श्रीशान्तिविजयाद्यर्थं ग्रहयज्ञं पुनर्वदे । ग्रहयज्ञो ऽयुतहोमलक्षकोट्यात्मकस्त्रिधा ।।

śrīśāntivijayādyarthaṃ grahayajñaṃ punarvade | grahayajño 'yutahomalakṣakoṭyātmakastridhā ||

वेदेरैशे ह्य अग्निकुण्डाद ग्रहानावाह्य मण्डले । सौम्ये गुरुर्बुधश चैशे शुक्रः पूर्वदले शशी ।।

vederaiśe hy agnikuṇḍād grahānāvāhya maṇḍale | saumye gururbudhaś caiśe śukraḥ pūrvadale śaśī ||

आग्नेये दक्षिणे भौमो मध्ये स्याद्भास्करस तथा । शनिराप्ये ऽथ नैरृत्ये राहुः केतुश च वायवे ।।

āgneye dakṣiṇe bhaumo madhye syādbhāskaras tathā | śanirāpye 'tha nairṛtye rāhuḥ ketuś ca vāyave ||

ईशश्चोमा गुहो विष्णुर्ब्रह्मेन्द्रौ यमकालकौ । चित्रगुप्तश्चाधिदेवा अग्निरापः क्षितिर्हरिः ।।

īśaścomā guho viṣṇurbrahmendrau yamakālakau | citraguptaścādhidevā agnirāpaḥ kṣitirhariḥ ||

इन्द्र ऐन्द्री देवता च प्रजेशो ऽहिर्विधिः क्रमात । एते प्रत्यधिदेवाश च गणेशो दुर्गयानिलः ।।

indra aindrī devatā ca prajeśo 'hirvidhiḥ kramāt | ete pratyadhidevāś ca gaṇeśo durgayānilaḥ ||

खमश्विनौ च सम्पूज्य यजेद्वीजैश च वेदजैः । अर्कः पलाशः खदिरो ह्य अपामार्गश च पिप्पलः ।।

khamaśvinau ca sampūjya yajedvījaiś ca vedajaiḥ | arkaḥ palāśaḥ khadiro hy apāmārgaś ca pippalaḥ ||

उदुम्बरः शमी दुर्वा कुशाश च समिधः क्रमात । मध्वाज्यदधिसंमिश्रा होतव्याश्चाष्टधा शतम ।।

udumbaraḥ śamī durvā kuśāś ca samidhaḥ kramāt | madhvājyadadhisaṃmiśrā hotavyāścāṣṭadhā śatam ||

एकाष्टशतुरः कुम्भान पूर्य पूर्णाहुतिन्तथा । वसोर्धारान्ततो दद्याद्दक्षिणाञ्च ततो ददेत ।।

ekāṣṭaśaturaḥ kumbhān pūrya pūrṇāhutintathā | vasordhārāntato dadyāddakṣiṇāñca tato dadet ||

यजमानं चतुर्भिस्तैर अभिषिञ्चेत समन्त्रकैः । सुरास्त्वामभिषिञ्चन्तु ब्रह्मविष्णुमहेश्वराः ।।

yajamānaṃ caturbhistair abhiṣiñcet samantrakaiḥ | surāstvāmabhiṣiñcantu brahmaviṣṇumaheśvarāḥ ||

वासुदेवो जगन्नाथस तथा सङ्कर्षणः प्रभुः । प्रद्युम्नश्चानिरुद्धश च भवन्तु विजयाय ते ।।

vāsudevo jagannāthas tathā saṅkarṣaṇaḥ prabhuḥ | pradyumnaścāniruddhaś ca bhavantu vijayāya te ||

आखण्डलो ऽग्निर्भगवान यमो वै नैरृतस तथा । वरुणः पवनश चैव धनाध्यक्षस तथा शिवः ।।

ākhaṇḍalo 'gnirbhagavān yamo vai nairṛtas tathā | varuṇaḥ pavanaś caiva dhanādhyakṣas tathā śivaḥ ||

ब्रह्मणा सहितः शेषो दिक्पालाः पान्तु वः सदा । कीर्तिर्लक्ष्मीर्धृतिर्मेधा पुष्टिः श्रद्धा क्रिया मतिः ।।

brahmaṇā sahitaḥ śeṣo dikpālāḥ pāntu vaḥ sadā | kīrtirlakṣmīrdhṛtirmedhā puṣṭiḥ śraddhā kriyā matiḥ ||

बुद्धिर लज्जा वपुः शान्तिस्तुष्टिः कान्तिश च मातरः । एतास्त्वामभिषिञ्चन्तु धर्मपत्न्याः समागताः ।।

buddhir lajjā vapuḥ śāntistuṣṭiḥ kāntiś ca mātaraḥ | etāstvāmabhiṣiñcantu dharmapatnyāḥ samāgatāḥ ||

आदित्यश चन्द्रमा भौमो बुधजीवशितार्कजाः । ग्रहास्त्वामभिषिञ्चन्तु राहुः केतुश च तर्पिताः ।।

ādityaś candramā bhaumo budhajīvaśitārkajāḥ | grahāstvāmabhiṣiñcantu rāhuḥ ketuś ca tarpitāḥ ||

देवदानवगन्धर्वा यक्षराक्षसपन्नगाः । ऋषयो मनवो गावो देवमातर एव च ।।

devadānavagandharvā yakṣarākṣasapannagāḥ | ṛṣayo manavo gāvo devamātara eva ca ||

देवपत्न्यो द्रुमा नागा दैत्याश्चाप्सरसाङ्गणाः । अस्त्राणि सर्वशास्त्राणि राजानो वाहनानि च ।।

devapatnyo drumā nāgā daityāścāpsarasāṅgaṇāḥ | astrāṇi sarvaśāstrāṇi rājāno vāhanāni ca ||

औषधानि च रत्नानि कालस्यावयवाश च ये । सरितः सागराः शैलास्तीर्थानि जलदा नदाः ।।

auṣadhāni ca ratnāni kālasyāvayavāś ca ye | saritaḥ sāgarāḥ śailāstīrthāni jaladā nadāḥ ||

एते त्वामभिषिञ्चन्तु सर्वकामार्थसिद्धये । अलङ्कृतस्ततो दद्याद्धेमगोन्नभुवादिकं ।।

ete tvāmabhiṣiñcantu sarvakāmārthasiddhaye | alaṅkṛtastato dadyāddhemagonnabhuvādikaṃ ||

कपिले सर्वदेवानां पूजनीयासि रोहिणि । तीर्थदेवमयी यस्मादतःशान्तिं प्रयच्छ मे ।।

kapile sarvadevānāṃ pūjanīyāsi rohiṇi | tīrthadevamayī yasmādataḥśāntiṃ prayaccha me ||

पुण्यस्त्वं शङ्ख पुण्यानां मङ्गलानाञ्च मङ्गलं । विष्णुना विधृतो नित्यमतः शान्तिं प्रयच्छ मे ।।

puṇyastvaṃ śaṅkha puṇyānāṃ maṅgalānāñca maṅgalaṃ | viṣṇunā vidhṛto nityamataḥ śāntiṃ prayaccha me ||

धर्म त्वं वृषरूपेण जगदानन्दकारकः । अष्टमूर्तेरधिष्टानमतः शान्तिं प्रयच्छ मे ।।

dharma tvaṃ vṛṣarūpeṇa jagadānandakārakaḥ | aṣṭamūrteradhiṣṭānamataḥ śāntiṃ prayaccha me ||

हिरण्यगर्भगर्भस्थं हेमवीजं विभावसोः । अनन्तपुण्यफलदमतः शान्तिं प्रयच्छ मे ।।

hiraṇyagarbhagarbhasthaṃ hemavījaṃ vibhāvasoḥ | anantapuṇyaphaladamataḥ śāntiṃ prayaccha me ||

पीतवस्त्रयुगं यस्माद्वासुदेवस्य वल्लभं । प्रदानात्तस्य वै विष्णुरतः शान्तिं प्रयच्छ मे ।।

pītavastrayugaṃ yasmādvāsudevasya vallabhaṃ | pradānāttasya vai viṣṇurataḥ śāntiṃ prayaccha me ||

विष्णुस्त्वं मत्स्यरूपेण यस्मादमृतसम्भवः । चन्द्रार्कवाहनो नित्यमतः शान्तिं प्रयच्छ मे ।।

viṣṇustvaṃ matsyarūpeṇa yasmādamṛtasambhavaḥ | candrārkavāhano nityamataḥ śāntiṃ prayaccha me ||

यस्मात्त्वं पृथिवी सर्वा धेनुः केशवसन्निभा । सर्वपापहरा नित्यमतः शान्तिं प्रयच्छ मे ।।

yasmāttvaṃ pṛthivī sarvā dhenuḥ keśavasannibhā | sarvapāpaharā nityamataḥ śāntiṃ prayaccha me ||

यस्मादायसकर्माणि तवाधीनानि सर्वदा । लाङ्गलाद्यायुधादीनि अतः शान्तिं प्रयच्छ मे ।।

yasmādāyasakarmāṇi tavādhīnāni sarvadā | lāṅgalādyāyudhādīni ataḥ śāntiṃ prayaccha me ||

यस्मात्त्वं स्सर्वयज्ञानामङ्गत्वेन व्यवस्थितः । योनिर्विभावसोर्नित्यमतः शान्तिं प्रयच्छ मे ।।

yasmāttvaṃ ssarvayajñānāmaṅgatvena vyavasthitaḥ | yonirvibhāvasornityamataḥ śāntiṃ prayaccha me ||

गवामङ्गेषु तिष्ठन्ति भुवनानि चतुर्दश । यस्मात्तस्माच्छिवं मे स्यादिह लोके परत्र च ।।

gavāmaṅgeṣu tiṣṭhanti bhuvanāni caturdaśa | yasmāttasmācchivaṃ me syādiha loke paratra ca ||

यस्मादशून्यं शयनं केशवस्य शिवस्य च । शय्या ममाप्यशून्यास्तु दत्ता जन्मनि जन्मनि ।।

yasmādaśūnyaṃ śayanaṃ keśavasya śivasya ca | śayyā mamāpyaśūnyāstu dattā janmani janmani ||

यथा रत्नेषु सर्वेषु सर्वे देवाः प्रतिष्ठिताः । तथा शान्तिं प्रयच्छन्तु रत्नदानेन मे सुराः ।।

yathā ratneṣu sarveṣu sarve devāḥ pratiṣṭhitāḥ | tathā śāntiṃ prayacchantu ratnadānena me surāḥ ||

यथा भूमिप्रदानस्य कलां नार्हन्ति षोडशीं । दानान्यन्यानि मे शान्तिर्भूमिदानाद्भवत्विह ।।

yathā bhūmipradānasya kalāṃ nārhanti ṣoḍaśīṃ | dānānyanyāni me śāntirbhūmidānādbhavatviha ||

ग्रहयज्ञो ऽयुतहोमो दक्षिणाभी रणे जितिः । विवाहोत्सवयज्ञेषु प्रतिष्ठादिषु कर्मषु ।।

grahayajño 'yutahomo dakṣiṇābhī raṇe jitiḥ | vivāhotsavayajñeṣu pratiṣṭhādiṣu karmaṣu ||

सर्वकामाप्तये लक्षकोटिहोमद्वयं मतं । गृहदेशे मण्डपे ऽथ अयुते हस्तमात्रकं ।।

sarvakāmāptaye lakṣakoṭihomadvayaṃ mataṃ | gṛhadeśe maṇḍape 'tha ayute hastamātrakaṃ ||

मेखलायोनिसंयुक्तं कुण्डञ्चत्वार ऋत्विजः । स्वयमेको ऽपि वा लक्षे सर्वं दशगुणं हि तत ।।

mekhalāyonisaṃyuktaṃ kuṇḍañcatvāra ṛtvijaḥ | svayameko 'pi vā lakṣe sarvaṃ daśaguṇaṃ hi tat ||

चतुर्हस्तं द्विहस्तं वा तार्क्षञ्चात्राधिकं यजेत । सामध्वनिशीरस्त्वं वाहनं पमेष्ठिनः ।।

caturhastaṃ dvihastaṃ vā tārkṣañcātrādhikaṃ yajet | sāmadhvaniśīrastvaṃ vāhanaṃ pameṣṭhinaḥ ||

विषयापहरो नित्यमतः शान्तिं प्रयच्छ मे । पूर्ववत कुण्डमामन्त्र्य लक्षहोमं समाचरेत ।।

viṣayāpaharo nityamataḥ śāntiṃ prayaccha me | pūrvavat kuṇḍamāmantrya lakṣahomaṃ samācaret ||

वसोर्धारां ततो दद्याच्छय्याभूषादिकं ददेत । तत्रापि दश चाष्टौ च लक्षहोमे तथर्त्विजः ।।

vasordhārāṃ tato dadyācchayyābhūṣādikaṃ dadet | tatrāpi daśa cāṣṭau ca lakṣahome tathartvijaḥ ||

पुत्रान्नराज्यविजयभुक्तिमुक्त्यादि चाप्नुयात । दक्षिणाभिः फलेनास्माच्छत्रुघ्नः कोटिहोमकः ।।

putrānnarājyavijayabhuktimuktyādi cāpnuyāt | dakṣiṇābhiḥ phalenāsmācchatrughnaḥ koṭihomakaḥ ||

चतुर्हस्तं चाष्टहस्तं कुण्डन्द्वादश च द्विजाः । पञ्चविंशं षोडशं वा पटे द्वारे चतुष्टयं ।।

caturhastaṃ cāṣṭahastaṃ kuṇḍandvādaśa ca dvijāḥ | pañcaviṃśaṃ ṣoḍaśaṃ vā paṭe dvāre catuṣṭayaṃ ||

कोटिहोमी सर्वकामी विष्णुलोकं स गच्छति । होमस्तु ग्रहमन्त्रैर वा गायत्र्या वैष्णवैर अपि ।।

koṭihomī sarvakāmī viṣṇulokaṃ sa gacchati | homastu grahamantrair vā gāyatryā vaiṣṇavair api ||

जातवेदोमुखैः शैवैः वैदिकैः प्रथितैर अपि । तिलैर यवैर घृतैर अश्वमेधफलादिभाक ।।

jātavedomukhaiḥ śaivaiḥ vaidikaiḥ prathitair api | tilair yavair ghṛtair aśvamedhaphalādibhāk ||

विद्वेषणाभिचारेषु त्रिकोणं कुण्डमिष्यते । समिधो वामहस्तेन श्येनास्थ्यनलसंयुताः ।।

vidveṣaṇābhicāreṣu trikoṇaṃ kuṇḍamiṣyate | samidho vāmahastena śyenāsthyanalasaṃyutāḥ ||

रक्तभूषैर मुक्तकेशैर ध्यायद्भिरशिवं रिपोः । दुर्मित्रियास्तस्मै सन्तु यो द्वेष्टि हुं फडिति च ।।

raktabhūṣair muktakeśair dhyāyadbhiraśivaṃ ripoḥ | durmitriyāstasmai santu yo dveṣṭi huṃ phaḍiti ca ||

छिन्द्यात क्षुरेण प्रतिमां पिष्टरूपं रिपुं हनेत । यजेदेकं पीडकं वा यः स कृत्वा दिवं व्रजेत ।।

chindyāt kṣureṇa pratimāṃ piṣṭarūpaṃ ripuṃ hanet | yajedekaṃ pīḍakaṃ vā yaḥ sa kṛtvā divaṃ vrajet ||