कर्म सांवत्सरं राज्ञां जन्मर्क्षे पूजयेच्च तं । मासि मासि च संक्रान्तौ सूर्यसोमादिदेवताः ।।

karma sāṃvatsaraṃ rājñāṃ janmarkṣe pūjayecca taṃ | māsi māsi ca saṃkrāntau sūryasomādidevatāḥ ||

अगस्त्यस्योदये ऽगस्त्यञ्चातुर्मास्यं हरिं यजेत । शयनोत्थापने पञ्चदिनं कुर्यात्समुत्सवम ।।

agastyasyodaye 'gastyañcāturmāsyaṃ hariṃ yajet | śayanotthāpane pañcadinaṃ kuryātsamutsavam ||

प्रोष्ठपादे सिते पक्षे प्रतिपत्प्रभृतिक्रमात । शिविरात पूर्वदिग्भागे शक्रार्थं भवनञ्चरेत ।।

proṣṭhapāde site pakṣe pratipatprabhṛtikramāt | śivirāt pūrvadigbhāge śakrārthaṃ bhavanañcaret ||

तत्र शक्रध्वजं स्थाप्य शची शक्रञ्च पूजयेत । अष्टम्यां वाद्यघोषेण तान्तु यष्टिं प्रवेशयेत ।।

tatra śakradhvajaṃ sthāpya śacī śakrañca pūjayet | aṣṭamyāṃ vādyaghoṣeṇa tāntu yaṣṭiṃ praveśayet ||

एकादश्यां सोपवासो द्वादश्यां केतुमुत्थितम । यजेद्वस्त्रादिसंवीतं घटस्थं सुरपं शचीं ।।

ekādaśyāṃ sopavāso dvādaśyāṃ ketumutthitam | yajedvastrādisaṃvītaṃ ghaṭasthaṃ surapaṃ śacīṃ ||

वर्धस्वेन्द्र जितामित्र वृत्रहन पाकशासन । देव देव महाभाग त्वं हि भूमिष्ठतां गतः ।।

vardhasvendra jitāmitra vṛtrahan pākaśāsana | deva deva mahābhāga tvaṃ hi bhūmiṣṭhatāṃ gataḥ ||

त्वं प्रभुः शाश्वतश चैव सर्वभूतहिते रतः । अनन्ततेजा वै राजो यशोजयविवर्धनः ।।

tvaṃ prabhuḥ śāśvataś caiva sarvabhūtahite rataḥ | anantatejā vai rājo yaśojayavivardhanaḥ ||

तेजस्ते वर्धयन्त्वेते देवाः शक्रः सुवृष्टिकृत । ब्रह्मविष्णुमहेशाश च कार्त्तिकेयो विनायकः ।।

tejaste vardhayantvete devāḥ śakraḥ suvṛṣṭikṛt | brahmaviṣṇumaheśāś ca kārttikeyo vināyakaḥ ||

आदित्या वसवो रुद्राः साध्याश च भृगवो दिशः । मरुद्गुणा लोकपाला ग्रहा यक्षाद्रिनिम्नगाः ।।

ādityā vasavo rudrāḥ sādhyāś ca bhṛgavo diśaḥ | marudguṇā lokapālā grahā yakṣādrinimnagāḥ ||

समुद्रा श्रीर्मही गौरी चण्डिका च सरस्वती । प्रवर्तयन्तु ते तेजो जय शक्र शचीपते ।।

samudrā śrīrmahī gaurī caṇḍikā ca sarasvatī | pravartayantu te tejo jaya śakra śacīpate ||

तव चापि जयान्नित्यं मम सम्पठ्यतां शुभं । प्रसीद राज्ञां विप्राणां प्रजानामपि सर्वशः ।।

tava cāpi jayānnityaṃ mama sampaṭhyatāṃ śubhaṃ | prasīda rājñāṃ viprāṇāṃ prajānāmapi sarvaśaḥ ||

भवत्प्रसादात पृथिवी नित्यं शस्यवती भवेत । शिवं भवतु निर्विघ्नं शाम्यन्तामीतयो भृशं ।।

bhavatprasādāt pṛthivī nityaṃ śasyavatī bhavet | śivaṃ bhavatu nirvighnaṃ śāmyantāmītayo bhṛśaṃ ||

मन्त्रेणेन्द्रं समभ्यर्च्य जितभूः स्वर्गमाप्नुयात । भद्रकालीं पटे लिख्य पूजयेदाश्विने जये ।।

mantreṇendraṃ samabhyarcya jitabhūḥ svargamāpnuyāt | bhadrakālīṃ paṭe likhya pūjayedāśvine jaye ||

शुक्लपक्षे तथाष्टम्यामायुधं कार्मुकं ध्वजम । छत्रञ्च राजलिङ्गानि शस्त्राद्यं कुसुमादिभिः ।।

śuklapakṣe tathāṣṭamyāmāyudhaṃ kārmukaṃ dhvajam | chatrañca rājaliṅgāni śastrādyaṃ kusumādibhiḥ ||

जाग्रन्निशि बलिन्दद्याद्द्वितीये ऽह्नि पुनर्यजेत । भद्रकालि महाकालि दुर्गे दुर्गार्तिहारिणि ।।

jāgranniśi balindadyāddvitīye 'hni punaryajet | bhadrakāli mahākāli durge durgārtihāriṇi ||

त्रैलोक्यविजये चण्डि मम शान्तौ जये भव । नीराजनविधिं वक्ष्ये ऐशान्यान्मन्दिरं चरेत ।।

trailokyavijaye caṇḍi mama śāntau jaye bhava | nīrājanavidhiṃ vakṣye aiśānyānmandiraṃ caret ||

तोरणत्रितयं तत्र गृहे देवान्यजेत सदा । चित्रान्त्यक्त्वा यदा स्वातिं सविता प्रतिपद्यते ।।

toraṇatritayaṃ tatra gṛhe devānyajet sadā | citrāntyaktvā yadā svātiṃ savitā pratipadyate ||

ततः प्रभृति कर्तव्यं यावत स्वातौ रविः स्थितः । ब्रह्मा विष्णुश च शम्भुश च शक्रश चैवानलानिलौ ।।

tataḥ prabhṛti kartavyaṃ yāvat svātau raviḥ sthitaḥ | brahmā viṣṇuś ca śambhuś ca śakraś caivānalānilau ||

विनायकः कुमारश च वरुणो धनदो यमः । विश्वेदेवा वैश्रवसो गजाश्चाष्टौ च तान्यजेत ।।

vināyakaḥ kumāraś ca varuṇo dhanado yamaḥ | viśvedevā vaiśravaso gajāścāṣṭau ca tānyajet ||

कुमुदैरावणौ पद्मः पुष्पदन्तश च वामनः । सुप्रतीको ऽञ्जनो नीलः पूजा कार्या गृहादिके ।।

kumudairāvaṇau padmaḥ puṣpadantaś ca vāmanaḥ | supratīko 'ñjano nīlaḥ pūjā kāryā gṛhādike ||

पुरोधा जुहुयादाज्यं समित्सिद्धार्थकं तिलाः । कुम्भा अष्टौ पूजिताश च तैः स्नाप्याश्वगजोत्तमाः ।।

purodhā juhuyādājyaṃ samitsiddhārthakaṃ tilāḥ | kumbhā aṣṭau pūjitāś ca taiḥ snāpyāśvagajottamāḥ ||

अश्वाः स्नाप्या ददेत पिण्डान ततो हि प्रथमं गजान । निष्क्रामयेत्तोरणैस्तु गोपुरादि न लङ्घयेत ।।

aśvāḥ snāpyā dadet piṇḍān tato hi prathamaṃ gajān | niṣkrāmayettoraṇaistu gopurādi na laṅghayet ||

विक्रमेयुस्ततः सर्वे राजलिङ्गं गृहे यजेत । वारुणे वरुणं प्रार्च्य रात्रौ भूतबलिं ददेत ।।

vikrameyustataḥ sarve rājaliṅgaṃ gṛhe yajet | vāruṇe varuṇaṃ prārcya rātrau bhūtabaliṃ dadet ||

विशाखायां गते सूर्ये आश्रमे निवसेन्नृपः । अलङ्कुर्याद्दिने तस्मिन वाहनन्तु विशेषतः ।।

viśākhāyāṃ gate sūrye āśrame nivasennṛpaḥ | alaṅkuryāddine tasmin vāhanantu viśeṣataḥ ||

पूजिता राजलिङ्गाश च कर्तव्या नरहस्तगाः । हस्तिनन्तुरगं छत्रं खड्गं चापञ्च दुन्दुभिम ।।

pūjitā rājaliṅgāś ca kartavyā narahastagāḥ | hastinanturagaṃ chatraṃ khaḍgaṃ cāpañca dundubhim ||

ध्वजं पताकां धर्मज्ञ कालज्ञस्त्वभिमन्त्रयेत । अभिमन्त्र्य ततः सर्वान कुर्यात कुञ्जरधूर्गतान ।।

dhvajaṃ patākāṃ dharmajña kālajñastvabhimantrayet | abhimantrya tataḥ sarvān kuryāt kuñjaradhūrgatān ||

कुञ्जरोपरिगौ स्यातां सांवत्सरपुरोहितौ । मन्त्रितांश च समारुह्य तोरणेन विनिर्गमेत ।।

kuñjaroparigau syātāṃ sāṃvatsarapurohitau | mantritāṃś ca samāruhya toraṇena vinirgamet ||

निष्क्रम्य नागमारुह्य तोरणेनाथ निर्गमेत । बलिं विभज्य विधिवद्राजा कुञ्जरधूर्गतः ।।

niṣkramya nāgamāruhya toraṇenātha nirgamet | baliṃ vibhajya vidhivadrājā kuñjaradhūrgataḥ ||

उन्मूकानान्तु निचयमादीपितदिगन्तरं । राजा प्रदक्षिणं कुर्यात्त्रीन वारान सुसमाहितः ।।

unmūkānāntu nicayamādīpitadigantaraṃ | rājā pradakṣiṇaṃ kuryāttrīn vārān susamāhitaḥ ||

चतुरङ्गबलोपेतः सर्वसैन्येन नादयन । एवं कृत्वा गृहं गच्छेद्विसर्जितजलाञ्जलिः ।।

caturaṅgabalopetaḥ sarvasainyena nādayan | evaṃ kṛtvā gṛhaṃ gacchedvisarjitajalāñjaliḥ ||

//31 ।।

//31 ||