तृतीयाव्रतान्याख्यास्ये भुक्तिमुक्तिप्रदानि ते । ललितायां तृतीयायां मूलगौरीव्रतं शृणु ।।

tṛtīyāvratānyākhyāsye bhuktimuktipradāni te | lalitāyāṃ tṛtīyāyāṃ mūlagaurīvrataṃ śṛṇu ||

तृतीयायां चैत्रशुक्ले ऊढा गौरी हरेण हि । तिलस्नातो ऽर्चयेच्छम्भुं गौर्या हैमफलादिभिः ।।

tṛtīyāyāṃ caitraśukle ūḍhā gaurī hareṇa hi | tilasnāto 'rcayecchambhuṃ gauryā haimaphalādibhiḥ ||

नमो ऽस्तु पाटलायैव पादौ देव्याः शिवस्य च । शिवायेति च सङ्कीर्त्य जयायै गुल्फयोर्यजेत ।।

namo 'stu pāṭalāyaiva pādau devyāḥ śivasya ca | śivāyeti ca saṅkīrtya jayāyai gulphayoryajet ||

त्रिपुरघ्नाय रुद्राय भान्यै जङ्घयोर्द्वयओः । शिवं रुद्रायेश्वराय विजयायैव जानुनी ।।

tripuraghnāya rudrāya bhānyai jaṅghayordvayaoḥ | śivaṃ rudrāyeśvarāya vijayāyaiva jānunī ||

ईशायेति कटिं देव्याः शङ्करायेति शङ्करम । कुक्षिद्वयञ्च कोटव्यै शूलिनम शूलपाणये ।।

īśāyeti kaṭiṃ devyāḥ śaṅkarāyeti śaṅkaram | kukṣidvayañca koṭavyai śūlinam śūlapāṇaye ||

मङ्गलायै नमस्तुभ्यमुदरञ्चाभिपूजयेत । सर्वात्मने नमो रुद्रमैशान्यै च कुचद्वयं ।।

maṅgalāyai namastubhyamudarañcābhipūjayet | sarvātmane namo rudramaiśānyai ca kucadvayaṃ ||

शिवं देवात्मने तद्वत ह्रादिन्यै कण्ठमर्चयेत । महादेवाय च शिवमनन्तायै करद्वयं ।।

śivaṃ devātmane tadvat hrādinyai kaṇṭhamarcayet | mahādevāya ca śivamanantāyai karadvayaṃ ||

त्रिलोचनायेति हरं बाहुं कालानलप्रिये । सौभाग्यायै महेशाय भूषणानि प्रपूजयेत ।।

trilocanāyeti haraṃ bāhuṃ kālānalapriye | saubhāgyāyai maheśāya bhūṣaṇāni prapūjayet ||

अशोकमधुवासिन्यै ईश्वरायेति चौष्ठकौ । चतुर्मुखप्रिया चास्यं हराय स्थाणवे नमः ।।

aśokamadhuvāsinyai īśvarāyeti cauṣṭhakau | caturmukhapriyā cāsyaṃ harāya sthāṇave namaḥ ||

नमो ऽर्धनारीशहरममिताङ्ग्यै च नासिकां । नम उग्राय लोकेशं ललितेति पुनर्भ्रुवौ ।।

namo 'rdhanārīśaharamamitāṅgyai ca nāsikāṃ | nama ugrāya lokeśaṃ laliteti punarbhruvau ||

सर्वाय पुरहन्तारं वासन्त्यै चैव तालुकं । नमः श्रीकण्ठनाथायै शितिकण्ठाय केशकं ।।

sarvāya purahantāraṃ vāsantyai caiva tālukaṃ | namaḥ śrīkaṇṭhanāthāyai śitikaṇṭhāya keśakaṃ ||

भीमोग्राय सुपूपिण्यै शिरः सर्वात्मने नमः । मल्लिकाशोककमलकुन्दन्तगरमालती ।।

bhīmogrāya supūpiṇyai śiraḥ sarvātmane namaḥ | mallikāśokakamalakundantagaramālatī ||

कदम्बकरवीरञ्च वाणमम्लानकुङ्कुमं । सिन्धुवारञ्च मासेषु सर्वेषु क्रमशः स्मृतं ।।

kadambakaravīrañca vāṇamamlānakuṅkumaṃ | sindhuvārañca māseṣu sarveṣu kramaśaḥ smṛtaṃ ||

उमामहेश्वरौ पूज्य सौभाग्याष्टकमग्रतः । स्थापयेद घृतनिष्पावकुसुम्भक्षीरजीवकं ।।

umāmaheśvarau pūjya saubhāgyāṣṭakamagrataḥ | sthāpayed ghṛtaniṣpāvakusumbhakṣīrajīvakaṃ ||

तरुराजेक्षुलवणं कुस्तुम्बुरुमथाष्टमं । चैत्रे शृगोदकं प्राश्य देवदेव्यग्रतः स्वपेत ।।

tarurājekṣulavaṇaṃ kustumburumathāṣṭamaṃ | caitre śṛgodakaṃ prāśya devadevyagrataḥ svapet ||

प्रातः स्नात्वा समभ्यर्च्य विप्रदाम्पत्यमर्चयेत । तदष्टकं द्विजे दद्याल्ललिता प्रीयतां मम ।।

prātaḥ snātvā samabhyarcya vipradāmpatyamarcayet | tadaṣṭakaṃ dvije dadyāllalitā prīyatāṃ mama ||

शृङ्गोदकं गोमयं च मन्दारं बिल्वपत्रकं । कुशोदकं दधि क्षीरं कार्त्तिके पृषदाज्यकम ।।

śṛṅgodakaṃ gomayaṃ ca mandāraṃ bilvapatrakaṃ | kuśodakaṃ dadhi kṣīraṃ kārttike pṛṣadājyakam ||

गोमूत्राज्यं कृष्णतिलं पञ्चगव्यं क्रमाशनं । ललिता विजया भद्रा भवानी कुमुदा शिवा ।।

gomūtrājyaṃ kṛṣṇatilaṃ pañcagavyaṃ kramāśanaṃ | lalitā vijayā bhadrā bhavānī kumudā śivā ||

वासुदेवी तथा गौरी मङ्गला कमला सती । चैत्रादौ दानकाले च प्रीयतामिति वाचयेत ।।

vāsudevī tathā gaurī maṅgalā kamalā satī | caitrādau dānakāle ca prīyatāmiti vācayet ||

फलमेकं पवित्राज्यं व्रतान्ते शयानं ददेत । उमामहेश्वरं हैमं वृषभञ्च गवा सह ।।

phalamekaṃ pavitrājyaṃ vratānte śayānaṃ dadet | umāmaheśvaraṃ haimaṃ vṛṣabhañca gavā saha ||

गुरुञ्च मिथुनान्यर्च्य वस्त्राद्यैर भुक्तिमुक्तिभाक । सौभाग्यारोग्यरूपायुः सौभाग्यशयनव्रतान ।।

guruñca mithunānyarcya vastrādyair bhuktimuktibhāk | saubhāgyārogyarūpāyuḥ saubhāgyaśayanavratān ||

नभस्ये वाथ वैशाखे कुर्यान्मार्गशिरस्यथ । शुक्लपक्षे तृतीयायाम ललितायै नमो यजेत ।।

nabhasye vātha vaiśākhe kuryānmārgaśirasyatha | śuklapakṣe tṛtīyāyām lalitāyai namo yajet ||

प्रतिपक्षं ततः प्रार्च्य व्रतान्ते मित्युनानि च । चतुर्विंशतिमभ्यर्च्य वस्त्राद्यैर भुक्तिमुक्तिभाक ।।

pratipakṣaṃ tataḥ prārcya vratānte mityunāni ca | caturviṃśatimabhyarcya vastrādyair bhuktimuktibhāk ||

उक्तो मार्गो द्वितीयो ऽयं सौभाग्यव्रतमावदे । फाल्गुणादितृतीयायां लवणं यस्तु वर्जयेत ।।

ukto mārgo dvitīyo 'yaṃ saubhāgyavratamāvade | phālguṇāditṛtīyāyāṃ lavaṇaṃ yastu varjayet ||

समाप्ते शयनन्दद्याद्गृहश्चोपस्करान्वितं । सम्पूज्य विप्रमिथुनं भवानी प्रीयतामिति ।।

samāpte śayanandadyādgṛhaścopaskarānvitaṃ | sampūjya vipramithunaṃ bhavānī prīyatāmiti ||

सौभाग्यार्थं तृतीयोक्ता गौरीलोकादिदायिनी । माघे भाद्रे च वैशाखे तृतीयाव्रतकृत्तथा ।।

saubhāgyārthaṃ tṛtīyoktā gaurīlokādidāyinī | māghe bhādre ca vaiśākhe tṛtīyāvratakṛttathā ||

दमनकतृतीयाकृत चैत्रे दमनकैर यजेत । आत्मतृतीया मार्गस्य प्रार्च्येच्छाभोजनादिना ।।

damanakatṛtīyākṛt caitre damanakair yajet | ātmatṛtīyā mārgasya prārcyecchābhojanādinā ||

गौरी काली उमा भद्रा दुर्गा कान्तिः सरस्वती । वैष्णवी लक्ष्मीः प्रकृतिः शिवा नारायणी क्रमात ।।

gaurī kālī umā bhadrā durgā kāntiḥ sarasvatī | vaiṣṇavī lakṣmīḥ prakṛtiḥ śivā nārāyaṇī kramāt ||

//29 ।।

//29 ||