य योजयेत ।।

ekādaśasvarair yuktaṃ prathamaṃ tāluvargataḥ | ūṣmāṇasya dvitīyantu adhastād dṛśya yojayet ||

षोडशस्वरसंयुक्तमूष्माणस्य द्वितीयकम । जिह्वादन्तसमायोगे प्रथमं योजयेदधः ।।

ṣoḍaśasvarasaṃyuktamūṣmāṇasya dvitīyakam | jihvādantasamāyoge prathamaṃ yojayedadhaḥ ||

मिश्रवर्गाद द्वितीयन्तु अधस्तात पुनरेव तु । चतुर्थस्वरसम्भिन्नं तालुवर्गादिसंयुतम ।।

miśravargād dvitīyantu adhastāt punareva tu | caturthasvarasambhinnaṃ tāluvargādisaṃyutam ||

ऊष्मणश च द्वितीयन्तु अधस्ताद्विनियोजयेत । स्वरैकादशभिन्नन्तु ऊष्मणान्तं सविन्दुकम ।।

ūṣmaṇaś ca dvitīyantu adhastādviniyojayet | svaraikādaśabhinnantu ūṣmaṇāntaṃ savindukam ||

पञ्चस्वरसमारूढं ओष्ठसम्पुटयोगतः । द्वितीयमक्षरञ्चान्यज्जिह्वाग्रे तालुयोगतः ।।

pañcasvarasamārūḍhaṃ oṣṭhasampuṭayogataḥ | dvitīyamakṣarañcānyajjihvāgre tāluyogataḥ ||

प्रथमं पञ्चमे योज्यं स्वरार्धेनोद्धृता इमे । ओंकाराद्या नमोन्ताश च जपेत स्वाहाग्निकार्यके ।।

prathamaṃ pañcame yojyaṃ svarārdhenoddhṛtā ime | oṃkārādyā namontāś ca japet svāhāgnikāryake ||

त्वरिताङ्गानि वक्ष्यामि विद्याङ्गानि शृणुष्व मे । आदिद्विहृदयं प्रोक्तं त्रिचतुःशिर इष्यते ।।

tvaritāṅgāni vakṣyāmi vidyāṅgāni śṛṇuṣva me | ādidvihṛdayaṃ proktaṃ tricatuḥśira iṣyate ||

पञ्चषष्ठः शिखा प्रोक्ता कवचं सप्तमाष्टमम । तारकन्तु भवेन्नेत्रं नवार्धाक्षरलक्षणं ।।

pañcaṣaṣṭhaḥ śikhā proktā kavacaṃ saptamāṣṭamam | tārakantu bhavennetraṃ navārdhākṣaralakṣaṇaṃ ||

तोतलेति समाख्याता वज्रतुण्डे ततो भवेत । ख ख हूं दशवीजा स्याद्वज्रतुण्डेन्द्रद्रूतिका ।।

totaleti samākhyātā vajratuṇḍe tato bhavet | kha kha hūṃ daśavījā syādvajratuṇḍendradrūtikā ||

खेचरि ज्वालिनीज्वाले खखेति ज्वालिनीदश । वर्चे शरविभीषणि खखेति च शवर्यपि ।।

khecari jvālinījvāle khakheti jvālinīdaśa | varce śaravibhīṣaṇi khakheti ca śavaryapi ||

छे छेदनि करालिनि खखेति च कराल्यपि । वक्षःश्रवद्रवप्लवनी ख ख दूतीप्लवं ख्यपि ।।

che chedani karālini khakheti ca karālyapi | vakṣaḥśravadravaplavanī kha kha dūtīplavaṃ khyapi ||

स्त्रीबालकारे धुननि शास्त्री वसनवेगिका । क्षे पक्षे कपिले हस हस कपिला नाम दूतिका ।।

strībālakāre dhunani śāstrī vasanavegikā | kṣe pakṣe kapile hasa hasa kapilā nāma dūtikā ||

ह्रूं तेजोवति रौद्री च मातङ्गरौद्रिदूतिका । पुटे पुटे ख ख खड्गे फट ब्रह्मकदूतिका ।।

hrūṃ tejovati raudrī ca mātaṅgaraudridūtikā | puṭe puṭe kha kha khaḍge phaṭ brahmakadūtikā ||

वैतालिनि दशार्णाः स्युस्त्यजान्यहिपलालवत । हृदादिकन्यासादौ स्यान मध्ये नेत्रे न्यसेत्सुधीः ।।

vaitālini daśārṇāḥ syustyajānyahipalālavat | hṛdādikanyāsādau syān madhye netre nyasetsudhīḥ ||

पादादरभ्य मूर्दान्तं शिर आरभ्य पादयोः । अङ्घ्रिजानूरुगुह्ये च नाभिहृत्कण्ठदेशतः ।।

pādādarabhya mūrdāntaṃ śira ārabhya pādayoḥ | aṅghrijānūruguhye ca nābhihṛtkaṇṭhadeśataḥ ||

वज्रमण्डलबूर्धे च अघोर्धे चादिवीजतः । सोमरूपं ततो गावं धारामृतसुवर्षिणम ।।

vajramaṇḍalabūrdhe ca aghordhe cādivījataḥ | somarūpaṃ tato gāvaṃ dhārāmṛtasuvarṣiṇam ||

विशन्तं ब्रह्मरन्ध्रेण साधकस्तु विचिन्तयेत । मूर्धास्यकण्ठहृन्नाभौ गुह्योरुजानुपादयोः ।।

viśantaṃ brahmarandhreṇa sādhakastu vicintayet | mūrdhāsyakaṇṭhahṛnnābhau guhyorujānupādayoḥ ||

आदिवीजं न्यसेन्मन्त्री तर्जन्यादि पुनः पुनः । ऊर्धं सोममधः पद्मं शरीरं वीजविग्रहं ।।

ādivījaṃ nyasenmantrī tarjanyādi punaḥ punaḥ | ūrdhaṃ somamadhaḥ padmaṃ śarīraṃ vījavigrahaṃ ||

यो जानाति न मृत्युः स्यात्तस्य न व्याधयो ज्वरा । यजेज्जपेत्तां विन्यस्य ध्यायेद्देवीं शताष्टकम ।।

yo jānāti na mṛtyuḥ syāttasya na vyādhayo jvarā | yajejjapettāṃ vinyasya dhyāyeddevīṃ śatāṣṭakam ||

स्मृताः । ग्रथितौ तु करौ कृत्वा मध्ये ऽङ्गुष्ठौ निपातयेत ।।

smṛtāḥ | grathitau tu karau kṛtvā madhye 'ṅguṣṭhau nipātayet ||

तर्जनीं मूर्ध्निसंलग्नां विन्यसेत्तां शिरोपरि । प्रणीतेयं समाख्याता हृद्देशे तां समानयेत ।।

tarjanīṃ mūrdhnisaṃlagnāṃ vinyasettāṃ śiropari | praṇīteyaṃ samākhyātā hṛddeśe tāṃ samānayet ||

ऊर्धन्तु कन्यसामध्ये सवीजान्तां विदुर्द्विजाः । नियोज्य तर्जनीमध्ये ऽनेकलग्नां परस्पराम ।।

ūrdhantu kanyasāmadhye savījāntāṃ vidurdvijāḥ | niyojya tarjanīmadhye 'nekalagnāṃ parasparām ||

ज्येष्टाग्रं निक्षिपेन्मध्ये भेदनी सा प्रकीर्तिता । नाभिदेशे तु तां बद्ध्वा अङ्गुष्ठावुत्क्षिपेत्ततः ।।

jyeṣṭāgraṃ nikṣipenmadhye bhedanī sā prakīrtitā | nābhideśe tu tāṃ baddhvā aṅguṣṭhāvutkṣipettataḥ ||

कराली तु महामुद्रा हृदये योज्य मन्त्रिणः । पुनस्तु पूर्ववद बद्धलग्नां ज्येष्ठां समुत्क्षिपेत ।।

karālī tu mahāmudrā hṛdaye yojya mantriṇaḥ | punastu pūrvavad baddhalagnāṃ jyeṣṭhāṃ samutkṣipet ||

वज्रतुण्डा समाख्याता वज्रदेशे तु बन्धयेत । उभाभ्याञ्चैव हस्ताभ्यां मणिबन्धन्तु बन्धयेत ।।

vajratuṇḍā samākhyātā vajradeśe tu bandhayet | ubhābhyāñcaiva hastābhyāṃ maṇibandhantu bandhayet ||

त्रीणि त्रीणि प्रसार्येति वज्रमुद्रा प्रकीर्तिता । दण्डः खड्गञ्चक्रगदा मुद्रा चाकारतः स्मृता ।।

trīṇi trīṇi prasāryeti vajramudrā prakīrtitā | daṇḍaḥ khaḍgañcakragadā mudrā cākārataḥ smṛtā ||

अङ्गुष्ठेनाक्रमेत त्रीणि त्रिशूलञ्चोर्ध्वतो भवेत । एका तु मध्यमोर्ध्वा तु शक्तिरेव विधीयते ।।

aṅguṣṭhenākramet trīṇi triśūlañcordhvato bhavet | ekā tu madhyamordhvā tu śaktireva vidhīyate ||

शरञ्च वरदञ्चापं पाशं भारञ्च घण्टया । शङ्खमङ्कुशमभयं पद्ममष्ट च विंशतिः ।।

śarañca varadañcāpaṃ pāśaṃ bhārañca ghaṇṭayā | śaṅkhamaṅkuśamabhayaṃ padmamaṣṭa ca viṃśatiḥ ||

मोहणी मोक्षणी चैव ज्वालिनी चामृताभया । प्रणीताः पञ्चमुद्रास्तु पूजाहोमे च योजयेत ।।

mohaṇī mokṣaṇī caiva jvālinī cāmṛtābhayā | praṇītāḥ pañcamudrāstu pūjāhome ca yojayet ||