स्वप्नं शौभाशुभं वक्ष्ये दुःखप्रहरणन्तथा । नाभिं विनान्यत्र गात्रे तृणवृक्षसमुद्भवः ।।

svapnaṃ śaubhāśubhaṃ vakṣye duḥkhapraharaṇantathā | nābhiṃ vinānyatra gātre tṛṇavṛkṣasamudbhavaḥ ||

चूर्णं मूर्ध्नि कांस्यानां मुण्डनं नग्नता तथा । मलिनाम्बरधारित्वमभ्यङ्गः पङ्कदिग्धता ।।

cūrṇaṃ mūrdhni kāṃsyānāṃ muṇḍanaṃ nagnatā tathā | malināmbaradhāritvamabhyaṅgaḥ paṅkadigdhatā ||

उच्चात प्रपतनञ्चैव विवाहो गीतमेव च । तन्त्रीवाद्यविनोदश च दोलारोहणमेव च ।।

uccāt prapatanañcaiva vivāho gītameva ca | tantrīvādyavinodaś ca dolārohaṇameva ca ||

अर्जनं पद्मलोहानां सर्पाणामथ मारणं । रक्तपुष्पद्रुमाणाञ्च चण्डालस्य तथैव च ।।

arjanaṃ padmalohānāṃ sarpāṇāmatha māraṇaṃ | raktapuṣpadrumāṇāñca caṇḍālasya tathaiva ca ||

वराहाश्वखरोष्ट्राणां तथा चारोहणक्रिया । भक्षणं पक्षिमांसानां तैलस्य कृशरस्य च ।।

varāhāśvakharoṣṭrāṇāṃ tathā cārohaṇakriyā | bhakṣaṇaṃ pakṣimāṃsānāṃ tailasya kṛśarasya ca ||

मातुः प्रवेशो जठरे चितारोहणमेव च । शक्रध्वजाभिपतनं पतनं शशिसूर्ययोः ।।

mātuḥ praveśo jaṭhare citārohaṇameva ca | śakradhvajābhipatanaṃ patanaṃ śaśisūryayoḥ ||

दिव्यान्तरीक्षभौमानामुत्पातानाञ्च दर्शनं । देवद्विजातिभूपानां गुरूणाङ्कोप एव च ।।

divyāntarīkṣabhaumānāmutpātānāñca darśanaṃ | devadvijātibhūpānāṃ gurūṇāṅkopa eva ca ||

नर्तनं हसनञ्चैव विवाहो गीतमेव च । तन्त्रीवाद्यविहीनानां वाद्यानामपि वादनं ।।

nartanaṃ hasanañcaiva vivāho gītameva ca | tantrīvādyavihīnānāṃ vādyānāmapi vādanaṃ ||

स्रोतोवहाधोगमनं स्नानं गोमयवारिणा । पङ्कोदकेन च तथा मशीतोयेन वाप्यथ ।।

srotovahādhogamanaṃ snānaṃ gomayavāriṇā | paṅkodakena ca tathā maśītoyena vāpyatha ||

आलिङ्गनं कुमारीणां पुरुषाञ्च मैथुनं । हानिश चैव स्वगात्राणां विरेको वमनक्रिया ।।

āliṅganaṃ kumārīṇāṃ puruṣāñca maithunaṃ | hāniś caiva svagātrāṇāṃ vireko vamanakriyā ||

दक्षिणाशाप्रगमनं व्याधिनाभिभवस तथा । फलानामुपहानिश च धातूनां भेदनं तथा ।।

dakṣiṇāśāpragamanaṃ vyādhinābhibhavas tathā | phalānāmupahāniś ca dhātūnāṃ bhedanaṃ tathā ||

गृहाणाञ्चैव पतनं गृहसम्मार्जनन्तथा । क्रीडा पिशाचक्रव्यादवानरान्त्यनरैर अपि ।।

gṛhāṇāñcaiva patanaṃ gṛhasammārjanantathā | krīḍā piśācakravyādavānarāntyanarair api ||

परादभिभवश चैव तस्माच्च व्यसनोद्भवः । काषायवस्त्रधारित्वं तद्वस्त्रैः क्रीडनं तथा ।।

parādabhibhavaś caiva tasmācca vyasanodbhavaḥ | kāṣāyavastradhāritvaṃ tadvastraiḥ krīḍanaṃ tathā ||

स्नेहपानावगाहौ च रक्तमाल्यानुलेपनं । इत्यधान्यानि स्वप्नानि तेषामकथनं शुभं ।।

snehapānāvagāhau ca raktamālyānulepanaṃ | ityadhānyāni svapnāni teṣāmakathanaṃ śubhaṃ ||

भूजश च स्वपनं तद्वत कार्यां स्नानं द्विजार्चनं । तिलैर होमो हरिब्रह्मशिवार्कगणपूजनं ।।

bhūjaś ca svapanaṃ tadvat kāryāṃ snānaṃ dvijārcanaṃ | tilair homo haribrahmaśivārkagaṇapūjanaṃ ||

तथा स्तुतिप्रपठनं पुंसूक्तादिजपस तथा । स्वप्नास्तु प्रथमे यामे संवत्सरविपाकिनः ।।

tathā stutiprapaṭhanaṃ puṃsūktādijapas tathā | svapnāstu prathame yāme saṃvatsaravipākinaḥ ||

षड्भिर्मासैर द्वितीये तु त्रिभिर्मासैर त्रियामिकाः । चतुर्थे त्वर्धमासेन दशाहादरुणोदये ।।

ṣaḍbhirmāsair dvitīye tu tribhirmāsair triyāmikāḥ | caturthe tvardhamāsena daśāhādaruṇodaye ||

एकस्यामथ चेद्रात्रौ शुभं वा यदि वाशुभं । पश्चादृष्टस्तु यस्तत्र तस्य पाकं विनिर्दिशेत ।।

ekasyāmatha cedrātrau śubhaṃ vā yadi vāśubhaṃ | paścādṛṣṭastu yastatra tasya pākaṃ vinirdiśet ||

तस्मात्तु शोभने स्वप्ने पश्चात्स्वापो न शस्यते । शैलप्रासादनागाश्ववृषभारोहणं हितं ।।

tasmāttu śobhane svapne paścātsvāpo na śasyate | śailaprāsādanāgāśvavṛṣabhārohaṇaṃ hitaṃ ||

द्रुमाणां श्वेतपुष्पाणां गगने च तथा द्विज । द्रुमतृणोद्भवो नाभौ तथा च बहुबाहुता ।।

drumāṇāṃ śvetapuṣpāṇāṃ gagane ca tathā dvija | drumatṛṇodbhavo nābhau tathā ca bahubāhutā ||

तथा च बहुशीर्षत्वं पलितोद्भव एव च । सुशुक्रमाल्यधारित्वं सुशुक्लाम्बरधारिता ।।

tathā ca bahuśīrṣatvaṃ palitodbhava eva ca | suśukramālyadhāritvaṃ suśuklāmbaradhāritā ||

चन्द्रार्कताराग्रहणं परिमार्जनमेव च । शक्रध्वजालिङ्गनञ्च ध्वजोच्छ्रायक्रिया तथा ।।

candrārkatārāgrahaṇaṃ parimārjanameva ca | śakradhvajāliṅganañca dhvajocchrāyakriyā tathā ||

भूम्यबुधाराग्रहणं शत्रूणाञ्चैव विक्रिया । जयो विवादे द्यूते च सङ्ग्रामे च तथा द्विज ।।

bhūmyabudhārāgrahaṇaṃ śatrūṇāñcaiva vikriyā | jayo vivāde dyūte ca saṅgrāme ca tathā dvija ||

भक्षणञ्चार्द्रमांसानाम्पायसस्य च भक्षणं । दर्शनं रुधिरस्यापि स्नानं वा रुधिरेण च ।।

bhakṣaṇañcārdramāṃsānāmpāyasasya ca bhakṣaṇaṃ | darśanaṃ rudhirasyāpi snānaṃ vā rudhireṇa ca ||

सरारुधिरमद्यानां पानं क्षीरस्य वाप्यथ । अस्त्रैर विचेष्टनं भूमौ निर्मलं गगनं तथा ।।

sarārudhiramadyānāṃ pānaṃ kṣīrasya vāpyatha | astrair viceṣṭanaṃ bhūmau nirmalaṃ gaganaṃ tathā ||

मुखेन दोहनं शस्तं महिषीणां तथा गवां । सिंहीनां हस्तिनीनाञ्च बडवानां तथैव च ।।

mukhena dohanaṃ śastaṃ mahiṣīṇāṃ tathā gavāṃ | siṃhīnāṃ hastinīnāñca baḍavānāṃ tathaiva ca ||

प्रसादो देवविप्रेभ्यो गुरुभ्यश च तथा द्विज । अम्भसा चाभिषेकस्तु गवां शृङ्गच्युतेन च ।।

prasādo devaviprebhyo gurubhyaś ca tathā dvija | ambhasā cābhiṣekastu gavāṃ śṛṅgacyutena ca ||

चन्द्राद भ्रष्टेन वा राम ज्ञेयं राज्यप्रदं हि तत । राज्याभिषेकश च तथा छेदनं शिरसो ऽप्यथ ।।

candrād bhraṣṭena vā rāma jñeyaṃ rājyapradaṃ hi tat | rājyābhiṣekaś ca tathā chedanaṃ śiraso 'pyatha ||

मरणं वह्निलाभश च वह्निदाहो गृहादिषु । लब्धेश च राजलिङ्गानां तन्त्रीवाद्याभिवादनं ।।

maraṇaṃ vahnilābhaś ca vahnidāho gṛhādiṣu | labdheś ca rājaliṅgānāṃ tantrīvādyābhivādanaṃ ||

यस्तु पश्यति स्वप्नान्ते राजानं कुञ्जरं हयं । हिरण्यं वृषभङ्गाञ्च कुटुम्बस्तस्य वर्धते ।।

yastu paśyati svapnānte rājānaṃ kuñjaraṃ hayaṃ | hiraṇyaṃ vṛṣabhaṅgāñca kuṭumbastasya vardhate ||

वृषेभगृहशैलाग्रवृक्षारोहणरोदनं । घृटविष्ठानुलेपो वा अगम्यागमनं तथा ।।

vṛṣebhagṛhaśailāgravṛkṣārohaṇarodanaṃ | ghṛṭaviṣṭhānulepo vā agamyāgamanaṃ tathā ||

//32 ।।

//32 ||