अखण्डद्वादशीं वक्ष्ये व्रतसम्पूर्णताकृतं । मार्गशीर्षे सिते विष्णुं द्वादश्यां समुपोषितः ।।

akhaṇḍadvādaśīṃ vakṣye vratasampūrṇatākṛtaṃ | mārgaśīrṣe site viṣṇuṃ dvādaśyāṃ samupoṣitaḥ ||

पञ्चगव्यजले स्नातो यजेत्तत्प्राशनो व्रती । यवव्रीहियुतम्पात्रन्द्वादश्यां हि द्विजे ऽर्पयेत ।।

pañcagavyajale snāto yajettatprāśano vratī | yavavrīhiyutampātrandvādaśyāṃ hi dvije 'rpayet ||

सप्तजन्मनि यत किञ्चिन्मया खण्डं व्रतं कृतं । भगवंस्त्वत्प्रसादेन तदखण्डमिहास्तु मे ।।

saptajanmani yat kiñcinmayā khaṇḍaṃ vrataṃ kṛtaṃ | bhagavaṃstvatprasādena tadakhaṇḍamihāstu me ||

यथाखण्डं जगत सर्वं त्वमेव पुरुषोत्तम । तथाखिलान्यखण्डानि व्रतानि मम सन्तु वै ।।

yathākhaṇḍaṃ jagat sarvaṃ tvameva puruṣottama | tathākhilānyakhaṇḍāni vratāni mama santu vai ||

एवमेवानुमासञ्च चातुर्मास्यो विधिः स्मृतः । अन्यच्चैत्रादिमासेषु शक्तुपात्राणि चार्पयेत ।।

evamevānumāsañca cāturmāsyo vidhiḥ smṛtaḥ | anyaccaitrādimāseṣu śaktupātrāṇi cārpayet ||

श्रावणादिषु चारभ्य कार्त्तिकान्तेषु पारणं । सप्तजन्मसु वैकल्यं व्रतानां सफलं कृते ।।

śrāvaṇādiṣu cārabhya kārttikānteṣu pāraṇaṃ | saptajanmasu vaikalyaṃ vratānāṃ saphalaṃ kṛte ||

आयुरारोग्यसौभाग्यराज्यभोगादिमाप्नुयात ।।

āyurārogyasaubhāgyarājyabhogādimāpnuyāt ||