गजशान्तिं प्रवक्ष्यामि गजरोगविमर्दनीम । विष्णुं श्रियञ्च पञ्चम्यां नागम ऐरावतं यजेत ।।

gajaśāntiṃ pravakṣyāmi gajarogavimardanīm | viṣṇuṃ śriyañca pañcamyāṃ nāgam airāvataṃ yajet ||

यमं । चन्द्रार्कौ वरुणं वायुमग्निं पृथ्वीं तथा च खं ।।

yamaṃ | candrārkau varuṇaṃ vāyumagniṃ pṛthvīṃ tathā ca khaṃ ||

शेषं शैलान कुञ्जरांश च ये ते ऽष्टौ देवयोनयः । विरुपाक्षं महापद्मं भद्रं सुमनसन्तथा ।।

śeṣaṃ śailān kuñjarāṃś ca ye te 'ṣṭau devayonayaḥ | virupākṣaṃ mahāpadmaṃ bhadraṃ sumanasantathā ||

कुमुदैरावणः पद्मः पुष्पदन्तो ऽथ वामनः । सुप्रतीकोञ्जनो नागा अष्टौ होमो ऽथ दक्षिणां ।।

kumudairāvaṇaḥ padmaḥ puṣpadanto 'tha vāmanaḥ | supratīkoñjano nāgā aṣṭau homo 'tha dakṣiṇāṃ ||

गजाः शान्त्युदकासिक्ता वृद्धौ नैमित्तिकं सृणु । गजानाम्मकरादौ च ऐशान्यां नगराद्वहिः ।।

gajāḥ śāntyudakāsiktā vṛddhau naimittikaṃ sṛṇu | gajānāmmakarādau ca aiśānyāṃ nagarādvahiḥ ||

स्थण्डिले कमले मध्ये विष्णुं लक्ष्मीञ्च केशरे । ब्रह्माणं भास्करं पृथ्वीं यजेत स्कन्दं ह्य अनन्तकं ।।

sthaṇḍile kamale madhye viṣṇuṃ lakṣmīñca keśare | brahmāṇaṃ bhāskaraṃ pṛthvīṃ yajet skandaṃ hy anantakaṃ ||

खं शिवं सोममिन्द्रादींस्तदस्त्राणि दले क्रमात । वज्रं शक्तिञ्च दण्डञ्च तोमरं पाशकं गदां ।।

khaṃ śivaṃ somamindrādīṃstadastrāṇi dale kramāt | vajraṃ śaktiñca daṇḍañca tomaraṃ pāśakaṃ gadāṃ ||

शूलं पद्मम्बहिर्वृन्ते चक्रे सूर्यन्तथाश्विनौ । वसूनष्ठौ तथा साध्यान याम्ये ऽथ नैरृते दले ।।

śūlaṃ padmambahirvṛnte cakre sūryantathāśvinau | vasūnaṣṭhau tathā sādhyān yāmye 'tha nairṛte dale ||

देवानाङ्गिरसश्चाश्विभृगवो मरुतो ऽनिले । विश्वेदेवांस तथा दक्षे रुद्रा शैद्रे ऽथ मण्डले ।।

devānāṅgirasaścāśvibhṛgavo maruto 'nile | viśvedevāṃs tathā dakṣe rudrā śaidre 'tha maṇḍale ||

ततो वृत्तया रेखया तु देवान वै वाह्यतो यजेत । सूत्रकारानृषीन वाणीं पूर्वादौ सरितो गिरीन ।।

tato vṛttayā rekhayā tu devān vai vāhyato yajet | sūtrakārānṛṣīn vāṇīṃ pūrvādau sarito girīn ||

महाभूतानि कोणेषु ऐशान्यादिषु संयजेत । पद्मं चक्रं गदां शङ्खं चतुरश्रन्तु मण्डलं ।।

mahābhūtāni koṇeṣu aiśānyādiṣu saṃyajet | padmaṃ cakraṃ gadāṃ śaṅkhaṃ caturaśrantu maṇḍalaṃ ||

चतुर्धारं ततः कुम्भाः अग्न्यादौ च पताकिकाः । चत्वारस्तोरणा द्वारि नागान ऐरवतादिकान ।।

caturdhāraṃ tataḥ kumbhāḥ agnyādau ca patākikāḥ | catvārastoraṇā dvāri nāgān airavatādikān ||

पूर्वादौ चौषधीभिश च देवानां भाजनं पृथक । पृथक्शताहुतीश्चाज्यैर गजानर्च्य प्रदक्षिणं ।।

pūrvādau cauṣadhībhiś ca devānāṃ bhājanaṃ pṛthak | pṛthakśatāhutīścājyair gajānarcya pradakṣiṇaṃ ||

नागं वह्निं देवतादीन वाह्यैर जग्मुः स्वकं गृहम । द्विजेभ्यो दिक्षिणां दद्यात हयवैद्यादिकस तथा ।।

nāgaṃ vahniṃ devatādīn vāhyair jagmuḥ svakaṃ gṛham | dvijebhyo dikṣiṇāṃ dadyāt hayavaidyādikas tathā ||

करिणीन्तु समारुह्य वदेत कर्णन्तु कालवित । नागराजे ऽमृते शान्तिं कृत्वामुस्मिन जपेन्मनुम ।।

kariṇīntu samāruhya vadet karṇantu kālavit | nāgarāje 'mṛte śāntiṃ kṛtvāmusmin japenmanum ||

श्रीगजस्त्वं कृतो राज्ञा भवानस्य गजाग्रणीः । प्रभूर्माल्याग्रभक्तैस्त्वां पूजयिष्पति पार्थिवः ।।

śrīgajastvaṃ kṛto rājñā bhavānasya gajāgraṇīḥ | prabhūrmālyāgrabhaktaistvāṃ pūjayiṣpati pārthivaḥ ||

लोकस्तदाज्ञया पूजां करिष्यति तदा तव । पालनीयस्त्वया राजा युद्धे ऽध्वनि तथा गृहे ।।

lokastadājñayā pūjāṃ kariṣyati tadā tava | pālanīyastvayā rājā yuddhe 'dhvani tathā gṛhe ||

तिर्यग्भावं समुत्सृज्य दिव्यं भावमनुस्मर । देवासुरे पुरा युद्धे श्रीगजस्त्रिदशैः कृतः ।।

tiryagbhāvaṃ samutsṛjya divyaṃ bhāvamanusmara | devāsure purā yuddhe śrīgajastridaśaiḥ kṛtaḥ ||

ऐरावणसुतः श्रीमानरिष्टो नाम वारणः । श्रीगजानान्तु तत तेजः सर्वमेवोपतिष्ठते ।।

airāvaṇasutaḥ śrīmānariṣṭo nāma vāraṇaḥ | śrīgajānāntu tat tejaḥ sarvamevopatiṣṭhate ||

तत्तेजस्तव नागेन्द्र दिव्यभावसमन्वितं । उपतिष्ठतु भद्रन्ते रक्ष राजानमाहवे ।।

tattejastava nāgendra divyabhāvasamanvitaṃ | upatiṣṭhatu bhadrante rakṣa rājānamāhave ||

इत्येवमभिषिक्तैनमारोहेत शुभे नृपः । तस्यानुगमनं कुर्युः सशस्त्रनवसद्गजाः ।।

ityevamabhiṣiktainamāroheta śubhe nṛpaḥ | tasyānugamanaṃ kuryuḥ saśastranavasadgajāḥ ||

शालास्वसौ स्थण्डिले ऽब्जे दिकपालादीन यजेद्वहिः । केशरेषु बलं नागं भुवञ्चैच सरस्वतीं ।।

śālāsvasau sthaṇḍile 'bje dikapālādīn yajedvahiḥ | keśareṣu balaṃ nāgaṃ bhuvañcaica sarasvatīṃ ||

मध्येषु डिण्डिमं प्रार्च्य गन्धमाल्यानुलेपनैः । हुत्वा देयस्तु कलसो रसपूर्णो द्विजाय च ।।

madhyeṣu ḍiṇḍimaṃ prārcya gandhamālyānulepanaiḥ | hutvā deyastu kalaso rasapūrṇo dvijāya ca ||

गजाध्यक्षं हस्तिपञ्च गणितज्ञञ्च पूजयेत । गजाध्यक्षाय तन्दद्यात डिण्डिमं सोपि वादयेत । शुभगम्भीरशब्दैः स्याज्जघनस्थो ऽभिवादयेत ।।

gajādhyakṣaṃ hastipañca gaṇitajñañca pūjayet | gajādhyakṣāya tandadyāt ḍiṇḍimaṃ sopi vādayet | śubhagambhīraśabdaiḥ syājjaghanastho 'bhivādayet ||