छत्रादिमन्त्रान्वक्ष्यामि यैस्तत पूज्य जयादिकम । ब्रह्मणः सत्यवाक्येन सोमस्य वरुणस्य च ।।

chatrādimantrānvakṣyāmi yaistat pūjya jayādikam | brahmaṇaḥ satyavākyena somasya varuṇasya ca ||

सूर्यस्य च प्रभावेन वर्धस्व त्वं महामते । पाण्डराभप्रतीकाश हिमकुन्देन्दुसुप्रभ ।।

sūryasya ca prabhāvena vardhasva tvaṃ mahāmate | pāṇḍarābhapratīkāśa himakundendusuprabha ||

यथाम्बुदश्छादयते शिवायैनां वसुन्धरां । तथाच्छादय राजानं विजयारोग्यवृद्धये ।।

yathāmbudaśchādayate śivāyaināṃ vasundharāṃ | tathācchādaya rājānaṃ vijayārogyavṛddhaye ||

गन्धर्वकुलजातस्त्वं माभूयाः कुलदूषकः । ब्रह्मणः सत्यवाक्येन सोमस्य वरुणस्य च ।।

gandharvakulajātastvaṃ mābhūyāḥ kuladūṣakaḥ | brahmaṇaḥ satyavākyena somasya varuṇasya ca ||

प्रभावाच्च हुताशस्य वर्धस्व त्वं तुरङ्गम । तेजसा चैव सूर्यस्य मुनीनां तपसा तथा ।।

prabhāvācca hutāśasya vardhasva tvaṃ turaṅgama | tejasā caiva sūryasya munīnāṃ tapasā tathā ||

रुद्रस्य ब्रह्मचर्येण पवनस्य बलेन च । स्मर त्वं राजपुत्रो ऽसि कौस्तुभन्तु मणिं स्मर ।।

rudrasya brahmacaryeṇa pavanasya balena ca | smara tvaṃ rājaputro 'si kaustubhantu maṇiṃ smara ||

यां गतिं ब्रह्महा गच्छेत पितृहा मातृहा तथा । भूम्यर्थे ऽनृतवादी च क्षत्रियश च पराङ्मुखः ।।

yāṃ gatiṃ brahmahā gacchet pitṛhā mātṛhā tathā | bhūmyarthe 'nṛtavādī ca kṣatriyaś ca parāṅmukhaḥ ||

व्रजेस्त्वन्तां गतिं क्षिप्रं मा तत पापं भवेत्तव । विकृतिं मापगच्छेस्त्वं युद्धे ऽध्वनि तुरङ्गम ।।

vrajestvantāṃ gatiṃ kṣipraṃ mā tat pāpaṃ bhavettava | vikṛtiṃ māpagacchestvaṃ yuddhe 'dhvani turaṅgama ||

रिपून विनिघ्नन्समरे सह भर्त्रा सुखी भव । शक्रकेतो महावीर्यः सुवर्णस्त्वामुपाश्रितः ।।

ripūn vinighnansamare saha bhartrā sukhī bhava | śakraketo mahāvīryaḥ suvarṇastvāmupāśritaḥ ||

पतत्रिराड्वैनतेयस तथा नारायणध्वजः । काश्यपेयो ऽमृताहर्ता नागारिर्विष्णुवाहनः ।।

patatrirāḍvainateyas tathā nārāyaṇadhvajaḥ | kāśyapeyo 'mṛtāhartā nāgārirviṣṇuvāhanaḥ ||

अप्रमेयो दुराधर्षो रणे देवारिसूदनः । महाबलो मावेगो महाकायो ऽमृताशनः ।।

aprameyo durādharṣo raṇe devārisūdanaḥ | mahābalo māvego mahākāyo 'mṛtāśanaḥ ||

गरुत्मान्मारुतगतिस्त्वयि सन्निहितः स्थितः । विष्णुना देवदेवेन शक्रार्थं स्थापितो ह्य असि ।।

garutmānmārutagatistvayi sannihitaḥ sthitaḥ | viṣṇunā devadevena śakrārthaṃ sthāpito hy asi ||

जयाय भव मे नित्यं वृद्धये ऽथ बलस्य च । साश्ववर्मायुधान्योधान्रक्षास्माकं रिपून्दह ।।

jayāya bhava me nityaṃ vṛddhaye 'tha balasya ca | sāśvavarmāyudhānyodhānrakṣāsmākaṃ ripūndaha ||

कुमुदैरावणौ पद्मः पुष्पदन्तो ऽथ वामनः । सुप्रतीको ऽञ्जनो नील एते ऽष्टौ देवयोनयः ।।

kumudairāvaṇau padmaḥ puṣpadanto 'tha vāmanaḥ | supratīko 'ñjano nīla ete 'ṣṭau devayonayaḥ ||

तेषां पुत्राश च पौत्राश च बलान्यष्टौ समाश्रिताः । भद्रो मन्दो मृगश चैव गजः संकीर्ण एव च ।।

teṣāṃ putrāś ca pautrāś ca balānyaṣṭau samāśritāḥ | bhadro mando mṛgaś caiva gajaḥ saṃkīrṇa eva ca ||

वने वने प्रसूतास्ते स्मरयोनिं महागजाः । पान्तु त्वां वसवो रुद्रा आदित्याः समरुद्गणाः ।।

vane vane prasūtāste smarayoniṃ mahāgajāḥ | pāntu tvāṃ vasavo rudrā ādityāḥ samarudgaṇāḥ ||

भर्तारं रक्ष नागेन्द्र समयः परिपाल्यतां । ऐरावताधिरूढस्तु वज्रहस्तः शतक्रतुः ।।

bhartāraṃ rakṣa nāgendra samayaḥ paripālyatāṃ | airāvatādhirūḍhastu vajrahastaḥ śatakratuḥ ||

पृष्ठतो ऽनुगतस्त्वेष रक्षतु त्वां स देवराट । अवाप्नुहि जयं युद्धे सुस्थश चैव सदा व्रज ।।

pṛṣṭhato 'nugatastveṣa rakṣatu tvāṃ sa devarāṭ | avāpnuhi jayaṃ yuddhe susthaś caiva sadā vraja ||

अवाप्नुहि बलञ्चैव ऐरावतसमं युधि । श्रीस्ते सोमाद्बलं विष्णोस्तेजः सूर्याज्जवो ऽनिलात ।।

avāpnuhi balañcaiva airāvatasamaṃ yudhi | śrīste somādbalaṃ viṣṇostejaḥ sūryājjavo 'nilāt ||

स्थैर्यं गिरेर्जयं रुद्राद्यशो देवात पुरन्दरात । युद्धे रक्षन्तु नागास्त्वां दिशश च सह दैवतैः ।।

sthairyaṃ girerjayaṃ rudrādyaśo devāt purandarāt | yuddhe rakṣantu nāgāstvāṃ diśaś ca saha daivataiḥ ||

अश्विनौ सह गन्धर्वैः पान्तु त्वां सर्वतो दिशः । मन्वो वसवो रुद्रा वायुः सोमो महर्षयः ।।

aśvinau saha gandharvaiḥ pāntu tvāṃ sarvato diśaḥ | manvo vasavo rudrā vāyuḥ somo maharṣayaḥ ||

नागकिन्नरगन्धर्वयक्षभूतगणा ग्रहाः । प्रमथास्तु सहादित्यैर भूतेशो मातृभिः सह ।।

nāgakinnaragandharvayakṣabhūtagaṇā grahāḥ | pramathāstu sahādityair bhūteśo mātṛbhiḥ saha ||

शक्रः सेनापतिः स्कन्दो वरुणश्चाश्रितस्त्वयि । प्रदहन्तु रिपून सर्वान राजा विजयमृच्छतु ।।

śakraḥ senāpatiḥ skando varuṇaścāśritastvayi | pradahantu ripūn sarvān rājā vijayamṛcchatu ||

यानि प्रयुक्तान्यरिभिर्भूषणानि समन्ततः । पतन्तु तव शत्रूणां हतानि तव तेजसा ।।

yāni prayuktānyaribhirbhūṣaṇāni samantataḥ | patantu tava śatrūṇāṃ hatāni tava tejasā ||

कालनेमिबधे यद्वत युद्धे त्रिपुरघातने । हिरण्यकशिपोर्युद्धे बधे सर्वासुरेषु च ।।

kālanemibadhe yadvat yuddhe tripuraghātane | hiraṇyakaśiporyuddhe badhe sarvāsureṣu ca ||

शोभितासि तथैवाद्य शोभस्व समयं स्मर । नीलस्वेतामिमान्दृष्ट्वा नश्यन्त्वाशु नृपारयः ।।

śobhitāsi tathaivādya śobhasva samayaṃ smara | nīlasvetāmimāndṛṣṭvā naśyantvāśu nṛpārayaḥ ||

व्याधिभिर्विविधैर घोरैः शस्त्रैश च युधि निर्जिताः । पूतना रेवती लेखा कालरात्रीति पठ्यते ।।

vyādhibhirvividhair ghoraiḥ śastraiś ca yudhi nirjitāḥ | pūtanā revatī lekhā kālarātrīti paṭhyate ||

दहन्त्वाशु रिपून सर्वान्पताके त्वामुपाश्रिताः । सर्वमेधे महायज्ञे देवदेवेन शूलिना ।।

dahantvāśu ripūn sarvānpatāke tvāmupāśritāḥ | sarvamedhe mahāyajñe devadevena śūlinā ||

शर्वेण जगतश चैव सारेण त्वं विनिर्मितः । नन्दकस्यापरां मूर्तिं स्मर शत्रुनिवर्हण ।।

śarveṇa jagataś caiva sāreṇa tvaṃ vinirmitaḥ | nandakasyāparāṃ mūrtiṃ smara śatrunivarhaṇa ||

नीलोत्पलदलश्याम कृष्ण दुःस्वप्ननाशन । असिर्विशसनः खड्गस्तीक्ष्णधारो दुरासदः ।।

nīlotpaladalaśyāma kṛṣṇa duḥsvapnanāśana | asirviśasanaḥ khaḍgastīkṣṇadhāro durāsadaḥ ||

औगर्भो विजयश चैव धर्मपालस्तथैव च । इत्यष्टौ तव नामानि पुरोक्तानि स्वयम्भुवा ।।

augarbho vijayaś caiva dharmapālastathaiva ca | ityaṣṭau tava nāmāni puroktāni svayambhuvā ||

नक्षत्रं कृत्तिका तुभ्यं गुरुर्देवो महेश्वरः । हिरण्यञ्च शरीरन्ते दैवतन्ते जनार्दनः ।।

nakṣatraṃ kṛttikā tubhyaṃ gururdevo maheśvaraḥ | hiraṇyañca śarīrante daivatante janārdanaḥ ||

राजानं रक्ष निस्त्रिंश सबलं सपुरन्तथा । पिता पितामहो देवः स त्वं पालय सर्वदा ।।

rājānaṃ rakṣa nistriṃśa sabalaṃ sapurantathā | pitā pitāmaho devaḥ sa tvaṃ pālaya sarvadā ||

शर्मप्रदस्त्वं समरे वर्मन सैन्ये यशो ऽद्य मे । रक्ष मां रक्षणीयो ऽहन्तवानघ नमो ऽस्तु ते ।।

śarmapradastvaṃ samare varman sainye yaśo 'dya me | rakṣa māṃ rakṣaṇīyo 'hantavānagha namo 'stu te ||

दुन्दुभे त्वं सपत्नानां घोषाद्धृदयकम्पनः । भव भूमिसैन्यानां यथा विजयवर्धनः ।।

dundubhe tvaṃ sapatnānāṃ ghoṣāddhṛdayakampanaḥ | bhava bhūmisainyānāṃ yathā vijayavardhanaḥ ||

यथा जीमूतघोषेण हृष्यन्ति वरवारणाः । तथास्तु तव शब्देन हर्षो ऽस्माकं मुदावह ।।

yathā jīmūtaghoṣeṇa hṛṣyanti varavāraṇāḥ | tathāstu tava śabdena harṣo 'smākaṃ mudāvaha ||

यथा जीमूतशब्देन स्त्रीणां त्रासो ऽभिजायते । तथा तु तव शब्देन त्रस्यन्त्वस्मद्द्विषो रणे ।।

yathā jīmūtaśabdena strīṇāṃ trāso 'bhijāyate | tathā tu tava śabdena trasyantvasmaddviṣo raṇe ||

मन्त्रैः सदार्चनीयास्ते योजनीया जयादिषु । घृतकम्बलविष्णादेस्त्वभिषेकञ्च वत्सरे ।।

mantraiḥ sadārcanīyāste yojanīyā jayādiṣu | ghṛtakambalaviṣṇādestvabhiṣekañca vatsare ||

राज्ञो ऽभिषेकः कर्तव्यो दैवज्ञेन पुरोधसा //39 ।।

rājño 'bhiṣekaḥ kartavyo daivajñena purodhasā //39 ||