पृथ्वीदानं प्रवक्ष्यामि पृथिवी त्रिविधा मता । शतकोटिर्योजनानां सप्तद्वीपा ससागरा ।।

pṛthvīdānaṃ pravakṣyāmi pṛthivī trividhā matā | śatakoṭiryojanānāṃ saptadvīpā sasāgarā ||

जम्बुद्वीपावधिः सा च उत्तमा मेदिनीरिता । उत्तमां पञ्चभिर्भारैः काञ्चनैश च प्रकल्पयेत ।।

jambudvīpāvadhiḥ sā ca uttamā medinīritā | uttamāṃ pañcabhirbhāraiḥ kāñcanaiś ca prakalpayet ||

तदर्धान्तरजं कूर्मं तथा पद्मं समादिशेत । उत्तमा कथिता पृथ्वी द्व्यंशेनैव तु मध्यमा ।।

tadardhāntarajaṃ kūrmaṃ tathā padmaṃ samādiśet | uttamā kathitā pṛthvī dvyaṃśenaiva tu madhyamā ||

कन्यसा च त्रिभागेन त्रिहान्या कूर्मपङ्कजे । पलानान्तु सहस्रेण कल्पयेत कल्पपादपं ।।

kanyasā ca tribhāgena trihānyā kūrmapaṅkaje | palānāntu sahasreṇa kalpayet kalpapādapaṃ ||

मूलदण्डं सपत्रञ्च फलपुष्पसमन्वितं । पञ्चस्कन्धन्तु सङ्कल्प्य पञ्चानान्दापयेत सुधीः ।।

mūladaṇḍaṃ sapatrañca phalapuṣpasamanvitaṃ | pañcaskandhantu saṅkalpya pañcānāndāpayet sudhīḥ ||

एतद्दाता ब्रह्मलोके पितृभिर्मोदते चिरं । विष्ण्वग्रे कामधेनुन्तु पलानां पञ्चभिः शतैः ।।

etaddātā brahmaloke pitṛbhirmodate ciraṃ | viṣṇvagre kāmadhenuntu palānāṃ pañcabhiḥ śataiḥ ||

ब्रह्मविष्णुमहेशाद्या देवा धेनौ व्यवस्थिताः । धेनुदानं सर्वदानं सर्वद ब्रह्मलोकदं ।।

brahmaviṣṇumaheśādyā devā dhenau vyavasthitāḥ | dhenudānaṃ sarvadānaṃ sarvada brahmalokadaṃ ||

विष्ण्वग्रे कपिलां दत्त्वा तारयेत सकलं कुलं । अलङ्कृत्य स्त्रियं दद्यादश्वमेधफलं लभेत ।।

viṣṇvagre kapilāṃ dattvā tārayet sakalaṃ kulaṃ | alaṅkṛtya striyaṃ dadyādaśvamedhaphalaṃ labhet ||

भूमिं दत्त्वा सर्वभाक स्यात सर्वशस्यप्ररोहिणीम । ग्रामं वाथ पुरं वापि खेटकञ्च दद्त सुखी ।।

bhūmiṃ dattvā sarvabhāk syāt sarvaśasyaprarohiṇīm | grāmaṃ vātha puraṃ vāpi kheṭakañca dadt sukhī ||

//10 ।।

//10 ||