वक्ष्ये प्रतिपदादीनि व्रतान्यखिलदानि ते । कार्त्तिकाश्वयुजे चैत्रे प्रतिपद्ब्रह्मणस्तिथिः ।।

vakṣye pratipadādīni vratānyakhiladāni te | kārttikāśvayuje caitre pratipadbrahmaṇastithiḥ ||

पञ्चदश्यान्निराहारः प्रतिपद्यर्चयेदजं । ओं तत सद्ब्रह्मणे नमो गायत्र्या वाव्दमेककं ।।

pañcadaśyānnirāhāraḥ pratipadyarcayedajaṃ | oṃ tat sadbrahmaṇe namo gāyatryā vāvdamekakaṃ ||

अक्षमालाश्रुवन्दक्षे वामे श्रुचकमण्डलु । लम्बकूर्चञ्च जटिलं हैमं ब्रह्माणमर्चयेत ।।

akṣamālāśruvandakṣe vāme śrucakamaṇḍalu | lambakūrcañca jaṭilaṃ haimaṃ brahmāṇamarcayet ||

शक्त्या क्षीरं प्रदद्यात्तु ब्रह्मा मे प्रीयतामिति । निर्मलो भोगभ्क स्वर्गे भूमौ विप्रो धनी भवेत ।।

śaktyā kṣīraṃ pradadyāttu brahmā me prīyatāmiti | nirmalo bhogabhk svarge bhūmau vipro dhanī bhavet ||

धन्यं व्रतं प्रवक्ष्यामि अधन्यो धन्यतां व्रजेत । मार्गशीर्षे प्रतिपदि नक्तं हुत्वा प्युपोषितः ।।

dhanyaṃ vrataṃ pravakṣyāmi adhanyo dhanyatāṃ vrajet | mārgaśīrṣe pratipadi naktaṃ hutvā pyupoṣitaḥ ||

अग्नये नम इत्य अग्निं प्रार्च्याव्दं सर्वभाग भवेत । प्रतिपद्येकभक्ताशी समाप्ते कपिलाप्रदः ।।

agnaye nama ity agniṃ prārcyāvdaṃ sarvabhāg bhavet | pratipadyekabhaktāśī samāpte kapilāpradaḥ ||

वैश्वानरपदं याति शिखिव्रतमिदं स्मृतं ।।

vaiśvānarapadaṃ yāti śikhivratamidaṃ smṛtaṃ ||