वक्षः सवह्निर्यामाक्षौ दण्डीः श्रीः सर्वसिद्धिदा । महाश्रिये महासिद्धे महाविद्युत्प्रभे नमः ।।

vakṣaḥ savahniryāmākṣau daṇḍīḥ śrīḥ sarvasiddhidā | mahāśriye mahāsiddhe mahāvidyutprabhe namaḥ ||

अस्याङ्गानि नवोक्तानि तेष्वेकञ्च समाश्रयेत । त्रिलक्षमेकलक्षं वा जप्त्वाक्षाब्जैश च भूतिदः ।।

asyāṅgāni navoktāni teṣvekañca samāśrayet | trilakṣamekalakṣaṃ vā japtvākṣābjaiś ca bhūtidaḥ ||

श्रीगेहे विष्णुगेहे वा श्रियं पूज्य धनं लभेत । आज्याक्तैस्तण्डुलैर लक्षं जुहुयात खादिरानले ।।

śrīgehe viṣṇugehe vā śriyaṃ pūjya dhanaṃ labhet | ājyāktaistaṇḍulair lakṣaṃ juhuyāt khādirānale ||

राजा वश्यो भवेद्वृद्धिः श्रीश च स्यादुत्तरोत्तरं । सर्षपाम्भोभिषेकेण नश्यन्ते सकला ग्रहाः ।।

rājā vaśyo bhavedvṛddhiḥ śrīś ca syāduttarottaraṃ | sarṣapāmbhobhiṣekeṇa naśyante sakalā grahāḥ ||

बिल्वलक्षहुता लक्ष्मीर्वित्तवृद्धिश च जायते । शक्रवेश्म चतुर्द्वारं हृदये चिन्तयेदथ ।।

bilvalakṣahutā lakṣmīrvittavṛddhiś ca jāyate | śakraveśma caturdvāraṃ hṛdaye cintayedatha ||

बलाकां वामनां श्यामां श्वेतपङ्कजधारिणीम । ऊर्ध्ववाहुद्वयं ध्यायेत्क्रीडन्तीं द्वारि पूर्ववत ।।

balākāṃ vāmanāṃ śyāmāṃ śvetapaṅkajadhāriṇīm | ūrdhvavāhudvayaṃ dhyāyetkrīḍantīṃ dvāri pūrvavat ||

उर्ध्वीकृतेन हस्तेन रक्तपङ्कजधारिणीं । श्वेताङ्गीं दक्षिणे द्वारि चिन्तयेद्वनमालिनीम ।।

urdhvīkṛtena hastena raktapaṅkajadhāriṇīṃ | śvetāṅgīṃ dakṣiṇe dvāri cintayedvanamālinīm ||

हरितां दोर्द्वयेनोर्धमुद्वहन्तीं सिताम्बुजम । ध्यायेद्विभीषिकां नाम श्रीदूतीं द्वारि पश्चिमे ।।

haritāṃ dordvayenordhamudvahantīṃ sitāmbujam | dhyāyedvibhīṣikāṃ nāma śrīdūtīṃ dvāri paścime ||

शाङ्करीमुक्क्तरे द्वारि तन्मध्ये ऽष्टदलपङ्कजं । वासुदेवः सङ्कर्षणः प्रद्युम्नश्चानिरुद्धकः ।।

śāṅkarīmukktare dvāri tanmadhye 'ṣṭadalapaṅkajaṃ | vāsudevaḥ saṅkarṣaṇaḥ pradyumnaścāniruddhakaḥ ||

ध्येयास्ते पद्मपत्रेषु शङ्खचक्रगदाधराः । अञ्जनक्षीरकाश्मीरहेमाभास्ते सुवाससः ।।

dhyeyāste padmapatreṣu śaṅkhacakragadādharāḥ | añjanakṣīrakāśmīrahemābhāste suvāsasaḥ ||

आग्नेयादिषु पत्रेषु गुग्गुलुश च कुरुण्टकः । दमकः सलिलश्चेति हस्तिनी रजतप्रभाः ।।

āgneyādiṣu patreṣu gugguluś ca kuruṇṭakaḥ | damakaḥ salilaśceti hastinī rajataprabhāḥ ||

हेमकुम्भधराश चैते कर्णिकायां श्रियं स्मरेत । चतुर्भुजां सुवर्णाभां सपद्मोर्ध्वभुजद्वयां ।।

hemakumbhadharāś caite karṇikāyāṃ śriyaṃ smaret | caturbhujāṃ suvarṇābhāṃ sapadmordhvabhujadvayāṃ ||

दक्षिणाभयहस्ताभां वामहस्तवरप्रदां । श्वेतगन्धांशुकामेकरौम्यमालास्त्रधारिणीं ।।

dakṣiṇābhayahastābhāṃ vāmahastavarapradāṃ | śvetagandhāṃśukāmekaraumyamālāstradhāriṇīṃ ||

ध्यात्वा सपरिवारान्तामभ्यर्च्य सकलं लभेत । द्रोणाब्जपुष्पश्रीवृक्षपर्णं मूर्ध्नि न धारयेत ।।

dhyātvā saparivārāntāmabhyarcya sakalaṃ labhet | droṇābjapuṣpaśrīvṛkṣaparṇaṃ mūrdhni na dhārayet ||

लवणामलकं वर्ज्यं नागादित्यतिथौ क्रमात । पायसाशी जपेत सूक्तं श्रियस्तेनाभिषेचयेत ।।

lavaṇāmalakaṃ varjyaṃ nāgādityatithau kramāt | pāyasāśī japet sūktaṃ śriyastenābhiṣecayet ||

आवाहादिविसर्गान्तां मूर्ध्नि ध्यात्वार्चयेत श्रियम । विल्वाज्याब्जपायसेन पृथक योगः श्रिये भवेत ।।

āvāhādivisargāntāṃ mūrdhni dhyātvārcayet śriyam | vilvājyābjapāyasena pṛthak yogaḥ śriye bhavet ||

विषं महिषकान्ताग्निरुद्रिज्योतिर्वकद्वयम । दुर्गाहृदयमित्युक्तं साङ्गं सर्वार्थसाधकम ।।

viṣaṃ mahiṣakāntāgnirudrijyotirvakadvayam | durgāhṛdayamityuktaṃ sāṅgaṃ sarvārthasādhakam ||

यजेद्यथोक्तं तां देवीं पीठञ्चैवाङ्गमध्यगम । पत्रस्थाः पूजयेदेता मूर्तीराद्यैः स्वरैः क्रमात ।।

yajedyathoktaṃ tāṃ devīṃ pīṭhañcaivāṅgamadhyagam | patrasthāḥ pūjayedetā mūrtīrādyaiḥ svaraiḥ kramāt ||

चक्राय शङ्खाय गदायै खड्गाय धनुषे वाणाय । अष्टम्याद्यैर इमां दुर्गां लोकेशान्तां यजेदिति । दुर्गायोगः समायुःश्रीस्वामिरक्ताजयादिकृत ।।

cakrāya śaṅkhāya gadāyai khaḍgāya dhanuṣe vāṇāya | aṣṭamyādyair imāṃ durgāṃ lokeśāntāṃ yajediti | durgāyogaḥ samāyuḥśrīsvāmiraktājayādikṛt ||

समाध्येशानमन्त्रेण तिलहोमो वशीकरः । जयः पद्मैस्तु दुर्वाभिः शान्तिः कामः पलाशजैः ।।

samādhyeśānamantreṇa tilahomo vaśīkaraḥ | jayaḥ padmaistu durvābhiḥ śāntiḥ kāmaḥ palāśajaiḥ ||

पुष्टिः स्यात काकपक्षेण मृतिद्वेषादिकं भवेत । ब्रह्मक्षुद्रभयापत्तिं सर्वमेव मनुर्हरेत ।।

puṣṭiḥ syāt kākapakṣeṇa mṛtidveṣādikaṃ bhavet | brahmakṣudrabhayāpattiṃ sarvameva manurharet ||

रक्षाकरीयमुदिता जयदुर्गाङ्गसंयुता । श्यामां त्रिलिचनां देवीं ध्यात्वात्मानं चतुर्भुजम ।।

rakṣākarīyamuditā jayadurgāṅgasaṃyutā | śyāmāṃ trilicanāṃ devīṃ dhyātvātmānaṃ caturbhujam ||

शङ्खचक्राब्जशूलादित्रिशूलां रौद्ररूपिणीं । युद्धादौ सञ्जयेदेतां यजेत खड्गादिके जये ।।

śaṅkhacakrābjaśūlāditriśūlāṃ raudrarūpiṇīṃ | yuddhādau sañjayedetāṃ yajet khaḍgādike jaye ||