देवाश्रमार्चनादीनां प्रायश्चित्तन्तु लोपतः । पूजालोपे चाष्टशतं जपेद्द्विगुणपूजनं ।।

devāśramārcanādīnāṃ prāyaścittantu lopataḥ | pūjālope cāṣṭaśataṃ japeddviguṇapūjanaṃ ||

पञ्चोपनिषदैर मन्त्रैर हुत्वा ब्राह्मणभोजनं । सूतिकान्त्यजकोदक्यास्पृष्टे देवे शतं जपेत ।।

pañcopaniṣadair mantrair hutvā brāhmaṇabhojanaṃ | sūtikāntyajakodakyāspṛṣṭe deve śataṃ japet ||

पञ्चोपनिषदैः पूजां द्विगुणं स्नानमेव च । विप्रभोज्यं होमलोपे होमस्नानं तथार्चनं ।।

pañcopaniṣadaiḥ pūjāṃ dviguṇaṃ snānameva ca | viprabhojyaṃ homalope homasnānaṃ tathārcanaṃ ||

होमद्रव्ये मूषिकाद्यैर भक्षिते कीटसंयुते । तावन्मात्रं परित्यज्य प्रोक्ष्य देवादि पूजयेत ।।

homadravye mūṣikādyair bhakṣite kīṭasaṃyute | tāvanmātraṃ parityajya prokṣya devādi pūjayet ||

अङ्कुरार्पणमात्रन्तु छिन्नं भिन्नं परित्यजेत । अस्पृश्यैश चैव संस्पृष्टे अन्यपात्रे तदर्पणं ।।

aṅkurārpaṇamātrantu chinnaṃ bhinnaṃ parityajet | aspṛśyaiś caiva saṃspṛṣṭe anyapātre tadarpaṇaṃ ||

देवमानुषविघ्नघ्नं पूजाकाले तथैव च । मन्त्रद्रव्यादिव्यत्यासे मूलं जप्त्वा पुनर्जपेत ।।

devamānuṣavighnaghnaṃ pūjākāle tathaiva ca | mantradravyādivyatyāse mūlaṃ japtvā punarjapet ||

कुम्भेनाष्टशतजपो देवे तु पतिते करात । भिन्ने नष्टे चोपवासः शतहोमाच्छुभं भवेत ।।

kumbhenāṣṭaśatajapo deve tu patite karāt | bhinne naṣṭe copavāsaḥ śatahomācchubhaṃ bhavet ||

कृते पापे ऽनुतापो वै यस्य पुंसः प्रजायते । प्रायश्चित्तन्तु तस्यैकं हरिसंस्मरणं परं ।।

kṛte pāpe 'nutāpo vai yasya puṃsaḥ prajāyate | prāyaścittantu tasyaikaṃ harisaṃsmaraṇaṃ paraṃ ||

चान्द्रायणं पराको वा प्राजापत्यमघौघनुत । सूर्येशशक्तिश्रीशदिमन्त्रजप्यमघौघनुत ।।

cāndrāyaṇaṃ parāko vā prājāpatyamaghaughanut | sūryeśaśaktiśrīśadimantrajapyamaghaughanut ||

गायत्रीप्रणवस्तोत्रमन्त्रजप्यमघान्तकं । काद्यैर आवीजसंयुक्तैर आद्यैर आद्यैस्तदन्तकैः ।।

gāyatrīpraṇavastotramantrajapyamaghāntakaṃ | kādyair āvījasaṃyuktair ādyair ādyaistadantakaiḥ ||

सूर्येशशक्तिश्रीशादिमन्त्राः कोट्यधिकाः पृथक । ओंह्रीमाद्याश चतुर्थ्यन्ता नमोन्ताः सर्वकामदाः ।।

sūryeśaśaktiśrīśādimantrāḥ koṭyadhikāḥ pṛthak | oṃhrīmādyāś caturthyantā namontāḥ sarvakāmadāḥ ||

नृसिंहद्वादशाष्टार्णमालामन्त्राद्यघौघनुत । आग्नेयस्य पुराणस्य पठनं श्रवणादिकं ।।

nṛsiṃhadvādaśāṣṭārṇamālāmantrādyaghaughanut | āgneyasya purāṇasya paṭhanaṃ śravaṇādikaṃ ||

द्विविद्यारूपको विष्णुरग्निरूपस्तु गीयते । परमात्मा देवमुखं सर्ववेदेषु गीयते ।।

dvividyārūpako viṣṇuragnirūpastu gīyate | paramātmā devamukhaṃ sarvavedeṣu gīyate ||

प्रवृत्तौ तु निवृत्तौ तु इज्यते भुक्तिमुक्तिदः । अग्निरूपस्य विष्णोर्हि हवनं ध्यानमर्चनं ।।

pravṛttau tu nivṛttau tu ijyate bhuktimuktidaḥ | agnirūpasya viṣṇorhi havanaṃ dhyānamarcanaṃ ||

जप्यं स्तुतिश च प्रणतिः शारीराशेषाघौघनुत । दशस्वर्णानि दानानि धान्यद्वादशमेव च ।।

japyaṃ stutiś ca praṇatiḥ śārīrāśeṣāghaughanut | daśasvarṇāni dānāni dhānyadvādaśameva ca ||

तुलापुरुषमुख्यानि महादानानि षोडश । अन्नदानानि मुख्यानि सर्वाण्यघहराणि हि ।।

tulāpuruṣamukhyāni mahādānāni ṣoḍaśa | annadānāni mukhyāni sarvāṇyaghaharāṇi hi ||

तिथिवारर्क्षसङ्क्रान्तियोगमन्वादिकालके । ब्रतादि सूर्येशशक्तिश्रीशादेरघघातनं ।।

tithivārarkṣasaṅkrāntiyogamanvādikālake | bratādi sūryeśaśaktiśrīśāderaghaghātanaṃ ||

गङ्गा गया प्रयागश च काश्ययोध्या ह्य अवम्तिका । कुरुक्षेत्रं पुष्करञ्च नैमिषं पुरुषोत्तमः ।।

gaṅgā gayā prayāgaś ca kāśyayodhyā hy avamtikā | kurukṣetraṃ puṣkarañca naimiṣaṃ puruṣottamaḥ ||

शालग्रामप्रभासाद्यं तीर्थञ्चघोघघातकं । अहं ब्रह्म परं ज्योतिरिति ध्यानमघौघनुत ।।

śālagrāmaprabhāsādyaṃ tīrthañcaghoghaghātakaṃ | ahaṃ brahma paraṃ jyotiriti dhyānamaghaughanut ||

पुराणं ब्रह्म चाग्नेयं ब्रह्मा विष्णुर्महेश्वरः । अवताराः सर्वपूजाः प्रतिष्ठाप्रतिमादिकं ।।

purāṇaṃ brahma cāgneyaṃ brahmā viṣṇurmaheśvaraḥ | avatārāḥ sarvapūjāḥ pratiṣṭhāpratimādikaṃ ||

ज्योतिःशास्त्रपुराणानि स्मृतयस्तु तपोव्रतं । अर्थशास्त्रञ्च सर्गाद्या आयुर्वेदो धनुर्मतिः ।।

jyotiḥśāstrapurāṇāni smṛtayastu tapovrataṃ | arthaśāstrañca sargādyā āyurvedo dhanurmatiḥ ||

शिक्षा छन्दो व्याकरणं निरुक्तञ्चाभिधानकं । कल्पो न्यायश च मीमांसा ह्य अन्यत सर्वं हरिः प्रभुः ।।

śikṣā chando vyākaraṇaṃ niruktañcābhidhānakaṃ | kalpo nyāyaś ca mīmāṃsā hy anyat sarvaṃ hariḥ prabhuḥ ||

एके द्वयोर्यतो यस्मिन यः सर्वमिति वेद यः । तं दृष्ट्वान्यस्य पापानि विनश्यन्ति हरिश च सः ।।

eke dvayoryato yasmin yaḥ sarvamiti veda yaḥ | taṃ dṛṣṭvānyasya pāpāni vinaśyanti hariś ca saḥ ||

विद्याष्टादशरूपश च सूक्ष्मः स्थूलो ऽपरो हरिः । ज्योतिः सदक्षरं ब्रह्म परं विष्णुश च निर्मलः ।।

vidyāṣṭādaśarūpaś ca sūkṣmaḥ sthūlo 'paro hariḥ | jyotiḥ sadakṣaraṃ brahma paraṃ viṣṇuś ca nirmalaḥ ||