भ्रान्तमुद्भ्रान्तमाविद्धमाप्लुतं विप्लुतं सृतं । सम्पातं समुदीशञ्च श्येनपातमथाकुलं ।।

bhrāntamudbhrāntamāviddhamāplutaṃ viplutaṃ sṛtaṃ | sampātaṃ samudīśañca śyenapātamathākulaṃ ||

उद्धूतमवधूतञ्च सव्यं दक्षिणमेव च । अनालक्षितविस्फोटौ करालेन्द्रमहासखौ ।।

uddhūtamavadhūtañca savyaṃ dakṣiṇameva ca | anālakṣitavisphoṭau karālendramahāsakhau ||

विकरालनिपातौ च विभीषणभयानकौ । समग्रार्धतृतीयांशपादपादर्धवारिजाः ।।

vikarālanipātau ca vibhīṣaṇabhayānakau | samagrārdhatṛtīyāṃśapādapādardhavārijāḥ ||

प्रत्यालीढमथालीढं वराहं लुलितन्तथा । इति द्वात्रिंशतो ज्ञेयाः खड्गचर्मविधौ रणे ।।

pratyālīḍhamathālīḍhaṃ varāhaṃ lulitantathā | iti dvātriṃśato jñeyāḥ khaḍgacarmavidhau raṇe ||

परावृत्तमपावृत्तं गृहीतं लघुसञ्ज्ञितं । ऊर्ध्वात क्षिप्तमधः क्षिप्तं सन्धारितविधारितं ।।

parāvṛttamapāvṛttaṃ gṛhītaṃ laghusañjñitaṃ | ūrdhvāt kṣiptamadhaḥ kṣiptaṃ sandhāritavidhāritaṃ ||

श्येनपातं गजपातं ग्राहग्राह्यन्तथैव च । एवमेकादशविधा ज्ञेयाः पाशविधा नराः ।।

śyenapātaṃ gajapātaṃ grāhagrāhyantathaiva ca | evamekādaśavidhā jñeyāḥ pāśavidhā narāḥ ||

ऋज्वायतं विशालञ्च तिर्यग्भ्रामितमेव च । पञ्चकर्म विनिर्दिष्टं व्यस्ते पाशे महात्मभिः ।।

ṛjvāyataṃ viśālañca tiryagbhrāmitameva ca | pañcakarma vinirdiṣṭaṃ vyaste pāśe mahātmabhiḥ ||

छेदनं भेदनं पातो भ्रमणं शयनं तथा । विकर्तनं कर्तनञ्च चक्रकर्मेदमेव च ।।

chedanaṃ bhedanaṃ pāto bhramaṇaṃ śayanaṃ tathā | vikartanaṃ kartanañca cakrakarmedameva ca ||

आस्फोटः क्षेडनं भेदस्त्रासान्दोलितकौ तथा । शूलकर्माणि जानीहि षष्ठमाघातसञ्ज्ञितं ।।

āsphoṭaḥ kṣeḍanaṃ bhedastrāsāndolitakau tathā | śūlakarmāṇi jānīhi ṣaṣṭhamāghātasañjñitaṃ ||

दृष्टिघातं भुजाघातं पार्श्वघातं द्विजोत्तम । ऋजुपक्षेषुणा पातं तोमरस्य प्रकीर्तितं ।।

dṛṣṭighātaṃ bhujāghātaṃ pārśvaghātaṃ dvijottama | ṛjupakṣeṣuṇā pātaṃ tomarasya prakīrtitaṃ ||

आहतं विप्र गोमूत्रप्रभूतङ्कमलासनं । ततोर्ध्वगात्रं नमितं वामदक्षिणमेव च ।।

āhataṃ vipra gomūtraprabhūtaṅkamalāsanaṃ | tatordhvagātraṃ namitaṃ vāmadakṣiṇameva ca ||

आवृत्तञ्च परावृत्तं पादोद्धूतमप्लुतं । हंसमर्दं विमर्दञ्च गदाकर्म प्रकीर्तितं ।।

āvṛttañca parāvṛttaṃ pādoddhūtamaplutaṃ | haṃsamardaṃ vimardañca gadākarma prakīrtitaṃ ||

करालमवघातञ्च दशोपप्लुतमेव च । क्षिप्तहस्तं स्थितं शून्यं पराशोस्तु विनिर्दिशेत ।।

karālamavaghātañca daśopaplutameva ca | kṣiptahastaṃ sthitaṃ śūnyaṃ parāśostu vinirdiśet ||

ताडनं छेदनं विप्र तथा चूर्णनमेव च । मुद्गरस्य तु कर्माणि तथा प्लवनघातनं ।।

tāḍanaṃ chedanaṃ vipra tathā cūrṇanameva ca | mudgarasya tu karmāṇi tathā plavanaghātanaṃ ||

संश्रान्तमथ विश्रान्तं गोविसर्गं सुदुर्धरं । भिन्दिपालस्य कर्माणि लगुडस्य च तान्यपि ।।

saṃśrāntamatha viśrāntaṃ govisargaṃ sudurdharaṃ | bhindipālasya karmāṇi laguḍasya ca tānyapi ||

अन्त्यं मध्यं परावृत्तं निदेशान्तं द्विजोत्तम । वज्रस्येतानि कर्माणि पट्टिशस्य च तान्यपि ।।

antyaṃ madhyaṃ parāvṛttaṃ nideśāntaṃ dvijottama | vajrasyetāni karmāṇi paṭṭiśasya ca tānyapi ||

हरणं छेदनं घातो बलोद्धारणमायतं । कृपाणकर्म निर्दिष्टं पातनं स्फोटनं तथा ।।

haraṇaṃ chedanaṃ ghāto baloddhāraṇamāyataṃ | kṛpāṇakarma nirdiṣṭaṃ pātanaṃ sphoṭanaṃ tathā ||

त्रासनं रक्षणं घातो बलोद्धरणमायतम । क्षेपणीकर्म निर्दिष्टं यन्त्रकर्मैतदेव तु ।।

trāsanaṃ rakṣaṇaṃ ghāto baloddharaṇamāyatam | kṣepaṇīkarma nirdiṣṭaṃ yantrakarmaitadeva tu ||

सन्त्यागमवदंशश च वराहोद्धूतकं तथा । हस्तावहस्तमालीनमेकहस्तस्तावहस्तके ।।

santyāgamavadaṃśaś ca varāhoddhūtakaṃ tathā | hastāvahastamālīnamekahastastāvahastake ||

द्विहस्तवाहुपाशे च कटिरेचितकोद्गते । उरोललाटघाते च भुजाविधमनन्तथा ।।

dvihastavāhupāśe ca kaṭirecitakodgate | urolalāṭaghāte ca bhujāvidhamanantathā ||

करोद्धूतं विमानञ्च पादाहति विपादिकं । गात्रसंश्लेषणं शान्तं तथा गात्रविपर्ययः ।।

karoddhūtaṃ vimānañca pādāhati vipādikaṃ | gātrasaṃśleṣaṇaṃ śāntaṃ tathā gātraviparyayaḥ ||

ऊर्ध्वप्रहारं घातञ्च गोमूत्रं सव्यदक्षिणे । पारन्तारकं दण्डं करवीरन्धमाकुलं ।।

ūrdhvaprahāraṃ ghātañca gomūtraṃ savyadakṣiṇe | pārantārakaṃ daṇḍaṃ karavīrandhamākulaṃ ||

तिर्यग्बन्धमपामार्गं भीमवेगं सुदर्शनं । सिंहाक्रान्तं गजाक्रान्तं गर्दभाक्रान्तमेव च ।।

tiryagbandhamapāmārgaṃ bhīmavegaṃ sudarśanaṃ | siṃhākrāntaṃ gajākrāntaṃ gardabhākrāntameva ca ||

गदाकर्माणि जानीयान्नियुद्धस्याथ कर्म च । आकर्षणं विकर्षणञ्च बाहूनां मूलमेव च ।।

gadākarmāṇi jānīyānniyuddhasyātha karma ca | ākarṣaṇaṃ vikarṣaṇañca bāhūnāṃ mūlameva ca ||

ग्रीवाविपरिवर्तञ्च पृष्ठभङ्गं सुदारुणं । पर्यासनविपर्यासौ पशुमारमजाविकं ।।

grīvāviparivartañca pṛṣṭhabhaṅgaṃ sudāruṇaṃ | paryāsanaviparyāsau paśumāramajāvikaṃ ||

पादप्रहारमास्फोटं कटिरेचितकन्तथा । गात्राश्लेषं स्कन्धगतं महीव्याजनमेव च ।।

pādaprahāramāsphoṭaṃ kaṭirecitakantathā | gātrāśleṣaṃ skandhagataṃ mahīvyājanameva ca ||

उरोललाटघातञ्च विस्पष्टकरणन्तथा । उद्धूतमवधूतञ्च तिर्यङ्मार्गगतं तथा ।।

urolalāṭaghātañca vispaṣṭakaraṇantathā | uddhūtamavadhūtañca tiryaṅmārgagataṃ tathā ||

गजस्कन्धमवक्षेपमपराङ्मुखमेव च । देवमार्गमधोमार्गममार्गगमनाकुलं ।।

gajaskandhamavakṣepamaparāṅmukhameva ca | devamārgamadhomārgamamārgagamanākulaṃ ||

यष्टिघातमवक्षेपो वसुधादारणन्तथा । जानुबन्धं भुजाबन्धं सुदारुणं ।।

yaṣṭighātamavakṣepo vasudhādāraṇantathā | jānubandhaṃ bhujābandhaṃ sudāruṇaṃ ||

विपृष्ठं सोदकं शुभ्रं भुजावेष्टितमेव च । सन्नद्धैः संयुगे भाव्यं सशस्त्रैस्तैर गजादिभिः ।।

vipṛṣṭhaṃ sodakaṃ śubhraṃ bhujāveṣṭitameva ca | sannaddhaiḥ saṃyuge bhāvyaṃ saśastraistair gajādibhiḥ ||

वराङ्कुशधरौ चोभौ एको ग्रीवागतो ऽपरः । स्कन्धौ द्वौ च धानुष्कौ द्वौ च खड्गधरौ गजे ।।

varāṅkuśadharau cobhau eko grīvāgato 'paraḥ | skandhau dvau ca dhānuṣkau dvau ca khaḍgadharau gaje ||

रथे रणे गजे चैव तुरगाणां त्रयं भवेत । धानुष्काणान्त्रयं प्रोक्तं रक्षार्थे तुरगस्य च ।।

rathe raṇe gaje caiva turagāṇāṃ trayaṃ bhavet | dhānuṣkāṇāntrayaṃ proktaṃ rakṣārthe turagasya ca ||

धन्विनो रक्षणार्थाय चर्मिणन्तु नियोजयेत । स्वमन्त्रैः शस्त्रमभ्यर्च्य शास्त्रन्त्रैलोक्यमोहनं ।।

dhanvino rakṣaṇārthāya carmiṇantu niyojayet | svamantraiḥ śastramabhyarcya śāstrantrailokyamohanaṃ ||

यो युद्धे याति च जयेदरीन सम्पालयेद्भुवं //34 ।।

yo yuddhe yāti ca jayedarīn sampālayedbhuvaṃ //34 ||