सिद्धयोगान पुनर्वक्षे मृतसञ्जीवनीकरान । आत्रेयभाषितान दिव्यान सर्वव्याधिविमर्दनान ।।

siddhayogān punarvakṣe mṛtasañjīvanīkarān | ātreyabhāṣitān divyān sarvavyādhivimardanān ||

विल्वादिपञ्चमूलस्य क्वाथः स्याद्वातिके ज्वरे । पावनं पिप्पलीमूलं गुडूची विष्वजो ऽथ वा ।।

vilvādipañcamūlasya kvāthaḥ syādvātike jvare | pāvanaṃ pippalīmūlaṃ guḍūcī viṣvajo 'tha vā ||

आमलक्यभया कृष्ण वह्निः सर्वज्वरान्तकः । विल्वाग्निमन्थश्योनाककाश्मर्यः पार्ला स्थिरा ।।

āmalakyabhayā kṛṣṇa vahniḥ sarvajvarāntakaḥ | vilvāgnimanthaśyonākakāśmaryaḥ pārlā sthirā ||

त्रिकण्टकं पृश्नपर्णी वृहती कण्टकारिकाः । ज्वराविपाकपार्श्वार्तिकाशनुत कुशमूलकम ।।

trikaṇṭakaṃ pṛśnaparṇī vṛhatī kaṇṭakārikāḥ | jvarāvipākapārśvārtikāśanut kuśamūlakam ||

गुडूची पर्पटी मुस्तं किरातं विश्वभेषजम । वातपित्तज्वरे देयं पञ्चभद्रमिदं स्मृतम ।।

guḍūcī parpaṭī mustaṃ kirātaṃ viśvabheṣajam | vātapittajvare deyaṃ pañcabhadramidaṃ smṛtam ||

त्रिवृद्विशालकटुकात्रिफलारग्बधैः कृतः । संस्कारो भेदनक्वाथः पेयः सर्वज्वरापहः ।।

trivṛdviśālakaṭukātriphalāragbadhaiḥ kṛtaḥ | sṃskāro bhedanakvāthaḥ peyaḥ sarvajvarāpahaḥ ||

देवदारुबलावासात्रिफलाव्योपपद्मकैः । सविडङ्गैः सितातुल्यं तच्चुर्णं पञ्चकाशजित ।।

devadārubalāvāsātriphalāvyopapadmakaiḥ | saviḍaṅgaiḥ sitātulyaṃ taccurṇaṃ pañcakāśajit ||

दशमूलीशटीरास्नापिप्पलीबिल्वपौष्करैः । शृङ्गीतामलकीभार्गीगुडूचीनागवल्लिभिः ।।

daśamūlīśaṭīrāsnāpippalībilvapauṣkaraiḥ | śṛṅgītāmalakībhārgīguḍūcīnāgavallibhiḥ ||

यवाग्रं विधिना सिद्धं कशायं वा पिवेन्नरः । काशहृद्ग्रहणीपार्श्वहिक्वाश्वासप्रशान्तये ।।

yavāgraṃ vidhinā siddhaṃ kaśāyaṃ vā pivennaraḥ | kāśahṛdgrahaṇīpārśvahikvāśvāsapraśāntaye ||

मधुकं मधुना युक्तं विप्पलीं शर्करान्वितां । नागरं गुडसंयुक्तं हिक्वाघ्नं लावणत्रयम ।।

madhukaṃ madhunā yuktaṃ vippalīṃ śarkarānvitāṃ | nāgaraṃ guḍasaṃyuktaṃ hikvāghnaṃ lāvaṇatrayam ||

कारव्यजाजीमरिचं द्राक्षा वृक्षाम्लदाडिमम । सौवर्चलं गुडं क्षौद्रं सर्वारोचननाशनम ।।

kāravyajājīmaricaṃ drākṣā vṛkṣāmladāḍimam | sauvarcalaṃ guḍaṃ kṣaudraṃ sarvārocananāśanam ||

शृङ्गवेररसञ्चैव मधुना सह पाययेत । अरुचिश्वासकाशघ्नं प्रतिश्यायकफान्तकम ।।

śṛṅgaverarasañcaiva madhunā saha pāyayet | aruciśvāsakāśaghnaṃ pratiśyāyakaphāntakam ||

वटं शृङ्गी शिलालोध्रदाडिमं मधुकं मधु । पिवेत तण्डुलतोयेन च्छर्दितृष्णानिवारणम ।।

vaṭaṃ śṛṅgī śilālodhradāḍimaṃ madhukaṃ madhu | pivet taṇḍulatoyena ccharditṛṣṇānivāraṇam ||

गुडुची वासकं लोध्रं पिप्पलीक्षौद्रसंयुतम । कफान्वितञ्जयेद्रक्तं तृष्णाकासज्वरापहम ।।

guḍucī vāsakaṃ lodhraṃ pippalīkṣaudrasaṃyutam | kaphānvitañjayedraktaṃ tṛṣṇākāsajvarāpaham ||

वासकस्य रसस्तद्वत समधुस्ताम्रजो रसः । शिरीषपुष्पसुरसभावितं मरिचं हितं ।।

vāsakasya rasastadvat samadhustāmrajo rasaḥ | śirīṣapuṣpasurasabhāvitaṃ maricaṃ hitaṃ ||

सर्वार्तिनुन्मसूरो ऽथ पित्तमुक तण्ड्लीयकं । निर्गुण्डी शारिवा शेलु रङ्गोलश च विषापहः ।।

sarvārtinunmasūro 'tha pittamuk taṇḍlīyakaṃ | nirguṇḍī śārivā śelu raṅgolaś ca viṣāpahaḥ ||

ग्रन्थिकोद्भवं । पिवेत कणायुतं क्वाथं मूर्छायाञ्च मदेषु च ।।

granthikodbhavaṃ | pivet kaṇāyutaṃ kvāthaṃ mūrchāyāñca madeṣu ca ||

हिङ्गुसौर्चलव्योषैर्द्विप्लांशैर्घृताढकं(?) । चतुर्गुणे गवां मूत्रे सिद्धमुन्मादनाशनं ।।

hiṅgusaurcalavyoṣairdviplāṃśairghṛtāḍhakaṃ(?) | caturguṇe gavāṃ mūtre siddhamunmādanāśanaṃ ||

शङ्खपुष्पीवत्ताकुष्ठैः सिद्धं ब्राह्मीरसैर युतं । पुराणं हन्त्यपस्मारं सोन्मादं मेध्यमुत्तमं ।।

śaṅkhapuṣpīvattākuṣṭhaiḥ siddhaṃ brāhmīrasair yutaṃ | purāṇaṃ hantyapasmāraṃ sonmādaṃ medhyamuttamaṃ ||

पञ्चगव्यं घृतं तद्वत कुष्ठनुच्चाभयायुतं । पटोलत्रिफलानिम्बगुडुचीधावणीवृषैः ।।

pañcagavyaṃ ghṛtaṃ tadvat kuṣṭhanuccābhayāyutaṃ | paṭolatriphalānimbaguḍucīdhāvaṇīvṛṣaiḥ ||

सकरञ्जैर घृतं सिद्धं कुष्ठनुद्वज्रकं स्मृतं । निम्बं पटोलं व्याघ्री च गुडूची वासकं तथा ।।

sakarañjair ghṛtaṃ siddhaṃ kuṣṭhanudvajrakaṃ smṛtaṃ | nimbaṃ paṭolaṃ vyāghrī ca guḍūcī vāsakaṃ tathā ||

कुर्याद्दशपलान भागान एकैकस्य सकुट्टितान । जलद्रोणे विपक्तव्यं यावत्पादावशेषितं ।।

kuryāddaśapalān bhāgān ekaikasya sakuṭṭitān | jaladroṇe vipaktavyaṃ yāvatpādāvaśeṣitaṃ ||

घृतप्रस्थम्पचेत्तेन त्रिफलागर्भसंयुतं । पञ्चतिक्तमिति ख्यातं सर्पिः कुष्ठविनाशनं ।।

ghṛtaprasthampacettena triphalāgarbhasaṃyutaṃ | pañcatiktamiti khyātaṃ sarpiḥ kuṣṭhavināśanaṃ ||

अशीतिं वातजान्रोगान चत्वारिंशच्च पैत्तिकान । विंशतिं श्लैष्मिकान कासपीनसार्शोव्रणादिकान ।।

aśītiṃ vātajānrogān catvāriṃśacca paittikān | viṃśatiṃ ślaiṣmikān kāsapīnasārśovraṇādikān ||

हन्त्यन्यान योगरजो ऽयं यथार्कस्तिमिरं खलु । त्रिफलायाः कषायेन भृङ्नराजरसेन च ।।

hantyanyān yogarajo 'yaṃ yathārkastimiraṃ khalu | triphalāyāḥ kaṣāyena bhṛṅnarājarasena ca ||

व्रणप्रक्षालनङ्कुर्यादुपदंशप्रशान्तये । पटीलदलचूर्णेन दाडिमत्वग्रजो ऽथ वा ।।

vraṇaprakṣālanaṅkuryādupadaṃśapraśāntaye | paṭīladalacūrṇena dāḍimatvagrajo 'tha vā ||

गुण्डयेच्च गजेनापि त्रिफलाचूर्णकेन च । त्रिफलायोरजोयष्ठिमार्कवोत्पलमारिचैः ।।

guṇḍayecca gajenāpi triphalācūrṇakena ca | triphalāyorajoyaṣṭhimārkavotpalamāricaiḥ ||

समैन्धवैः पचेत्तैलमभ्यङ्गाच्छर्दिकापहं । सक्षीरान मार्कवरसान द्विप्रस्थमधुकोत्पलैः ।।

samaindhavaiḥ pacettailamabhyaṅgācchardikāpahaṃ | sakṣīrān mārkavarasān dviprasthamadhukotpalaiḥ ||

पचेत्तु तैलकुडवं तन्नस्यं पलितापहं । निम्बम्पटोलं त्रिफला गुडूची स्वदिरं वृषं ।।

pacettu tailakuḍavaṃ tannasyaṃ palitāpahaṃ | nimbampaṭolaṃ triphalā guḍūcī svadiraṃ vṛṣaṃ ||

भूनिम्बपाठात्रिफलागुडूचीरक्तचन्दनं । योगद्वयं ज्वरं हन्ति कुष्ठविस्फोटकादिकं ।।

bhūnimbapāṭhātriphalāguḍūcīraktacandanaṃ | yogadvayaṃ jvaraṃ hanti kuṣṭhavisphoṭakādikaṃ ||

पटोलामृतभूनिम्बवासारिष्टकपर्पटैः । खदिरान्तयुतैः क्वाथो विस्फोटज्वरशान्तिकृत ।।

paṭolāmṛtabhūnimbavāsāriṣṭakaparpaṭaiḥ | khadirāntayutaiḥ kvātho visphoṭajvaraśāntikṛt ||

दशमूली च्छिन्नरुहा पथ्या दारु पुनर्नवा । ज्वरविद्रधिशोथेषु शिग्रुविश्वजिता हिताः ।।

daśamūlī cchinnaruhā pathyā dāru punarnavā | jvaravidradhiśotheṣu śigruviśvajitā hitāḥ ||

मधूकं निम्बपत्राणि लेपः स्यद्व्रणशोधनः । त्रिफला खदिरो दार्वी न्यग्रोधातिबलाकुशाः ।।

madhūkaṃ nimbapatrāṇi lepaḥ syadvraṇaśodhanaḥ | triphalā khadiro dārvī nyagrodhātibalākuśāḥ ||

निम्बमूलकपत्राणां कषायाः शोधने हिताः । करञ्जारिष्टनिर्गुण्डीरसो हन्याद्व्रणक्रमीन ।।

nimbamūlakapatrāṇāṃ kaṣāyāḥ śodhane hitāḥ | karañjāriṣṭanirguṇḍīraso hanyādvraṇakramīn ||

धातकिचन्दनबलासमङ्गामधुकोत्पलैः । दार्वीमेदोन्वितैर लेपः समर्पिर्व्रणरोपणः ।।

dhātakicandanabalāsamaṅgāmadhukotpalaiḥ | dārvīmedonvitair lepaḥ samarpirvraṇaropaṇaḥ ||

गुग्गुलुत्रिफलाव्योषसमांर्शैर घृतयोगतः । नाडी दुष्टव्रणं शूलम्भगन्दरमुखं हरेत ।।

guggulutriphalāvyoṣasamāṃrśair ghṛtayogataḥ | nāḍī duṣṭavraṇaṃ śūlambhagandaramukhaṃ haret ||

हरितकीं मूत्रसिद्धां सतैललवणान्वितां । प्रातः प्रातश च सेवेत कफवातामयापहां ।।

haritakīṃ mūtrasiddhāṃ satailalavaṇānvitāṃ | prātaḥ prātaś ca seveta kaphavātāmayāpahāṃ ||

त्रिकटुत्रिफलाक्वाथं सक्षारलवणं पिवेत । कफवातात्मकेष्वेव विरेकः कफवृद्धिनुत ।।

trikaṭutriphalākvāthaṃ sakṣāralavaṇaṃ pivet | kaphavātātmakeṣveva virekaḥ kaphavṛddhinut ||

पप्पलीपिप्पलीमूलवचाचित्रकनागरैः । क्वाथितं वा पिवेत्पेयमामवातविनाशनं ।।

pappalīpippalīmūlavacācitrakanāgaraiḥ | kvāthitaṃ vā pivetpeyamāmavātavināśanaṃ ||

रास्नां गुडुचीमेरण्डदेवदारुमहौषधं । पिवेत सर्वाङ्गिके वाते सामे सन्ध्यस्थिमज्जगे ।।

rāsnāṃ guḍucīmeraṇḍadevadārumahauṣadhaṃ | pivet sarvāṅgike vāte sāme sandhyasthimajjage ||

दशमूलकशायं वा पिवेद्धा नागराम्भसा । शुण्ठीगोक्षुरकक्वाथः प्रातः प्रातिर निषेवितः ।।

daśamūlakaśāyaṃ vā piveddhā nāgarāmbhasā | śuṇṭhīgokṣurakakvāthaḥ prātaḥ prātir niṣevitaḥ ||

सामवातकटीशूलपाचनो रुक्प्रणाशनः । समूलपत्रशाखायाः प्रसारण्याश च तैलकं ।।

sāmavātakaṭīśūlapācano rukpraṇāśanaḥ | samūlapatraśākhāyāḥ prasāraṇyāś ca tailakaṃ ||

गुडुच्याः सुरसः कल्कः चूर्णं वा क्वाथमेव च । प्रभूतकालमासेव्य मुच्यते वातशोणितात ।।

guḍucyāḥ surasaḥ kalkaḥ cūrṇaṃ vā kvāthameva ca | prabhūtakālamāsevya mucyate vātaśoṇitāt ||

पिप्पली वर्धमानं वा सेव्यं पथ्या गुडेन वा । पटोलत्रिफलातीव्रकटुकासृतसाधितं ।।

pippalī vardhamānaṃ vā sevyaṃ pathyā guḍena vā | paṭolatriphalātīvrakaṭukāsṛtasādhitaṃ ||

पक्वं पीत्वा जयत्याशु सदाहं वातशोणितं । गुग्गुलं कोष्णशीते तु गुडुची त्रिफलाम्भसा ।।

pakvaṃ pītvā jayatyāśu sadāhaṃ vātaśoṇitaṃ | guggulaṃ koṣṇaśīte tu guḍucī triphalāmbhasā ||

बलापुनर नवैर अण्डवृहतीद्वयगोक्षुरैः । सहिङ्गु लवनैः पीतं सद्यो वातरुजापहं ।।

balāpunar navair aṇḍavṛhatīdvayagokṣuraiḥ | sahiṅgu lavanaiḥ pītaṃ sadyo vātarujāpahaṃ ||

कार्षिकं पिप्पलीमूलं पञ्चैव लवणानि च । पिप्पली चित्रकं शुण्ठी त्रिफला त्रिवृता वचा ।।

kārṣikaṃ pippalīmūlaṃ pañcaiva lavaṇāni ca | pippalī citrakaṃ śuṇṭhī triphalā trivṛtā vacā ||

द्वौ क्षारौ शाद्वला दन्ती स्वर्णक्षीरी विषाणिका । कोलप्रमाणां गुटिकां पिवेत सौवीरकायुतां ।।

dvau kṣārau śādvalā dantī svarṇakṣīrī viṣāṇikā | kolapramāṇāṃ guṭikāṃ pivet sauvīrakāyutāṃ ||

शोथावपाके त्रिवृता प्रवृद्धे चोदरादिके । क्षीरं शोथहरं दारु वर्षाभूर्नागरैः शुभम ।।

śothāvapāke trivṛtā pravṛddhe codarādike | kṣīraṃ śothaharaṃ dāru varṣābhūrnāgaraiḥ śubham ||

सेकस तथार्कवर्षाभूनिम्बक्वाथेन शोथजित । व्योषगर्भं पलाशस्य त्रिगुणे भस्मवारिणि ।।

sekas tathārkavarṣābhūnimbakvāthena śothajit | vyoṣagarbhaṃ palāśasya triguṇe bhasmavāriṇi ||

साधितं पिवतः सर्पिः पतत्यर्शो न संशयः । विश्वक्सेनावनिर्गुण्डीसाधितं चापि लावणं ।।

sādhitaṃ pivataḥ sarpiḥ patatyarśo na saṃśayaḥ | viśvaksenāvanirguṇḍīsādhitaṃ cāpi lāvaṇaṃ ||

विडङ्गानलसिन्धूत्थरास्नाग्रक्षारदारुभिः । तैलञ्चतुर्गुणं सिद्धं कटुद्रव्यं जलेन वा ।।

viḍaṅgānalasindhūttharāsnāgrakṣāradārubhiḥ | tailañcaturguṇaṃ siddhaṃ kaṭudravyaṃ jalena vā ||

गण्डमालापहं तैलमभ्यङ्गात गलगण्डनुत । शटीकुनागबलयक्वाथः क्षीररसे युतम ।।

gaṇḍamālāpahaṃ tailamabhyaṅgāt galagaṇḍanut | śaṭīkunāgabalayakvāthaḥ kṣīrarase yutam ||

पयस्यापिप्पलीवासाकल्कं सिद्धं क्षये हितम । वचाविडभयाशुण्ठीहिङ्गुकुष्ठाग्निदीप्यकान ।।

payasyāpippalīvāsākalkaṃ siddhaṃ kṣaye hitam | vacāviḍabhayāśuṇṭhīhiṅgukuṣṭhāgnidīpyakān ||

द्वित्रिषट्चतुरेकांशसप्तपञ्चाशिकाः क्रमात । चूर्णं पीतं हन्ति गुल्मं उदरं शूलकासनुत ।।

dvitriṣaṭcaturekāṃśasaptapañcāśikāḥ kramāt | cūrṇaṃ pītaṃ hanti gulmaṃ udaraṃ śūlakāsanut ||

पाठानिकुम्भत्रिकटुत्रिफलाग्निषु साधितम । मूत्रेण चूर्णगुटिका गुल्मप्लीहादिमर्दनी ।।

pāṭhānikumbhatrikaṭutriphalāgniṣu sādhitam | mūtreṇa cūrṇaguṭikā gulmaplīhādimardanī ||

वासानिम्बपटीलानि त्रिफला वातपित्तनुत । लिह्यात क्षौद्रेण विडङ्गं चूर्णं कृमिविनाशनम ।।

vāsānimbapaṭīlāni triphalā vātapittanut | lihyāt kṣaudreṇa viḍaṅgaṃ cūrṇaṃ kṛmivināśanam ||

विडङ्गसैन्धवक्षारमूत्रेनापि हरीतकी । शल्लकीवदरीजम्बुपियालाम्रार्जुनत्वचः ।।

viḍaṅgasaindhavakṣāramūtrenāpi harītakī | śallakīvadarījambupiyālāmrārjunatvacaḥ ||

पीताः क्षीरेण मध्वक्ताः पृथक्शीणितवारणाः । विल्वाम्रघातकीपाठाशुण्ठीमोचरसाः समाः ।।

pītāḥ kṣīreṇa madhvaktāḥ pṛthakśīṇitavāraṇāḥ | vilvāmraghātakīpāṭhāśuṇṭhīmocarasāḥ samāḥ ||

पीता रुन्धन्त्यतीसारं गुडतक्रेण दुर्जयम । चाङ्गेरीकोलदध्यम्बुनागरक्षारसंयुतम ।।

pītā rundhantyatīsāraṃ guḍatakreṇa durjayam | cāṅgerīkoladadhyambunāgarakṣārasaṃyutam ||

घृतयुक्क्वाथितं पेयं गुदंभ्रसे रुजापहम । विडङ्गातिविषामुस्तं दारुपाथाकलिङ्गकम ।।

ghṛtayukkvāthitaṃ peyaṃ gudaṃbhrase rujāpaham | viḍaṅgātiviṣāmustaṃ dārupāthākaliṅgakam ||

मरीचेन समायुक्तं शोथातीसारनाशनम । शर्करासिन्धुशुण्ठीभिः कृष्णामधुगुडेन वा ।।

marīcena samāyuktaṃ śothātīsāranāśanam | śarkarāsindhuśuṇṭhībhiḥ kṛṣṇāmadhuguḍena vā ||

द्वे द्वे खादेद्धरीतक्यौ जीवेद्वर्षशतं सुखी । त्रिफला पिप्पलीयुक्ता सम्ध्वाज्या तथैव सा ।।

dve dve khādeddharītakyau jīvedvarṣaśataṃ sukhī | triphalā pippalīyuktā samdhvājyā tathaiva sā ||

चूर्नमामलकं तेन सुरसेन तु भवितम । मध्वाज्यशर्करायुक्तं लिढ्वा स्त्रीशः पयः पिवेत ।।

cūrnamāmalakaṃ tena surasena tu bhavitam | madhvājyaśarkarāyuktaṃ liḍhvā strīśaḥ payaḥ pivet ||

मासपिप्पलिशालीनां यवगोधूमयोस तथा । चूर्णभागैः समांशैश च पचेत पिप्पलीकां शुभां ।।

māsapippaliśālīnāṃ yavagodhūmayos tathā | cūrṇabhāgaiḥ samāṃśaiś ca pacet pippalīkāṃ śubhāṃ ||

तां भक्षयित्वा च पिवेत शर्करामधुरं पयः । नवश चटकवज्जम्भेद दशवारान स्त्रियं ध्रुवम ।।

tāṃ bhakṣayitvā ca pivet śarkarāmadhuraṃ payaḥ | navaś caṭakavajjambhed daśavārān striyaṃ dhruvam ||

समङ्गाधातकीपुष्पलोध्रनीलोत्पलानि च । एतत क्षीरेन दातव्यं स्त्रीणां प्रदरनशनं ।।

samaṅgādhātakīpuṣpalodhranīlotpalāni ca | etat kṣīrena dātavyaṃ strīṇāṃ pradaranaśanaṃ ||

वीजङ्कौरण्टकञ्चापि मधुकं श्वेतचन्दनं । पद्मोत्पलस्य मूलानि मधुकं शर्करातिलान ।।

vījaṅkauraṇṭakañcāpi madhukaṃ śvetacandanaṃ | padmotpalasya mūlāni madhukaṃ śarkarātilān ||

द्रवमाणेषु गर्भेषु गर्भस्यापनमुत्तमं । देवदारु नभः कुष्ठं नलदं विश्वभेषजं ।।

dravamāṇeṣu garbheṣu garbhasyāpanamuttamaṃ | devadāru nabhaḥ kuṣṭhaṃ naladaṃ viśvabheṣajaṃ ||

लेपः काञ्चिकमम्पष्टस्तैलयुक्तः शिरोर्तिनुत । वस्त्रपूतं क्षिपेत कोष्णं मिन्धूत्यं कर्णशूलनुत ।।

lepaḥ kāñcikamampaṣṭastailayuktaḥ śirortinut | vastrapūtaṃ kṣipet koṣṇaṃ mindhūtyaṃ karṇaśūlanut ||

लशुनार्द्रकशिग्रूणां कदल्या वा रसःपृथक । बलाशतावरीरास्नामृताः मैरीयकेः पिवेत ।।

laśunārdrakaśigrūṇāṃ kadalyā vā rasaḥpṛthak | balāśatāvarīrāsnāmṛtāḥ mairīyakeḥ pivet ||

त्रिफलासहितं सर्पिस्तिमिरघ्नमनुत्तमं । त्रिफलाव्योषसिन्धूप्त्यैर घृतं सिद्धं पिवेन्नरः ।।

triphalāsahitaṃ sarpistimiraghnamanuttamaṃ | triphalāvyoṣasindhūptyair ghṛtaṃ siddhaṃ pivennaraḥ ||

चाक्षुष्यम्भेदनं हृद्यं दीपनं क्रफरोगनुत । नीलोत्पलस्य किञ्जल्कं गोशकृद्रससंयुतं ।।

cākṣuṣyambhedanaṃ hṛdyaṃ dīpanaṃ krapharoganut | nīlotpalasya kiñjalkaṃ gośakṛdrasasaṃyutaṃ ||

गुटिकाञ्जनमेतत स्यात दिनरात्र्यन्धयोर्हितं । यष्टीमधुवचाकृष्णावीजानां कुटजस्य च ।।

guṭikāñjanametat syāt dinarātryandhayorhitaṃ | yaṣṭīmadhuvacākṛṣṇāvījānāṃ kuṭajasya ca ||

कल्केनालोड्य निम्बस्य कषायो वमनाय सः । स्निग्धस्विन्नयवन्तोयं प्रदातव्यं विरेचनम ।।

kalkenāloḍya nimbasya kaṣāyo vamanāya saḥ | snigdhasvinnayavantoyaṃ pradātavyaṃ virecanam ||

अन्यथा योजितं कुर्यात मन्दाग्निं गौरवारुचिं । पथ्यासैन्धवकृष्णानां चूर्णमुष्णाम्बुना पिवेत ।।

anyathā yojitaṃ kuryāt mandāgniṃ gauravāruciṃ | pathyāsaindhavakṛṣṇānāṃ cūrṇamuṣṇāmbunā pivet ||

विरेकः सर्वरोगघ्नः श्रेष्ठो नाराचसंज्ञकः । सिद्धयोगा मुनिभ्यो ये आत्रेयेण प्रदर्शिताः । सर्वरोगहराः सर्वयोगाग्र्याः सुश्रुतेन हि ।।

virekaḥ sarvarogaghnaḥ śreṣṭho nārācasaṃjñakaḥ | siddhayogā munibhyo ye ātreyeṇa pradarśitāḥ | sarvarogaharāḥ sarvayogāgryāḥ suśrutena hi ||