शस्ता स्त्री चारुसर्वाङ्गी मत्तमातङ्गगामिनी । गुरूरुजघना या च मत्तपारावतेक्षणा ।।

śastā strī cārusarvāṅgī mattamātaṅgagāminī | gurūrujaghanā yā ca mattapārāvatekṣaṇā ||

सुनीलकेशी तन्वङ्गी विलोमाङ्गी मनोहरा । समभूमिस्पृशौ पादौ संहतौ च तथा स्तनौ ।।

sunīlakeśī tanvaṅgī vilomāṅgī manoharā | samabhūmispṛśau pādau saṃhatau ca tathā stanau ||

नाभिः प्रदक्षिणावर्ता गुह्यमश्वत्थपत्रवत । गुल्फौ निगूढौ मध्येन नाभिरङ्गुष्ठमानिका ।।

nābhiḥ pradakṣiṇāvartā guhyamaśvatthapatravat | gulphau nigūḍhau madhyena nābhiraṅguṣṭhamānikā ||

जठरन्न प्रलम्बञ्च रोमरूक्षा न शोभना । नर्क्षवृक्षनदीनाम्नी न सदा कलहप्रिया ।।

jaṭharanna pralambañca romarūkṣā na śobhanā | narkṣavṛkṣanadīnāmnī na sadā kalahapriyā ||

न लोलुपा न दुर्भाषा शुभा देवादिपूजिता । गण्डैर मधूकपुष्पाभैर न शिराला न लोमशा ।।

na lolupā na durbhāṣā śubhā devādipūjitā | gaṇḍair madhūkapuṣpābhair na śirālā na lomaśā ||

न संहतभ्रूकुटिला पतिप्राणा पतिप्रिया । अलक्षणापि लक्षण्या यत्राकारास्ततो गुणाः ।।

na saṃhatabhrūkuṭilā patiprāṇā patipriyā | alakṣaṇāpi lakṣaṇyā yatrākārāstato guṇāḥ ||

//7 ।।

//7 ||