ग्रहापहारमन्त्रादीन वक्ष्ये ग्रहविमर्दनान । हर्षेच्छाभयशोकादिविरुद्धाशुचिभोजनात ।।

grahāpahāramantrādīn vakṣye grahavimardanān | harṣecchābhayaśokādiviruddhāśucibhojanāt ||

गुरुदेवादिकोपाच्च पञ्चोन्मादा भवन्त्य अथ । त्रिदोषजाः सन्निपाता आगन्तुरिति ते स्मृताः ।।

gurudevādikopācca pañconmādā bhavanty atha | tridoṣajāḥ sannipātā āganturiti te smṛtāḥ ||

देवादयो ग्रहा जाता रुद्रक्रोधादनेकधा । सरित्सरस्तडागादौ शैलोपवनसेतुषु ।।

devādayo grahā jātā rudrakrodhādanekadhā | saritsarastaḍāgādau śailopavanasetuṣu ||

नदीसङ्गे शून्यगृहे विलद्वार्येकवृक्षके । ग्रहा गृह्णन्ति पुंसश च श्रियः सुप्ताञ्च गर्भिणीम ।।

nadīsaṅge śūnyagṛhe viladvāryekavṛkṣake | grahā gṛhṇanti puṃsaś ca śriyaḥ suptāñca garbhiṇīm ||

आसन्नपुष्पान्नग्नाञ्च ऋतुस्नानं करोति या । अवमानं नृणां वैरं विघ्नं भाग्यविपर्ययः ।।

āsannapuṣpānnagnāñca ṛtusnānaṃ karoti yā | avamānaṃ nṛṇāṃ vairaṃ vighnaṃ bhāgyaviparyayaḥ ||

देवतागुरुधर्मादिसदाचारादिलङ्घनम । पतनं शैलवृक्षादेर्विधुन्वन्मूर्धजं मुहुः ।।

devatāgurudharmādisadācārādilaṅghanam | patanaṃ śailavṛkṣādervidhunvanmūrdhajaṃ muhuḥ ||

रुदन्नृत्यति रक्ताक्षो हूंरूपो ऽनुग्रही नरः । उद्विग्नः शूलदाहार्तः क्षुत्तृष्णार्तः शिरोर्तिमान ।।

rudannṛtyati raktākṣo hūṃrūpo 'nugrahī naraḥ | udvignaḥ śūladāhārtaḥ kṣuttṛṣṇārtaḥ śirortimān ||

देहि दहीति याचेत बलिकामग्रही नरः । स्त्रीमालाभोगस्नानेच्छूरतिकामग्रही नरः ।।

dehi dahīti yāceta balikāmagrahī naraḥ | strīmālābhogasnānecchūratikāmagrahī naraḥ ||

महासुदर्शनो व्योमव्यापी विटपनासिकः । पातालनारसिंहाद्या चण्डीमन्त्रा ग्रहार्दनाः ।।

mahāsudarśano vyomavyāpī viṭapanāsikaḥ | pātālanārasiṃhādyā caṇḍīmantrā grahārdanāḥ ||

पृश्नीहिङ्गुवचाचक्रशिरीषदयितम्परम । पाशाङ्कुशधरं देवमक्षमालाकपालिनम ।।

pṛśnīhiṅguvacācakraśirīṣadayitamparam | pāśāṅkuśadharaṃ devamakṣamālākapālinam ||

खट्टाङ्गाब्जादिशिक्तिञ्च दधानं चतुराननम । अन्तर्वाह्यादिखट्टाङ्गपद्मस्थं रविमण्डले ।।

khaṭṭāṅgābjādiśiktiñca dadhānaṃ caturānanam | antarvāhyādikhaṭṭāṅgapadmasthaṃ ravimaṇḍale ||

आदित्यादियुतं प्रार्च्य उदितेर्के ऽर्घ्यकं ददेत । श्वासविषाग्निविप्रकुण्डीहृल्लेखासकलो भृगुः ।।

ādityādiyutaṃ prārcya uditerke 'rghyakaṃ dadet | śvāsaviṣāgniviprakuṇḍīhṛllekhāsakalo bhṛguḥ ||

अर्काय भूर्भुवःस्वश च ज्वालिनीं कुलमुद्गरम । पद्मासनो ऽरुणो रक्तवस्त्रसद्युतिविश्वकः ।।

arkāya bhūrbhuvaḥsvaś ca jvālinīṃ kulamudgaram | padmāsano 'ruṇo raktavastrasadyutiviśvakaḥ ||

उदारः पद्मधृग्दोर्भ्यां सौम्यः सर्वाङ्गभूषितः । रक्ता हृदादयः सौम्या वरदाः पद्मधारिणः ।।

udāraḥ padmadhṛgdorbhyāṃ saumyaḥ sarvāṅgabhūṣitaḥ | raktā hṛdādayaḥ saumyā varadāḥ padmadhāriṇaḥ ||

विद्युत्पुञ्जनिभं वस्त्रं श्वेतः सौम्यो ऽरुणः कुजः । बुधस्तद्वद्गुरुः पीतः शुक्लः शुक्रः शनैश चरः ।।

vidyutpuñjanibhaṃ vastraṃ śvetaḥ saumyo 'ruṇaḥ kujaḥ | budhastadvadguruḥ pītaḥ śuklaḥ śukraḥ śanaiś caraḥ ||

कृष्णाङ्गारनिभो राहुर्धूम्रः केतुरुदाहृतः । वामोरुवामहस्तान्ते दक्षहस्ताभयप्रदा ।।

kṛṣṇāṅgāranibho rāhurdhūmraḥ keturudāhṛtaḥ | vāmoruvāmahastānte dakṣahastābhayapradā ||

स्वनामाद्यन्तु वीजास्ते हस्तौ संशोध्य चास्त्रतः । अङ्गुष्ठादौ तले नेत्रे हृदाद्यं व्यापकं न्यसेत ।।

svanāmādyantu vījāste hastau saṃśodhya cāstrataḥ | aṅguṣṭhādau tale netre hṛdādyaṃ vyāpakaṃ nyaset ||

मूलवीजैस्त्रिभिः प्राणध्यायकं न्यस्य साङ्गकम । प्रक्षाल्य पात्रमस्त्रेण मूलेनापूर्य वारिणा ।।

mūlavījaistribhiḥ prāṇadhyāyakaṃ nyasya sāṅgakam | prakṣālya pātramastreṇa mūlenāpūrya vāriṇā ||

गन्धपुष्पाक्षतं न्यस्य दूर्वामर्घ्यञ्च मन्त्रयेत । आत्मानं तेन सम्प्रोक्ष्य पूजाद्रव्यञ्च वै ध्रुवम ।।

gandhapuṣpākṣataṃ nyasya dūrvāmarghyañca mantrayet | ātmānaṃ tena samprokṣya pūjādravyañca vai dhruvam ||

प्रभूतं विमलं सारमाराध्यं परमं सुखम । पीठाद्यान कल्पयेदेतान हृदा मध्ये विदिक्षु च ।।

prabhūtaṃ vimalaṃ sāramārādhyaṃ paramaṃ sukham | pīṭhādyān kalpayedetān hṛdā madhye vidikṣu ca ||

पीठोपरि हृदा मध्ये दिक्षु चैव विदिक्षु च । पीठोपरि हृदाब्जञ्च केशवेष्वष्टशक्तयः ।।

pīṭhopari hṛdā madhye dikṣu caiva vidikṣu ca | pīṭhopari hṛdābjañca keśaveṣvaṣṭaśaktayaḥ ||

भाद्रिकां । वें विभूतीं वैं विमलां वोमसिघातविद्युताम ।।

bhādrikāṃ | veṃ vibhūtīṃ vaiṃ vimalāṃ vomasighātavidyutām ||

वौं सर्वतोमुखीं वं पीठं वः प्रार्च्य रविं यजेत । आवाह्य दद्यात पाद्यादि हृत्षडङ्गेन सुव्रत ।।

vauṃ sarvatomukhīṃ vaṃ pīṭhaṃ vaḥ prārcya raviṃ yajet | āvāhya dadyāt pādyādi hṛtṣaḍaṅgena suvrata ||

खकारौ दण्डिनौ चण्डौ मज्जा दशनसंयुता । मांसदीर्घा जरद्वायुहृदैतत सर्वदं रवेः ।।

khakārau daṇḍinau caṇḍau majjā daśanasaṃyutā | māṃsadīrghā jaradvāyuhṛdaitat sarvadaṃ raveḥ ||

वह्नीशरक्षो मरुताम किक्षु पूज्या हृदादयः । स्वमन्त्रैः कर्णिकान्तस्था दिक्ष्वस्त्रं पुरतः सदृक ।।

vahnīśarakṣo marutām kikṣu pūjyā hṛdādayaḥ | svamantraiḥ karṇikāntasthā dikṣvastraṃ purataḥ sadṛk ||

पूर्वादिदिक्षु सम्पूज्याश चन्द्रज्ञगुरुभार्गवाः । नस्याञ्जनादि कुर्वीत साजमूत्रैर ग्रहापहैः ।।

pūrvādidikṣu sampūjyāś candrajñagurubhārgavāḥ | nasyāñjanādi kurvīta sājamūtrair grahāpahaiḥ ||

पाठापथ्यावचाशिग्रुसिन्धूव्योषैः पृथक फलैः । अजाक्षीराढके पक्वसर्पिः सर्वग्रहान हरेत ।।

pāṭhāpathyāvacāśigrusindhūvyoṣaiḥ pṛthak phalaiḥ | ajākṣīrāḍhake pakvasarpiḥ sarvagrahān haret ||

वृश्चिकालीफलीकुष्ठं लवणानि च शार्ङ्गकम । अपस्मारविनाशाय तज्जलं त्वभिभोजयेत ।।

vṛścikālīphalīkuṣṭhaṃ lavaṇāni ca śārṅgakam | apasmāravināśāya tajjalaṃ tvabhibhojayet ||

विदारीकुशकाशेक्षुक्वाथजं पाययेत पयः । द्रोणे सयष्टिकुष्माण्डरसे सर्पिश च संस्कृतौ ।।

vidārīkuśakāśekṣukvāthajaṃ pāyayet payaḥ | droṇe sayaṣṭikuṣmāṇḍarase sarpiś ca saṃskṛtau ||

पञ्चगव्यं घृतं तद्वद्योगं ज्वरहरं शृणु । कृष्णोषणनिशारास्नाद्राक्षातैलं गुडं लिहेत ।।

pañcagavyaṃ ghṛtaṃ tadvadyogaṃ jvaraharaṃ śṛṇu | kṛṣṇoṣaṇaniśārāsnādrākṣātailaṃ guḍaṃ lihet ||

श्वासवानथ वा भार्गीं सयष्टिमधुसर्पिषा । पाठा तिक्ता कणा भार्गी अथवा मधुना लिहेत ।।

śvāsavānatha vā bhārgīṃ sayaṣṭimadhusarpiṣā | pāṭhā tiktā kaṇā bhārgī athavā madhunā lihet ||

धात्री विश्वसिता कृष्णा मुस्ता खर्जूरमागधी । पिवरश्चेति हिक्काघ्नं तत त्रयं मधुना लिहेत ।।

dhātrī viśvasitā kṛṣṇā mustā kharjūramāgadhī | pivaraśceti hikkāghnaṃ tat trayaṃ madhunā lihet ||

कामली जीरमाण्डूकीनिशाधात्रीरसं पिवेत । व्योषपद्मकत्रिफलाकिडङ्गदेवदारवः । रास्नाचूर्णं समं खण्डैर जग्ध्वा कासहरं ध्रुवम ।।

kāmalī jīramāṇḍūkīniśādhātrīrasaṃ pivet | vyoṣapadmakatriphalākiḍaṅgadevadāravaḥ | rāsnācūrṇaṃ samaṃ khaṇḍair jagdhvā kāsaharaṃ dhruvam ||