सङ्ग्रामविजयां विद्यां पदमालां वदाम्यहं । पदमाला जयाख्येयं सर्वकर्मप्रसाधिका ।।

saṅgrāmavijayāṃ vidyāṃ padamālāṃ vadāmyahaṃ | padamālā jayākhyeyaṃ sarvakarmaprasādhikā ||

सर्वदा होमजप्याद्यैः पाठाद्यैश च रणे जयः । अष्टाविंशभुजा ध्येया असिखेटकवत्करौ ।।

sarvadā homajapyādyaiḥ pāṭhādyaiś ca raṇe jayaḥ | aṣṭāviṃśabhujā dhyeyā asikheṭakavatkarau ||

गदादण्दयुतौ चान्यौ शरचापधरौ परौ । मुष्टिमुद्गरयुक्तौ च शङ्कखड्गयुतौ परौ ।।

gadādaṇdayutau cānyau śaracāpadharau parau | muṣṭimudgarayuktau ca śaṅkakhaḍgayutau parau ||

ध्वजवज्रधरौ चान्यौ सचक्रपरशू परौ । डमरुदर्पणाढ्यौ च शक्तिकुन्तधरौ परौ ।।

dhvajavajradharau cānyau sacakraparaśū parau | ḍamarudarpaṇāḍhyau ca śaktikuntadharau parau ||

हलेन मुषलेनाढ्यौ पाशतोमरसंयुतौ । ढक्कापणसंयुक्तौ अभयमुष्टिकान्वितौ ।।

halena muṣalenāḍhyau pāśatomarasaṃyutau | ḍhakkāpaṇasaṃyuktau abhayamuṣṭikānvitau ||

तर्जयन्ती च महिषं घातनी होमतो ऽरिजित । त्रिमध्वाक्ततिलैर होमो न देया यस्य कस्य चित ।।

tarjayantī ca mahiṣaṃ ghātanī homato 'rijit | trimadhvāktatilair homo na deyā yasya kasya cit ||