विष्कुम्भे घटिकास्तिस्रः शूले पञ्च विवर्जयेत । षट षट गण्डे ऽनिगण्डे च नव व्याद्यातवज्रयोः ।।

viṣkumbhe ghaṭikāstisraḥ śūle pañca vivarjayet | ṣaṭ ṣaṭ gaṇḍe 'nigaṇḍe ca nava vyādyātavajrayoḥ ||

परिघे च व्यतीपाते उभयोरपि तद्दिनम । वैधृते तद्दिनञ्चैव यात्रायुद्धादिकन्त्यजेत ।।

parighe ca vyatīpāte ubhayorapi taddinam | vaidhṛte taddinañcaiva yātrāyuddhādikantyajet ||

ग्रहैः शुभाशुभं वक्ष्ये देवि मेषादिराशितः । चन्द्रशुक्रौ च जन्मस्थ्यौ वर्जितौ शुभदायकौ ।।

grahaiḥ śubhāśubhaṃ vakṣye devi meṣādirāśitaḥ | candraśukrau ca janmasthyau varjitau śubhadāyakau ||

द्वितीयो मङ्गलो ऽथार्कः सौरिश चैव तु सैंहिकः । द्रव्यनाशमलाभञ्च आहवे भङ्गमादिशेत ।।

dvitīyo maṅgalo 'thārkaḥ sauriś caiva tu saiṃhikaḥ | dravyanāśamalābhañca āhave bhaṅgamādiśet ||

सोमो बुधो भृगुर्जीमो द्वितीयस्थाः शुभावहाः । तृतीयस्थो यदा भानुः शनिर्भौमो भृगुस तथा ।।

somo budho bhṛgurjīmo dvitīyasthāḥ śubhāvahāḥ | tṛtīyastho yadā bhānuḥ śanirbhaumo bhṛgus tathā ||

बुधश चैवेन्दू राहुश च सर्वे ते फलदा ग्रहाः । बुधशुक्रौ चतुर्थौ तु शेषाश चैव भयावहाः ।।

budhaś caivendū rāhuś ca sarve te phaladā grahāḥ | budhaśukrau caturthau tu śeṣāś caiva bhayāvahāḥ ||

पञ्चमस्थो यदा जीवः शुक्रः सौम्यश च चन्द्रमाः । ददेत चेप्सितं लाभं षष्ठे स्थाने शुभो रविः ।।

pañcamastho yadā jīvaḥ śukraḥ saumyaś ca candramāḥ | dadeta cepsitaṃ lābhaṃ ṣaṣṭhe sthāne śubho raviḥ ||

चन्द्रः सौरिर्मङ्गलश च ग्रहा देवि स्वराशितः । भृगुं ।।

candraḥ saurirmaṅgalaś ca grahā devi svarāśitaḥ | bhṛguṃ ||

सप्तमो ऽर्कः शनिर्भौमो राहुर्हान्यै सुखाय च । जीवो भृगुश च सौम्यश च ज्ञशुक्रो चाष्टमौ शुभौ ।।

saptamo 'rkaḥ śanirbhaumo rāhurhānyai sukhāya ca | jīvo bhṛguś ca saumyaś ca jñaśukro cāṣṭamau śubhau ||

शेषा ग्रहास तथा हान्यै ज्ञभृगू नवमौ शुभौ । शेषा हान्यै च लाभाय दशमौ भृगुभास्करौ ।।

śeṣā grahās tathā hānyai jñabhṛgū navamau śubhau | śeṣā hānyai ca lābhāya daśamau bhṛgubhāskarau ||

शनिर्भौमश च राहुश च चन्द्रः सौम्यः शुभावहः । शुभाश चैकादशे सर्वे वर्जयेद्दशमे गुरुम ।।

śanirbhaumaś ca rāhuś ca candraḥ saumyaḥ śubhāvahaḥ | śubhāś caikādaśe sarve varjayeddaśame gurum ||

बुधशुक्रौ द्वादशस्थौ शेषान द्वादशगांस्त्यजेत । अहोरात्रे द्वादश स्यू राशयस्तान वदाम्यहम ।।

budhaśukrau dvādaśasthau śeṣān dvādaśagāṃstyajet | ahorātre dvādaśa syū rāśayastān vadāmyaham ||

मीनो मेषो ऽथ मिथुनञ्चतस्रो नाडयो वृषः । षट कर्कसिंहकन्याश च तुला पञ्च च वृश्चिकः ।।

mīno meṣo 'tha mithunañcatasro nāḍayo vṛṣaḥ | ṣaṭ karkasiṃhakanyāś ca tulā pañca ca vṛścikaḥ ||

धनुर्नक्रो घटश चैव सूर्यगो राशिराद्यकः । चरस्थिरद्विःस्वभावा मेषाद्याः स्युर्यथाक्रमम ।।

dhanurnakro ghaṭaś caiva sūryago rāśirādyakaḥ | carasthiradviḥsvabhāvā meṣādyāḥ syuryathākramam ||

कुलीरो मकरश चैव तुलामेषादयश चराः । चरकार्यं जयं काममाचरेच्च शुभशुभम ।।

kulīro makaraś caiva tulāmeṣādayaś carāḥ | carakāryaṃ jayaṃ kāmamācarecca śubhaśubham ||

स्थिरो वृषो हरिः कुम्भो वृश्चिकः स्थिरकार्यके । शीघ्रः समागमो नास्ति रोगार्तो नौव मुच्यते ।।

sthiro vṛṣo hariḥ kumbho vṛścikaḥ sthirakāryake | śīghraḥ samāgamo nāsti rogārto nauva mucyate ||

मिथुनं कन्यका मौनी धनुश च द्विःस्वभावकः । द्विःस्वभावाः शुभाश चैते सर्वकार्येषु नित्यशः ।।

mithunaṃ kanyakā maunī dhanuś ca dviḥsvabhāvakaḥ | dviḥsvabhāvāḥ śubhāś caite sarvakāryeṣu nityaśaḥ ||

यात्रावाणिज्यसङ्ग्रामे विवाहे राजदर्शने । वृद्धिं जयन्तथा लाभं युद्धे जयमवाप्नुयात ।।

yātrāvāṇijyasaṅgrāme vivāhe rājadarśane | vṛddhiṃ jayantathā lābhaṃ yuddhe jayamavāpnuyāt ||

अश्विनी विंशताराश च तुरगस्याकृतिर्यथा । यद्यत्र कुरुते वृष्टिमेकरात्रं प्रवर्षति ।।

aśvinī viṃśatārāś ca turagasyākṛtiryathā | yadyatra kurute vṛṣṭimekarātraṃ pravarṣati ||

//20 ।।

//20 ||