कौमुदाख्यं मयोक्तञ्च चरेदाश्वयुजे सिते । हरिं यजेत मासमेकमेकादश्यामुपोषितः ।।

kaumudākhyaṃ mayoktañca caredāśvayuje site | hariṃ yajet māsamekamekādaśyāmupoṣitaḥ ||

आश्विने शुक्लपक्षेहमेकाहारी हरिं जपन । मासमेकं भुक्तिमुक्त्यै करिष्ये कौमुदं व्रतं ।।

āśvine śuklapakṣehamekāhārī hariṃ japan | māsamekaṃ bhuktimuktyai kariṣye kaumudaṃ vrataṃ ||

उपोष्य विष्णुं द्वादश्यां यजेद्देवं विलिप्य च । चन्दनागुरुकाश्मीरैः कमलोत्पलपुष्पकैः ।।

upoṣya viṣṇuṃ dvādaśyāṃ yajeddevaṃ vilipya ca | candanāgurukāśmīraiḥ kamalotpalapuṣpakaiḥ ||

कल्हारैर्वाथ मालत्या दीपं तैलेन वाग्यतः । अहोरात्रं च नैवेद्यं पायसापूपमोदकैः ।।

kalhārairvātha mālatyā dīpaṃ tailena vāgyataḥ | ahorātraṃ ca naivedyaṃ pāyasāpūpamodakaiḥ ||

ओं नमो वासुदेवाय विज्ञाप्याथ क्षमापयेत । भोजनादि द्विजे दद्याद्यावद देवः प्रबुद्ध्यते ।।

oṃ namo vāsudevāya vijñāpyātha kṣamāpayet | bhojanādi dvije dadyādyāvad devaḥ prabuddhyate ||

तावन्मासोपवासः स्यादधिकं फलमप्यतः ।।

tāvanmāsopavāsaḥ syādadhikaṃ phalamapyataḥ ||