कश्यपो वसुदेवो ऽभूद्देवकी चादितिर्वरा । देवक्यां वसुदेवात्तु कृष्णो ऽभूत्तपसान्वितः ।।

kaśyapo vasudevo 'bhūddevakī cāditirvarā | devakyāṃ vasudevāttu kṛṣṇo 'bhūttapasānvitaḥ ||

धर्मसंरक्षणार्थाय ह्य अधर्महरणाय च । सुरादेः पालनार्थञ्च दैत्यादेर्मथनाय च ।।

dharmasaṃrakṣaṇārthāya hy adharmaharaṇāya ca | surādeḥ pālanārthañca daityādermathanāya ca ||

रुक्मणी सत्यभामा च सत्या नग्नजिती प्रिया । सत्यभामा हरेः सेव्या गान्धारी लक्ष्मणा तथा ।।

rukmaṇī satyabhāmā ca satyā nagnajitī priyā | satyabhāmā hareḥ sevyā gāndhārī lakṣmaṇā tathā ||

मित्रविन्दा च कालिन्दी देवी जाम्बवती तथा । सुशीला च तथा माद्री कौशल्या विजया जया ।।

mitravindā ca kālindī devī jāmbavatī tathā | suśīlā ca tathā mādrī kauśalyā vijayā jayā ||

एवमादीनि देवीनां सहस्राणि तु षोडश । प्रद्युम्नाद्याश च रुक्मिण्यां भीमाद्याः सत्यभामया ।।

evamādīni devīnāṃ sahasrāṇi tu ṣoḍaśa | pradyumnādyāś ca rukmiṇyāṃ bhīmādyāḥ satyabhāmayā ||

जाम्बवत्याञ्च शाम्बाद्याः कृष्णस्यासंस तथापरे । शतं शतसहस्राणां पुत्राणां तस्य धीमतः ।।

jāmbavatyāñca śāmbādyāḥ kṛṣṇasyāsaṃs tathāpare | śataṃ śatasahasrāṇāṃ putrāṇāṃ tasya dhīmataḥ ||

अशीतिश च सहस्राणि यादवाः कृष्णरक्षिताः । प्रद्युम्नस्य तु वैदर्भ्यामनिरुद्धो रणप्रियः ।।

aśītiś ca sahasrāṇi yādavāḥ kṛṣṇarakṣitāḥ | pradyumnasya tu vaidarbhyāmaniruddho raṇapriyaḥ ||

अनिरुद्धस्य वज्राद्या यादवाः सुमहाबलाः । तिस्रः कोट्यो यादवानां षष्टिर्लक्षाणि दानवाः ।।

aniruddhasya vajrādyā yādavāḥ sumahābalāḥ | tisraḥ koṭyo yādavānāṃ ṣaṣṭirlakṣāṇi dānavāḥ ||

मनुष्ये बाधका ये तु तन्नाशाय बभूव सः । कर्तुं कर्मव्यवस्थानं मनुष्यो जायते हरिः ।।

manuṣye bādhakā ye tu tannāśāya babhūva saḥ | kartuṃ karmavyavasthānaṃ manuṣyo jāyate hariḥ ||

देवासुराणां सङ्ग्रामा दायार्थं द्वादशाभवन । प्रथमो नारसिंहस्तु द्वितीयो वामनो रणः ।।

devāsurāṇāṃ saṅgrāmā dāyārthaṃ dvādaśābhavan | prathamo nārasiṃhastu dvitīyo vāmano raṇaḥ ||

सङ्ग्रामस्त्वथ वाराहश चतुर्थो ऽमृतमन्थनः । तारकामयसङ्ग्रामः षष्ठो ह्य आजीवको रणः ।।

saṅgrāmastvatha vārāhaś caturtho 'mṛtamanthanaḥ | tārakāmayasaṅgrāmaḥ ṣaṣṭho hy ājīvako raṇaḥ ||

त्रैपुरश्चान्धकबधो नवमो वृत्रघातकः । जितो हालाहलश्चाथ घोरः कोलाहलो रणः ।।

traipuraścāndhakabadho navamo vṛtraghātakaḥ | jito hālāhalaścātha ghoraḥ kolāhalo raṇaḥ ||

हिरण्यकशिपोश्चोरो विदार्य च नखैः पुरा । नारसिंहो देवपालः प्रह्नादं कृतवान नृपम ।।

hiraṇyakaśipoścoro vidārya ca nakhaiḥ purā | nārasiṃho devapālaḥ prahnādaṃ kṛtavān nṛpam ||

देवासुरे वामनश च छलित्वा बलिमूर्जितम । महेन्द्राय ददौ राज्यं काश्यपो ऽदितिसम्भवः ।।

devāsure vāmanaś ca chalitvā balimūrjitam | mahendrāya dadau rājyaṃ kāśyapo 'ditisambhavaḥ ||

वराहस्तु हिरण्याक्षं हत्वा देवानपालयत । उज्जहार भुवं देवदेवैर अभिष्टुतः ।।

varāhastu hiraṇyākṣaṃ hatvā devānapālayat | ujjahāra bhuvaṃ devadevair abhiṣṭutaḥ ||

मन्थानं मन्दरं कृत्वा नेत्रं कृत्वा तु वासुकिम । सुरासुरैश च मथितं देवेभ्यश्चामृतं ददौ ।।

manthānaṃ mandaraṃ kṛtvā netraṃ kṛtvā tu vāsukim | surāsuraiś ca mathitaṃ devebhyaścāmṛtaṃ dadau ||

तारकामयसङ्ग्रामे तदा देवाश च पालिताः । निवार्येन्द्रं गुरून देवान दानवान्सोमवंशकृतम ।।

tārakāmayasaṅgrāme tadā devāś ca pālitāḥ | nivāryendraṃ gurūn devān dānavānsomavaṃśakṛtam ||

विश्वामित्रवशिष्ठात्रिकवयश च रणे सुरान । अपालयन्ते निर्वार्य रागद्वेषादिदानवान ।।

viśvāmitravaśiṣṭhātrikavayaś ca raṇe surān | apālayante nirvārya rāgadveṣādidānavān ||

पृथ्वीरथे ब्रह्मयन्तुरीशस्य शरणो हरिः । ददाह त्रिपुरं देवपालको दैत्यमर्दनः ।।

pṛthvīrathe brahmayanturīśasya śaraṇo hariḥ | dadāha tripuraṃ devapālako daityamardanaḥ ||

गौरीं जिहीर्षुणा रुद्रमन्धकेनार्दितं हरिः । अनुरक्तश च रेवत्यां चक्रेचान्धासुरार्दनम ।।

gaurīṃ jihīrṣuṇā rudramandhakenārditaṃ hariḥ | anuraktaś ca revatyāṃ cakrecāndhāsurārdanam ||

अपां फेनमयो भूत्वा देवासुररणे हरन । वृत्रं देवहरं विष्णुर्देवधर्मानपालयत ।।

apāṃ phenamayo bhūtvā devāsuraraṇe haran | vṛtraṃ devaharaṃ viṣṇurdevadharmānapālayat ||

शाल्वादीन दानवान जित्वा हरिः परशुरामकः । अपालयत सुरादींश च दुष्टक्षत्रं निहत्य च ।।

śālvādīn dānavān jitvā hariḥ paraśurāmakaḥ | apālayat surādīṃś ca duṣṭakṣatraṃ nihatya ca ||

हालाहलं विषं दैत्यं निराकृत्य महेश्वरात । भयं निर्णाशयामास देवानां मधुसूदनः ।।

hālāhalaṃ viṣaṃ daityaṃ nirākṛtya maheśvarāt | bhayaṃ nirṇāśayāmāsa devānāṃ madhusūdanaḥ ||

देवासुरे रणे यश च दैत्यः कोलाहलो जितः । पालिताश च सुराः सर्वे विष्णुना धर्मपालनात ।।

devāsure raṇe yaś ca daityaḥ kolāhalo jitaḥ | pālitāś ca surāḥ sarve viṣṇunā dharmapālanāt ||

राजानो राजपुत्राश च मुनयो देवता हरिः । यदुक्तं यच्च नैवोक्तमवतारा हरेरिमे ।।

rājāno rājaputrāś ca munayo devatā hariḥ | yaduktaṃ yacca naivoktamavatārā harerime ||