वाक्कर्मपार्श्वयुक्शुक्रतोककृते मतो प्लवः । हुतान्ता देशवर्णेयं विद्या मुख्या सरस्वती ।।

vākkarmapārśvayukśukratokakṛte mato plavaḥ | hutāntā deśavarṇeyaṃ vidyā mukhyā sarasvatī ||

अक्षाराशी वर्णलक्षं जपेत समतिमान भवेत । अत्रिः सवह्निर्वामाक्षिविन्दुरिन्द्राय हृत्परः ।।

akṣārāśī varṇalakṣaṃ japet samatimān bhavet | atriḥ savahnirvāmākṣivindurindrāya hṛtparaḥ ||

वज्रपद्मधरं शक्रं पीतमावाह्य पूजयेत । नियुतं होमयेदाज्यतिलांस्तेनाभिषेचयेत ।।

vajrapadmadharaṃ śakraṃ pītamāvāhya pūjayet | niyutaṃ homayedājyatilāṃstenābhiṣecayet ||

नृपादिर्भ्रष्टरज्यादीन्राज्यपुत्रादिमाप्नुयात । हृल्लेखा शक्तिदेवाख्या दोषाग्निर्दण्डिदण्डवान ।।

nṛpādirbhraṣṭarajyādīnrājyaputrādimāpnuyāt | hṛllekhā śaktidevākhyā doṣāgnirdaṇḍidaṇḍavān ||

शिवमिष्ट्वा जपेच्छक्तिमष्टम्यादिचतुर्दशीं । चक्रपाशाङ्कुशधरां साभयां वरदायिकां ।।

śivamiṣṭvā japecchaktimaṣṭamyādicaturdaśīṃ | cakrapāśāṅkuśadharāṃ sābhayāṃ varadāyikāṃ ||

होमादिना च सौभाग्यं कवित्वं पुरवान भवेत । एतज्जपादिना मन्त्रओ वशयेत सकलं जगत ।।

homādinā ca saubhāgyaṃ kavitvaṃ puravān bhavet | etajjapādinā mantrao vaśayet sakalaṃ jagat ||

वशीकरणकृन्मन्त्रश्चामुण्डायाः प्रकीर्तितः । फलत्रयकषायेण वराङ्गं क्षालयेद्वशे ।।

vaśīkaraṇakṛnmantraścāmuṇḍāyāḥ prakīrtitaḥ | phalatrayakaṣāyeṇa varāṅgaṃ kṣālayedvaśe ||

अश्वगन्धायवैः स्त्री तु निशाकर्पूरकादिना । पिप्पलीतण्डुलान्यष्टौ मरिचानि च विंशतिः ।।

aśvagandhāyavaiḥ strī tu niśākarpūrakādinā | pippalītaṇḍulānyaṣṭau maricāni ca viṃśatiḥ ||

वृहतीरसलेपश च वशे स्यान्मरणान्तिकं । कटीरमूलत्रिकटुक्षौद्रलेपस तथा भवेत ।।

vṛhatīrasalepaś ca vaśe syānmaraṇāntikaṃ | kaṭīramūlatrikaṭukṣaudralepas tathā bhavet ||

हिमं कपित्थकरभं मागधी मधुकं मधु । तेषां लेपः प्रयुक्तस्तु दम्पत्योः स्वस्तिमावहेत ।।

himaṃ kapitthakarabhaṃ māgadhī madhukaṃ madhu | teṣāṃ lepaḥ prayuktastu dampatyoḥ svastimāvahet ||

सशर्करयोनिलेपात कदम्बरसको मधु । सहदेवी महालक्ष्मीः पुत्रजीवी कृताञ्जलिः ।।

saśarkarayonilepāt kadambarasako madhu | sahadevī mahālakṣmīḥ putrajīvī kṛtāñjaliḥ ||

एतच्चूर्णं शिरःक्षिप्तं लिकस्य वशमुत्तमम । त्रिफलाचन्दनक्वाथप्रस्था द्विकुडवम पृथक ।।

etaccūrṇaṃ śiraḥkṣiptaṃ likasya vaśamuttamam | triphalācandanakvāthaprasthā dvikuḍavam pṛthak ||

भृङ्गहेमरसन्दोषातावती चुञ्चुकं मधु । घृतैः पक्वा निशा छाया शुष्का लिप्या तु रञ्जनी ।।

bhṛṅgahemarasandoṣātāvatī cuñcukaṃ madhu | ghṛtaiḥ pakvā niśā chāyā śuṣkā lipyā tu rañjanī ||

विदारीं सोच्चटामाषचूर्णीभ्ह्तां सशर्करां । गथितां यः विपेत क्षीरैर नित्यं स्त्रीशतकं व्रजेत ।।

vidārīṃ soccaṭāmāṣacūrṇībhhtāṃ saśarkarāṃ | gathitāṃ yaḥ vipet kṣīrair nityaṃ strīśatakaṃ vrajet ||

गुल्ममाषतिलव्रीहिचूर्णक्षीरसितान्वितं । अश्वत्थवंशदर्भाणां मूलं वै वैष्णवीश्नियोः ।।

gulmamāṣatilavrīhicūrṇakṣīrasitānvitaṃ | aśvatthavaṃśadarbhāṇāṃ mūlaṃ vai vaiṣṇavīśniyoḥ ||

मूलं दूर्वाश्वगन्धोत्थं पिवेत क्षीरैः सुतार्थिनी । कौन्तीलक्ष्म्याः शिफा धात्री वज्रं लोघ्नं वटाङ्कुरम ।।

mūlaṃ dūrvāśvagandhotthaṃ pivet kṣīraiḥ sutārthinī | kauntīlakṣmyāḥ śiphā dhātrī vajraṃ loghnaṃ vaṭāṅkuram ||

आज्यक्षीरमृतौ पेयं पुत्रार्थं त्रिदिवं स्त्रिया । पुत्रार्थिनी पिवेत क्षीरं श्रीमूलं सवटाङ्कुरम ।।

ājyakṣīramṛtau peyaṃ putrārthaṃ tridivaṃ striyā | putrārthinī pivet kṣīraṃ śrīmūlaṃ savaṭāṅkuram ||

श्रीवडाङ्कुरदेवीनां रसं नस्ये विपेच्च सा । श्रीपद्ममूलमुत्क्षीरमश्वत्थोत्तरमूलयुक ।।

śrīvaḍāṅkuradevīnāṃ rasaṃ nasye vipecca sā | śrīpadmamūlamutkṣīramaśvatthottaramūlayuk ||

तरलं पयसा युक्तं कार्पासफलपल्ल्वं । अपामार्गस्य पुष्पाग्रं नवं समहिषीपयः ।।

taralaṃ payasā yuktaṃ kārpāsaphalapallvaṃ | apāmārgasya puṣpāgraṃ navaṃ samahiṣīpayaḥ ||

पुत्रार्थञ्चार्धषट्शाकैर योगाश चत्वार ईरिताः । शर्करोत्पलपुष्पाक्षलोध्रचन्दनसारिवाः ।।

putrārthañcārdhaṣaṭśākair yogāś catvāra īritāḥ | śarkarotpalapuṣpākṣalodhracandanasārivāḥ ||

स्रवमाणे स्त्रिया गर्भे दातव्यास्तण्डुलाम्भसा । लाजा यष्टिसिताद्राक्षाक्षौद्रसर्पींषि वा लिहेत ।।

sravamāṇe striyā garbhe dātavyāstaṇḍulāmbhasā | lājā yaṣṭisitādrākṣākṣaudrasarpīṃṣi vā lihet ||

अटरुषकलाङ्गुल्यः काकमाच्याः शिफा पृथक । नाभेरधः समालिप्य प्रसूते प्रमदा सुखम ।।

aṭaruṣakalāṅgulyaḥ kākamācyāḥ śiphā pṛthak | nābheradhaḥ samālipya prasūte pramadā sukham ||

रक्तं शुक्लं जावापुष्पं रक्तशुक्लस्त्रुतौ पिवेत । केशरं वृहतीमूलं गोपीयष्टितृणोत्पलम ।।

raktaṃ śuklaṃ jāvāpuṣpaṃ raktaśuklastrutau pivet | keśaraṃ vṛhatīmūlaṃ gopīyaṣṭitṛṇotpalam ||

साजक्षीरं सतैलं तद्भक्षणं रोमजन्मकृत । शीर्यमाणेषु केशेषु स्थापनञ्च भवेदिदम ।।

sājakṣīraṃ satailaṃ tadbhakṣaṇaṃ romajanmakṛt | śīryamāṇeṣu keśeṣu sthāpanañca bhavedidam ||

धात्रीभृङ्गरसप्रस्थतैलञ्च क्षिरमाढकम । अस्मिन ग्रामे गोकुलस्य रक्षां कुरु 2 शान्तिं कुरु 2 । घण्डाकर्णो महासेनो वीरः प्रोक्तो महाबलः ।।

dhātrībhṛṅgarasaprasthatailañca kṣiramāḍhakam | asmin grāme gokulasya rakṣāṃ kuru 2 śāntiṃ kuru 2 | ghaṇḍākarṇo mahāseno vīraḥ prokto mahābalaḥ ||

मारीनिर्नाशनकरः स मां पातु जगत्पतिः । श्लोकौ चैव न्यसेदेतौ मन्त्रौ गोरक्षकौ पृथक ।।

mārīnirnāśanakaraḥ sa māṃ pātu jagatpatiḥ | ślokau caiva nyasedetau mantrau gorakṣakau pṛthak ||