वानप्रस्थयतीनाञ्च धर्मं वक्ष्ये ऽधुना शृणु । जटित्वमग्निहोत्रित्वं भूशय्याजिनधारणं ।।

vānaprasthayatīnāñca dharmaṃ vakṣye 'dhunā śṛṇu | jaṭitvamagnihotritvaṃ bhūśayyājinadhāraṇaṃ ||

वने वासः पयोमूलनीवारफलवृत्तिता । प्रतिग्रहनिवृत्तिश च त्रिःस्नानं ब्रह्मचारिता ।।

vane vāsaḥ payomūlanīvāraphalavṛttitā | pratigrahanivṛttiś ca triḥsnānaṃ brahmacāritā ||

देवातिथीनां पूजा च धर्मो ऽयं वनवासिनः । गृही ह्य अपत्यापत्यञ्च दृष्ट्वारण्यं समाश्रयेत ।।

devātithīnāṃ pūjā ca dharmo 'yaṃ vanavāsinaḥ | gṛhī hy apatyāpatyañca dṛṣṭvāraṇyaṃ samāśrayet ||

तृतीयमायुषो भागमेकाकी वा सभार्यकः । ग्रीष्मे पञ्चतपा नित्यं वर्षास्वभ्राविकाशिकः ।।

tṛtīyamāyuṣo bhāgamekākī vā sabhāryakaḥ | grīṣme pañcatapā nityaṃ varṣāsvabhrāvikāśikaḥ ||

आर्द्रवासाश च हेमन्ते तपश्चोग्रञ्चरेद्बली । अपरावृत्तिमास्थाय व्रजेद्दिशमजिह्मगः ।।

ārdravāsāś ca hemante tapaścograñcaredbalī | aparāvṛttimāsthāya vrajeddiśamajihmagaḥ ||