देवपूजादिकं कर्म वक्ष्ये चोत्पातमर्दनम । आपोहिष्टेति तिसृभिः स्नातो ऽर्घ्यं विओष्णवेर्पयेत ।।

devapūjādikaṃ karma vakṣye cotpātamardanam | āpohiṣṭeti tisṛbhiḥ snāto 'rghyaṃ vioṣṇaverpayet ||

हिरण्यवर्णा इति च पाद्यञ्च तिसृभिर्द्विज । शन्न आपो ह्य आचमनमिदमापो ऽभिषेचनं ।।

hiraṇyavarṇā iti ca pādyañca tisṛbhirdvija | śanna āpo hy ācamanamidamāpo 'bhiṣecanaṃ ||

रथे अक्षे च तिसृभिर्गन्धं युवेति वस्त्रकं । पुष्पं पुष्पवतीत्येवं धूपन्धूपोसि चाप्यथ ।।

rathe akṣe ca tisṛbhirgandhaṃ yuveti vastrakaṃ | puṣpaṃ puṣpavatītyevaṃ dhūpandhūposi cāpyatha ||

तेजोसि शुक्रं दीपं स्यान्मधुपर्कं दधीति च । हिरण्यगर्भ इत्य अष्टावृचः प्रोक्ता निवेदने ।।

tejosi śukraṃ dīpaṃ syānmadhuparkaṃ dadhīti ca | hiraṇyagarbha ity aṣṭāvṛcaḥ proktā nivedane ||

अन्नस्य मनुजश्रेष्ठ पानस्य च सुगन्धिनः । चामरव्यजनोपानच्छत्रं यानासने तथा ।।

annasya manujaśreṣṭha pānasya ca sugandhinaḥ | cāmaravyajanopānacchatraṃ yānāsane tathā ||

यत किञ्चिदेवमादि स्यात्सावित्रेण निवेदयेत । पौरुषन्तु जपेत सूक्तं तदेव जुहुयात्तथा ।।

yat kiñcidevamādi syātsāvitreṇa nivedayet | pauruṣantu japet sūktaṃ tadeva juhuyāttathā ||

अर्चाभवे तथा वेद्याञ्जले पूर्णघते तथा । नदीतीरे ऽथ कमले शान्तिः स्याद्विष्णुपूजनात ।।

arcābhave tathā vedyāñjale pūrṇaghate tathā | nadītīre 'tha kamale śāntiḥ syādviṣṇupūjanāt ||

ततो होमः प्रकर्तव्यो दीप्यमाने विभावसौ । परिसम्मृज्य पर्युक्ष्य परिस्तीर्य परिस्तरैः ।।

tato homaḥ prakartavyo dīpyamāne vibhāvasau | parisammṛjya paryukṣya paristīrya paristaraiḥ ||

सर्वान्नाग्रं समुद्धृत्य जुहुयात प्रयतस्ततः । वासुदेवाय देवाय प्रभवे चाव्ययाय च ।।

sarvānnāgraṃ samuddhṛtya juhuyāt prayatastataḥ | vāsudevāya devāya prabhave cāvyayāya ca ||

अग्नये चैव सोमाय मित्राय वरुणाय च । इन्द्राय च महाभाग इन्द्राग्निभ्यां तथैव च ।।

agnaye caiva somāya mitrāya varuṇāya ca | indrāya ca mahābhāga indrāgnibhyāṃ tathaiva ca ||

विश्वेभ्यश चैव देवेभ्यः प्रजानां पतये नमः । अनुमत्यै तथा राम धन्वन्तरय एव च ।।

viśvebhyaś caiva devebhyaḥ prajānāṃ pataye namaḥ | anumatyai tathā rāma dhanvantaraya eva ca ||

वास्तोष्पत्यै ततो देव्यै ततः स्विष्टिकृते ऽग्नये । सचतुर्थ्यन्तनाम्ना तु हुत्वैतेभ्यो बलिं हरेत ।।

vāstoṣpatyai tato devyai tataḥ sviṣṭikṛte 'gnaye | sacaturthyantanāmnā tu hutvaitebhyo baliṃ haret ||

तक्षोपतक्षमभितः पूर्वेणाग्निमतः परम । अश्वानामपि धर्मज्ञ ऊर्णानामानि चाप्यथ ।।

takṣopatakṣamabhitaḥ pūrveṇāgnimataḥ param | aśvānāmapi dharmajña ūrṇānāmāni cāpyatha ||

निरुन्धी धूम्रिणीका च अस्वपन्ती तथैव च । मेघपत्नी च नामानि सर्वेषामेव भार्गव ।।

nirundhī dhūmriṇīkā ca asvapantī tathaiva ca | meghapatnī ca nāmāni sarveṣāmeva bhārgava ||

आग्नेयाद्याः क्रमेणाथ ततः शक्तिषु निक्षिपेत । नन्दिन्यै च सुभाग्यै च सुमङ्गल्यै च भार्गव ।।

āgneyādyāḥ krameṇātha tataḥ śaktiṣu nikṣipet | nandinyai ca subhāgyai ca sumaṅgalyai ca bhārgava ||

भद्रकाल्यै ततो दत्वा स्थूणायाञ्च तथा श्रिये । हिरण्यकेश्यै च तथा वनस्पतय एव च ।।

bhadrakālyai tato datvā sthūṇāyāñca tathā śriye | hiraṇyakeśyai ca tathā vanaspataya eva ca ||

धर्माधर्ममयौ द्वारे गृहमध्ये ध्रुवाय च । मृत्यवे च वहिर्दद्याद्वरुणायोदकाशये ।।

dharmādharmamayau dvāre gṛhamadhye dhruvāya ca | mṛtyave ca vahirdadyādvaruṇāyodakāśaye ||

भूतेभ्यश च बहिर्दद्याच्छरणे धनदाय च । इन्द्रायेन्द्रपुरुषेभ्यो दद्यात पूर्वेण मानवः ।।

bhūtebhyaś ca bahirdadyāccharaṇe dhanadāya ca | indrāyendrapuruṣebhyo dadyāt pūrveṇa mānavaḥ ||

यमाय तत्पुरुषेभ्यो दद्याद्दक्षिणतस तथा । वरुणाय तत्पुरुषेभ्यो दद्यात्पश्चिमतस तथा ।।

yamāya tatpuruṣebhyo dadyāddakṣiṇatas tathā | varuṇāya tatpuruṣebhyo dadyātpaścimatas tathā ||

सोमाय सोमपुरुषेभ्य उदग्दद्यादनन्तरं । ब्रह्मणे ब्रह्मपुरुषेभ्यो मध्ये दद्यात्तथैव च ।।

somāya somapuruṣebhya udagdadyādanantaraṃ | brahmaṇe brahmapuruṣebhyo madhye dadyāttathaiva ca ||

आकाशे च तथा चोर्ध्वे स्थण्डिलाय क्षितौ तथा । दिवा दिवाचरेभ्यश च रात्रौ रात्रिचरेषु च ।।

ākāśe ca tathā cordhve sthaṇḍilāya kṣitau tathā | divā divācarebhyaś ca rātrau rātricareṣu ca ||

बलिं वहिस तथा दद्यात्सायं प्रातस्तु प्रत्यहं । पिण्डनिर्वपणं कुर्यात प्रातः सायन्न कारयेत ।।

baliṃ vahis tathā dadyātsāyaṃ prātastu pratyahaṃ | piṇḍanirvapaṇaṃ kuryāt prātaḥ sāyanna kārayet ||

पित्रे तु प्रथमं दद्यात्तत्पित्रे तदनन्तरम । प्रपितामहाय तन्मात्रे पितृमात्रे ततो ऽर्पयेत ।।

pitre tu prathamaṃ dadyāttatpitre tadanantaram | prapitāmahāya tanmātre pitṛmātre tato 'rpayet ||

तन्मात्रे दक्षिणाग्रेषु कुशेष्वेवं यजेत पितॄन । इन्द्रवारुणवायव्या याम्या वा नैरृताय ये ।।

tanmātre dakṣiṇāgreṣu kuśeṣvevaṃ yajet pitṝn | indravāruṇavāyavyā yāmyā vā nairṛtāya ye ||

ते काकाः पितृगृहन्तु इमं पिण्डं मयोद्वृतम । काकपिण्डन्तु मन्त्रेण शुनः पिण्डं प्रदापयेत ।।

te kākāḥ pitṛgṛhantu imaṃ piṇḍaṃ mayodvṛtam | kākapiṇḍantu mantreṇa śunaḥ piṇḍaṃ pradāpayet ||

विवस्वतः कुले जातौ द्वौ श्यावशबलौ शुनौ । तेषां पिण्डं प्रदास्यामि पथि रक्षन्तु मे सदा ।।

vivasvataḥ kule jātau dvau śyāvaśabalau śunau | teṣāṃ piṇḍaṃ pradāsyāmi pathi rakṣantu me sadā ||

सौरभेय्यः सर्वहिताः पवित्राः पापनाशनाः । प्रतिगृह्णन्तु मे ग्रासं गावस्त्रैलोक्यमातरः ।।

saurabheyyaḥ sarvahitāḥ pavitrāḥ pāpanāśanāḥ | pratigṛhṇantu me grāsaṃ gāvastrailokyamātaraḥ ||

ग्रोग्रासञ्च स्वस्त्ययनं कृत्वा भिक्षां प्रदापयेत । अतिथीन्दीनान पूजयित्वा गृही भुञ्जीत च स्वयं ।।

grogrāsañca svastyayanaṃ kṛtvā bhikṣāṃ pradāpayet | atithīndīnān pūjayitvā gṛhī bhuñjīta ca svayaṃ ||

विष्णुपूजावैश्वदेवबलिस्ते कीर्तितो मया //29 ।।

viṣṇupūjāvaiśvadevabaliste kīrtito mayā //29 ||