युजुर्विधानङ्कथितं वक्ष्ये साम्नां विधानकं । संहितां वैष्णवीञ्जप्त्वा हुत्वा स्यात सर्वकामभाक । शान्तातीयं गणं हुत्वा शान्तिमाप्नोति मानवः ।।

yujurvidhānaṅkathitaṃ vakṣye sāmnāṃ vidhānakaṃ | saṃhitāṃ vaiṣṇavīñjaptvā hutvā syāt sarvakāmabhāk | śāntātīyaṃ gaṇaṃ hutvā śāntimāpnoti mānavaḥ ||

संहिताञ्छान्दसीं साधु जप्त्वा प्रीणाति शङ्करं । स्कन्दीं पैत्र्यां संहिताञ्च जप्त्वा स्यात्तु प्रसादवान । भैषज्यञ्च गणं हुत्वा सर्वान्रोगान व्यापोहति । त्रिसप्तीयं गणं हुत्वा सर्वपापैः प्रमुच्यते ।।

saṃhitāñchāndasīṃ sādhu japtvā prīṇāti śaṅkaraṃ | skandīṃ paitryāṃ saṃhitāñca japtvā syāttu prasādavān | bhaiṣajyañca gaṇaṃ hutvā sarvānrogān vyāpohati | trisaptīyaṃ gaṇaṃ hutvā sarvapāpaiḥ pramucyate ||

यत इन्द्र भजामहे हिंसादोषविनाशनं । अवकीर्णी मुच्यते च अग्निस्तिग्मेति वै जपन । क्वचिन्नाप्नोति च भयं हुत्वा चैवाभयङ्गणं । न क्वचिज्जायते राम गणं हुत्वा पराजितं ।।

yata indra bhajāmahe hiṃsādoṣavināśanaṃ | avakīrṇī mucyate ca agnistigmeti vai japan | kvacinnāpnoti ca bhayaṃ hutvā caivābhayaṅgaṇaṃ | na kvacijjāyate rāma gaṇaṃ hutvā parājitaṃ ||

सर्वपापहरं ज्ञेयं परितोयञ्च तासु च । अविक्रेयञ्च विक्रीय जपेद्घृतवतीति च । आयुष्यञ्च गणं हुत्वा अपमृत्युं व्यपोहति । स्वस्तिमाप्नोति सर्वत्र हुत्वा स्वस्त्ययनङ्गणं ।।

sarvapāpaharaṃ jñeyaṃ paritoyañca tāsu ca | avikreyañca vikrīya japedghṛtavatīti ca | āyuṣyañca gaṇaṃ hutvā apamṛtyuṃ vyapohati | svastimāpnoti sarvatra hutvā svastyayanaṅgaṇaṃ ||

अयानो देव सवितुर्ज्ञेयन्दुःस्वप्ननाशनं । अबोध्यग्निरितिमन्त्रेण घृतं राम यथाविधि । श्रेयसा योगमाप्नोति शर्मवर्मगणन्तथा । वास्तोष्पत्यगणं हुत्वा वास्तुदोषान व्यपोहति ।।

ayāno deva saviturjñeyanduḥsvapnanāśanaṃ | abodhyagniritimantreṇa ghṛtaṃ rāma yathāvidhi | śreyasā yogamāpnoti śarmavarmagaṇantathā | vāstoṣpatyagaṇaṃ hutvā vāstudoṣān vyapohati ||

अभ्युक्ष्य घृतशेषेण मेखलाबन्ध इष्यते । स्त्रीणां यासान्तु गर्भाणि पतन्ति भृगुसत्तम । तथा रौद्रगणं हुत्वा सर्वान दोषान व्यपोहति । एतैर दशगुणैर होमी ह्य अष्टादशसु शान्तिषु ।।

abhyukṣya ghṛtaśeṣeṇa mekhalābandha iṣyate | strīṇāṃ yāsāntu garbhāṇi patanti bhṛgusattama | tathā raudragaṇaṃ hutvā sarvān doṣān vyapohati | etair daśaguṇair homī hy aṣṭādaśasu śāntiṣu ||

मणिं जातस्य बालस्य वध्नीयात्तदनन्तरं । सोमं राजानमेतेन व्याधिभिर्विप्रमुच्यते । वैष्णवी शान्तिरैन्द्री च ब्राह्मी रौद्री तथैव च । वायव्या वारुणी चैव कौवेरी भार्गवी तथा ।।

maṇiṃ jātasya bālasya vadhnīyāttadanantaraṃ | somaṃ rājānametena vyādhibhirvipramucyate | vaiṣṇavī śāntiraindrī ca brāhmī raudrī tathaiva ca | vāyavyā vāruṇī caiva kauverī bhārgavī tathā ||

सर्पसाम प्रयुञ्जीनो नाप्नुयात सर्पजम्भयं । माद्य त्वा वाद्यतेत्येतद्धुत्वा विप्रः सहस्रशः । प्राजापत्या तथा त्वाष्ट्री कौमारी वह्निदेवता । मारुद्गणा च गान्धारी शान्तैर नैरृतकी तथा ।।

sarpasāma prayuñjīno nāpnuyāt sarpajambhayaṃ | mādya tvā vādyatetyetaddhutvā vipraḥ sahasraśaḥ | prājāpatyā tathā tvāṣṭrī kaumārī vahnidevatā | mārudgaṇā ca gāndhārī śāntair nairṛtakī tathā ||

शतावरिमणिबद्ध्वा नाप्नुयाच्छस्त्रतो भयं । दीर्घतमसोर्क इति हुत्त्वान्नं प्राप्नुयाद्बहु । शान्तिराङ्गिरसी याम्या पार्थिवी सर्वकामदा । यस्त्वां मृत्युरिति ह्य एतज्जप्तं मृत्युविनाशनं ।।

śatāvarimaṇibaddhvā nāpnuyācchastrato bhayaṃ | dīrghatamasorka iti huttvānnaṃ prāpnuyādbahu | śāntirāṅgirasī yāmyā pārthivī sarvakāmadā | yastvāṃ mṛtyuriti hy etajjaptaṃ mṛtyuvināśanaṃ ||

स्वमध्यायन्तीति जपन्न म्रियेत पिपासया । त्वमिमा ओषधी ह्य एतज्जप्त्वा व्याधिं न वाप्नुयात । सुपर्णस्त्वेति हुत्वा च भुजगैर नैव बाध्यते । इन्द्रेण दत्तमित्येतत सर्वकामकरम्भवेत ।।

svamadhyāyantīti japanna mriyeta pipāsayā | tvamimā oṣadhī hy etajjaptvā vyādhiṃ na vāpnuyāt | suparṇastveti hutvā ca bhujagair naiva bādhyate | indreṇa dattamityetat sarvakāmakarambhavet ||

पथि देवव्रतञ्जप्त्वा भयेभ्यो विप्रमुच्यते । यदिन्द्रो मुनये त्वेति हुतं सौभाग्यवर्धनं । इन्द्रेण दत्तमित्येतत सर्वबाधाविनाशनं । इमा देवीति मन्त्रश च सर्वशान्तिकरः परः ।।

pathi devavratañjaptvā bhayebhyo vipramucyate | yadindro munaye tveti hutaṃ saubhāgyavardhanaṃ | indreṇa dattamityetat sarvabādhāvināśanaṃ | imā devīti mantraś ca sarvaśāntikaraḥ paraḥ ||

भगो न चित्र इत्य एवं नेत्रयो रञ्जनं हितं । सौभाग्यवर्धनं राम नात्र कार्य विचारणा । देवा मरुत इत्य एतत सर्वकामकरम्भवेत । यमस्य लोकादित्येतत दुःस्वप्नशमनम्परं ।।

bhago na citra ity evaṃ netrayo rañjanaṃ hitaṃ | saubhāgyavardhanaṃ rāma nātra kārya vicāraṇā | devā maruta ity etat sarvakāmakarambhavet | yamasya lokādityetat duḥsvapnaśamanamparaṃ ||

जपेन्द्रेति वर्गञ्च तथा सौन्भाग्यवर्धनं । परि प्रिया हि वः कारिः काम्यां संश्रावयेत स्त्रियं । इन्द्रश च पञ्चबणिजेति हुतं स्त्रीणां सौभाग्यवर्धनं । कामो मे वाजीति हुतं स्त्रीणां सौभाग्यवर्धनं ।।

japendreti vargañca tathā saunbhāgyavardhanaṃ | pari priyā hi vaḥ kāriḥ kāmyāṃ saṃśrāvayet striyaṃ | indraś ca pañcabaṇijeti hutaṃ strīṇāṃ saubhāgyavardhanaṃ | kāmo me vājīti hutaṃ strīṇāṃ saubhāgyavardhanaṃ ||

सा तङ्कामयते राम नात्र कार्या विचारणा । रथन्तरं वामदेव्यं ब्रह्मवर्चसवर्धनं । तुभ्यमेव जवीमन्नित्ययुतन्तु हुतम्भवेत । अग्ने गोभिन्न इत्य एतत मेधावृद्धिकरम्परं ।।

sā taṅkāmayate rāma nātra kāryā vicāraṇā | rathantaraṃ vāmadevyaṃ brahmavarcasavardhanaṃ | tubhyameva javīmannityayutantu hutambhavet | agne gobhinna ity etat medhāvṛddhikaramparaṃ ||

प्राशयेद्बालकं नित्यं वचाचूर्णं घृतप्लुतं । इन्द्रमिद्गाथिनं जप्त्वा भवेच्छ्रुतिधरस्त्वसौ । ध्रुवं ध्रुवेणेति हुतं स्थानलाभकरं भवेत । अलक्तजीवेति शुना कृषिलाभकरं भवेत ।।

prāśayedbālakaṃ nityaṃ vacācūrṇaṃ ghṛtaplutaṃ | indramidgāthinaṃ japtvā bhavecchrutidharastvasau | dhruvaṃ dhruveṇeti hutaṃ sthānalābhakaraṃ bhavet | alaktajīveti śunā kṛṣilābhakaraṃ bhavet ||

हुत्वा रथन्तरञ्जप्त्वा पुत्रमाप्नोत्यसंशयं । मयि श्रीरिति मन्त्रोयं जप्तव्यः श्रीविवर्धनः । अहन्ते भग्न इत्य एतत भवेत्सौभाग्यवर्धनं । ये मे पाशस तथाप्येतत बन्धनाम्नोक्षकारणं ।।

hutvā rathantarañjaptvā putramāpnotyasaṃśayaṃ | mayi śrīriti mantroyaṃ japtavyaḥ śrīvivardhanaḥ | ahante bhagna ity etat bhavetsaubhāgyavardhanaṃ | ye me pāśas tathāpyetat bandhanāmnokṣakāraṇaṃ ||

वैरूप्यस्याष्टकं नित्यं प्रयुञ्जानः श्रियं लभेत । सप्ताष्टकं प्रयुञ्जानः सर्वान कामानवाप्नुयात । शपन्त्वहन्निति रिपून नाशयेद्धोमजाप्यतः । त्वमुत्तममितीत्येतद्यशोबुद्धिविवर्धनं ।।

vairūpyasyāṣṭakaṃ nityaṃ prayuñjānaḥ śriyaṃ labhet | saptāṣṭakaṃ prayuñjānaḥ sarvān kāmānavāpnuyāt | śapantvahanniti ripūn nāśayeddhomajāpyataḥ | tvamuttamamitītyetadyaśobuddhivivardhanaṃ ||

गव्येषुणेति यो नित्यं सायं प्रातरतन्त्रितः । उपस्थानं गवां कुर्यात्तस्य स्युस्ताः सदा गृहे । यथा मृगमतीत्येतत स्त्रीणां सौभाग्यवर्धनं । येन चेहदिदञ्चैव गर्भलाभकरं भवेत ।।

gavyeṣuṇeti yo nityaṃ sāyaṃ prātaratantritaḥ | upasthānaṃ gavāṃ kuryāttasya syustāḥ sadā gṛhe | yathā mṛgamatītyetat strīṇāṃ saubhāgyavardhanaṃ | yena cehadidañcaiva garbhalābhakaraṃ bhavet ||

घृताक्तन्तु यवद्रोणं वात आवातु भेषजं । अनेन विधिवत सर्वां मायां व्यपोहति । अयन्ते योनिरित्येतत पुत्रलाभकरं भवेत । शिवः शिवाभिरित्येतत भवेत्सौभाग्यवर्धनं ।।

ghṛtāktantu yavadroṇaṃ vāta āvātu bheṣajaṃ | anena vidhivat sarvāṃ māyāṃ vyapohati | ayante yonirityetat putralābhakaraṃ bhavet | śivaḥ śivābhirityetat bhavetsaubhāgyavardhanaṃ ||

प्रदेवो दासेन तिलान हुत्वा कार्मणकृन्तनं । अभि त्वा पूर्वपीतये वषट्कारसमन्वितं । वृहस्पतिर नः परिपातु पथि स्वस्त्ययनं भवेत । मुञ्चामि त्वेति कथितमपमृत्युनिवारणं ।।

pradevo dāsena tilān hutvā kārmaṇakṛntanaṃ | abhi tvā pūrvapītaye vaṣaṭkārasamanvitaṃ | vṛhaspatir naḥ paripātu pathi svastyayanaṃ bhavet | muñcāmi tveti kathitamapamṛtyunivāraṇaṃ ||

वासकेध्मसहस्रन्तु हुतं युद्धे जयप्रदं । हस्त्यश्वपुरुषान कुर्याद्बुधः पिष्टमयान शुभान । अथर्वशिरसो ऽध्येता सर्वपापैः प्रमुच्यते । प्राधान्येन तु मन्त्राणां किञ्चित कर्म तवेरितं ।।

vāsakedhmasahasrantu hutaṃ yuddhe jayapradaṃ | hastyaśvapuruṣān kuryādbudhaḥ piṣṭamayān śubhān | atharvaśiraso 'dhyetā sarvapāpaiḥ pramucyate | prādhānyena tu mantrāṇāṃ kiñcit karma taveritaṃ ||

परकीयानथोद्देश्य प्रधानपुरुषांस तथा । सुस्विन्नान पिष्टकवरान क्षुरेणोत कृत्य भागशः । वृक्षाणां यज्ञियानान्तु समिधः प्रथमं हविः । आज्यञ्च व्रीहयश चैव तथा वै गौरसर्षपाः ।।

parakīyānathoddeśya pradhānapuruṣāṃs tathā | susvinnān piṣṭakavarān kṣureṇot kṛtya bhāgaśaḥ | vṛkṣāṇāṃ yajñiyānāntu samidhaḥ prathamaṃ haviḥ | ājyañca vrīhayaś caiva tathā vai gaurasarṣapāḥ ||

अभि त्वा शूर णोनुमो मन्त्रेणानेन मन्त्रवित । कृत्वा सर्षपतैलाक्तान क्रोधेन जुहुयात्ततः । अक्षतानि तिलाश चैव दधिक्षीरे च भार्गव । दर्भास्तथैव दूर्वाश च विल्वानि कमलानि च ।।

abhi tvā śūra ṇonumo mantreṇānena mantravit | kṛtvā sarṣapatailāktān krodhena juhuyāttataḥ | akṣatāni tilāś caiva dadhikṣīre ca bhārgava | darbhāstathaiva dūrvāś ca vilvāni kamalāni ca ||

एतत कृत्वा बुधः कर्म संग्रामे जयमाप्नुयात । गारुडं वामदेव्यञ्च रथन्तरवृहद्रथौ । शान्तिपुष्टिकराण्याहुर्द्रव्याण्येतानि सर्वशः । तैलङ्कणानि धर्मज्ञ राजिका रुधिरं विषं ।।

etat kṛtvā budhaḥ karma saṃgrāme jayamāpnuyāt | gāruḍaṃ vāmadevyañca rathantaravṛhadrathau | śāntipuṣṭikarāṇyāhurdravyāṇyetāni sarvaśaḥ | tailaṅkaṇāni dharmajña rājikā rudhiraṃ viṣaṃ ||

//25 । समिधः कण्टकोपेता अभिचारेषु योजयेत । आर्षं वै दैवतं छन्दो विनियोगज्ञ आचरेत ।।

//25 | samidhaḥ kaṇṭakopetā abhicāreṣu yojayet | ārṣaṃ vai daivataṃ chando viniyogajña ācaret ||