अथ चक्रं प्रवक्ष्यामि यात्रादौ च फलप्रदम । अश्विन्यादौ लिखेच्चक्रं त्रिनाडीपरिभूषितं ।।

atha cakraṃ pravakṣyāmi yātrādau ca phalapradam | aśvinyādau likheccakraṃ trināḍīparibhūṣitaṃ ||

अश्विन्यार्द्रादिभिः पूर्वा ततश्चोत्तरफल्गुनी । हस्ता ज्येष्ठा तथा मूलं वारुणं चाप्यजैकपात ।।

aśvinyārdrādibhiḥ pūrvā tataścottaraphalgunī | hastā jyeṣṭhā tathā mūlaṃ vāruṇaṃ cāpyajaikapāt ||

नाडीयं प्रथमा चान्या याम्यं मृगशिरस तथा । पुष्यं भाग्यन्तथा चित्रा मैत्रञ्चाप्यं च वासवं ।।

nāḍīyaṃ prathamā cānyā yāmyaṃ mṛgaśiras tathā | puṣyaṃ bhāgyantathā citrā maitrañcāpyaṃ ca vāsavaṃ ||

अहिर्व्रध्रं तृतीयाथ कृत्तिका रोहिणी ह्य अहिः । चित्रा स्वाती विशाखा च श्रवणा रेवती च भं ।।

ahirvradhraṃ tṛtīyātha kṛttikā rohiṇī hy ahiḥ | citrā svātī viśākhā ca śravaṇā revatī ca bhaṃ ||

नाडीत्रितयसंजुष्टग्रहाज ज्ञेयं शुभाशुभं । चक्रम्फणीश्वरन्तत्तु त्रिनाडीपरिभूषितं ।।

nāḍītritayasaṃjuṣṭagrahāj jñeyaṃ śubhāśubhaṃ | cakramphaṇīśvarantattu trināḍīparibhūṣitaṃ ||

रविभौमार्कराहुस्थमशुभं स्याच्छुभं परं । देशग्रामयुता भ्रातृभार्याद्या एकशः शुभाः ।।

ravibhaumārkarāhusthamaśubhaṃ syācchubhaṃ paraṃ | deśagrāmayutā bhrātṛbhāryādyā ekaśaḥ śubhāḥ ||