ब्रह्मणाभिहितं पूर्वं यावन्मात्रं मरीचये । लक्षार्धाद्धन्तु तद्ब्राह्मं लिखित्वा सम्प्रदापयेत ।।

brahmaṇābhihitaṃ pūrvaṃ yāvanmātraṃ marīcaye | lakṣārdhāddhantu tadbrāhmaṃ likhitvā sampradāpayet ||

वैशाख्याम्पौर्णमास्याञ्च स्वर्गार्थी जलधेनुमत । पाद्मं द्वादशसाहस्रं द्यैष्ठे दद्याच्च धेनुमत ।।

vaiśākhyāmpaurṇamāsyāñca svargārthī jaladhenumat | pādmaṃ dvādaśasāhasraṃ dyaiṣṭhe dadyācca dhenumat ||

वराहकल्पवृत्तान्तमधिकृत्य पराशरः । त्रयोविंशतिसाहस्रं वैष्णवं प्राह चार्पयेत ।।

varāhakalpavṛttāntamadhikṛtya parāśaraḥ | trayoviṃśatisāhasraṃ vaiṣṇavaṃ prāha cārpayet ||

जलधेनुमदाषाढ्यां विष्णोः पदमवाप्नुयात । चतुर्दशसहस्राणि वायवीयं हरिप्रियं ।।

jaladhenumadāṣāḍhyāṃ viṣṇoḥ padamavāpnuyāt | caturdaśasahasrāṇi vāyavīyaṃ haripriyaṃ ||

श्वेतकल्पप्रसङ्गेन धर्मान वायुरिहाब्रवीत । दद्याल्लिखित्वा तद्विप्रे श्रावण्यां गुडधेनुमत ।।

śvetakalpaprasaṅgena dharmān vāyurihābravīt | dadyāllikhitvā tadvipre śrāvaṇyāṃ guḍadhenumat ||

यत्राधिकृत्य गायत्रीं कीर्त्यते धर्मविस्तरः । वृत्रासुरबधोपेतं तद्भागवतमुच्यते ।।

yatrādhikṛtya gāyatrīṃ kīrtyate dharmavistaraḥ | vṛtrāsurabadhopetaṃ tadbhāgavatamucyate ||

सारस्वतस्त कल्पस्य प्रोष्ठपद्यान्तु तद्ददेत । अष्टादशसहस्राणि हेमसिंहसमन्वितं ।।

sārasvatasta kalpasya proṣṭhapadyāntu taddadet | aṣṭādaśasahasrāṇi hemasiṃhasamanvitaṃ ||

यत्राह नारदो धर्मान वृहत्कल्पाश्रितानिहं । पञ्चविंशसहस्राणि नारदीयं तदुच्यते ।।

yatrāha nārado dharmān vṛhatkalpāśritānihaṃ | pañcaviṃśasahasrāṇi nāradīyaṃ taducyate ||

सधेनुञ्चाश्विने दद्यात्सिद्धिमात्यन्तिकीं लभेत । यत्राधिकृत्य शत्रूनान्धर्माधर्मविचारणा ।।

sadhenuñcāśvine dadyātsiddhimātyantikīṃ labhet | yatrādhikṛtya śatrūnāndharmādharmavicāraṇā ||

कार्त्तिक्यां नवसाहस्रं मार्कण्डेयमथार्पयेत । अग्निना यद्वशिष्ठाय प्रोक्तञ्चाग्नेयमेव तत ।।

kārttikyāṃ navasāhasraṃ mārkaṇḍeyamathārpayet | agninā yadvaśiṣṭhāya proktañcāgneyameva tat ||

लिखित्वा पुस्तकं दद्यान्मार्गशीर्ष्यां स सर्वदः । द्वादशैव सहस्राणि सर्वविद्यावबोधनं ।।

likhitvā pustakaṃ dadyānmārgaśīrṣyāṃ sa sarvadaḥ | dvādaśaiva sahasrāṇi sarvavidyāvabodhanaṃ ||

चतुर्दशसहस्राणि भविष्यं सूर्यसम्भवं । भवस्तु मनवे प्राह दद्यात पौष्यां गुडादिमत ।।

caturdaśasahasrāṇi bhaviṣyaṃ sūryasambhavaṃ | bhavastu manave prāha dadyāt pauṣyāṃ guḍādimat ||

सावर्णिना नारदाय ब्रह्मवैवर्तमीरितं । रथान्तरस्य वृत्तान्तमष्टादशसहस्रकं ।।

sāvarṇinā nāradāya brahmavaivartamīritaṃ | rathāntarasya vṛttāntamaṣṭādaśasahasrakaṃ ||

माघ्यान्दद्याद्वराहस्य चरितं ब्रह्मलोकभाक । यत्रग्निलिङ्गमध्यस्थो धर्मान्प्राह महेश्वरः ।।

māghyāndadyādvarāhasya caritaṃ brahmalokabhāk | yatragniliṅgamadhyastho dharmānprāha maheśvaraḥ ||

आग्नेयकल्पे तल्लिङ्गमेकादशसहस्रकम । तद्दत्वा शिवमाप्नोति फाल्गुन्यां तिलधेनुमत ।।

āgneyakalpe talliṅgamekādaśasahasrakam | taddatvā śivamāpnoti phālgunyāṃ tiladhenumat ||

चतुर्दशसहस्राणि वाराहं विष्णुणेरितम । भूमौ वराहचरितं मानवस्य प्रवृत्तितः ।।

caturdaśasahasrāṇi vārāhaṃ viṣṇuṇeritam | bhūmau varāhacaritaṃ mānavasya pravṛttitaḥ ||

सहेमगरुडञ्चैत्र्यां पदमाप्नोति वैष्णवम । चतुरशीतिसाहस्रं स्कान्दं स्कन्देरितं महत ।।

sahemagaruḍañcaitryāṃ padamāpnoti vaiṣṇavam | caturaśītisāhasraṃ skāndaṃ skanderitaṃ mahat ||

अधिकृत्य सधर्मांश च कल्पे तत्पुरुषे ऽर्पयेत । वामनं दशसाहस्रं धौमकल्पे हरेः कथां ।।

adhikṛtya sadharmāṃś ca kalpe tatpuruṣe 'rpayet | vāmanaṃ daśasāhasraṃ dhaumakalpe hareḥ kathāṃ ||

दद्यात शरदि विषुवे धर्मार्थादिनिबोधनम । कूर्मञ्चाष्टसहस्रञ्च कूर्मोक्तञ्च रसातले ।।

dadyāt śaradi viṣuve dharmārthādinibodhanam | kūrmañcāṣṭasahasrañca kūrmoktañca rasātale ||

इन्द्रद्युम्नप्रसङ्गेन दद्यात्तद्धेमकूर्मवत । त्रयोदशसहस्राणि मात्स्यं कल्पादितो ऽब्रवीत ।।

indradyumnaprasaṅgena dadyāttaddhemakūrmavat | trayodaśasahasrāṇi mātsyaṃ kalpādito 'bravīt ||

मत्स्यो हि मनवे दद्याद्विषुवे हेममत्स्यवत । गारुडञ्चाष्टसाहस्रं विष्णूक्तन्तार्क्षकल्पके ।।

matsyo hi manave dadyādviṣuve hemamatsyavat | gāruḍañcāṣṭasāhasraṃ viṣṇūktantārkṣakalpake ||

विश्वाण्डाद्गरुडोत्पत्तिं तद्दद्याद्धेमहंसवत । ब्रह्मा ब्रह्माण्डमाहात्म्यमधिकृत्याब्रबीत्तु यत ।।

viśvāṇḍādgaruḍotpattiṃ taddadyāddhemahaṃsavat | brahmā brahmāṇḍamāhātmyamadhikṛtyābrabīttu yat ||

तच्च द्वादशसाहस्रं ब्रह्माण्डं तद्द्विजे ऽर्पयेत । भारते पर्वसमाप्तौ वस्त्रगन्धस्रगादिभिः ।।

tacca dvādaśasāhasraṃ brahmāṇḍaṃ taddvije 'rpayet | bhārate parvasamāptau vastragandhasragādibhiḥ ||

वाचकं पूजयेदादौ भोजयेत पायसैर द्विजान । गोभूग्रामसुवर्णादि दद्यात्पर्वणि पर्वणि ।।

vācakaṃ pūjayedādau bhojayet pāyasair dvijān | gobhūgrāmasuvarṇādi dadyātparvaṇi parvaṇi ||

समाप्ते भारते विप्रं संहितापुस्तकान्यजेत । शुभे देशे निवेश्याथ क्षौमवस्त्रादिनावृतान ।।

samāpte bhārate vipraṃ saṃhitāpustakānyajet | śubhe deśe niveśyātha kṣaumavastrādināvṛtān ||

नरनारयणौ पूज्यौ पुस्तकाः कुसुमादिभिः । गो ऽन्नभूहेम दद्वाथ भोजयित्वा क्षमापयेत ।।

naranārayaṇau pūjyau pustakāḥ kusumādibhiḥ | go 'nnabhūhema dadvātha bhojayitvā kṣamāpayet ||

महादानानि देयानि रत्नानि विविधानि च । मासकौ द्वौ त्रयश चैव मासे मासे प्रदापयेत ।।

mahādānāni deyāni ratnāni vividhāni ca | māsakau dvau trayaś caiva māse māse pradāpayet ||

अयनादौ श्राबकस्य दानमादौ विधीयते । श्रोतृभिः सकलैः कार्यं श्रावके पूजनं द्विज ।।

ayanādau śrābakasya dānamādau vidhīyate | śrotṛbhiḥ sakalaiḥ kāryaṃ śrāvake pūjanaṃ dvija ||

इतिहासपुराणानां पुस्तकानि प्रयच्छति । पूजयित्वायुरारोग्यं स्वर्गमोक्षमवाप्नुयात ।।

itihāsapurāṇānāṃ pustakāni prayacchati | pūjayitvāyurārogyaṃ svargamokṣamavāpnuyāt ||