मन्त्रध्यानौषधैर दष्टचिकित्सां प्रवदामि ते । ओं नमो भगवते नीलकण्ठायेति । जपनाद्विषहानिः स्यदौषधं जीवरक्षणं ।।

mantradhyānauṣadhair daṣṭacikitsāṃ pravadāmi te | oṃ namo bhagavate nīlakaṇṭhāyeti | japanādviṣahāniḥ syadauṣadhaṃ jīvarakṣaṇaṃ ||

साज्यं सकृद्रसं पेयं द्विविधं विषमुच्यते । जङ्गमं सर्पभूषादि शृङ्ग्यादि स्थावरं विषं ।।

sājyaṃ sakṛdrasaṃ peyaṃ dvividhaṃ viṣamucyate | jaṅgamaṃ sarpabhūṣādi śṛṅgyādi sthāvaraṃ viṣaṃ ||

शान्तस्वरान्वितो ब्रह्मा लोहितं तारकं शिवः । वियतेर्नाममन्त्रो ऽयं तार्क्षः शब्दमयः स्मृतः ।।

śāntasvarānvito brahmā lohitaṃ tārakaṃ śivaḥ | viyaternāmamantro 'yaṃ tārkṣaḥ śabdamayaḥ smṛtaḥ ||

कृत्वा हृदिस्थं तन्मन्त्री वामहस्ततले स्मरेत । अङ्गष्ठादौ न्यसेद्वर्णान्वियतेर्भेदिताः कलाः ।।

kṛtvā hṛdisthaṃ tanmantrī vāmahastatale smaret | aṅgaṣṭhādau nyasedvarṇānviyaterbheditāḥ kalāḥ ||

पीतं वज्रचतुष्कोणं पार्थिवं शक्रदैवतं । वृत्तार्धमाप्यपद्मार्धं शुक्लं वरूणदैवतं ।।

pītaṃ vajracatuṣkoṇaṃ pārthivaṃ śakradaivataṃ | vṛttārdhamāpyapadmārdhaṃ śuklaṃ varūṇadaivataṃ ||

त्र्यस्त्रं स्वस्तिकयुक्तञ्च तैजसं वह्निदैवतं । वृत्तं विन्दुवृतं वायुदैवतं कृष्णमालिनम ।।

tryastraṃ svastikayuktañca taijasaṃ vahnidaivataṃ | vṛttaṃ vinduvṛtaṃ vāyudaivataṃ kṛṣṇamālinam ||

अङ्गुष्ठाद्यङ्गुलीमध्ये पर्यस्तेषु स्ववेश्मसु । सुवर्णनागवाहेन वेष्ठितेषु न्यसेत क्रमात ।।

aṅguṣṭhādyaṅgulīmadhye paryasteṣu svaveśmasu | suvarṇanāgavāhena veṣṭhiteṣu nyaset kramāt ||

वियतेश चतुरो वर्णान सुमण्डलसमत्विषः । अरूपे रवतन्मात्रे आकाशेशिवदेवते ।।

viyateś caturo varṇān sumaṇḍalasamatviṣaḥ | arūpe ravatanmātre ākāśeśivadevate ||

कनिष्ठामध्यपर्वस्थे न्यसेत्तस्याद्यमक्षरम । नागानामादिवर्णांश च स्वमण्डलगतान्न्यसेत ।।

kaniṣṭhāmadhyaparvasthe nyasettasyādyamakṣaram | nāgānāmādivarṇāṃś ca svamaṇḍalagatānnyaset ||

भूतादिवर्णान विन्यसेदङ्गुष्टाद्यन्तपर्वसु । तन्मात्रादिगुणाभ्यर्णानङ्गुलीषु न्यसेद्बुधः ।।

bhūtādivarṇān vinyasedaṅguṣṭādyantaparvasu | tanmātrādiguṇābhyarṇānaṅgulīṣu nyasedbudhaḥ ||

स्पर्शनादेवतार्क्षेण हस्ते हन्याद्विषद्वयं । मण्डलादिषु तान वर्णान वियतेः कवयो जितान ।।

sparśanādevatārkṣeṇa haste hanyādviṣadvayaṃ | maṇḍalādiṣu tān varṇān viyateḥ kavayo jitān ||

श्रेष्ठद्व्यङ्गुलिभिर्देहनाभिस्थानेषु पर्वसु । आजानुतः सुवर्णाभमानाभेस्तुहिनप्रभम ।।

śreṣṭhadvyaṅgulibhirdehanābhisthāneṣu parvasu | ājānutaḥ suvarṇābhamānābhestuhinaprabham ||

कुङ्कुमारुणमाकण्ठादाकेशान्तात सितेतरं । ब्रह्माण्डव्यापिनं तार्क्षञ्चन्द्राख्यं नागभूषणम ।।

kuṅkumāruṇamākaṇṭhādākeśāntāt sitetaraṃ | brahmāṇḍavyāpinaṃ tārkṣañcandrākhyaṃ nāgabhūṣaṇam ||

नीलोग्रनाशमात्मानं महापक्षं स्मरेद्बुधः । एवन्तात्क्षात्मनो वाक्यान्मन्त्रः स्यान्मन्त्रिणो विषे ।।

nīlogranāśamātmānaṃ mahāpakṣaṃ smaredbudhaḥ | evantātkṣātmano vākyānmantraḥ syānmantriṇo viṣe ||

सुष्टिस्तार्क्षकरस्यान्तःस्थिताङ्गुष्ठविषापहा । तार्क्षं हस्तं समुद्यम्य तत्पञ्चाङ्गुलिचालनात ।।

suṣṭistārkṣakarasyāntaḥsthitāṅguṣṭhaviṣāpahā | tārkṣaṃ hastaṃ samudyamya tatpañcāṅgulicālanāt ||

कुर्याद्विषस्य स्तम्भादींस्तदुक्तमदवीषया । आकाशादेष भूवीजः पञ्चार्णाधिपतिर्मनुः ।।

kuryādviṣasya stambhādīṃstaduktamadavīṣayā | ākāśādeṣa bhūvījaḥ pañcārṇādhipatirmanuḥ ||

संस्तम्भयेतिविषतो भाषया स्तम्भ्येद्विषम । व्यत्यस्तभूषया वीजो मन्त्रो ऽयं साधुसाधितः ।।

saṃstambhayetiviṣato bhāṣayā stambhyedviṣam | vyatyastabhūṣayā vījo mantro 'yaṃ sādhusādhitaḥ ||

संप्लवः प्लावय यमः शब्दाद्यः संहरेद्विषं । दण्डमुत्थापयेदेष सुजप्ताम्भो ऽभिषेकतः ।।

saṃplavaḥ plāvaya yamaḥ śabdādyaḥ saṃharedviṣaṃ | daṇḍamutthāpayedeṣa sujaptāmbho 'bhiṣekataḥ ||

सुजप्तशङ्खभेर्यादिनिस्वनश्रवणेन वा । संदहत्येव संयुक्तो भूतेजोव्यत्ययात स्थितः ।।

sujaptaśaṅkhabheryādinisvanaśravaṇena vā | saṃdahatyeva saṃyukto bhūtejovyatyayāt sthitaḥ ||

भूवायुव्यत्ययान्मन्त्रो विषं संक्रामयत्यसौ । अन्तस्थो निजवेश्मस्थो वीजाग्नीन्दुजलात्मभिः ।।

bhūvāyuvyatyayānmantro viṣaṃ saṃkrāmayatyasau | antastho nijaveśmastho vījāgnīndujalātmabhiḥ ||

एतत कर्म नयेन्मन्त्री गरुडाकृतिविग्रहः । तार्क्षवर्णगेहस्थस्तज्जपान्नाशयेद्विषम ।।

etat karma nayenmantrī garuḍākṛtivigrahaḥ | tārkṣavarṇagehasthastajjapānnāśayedviṣam ||

जामुदण्डीदमुदितं स्वधाश्रीवीजलाञ्छितं । स्नानपानात्सर्वविषं ज्वरातोगापमृत्युजित ।।

jāmudaṇḍīdamuditaṃ svadhāśrīvījalāñchitaṃ | snānapānātsarvaviṣaṃ jvarātogāpamṛtyujit ||

पक्षि पक्षि महापक्षि महापक्षि विधि स्वाहा । पक्षि पक्षि महापक्षि महापक्षि क्षि क्षि स्वाहा ।।

pakṣi pakṣi mahāpakṣi mahāpakṣi vidhi svāhā | pakṣi pakṣi mahāpakṣi mahāpakṣi kṣi kṣi svāhā ||

सकालो लाङ्गली चेति नीलकण्ठाद्यमीरितं । वक्षःकण्ठशिखाश्वेतं न्यसेत्स्तम्भे सुसंस्कृतौ ।।

sakālo lāṅgalī ceti nīlakaṇṭhādyamīritaṃ | vakṣaḥkaṇṭhaśikhāśvetaṃ nyasetstambhe susaṃskṛtau ||

अभयं वरदं चापं वासुकिञ्च दधद्भुजैः । यस्योपरीतपार्श्वस्थगौरीरुद्रो ऽस्य देवता ।।

abhayaṃ varadaṃ cāpaṃ vāsukiñca dadhadbhujaiḥ | yasyoparītapārśvasthagaurīrudro 'sya devatā ||

पादजानुगुहानाभिहृत्कण्ठाननमूर्धसु । मन्त्रार्णान्न्यस्य करयोरङ्गुष्ठाद्यङ्गुलीषु च ।।

pādajānuguhānābhihṛtkaṇṭhānanamūrdhasu | mantrārṇānnyasya karayoraṅguṣṭhādyaṅgulīṣu ca ||

तर्जन्यादितदन्तासु सर्वमङ्गुष्ठयोर न्यसेत । ध्यात्वैवं संहरेत क्षिप्रं वद्धया शूलमुद्रया ।।

tarjanyāditadantāsu sarvamaṅguṣṭhayor nyaset | dhyātvaivaṃ saṃharet kṣipraṃ vaddhayā śūlamudrayā ||

कनिष्ठा ज्येष्ठया वद्धा तिश्रो ऽन्याः प्रसृतेर्जवाः । विषनाशे वामहस्तमन्यस्मिन दक्षिणं करं ।।

kaniṣṭhā jyeṣṭhayā vaddhā tiśro 'nyāḥ prasṛterjavāḥ | viṣanāśe vāmahastamanyasmin dakṣiṇaṃ karaṃ ||

यजेद्रुद्रविधानेन नीलग्रीवं महेश्वरम । विषव्याधिविनाशः स्यात कृत्वा रुद्रविधानकं ।।

yajedrudravidhānena nīlagrīvaṃ maheśvaram | viṣavyādhivināśaḥ syāt kṛtvā rudravidhānakaṃ ||